សាធារណរដ្ឋស៊ីប

ប្រធានាធិបតីសាធារណរដ្ឋស៊ីប កាន់កាប់ប្រទេសជិត ៩ ឆ្នាំ មានទ្រព្យមិនដល់ ៣០ ម៉ឺនអឺរ៉ូផង

ឧកញ៉ាសំពៅ — Wed, 13 Oct 2021 08:14:28 +0000

ប្រធានាធិបតីសាធារណរដ្ឋស៊ីប Nicos Anastasiades គឺជាអ្នកនយោបាយដែលបានជាប់ឆ្នោតជាប្រធានាធិបតីនៃស៊ីប តាំងពីឆ្នាំ ២០១៣ មកទល់នឹងពេលបច្ចុប្បន្ន។

លោក Nicos បានបញ្ចប់ថ្នាក់សិក្សាបរិញ្ញាប័ត្រផ្នែកច្បាប់ពីសាកលវិទ្យាល័យ National and Kapodistrian University of Athens និងថ្នាក់អនុបណ្ឌិតផ្នែកច្បាប់ដឹកជញ្ជូននៅសាកលវិទ្យាល័យ university College London។

បុរសវ័យ ៧៥ ឆ្នាំបានជាប់ឈ្មោះនៅក្នុងសមាជជាតិនៃសាធារណរដ្ឋស៊ីបនៅឆ្នាំ ១៩៨១ និងបានក្លាយជាប្រធាននៃគណបក្សរបស់លោកពីឆ្នាំ ១៩៩៧ ដល់ ២០១៣។ នៅខែមីនា ២០១២ Nicos Anastasiades បានក្លាយជាបេក្ខភាពឈរឈ្មោះបោះឆ្នោតរើសប្រធានាធិបតីនៅឆ្នាំ ២០១៣។

ជាលទ្ធផល នៅថ្ងៃទី ១៧ កុម្ភៈ ២០១៣ លោក Nicos បានក្លាយជាប្រធានាធិបតីពេញលេញ និងបានគ្រប់គ្រងប្រទេសក្រោមរបបប្រជាធិបតេយ្យបែបប្រមូលផ្ដុំពីពេលនោះ រហូតដល់ទល់នឹងពេលបច្ចុប្បន្ន ពោលប្រមាណជិត ៩ ឆ្នាំហើយ។

ថ្វីគ្រប់គ្រងប្រទេសអស់រយៈកាលយូរគួរសមមែន តែលោក Nicos ក៏ទទួលបានការរិះគន់ច្រើនផងដែរ ជាពិសេសគឺទាក់ទងនឹងការឆ្លងដែនតែម្ដង។ នៅឆ្នាំ ២០០១ បងប្រុសបង្កើតរបស់លោកត្រូវបានផ្ដន្ទាទោសជាប់ពន្ធាគាររយៈពេល ១៨ ខែ ពីបទក្លែងបន្លំលិខិតឆ្លងដែនសម្រាប់ស្ត្រីរកស៊ីផ្លូវភេទខុសច្បាប់។

នៅឆ្នាំ ២០១៩ គ្រួសាររបស់ប្រធានាធិបតីរូបនេះត្រូវបានចោទប្រកាន់ថា មានការពាក់ព័ន្ធជាមួយកម្មវិធី Golden Visa ដែលអនុញ្ញាតឲ្យជនបរទេសធ្វើការបណ្ដាក់ទុន និងអាចទទួលបានលិខិតឆ្លងដែនទី ២ ខណៈក្រុមបក្សប្រឆាំងអះអាងថា ការធ្វើបែបនេះគឺងាយស្រួលសម្រាប់ការលាងលុយរបស់ជនបរទេស ស្របពេល Jho Low ដែលគេស្គាល់ថាជា ជនបោកប្រាស់នៅម៉ាឡេស៊ីក៏ទទួលបានសញ្ជាតិស៊ីបផងនោះ ទើបធ្វើឲ្យប្រធានាធិបតីរូបនេះកាន់តែស្មុគស្មាញទៅនឹងបញ្ហាខាងលើ។

យ៉ាងណា បើយោងតាមការចុះផ្សាយពី CyprusMail បានឲ្យដឹងថា ទំហំទ្រព្យសម្បត្តិរបស់បុរសវ័យ ៧៥ ឆ្នាំ គឺមានមិនដល់ ៣០ ម៉ឺនអឺរ៉ូផង ពោលត្រឹម ២៦៦ ០០០ អឺរ៉ូប៉ុណ្ណោះ ខណៈចំនួននេះគឺច្រើនជាងកាលឆ្នាំ ២០១៨ ត្រឹមជាង ៥ ម៉ឺនអឺរ៉ូទេ។

ប្រធានាធិបតីរូបនេះបានអះអាងថា អចលនវត្ថុនៅក្នុងការគ្រប់គ្រងរបស់លោកគឺមានដូចជា ដីប៉ុន្មានកន្លែង និងអគារ ២ ខ្នងដែលបានទិញនៅទសវត្សឆ្នាំ ១៩៨០ ដែលចាយ ៦៦ ០០០ អឺរ៉ូ ជាមួយឡានតម្លៃ ៨៥ ០០០ អឺរ៉ូ។

ការទិញអគារ ២ ខ្នងនោះទៀតគឺ កម្ចីពីធនាគារទេ តែលោកបានសងបំណុលធនាគាររួចអស់ហើយ ដោយបច្ចុប្បន្នប្រាក់តម្កល់នៅធនាគាររបស់លោកនាពេលនេះគឺមានប្រមាណ ១១៥ ០០០ អឺរ៉ូ៕

ប្រភព: cyprus-mail

The post ប្រធានាធិបតីសាធារណរដ្ឋស៊ីប កាន់កាប់ប្រទេសជិត ៩ ឆ្នាំ មានទ្រព្យមិនដល់ ៣០ ម៉ឺនអឺរ៉ូផង appeared first on .

ថ្វីបើជាកោះតូចមានទំហំប្រមាណ ៩ ២៥១ គីឡូម៉ែត្រការ៉េពិតមែន តែស៊ីបជាប្រទេសទាក់ទាញវិនិយោគិនច្រើនពីសហភាពអឺរ៉ុប

ឧកញ៉ាសាមញ្ញ — Mon, 11 Oct 2021 02:32:12 +0000

ស៊ីប គឺជាប្រទេសស្ថិតនៅក្នុងដែនកោះមួយ នៅសមុទ្រមេឌីទែរ៉ាណេខាងកើត ដែលមានឈ្មោះជាផ្លូវការថា សាធារណរដ្ឋស៊ីប ដែលមានប្រជាជនច្រើនជាងគេ និងធំជាងគេទីបី នៅមេឌីទែរ៉ាណេ ដោយមានទីតាំងស្ថិតនៅភាគត្បូងប្រទេសទួរគី ភាគខាងលិចប្រទេសស៊ីរី ខណៈខាងជើងជាប់ប្រទេសអេហ្ស៊ីប និងភាគអាគ្នេយ៍ប្រទេសក្រិក ។

ក្រឡេកទៅមើលឃើញសេដ្ឋកិច្ចវិញ ស៊ីបត្រូវបានចាត់ទុកថាជាប្រទេសដែលមានប្រាក់ចំណូលខ្ពស់បំផុតមួយ ដែលចាត់ថ្នាក់ដោយធនាគារពិភពលោក នឹងត្រូវបានដាក់បញ្ជូលទៅក្នុងបញ្ជីប្រទេសដែលមានសេដ្ឋកិច្ចជឿនលឿនខ្លាំងបំផុត នៅក្នុងឆ្នាំ ២០០១ ដោយមូលនិធិរូបិយវត្ថុអន្តរជាតិថែមទៀតផង ។ ប្រទេសដីកោះមួយនេះ ត្រូវបានអនុម័តឲ្យប្រើប្រាស់ប្រាក់អឺរ៉ូ ជារូបិយប័ណ្ណផ្លូវការរបស់ខ្លួន នៅថ្ងៃទី ១ ខែមករា ឆ្នាំ ២០០៨ ដែលជំនួសដោយប្រាក់ ស៊ីបផោន (Cypriot pund )។

ថ្វីបើជាកោះតូចមានទំហំប្រមាណ ៩ ២៥១ គីឡូម៉ែត្រការ៉េពិតមែន តែស៊ីបជាប្រទេសដែលទាក់ទាញវិនិយោគិនជាច្រើនឲ្យចូលទៅវិនិយោគនៅក្នុងប្រទេសរបស់ខ្លួន។ ស៊ីបកំពុងសហការយ៉ាងសកម្មជាមួយបណ្តាប្រទេសជាច្រើន ពិសេសជាមួយសហភាពអឺរ៉ុប ខណ:ការនាំចេញទៅក្រៅប្រទេសរបស់ខ្លួន មានប្រមាណ ២,៨០៥ ពាន់លានដុល្លារ ដោយទំនិញនាំចេញមានដូចជា ផ្លែក្រូច ដំឡូងបារាំង ស៊ីម៉ងត៍ សម្លៀកបំពាក់ និងឱសថ ទៅកាន់ប្រទេសដៃគូសំខាន់ដូចជា លីប៊ី ៩,៤% ក្រិក ៧,៧% ន័រវែស ៦.៧% ចក្រភពអង់គ្លេស ៥.៣% និង អាល្លឺម៉ង់ ៤,១% គិតត្រឹមឆ្នាំ ២០១៧ ។

ក្នុងពេលជាមួយគ្នានោះ ការនាំចូលមកកាន់ប្រទេសស៊ីប មានទំហំប្រមាណ ៧,៩៣៥ ពាន់លានដុល្លារ ខណ:ទំនិញនាំចូលមានដូចជា សម្ភារ:ប្រើប្រាស់ ប្រេងឆៅ និងប្រេងរំអិល គ្រឿងម៉ាស៊ីន ឧបករណ៍ដឹងជញ្ជូនជាដើម ដោយដៃគូនាំចូលសំខាន់មានដូចជា ក្រិក ១៩% អ៊ីតាលី ៧.៥% ចិន ៧,៤% កូរ៉េខាងត្បូង ៧.៣% អាល្លឺម៉ង់ ៧% ហូឡង់ ៥,១% ចក្រភពអង់គ្លេស ៥% និង អ៊ីស្រាអែល ៤,១% ។

សរុបមកការវាស់វែងដ៏ធំបំផុតនៃសេដ្ឋកិច្ច និងផលិតផលក្នុងស្រុកសរុប GDP បានកើនឡើង ១,៦ ភាគរយ ក្នុងរយៈពេលបីខែដំបូងនៃឆ្នាំ ២០២១ បើប្រៀបធៀបទៅនឹងត្រីមាសចុងឆ្នាំមុនមាន ១,១ ភាគរយ ខណៈ អត្រាកំណើនត្រីមាសទី ១ មានចំនួន ៦,៤ ភាគរយ។

People queue up to make a transaction at an ATM outside a branch of Bank of Cyprus in Nicosia March 21, 2013. Cypriot politicians searched desperately on Thursday for a “Plan B” to find billions of euros to clinch a European Union bailout and avert a financial meltdown after parliament rejected a bank deposit levy. REUTERS/Yorgos Karahalis (CYPRUS – Tags: POLITICS BUSINESS)

ដោយឡែកមូលហេតុសំខាន់បំផុតដែលធ្វើឲ្យស៊ីបក្លាយជាគោលដៅសម្រាប់វិនិយោគិន គឺ ងាយស្រួលដល់ការស្នើសុំលិខិតឆ្លងដែនទី ២ ជាពិសេសសម្រាប់បុគ្គលដែលមានគោលបំណងមកបណ្ដាក់ទុននៅក្នុងប្រទេស។ រីឯការស្នើសុំលិខិតឆ្លងដែនទៀតសោត គឺចាយពេលខ្លីប៉ុណ្ណោះ ពោលត្រឹម ៦ ខែ ខណៈប្រជាជនដែលកាន់លិខិតឆ្លងដែនស៊ីបគឺអាចធ្វើដំណើរដោយមិនចាំបាច់ត្រូវការទិដ្ឋាការដល់ទៅ ១៧១ ប្រទេស។

បន្ថែមពីនេះ វិស័យទេសចរណ៍ ក៏ជាផ្នែកដ៏សំខាន់មួយ នៃសេដ្ឋកិច្ចប្រទេសមួយនេះផងដែរ ដោយភ្ញៀវទេសចរជាង ២ លាននាក់ មកចូលមកលេងកម្សាន្ត ដែលធ្វើឲ្យស៊ីប ក្លាយជាគោលដៅទេសចរណ៍ដ៏ពេញនិយមបំផុតទី ៤០ នៅលើពិភពលោក ។

គួរបញ្ជាក់ផងដែរថា ប្រទេសស៊ីប មានចំនួនប្រជាជនសរុបប្រមាណជិត ៩ម៉ឺននាក់ ដោយលផលិតផលក្នុងស្រុកសរុប (GDP) មានចំនួនប្រមាណ ២៣,៩៦៧ ពាន់លានដុល្លារ ស្ថិតនៅចំណាត់ថ្នាក់លេខ ១០៥ ទូទាំងពិភពលោក គិតត្រឹមឆ្នាំ ២០២០ ៕

ប្រភព: Wiki

The post ថ្វីបើជាកោះតូចមានទំហំប្រមាណ ៩ ២៥១ គីឡូម៉ែត្រការ៉េពិតមែន តែស៊ីបជាប្រទេសទាក់ទាញវិនិយោគិនច្រើនពីសហភាពអឺរ៉ុប appeared first on .

ស៊ីបប្រទេសកោះតូចមួយនៅអឺរ៉ុប មានលក្ខខណ្ឌល្អពីរប្រទេសផ្សេងពិបាកធ្វើបាន ទើបអ្នកមានៗហ៊ានចាយលុយរាប់លានដុល្លារទៅវិនិយោគ

ឧកញ៉ាសំពៅ — Sat, 09 Oct 2021 03:23:06 +0000

កោះស៊ីប ដែលមានឈ្មោះជាផ្លូវការថា សាធារណរដ្ឋស៊ីបគឺមានទីតាំងលើមហាសមុទ្រមេឌីទែរ៉ាណេខាងកើត និងជាកោះធំទី ៣ និងមានប្រជាជនច្រើនបំផុតទី ៣ នៃតំបន់មួយនេះ។

ថ្វីបើជាកោះតូចមានទំហំប្រមាណ ៩ ២៥១ គីឡូម៉ែត្រការ៉េពិតមែន តែស៊ីបជាប្រទេសដែលទាក់ទាញវិនិយោគិនជាច្រើនឲ្យចូលទៅវិនិយោគនៅក្នុងប្រទេសរបស់ខ្លួន។ ជាក់ស្ដែងកាលពីឆ្នាំ ២០០១ ស៊ីបត្រូវបានធនាគារពិភពលោកចាត់ទុកជាប្រទេសមានកំណើនសេដ្ឋកិច្ចខ្ពស់បំផុតមួយលើលោក។

កត្តាលក្ខខណ្ឌអំំណោយផលពីរចំណុចទើបកោះដ៏ស្រស់ស្អាតនេះ ទាក់ទាញអ្នកមានៗចង់ទៅវិនិយោគ គឺការប្រើប្រាស់រូបិយប័ណ្ណលុយអឺរ៉ូ រួមទាំងងាយស្រួលក្នុងការស្នើសុំលិខិតឆ្លងដែន។

បច្ចុប្បន្ន រូបិយប័ណ្ណដែលកំពុងចរាចរនៅក្នុងប្រទេសគឺ លុយអឺរ៉ូដែលអាចចាយបានទូទាំងតំបន់អឺរ៉ុប ហើយនេះគឺជាកត្តាមួយនាំឲ្យវិនិយោគិនជាច្រើនពេញចិត្តនឹងបណ្ដាក់ទុននៅក្នុងប្រទេស។

ក្រៅពីកត្តារូបិយប័ណ្ណ ក៏មានកត្តាច្រើនផ្សេងទៀតដូចជា កត្តាអាកាសធាតុល្អ ទីជនបទស្រស់ស្អាត ជាមួយទស្សនីយភាពសមុទ្រស្រស់បំព្រង រដ្ឋាភិបាលស្ថិរភាព ដំណើរសេដ្ឋកិច្ចល្អ ជាមួយទីផ្សារធំទូលាយ។

រីឯការស្នើសុំលិខិតឆ្លងដែនទៀតសោត គឺចាយពេលខ្លីប៉ុណ្ណោះ ពោលត្រឹម ៦ ខែ ខណៈប្រជាជនដែលកាន់លិខិតឆ្លងដែនស៊ីបគឺអាចធ្វើដំណើរដោយមិនចាំបាច់ត្រូវការទិដ្ឋាការដល់ទៅ ១៧១ ប្រទេស។

ដើម្បីអាចទទួលបានលិខិតឆ្លងដែនស៊ីប បុគ្គលម្នាក់ត្រូវចំណាយតិចបំផុត ២,១៥ លានអឺរ៉ូ ទៅលើការវិនិយោគក្នុងប្រទេស ហើយមធ្យោបាយពេញនិយមបំផុតគឺវិនិយោគ ២ លានអឺរ៉ូទៅលើវិស័យអចលនទ្រព្យក្នុងរយៈពេល ៥ ឆ្នាំ ខណៈ ១៥ ម៉ឺនអឺរ៉ូផ្សេងទៀតឧបត្ថម្ភទៅកាន់រដ្ឋាភិបាលក្នុងការស្រាវជ្រាវអ្វីមួយ។

ជាក់ស្ដែងចំនួនវិនិយោគិននៅក្នុងប្រទេសស៊ីបក្នុងមួយឆ្នាំៗ គឺមានចំនួនដល់ទៅ ៧០០ នាក់ ស្របពេលចំណុចពិសេសមួយទៀតនោះ គឺបុគ្គលអាយុក្រោម ២៨ ឆ្នាំអាចមានសិទ្ធិស្នើសុំសញ្ជាតិ ហើយសូម្បីតែបុគ្គលចំណាស់អាយុច្រើនជាង ៦៥ ឆ្នាំក៏អាចស្នើសុំសញ្ជាតិនេះបានដូចគ្នា៕

ប្រភព: Forbes

The post ស៊ីបប្រទេសកោះតូចមួយនៅអឺរ៉ុប មានលក្ខខណ្ឌល្អពីរប្រទេសផ្សេងពិបាកធ្វើបាន ទើបអ្នកមានៗហ៊ានចាយលុយរាប់លានដុល្លារទៅវិនិយោគ appeared first on .

សាធារណរដ្ឋស៊ីប

​ប្រធានាធិបតី​សាធារណរដ្ឋ​ស៊ីប កាន់កាប់​ប្រទេស​ជិត ៩ ឆ្នាំ​ មាន​ទ្រព្យ​មិន​ដល់​ ៣០ ម៉ឺន​អឺរ៉ូ​ផង

ប្រធានាធិបតីសាធារណរដ្ឋស៊ីប កាន់កាប់ប្រទេសជិត ៩ ឆ្នាំ មានទ្រព្យមិនដល់ ៣០ ម៉ឺនអឺរ៉ូផង