លើកឡើងនាឱកាសនោះ លោកជុំ កុសល រដ្ឋលេខាធិការក្រសួងព័ត៌មាន បានលើកឡើងដែរថា “យុទ្ធនាការខ្មែរត្រូវតែខ្លាំង គឺជាយុទ្ធនាការជាតិមួយ ដែលបានធ្វើឡើង គឺពិតជាល្អ ត្រូវបរិបទសង្គម និងស្ថានភាពសង្គមនាពេលបច្ចុប្បន្ន”។​ លោកបន្ថែមថា សិក្ខាសាលានេះ មានគោលបំណងសំខាន់ គឺចង់ឲ្យអ្នកសារព័ត៌មានទាំងអាជីព និងអ្នកមានឥទ្ធិពលលើបណ្តាញសង្គមទាំងអស់ ត្រូវបង្កើតស្តង់ដារមួយ ដែលមាន “DNA” របស់ខ្មែរ ក្នុងការផ្ទៀងផ្ទាត់ការពិតក៏ដូចជាការកំណត់នូវ “សូចនាករលទ្ធផលគោលដៅ” កួបផ្សំនឹងនីតិវិធីប្រព្រឹត្តស្តង់ដារ ដើម្បីឲ្យការបញ្ចេញមតិប្រព្រឹត្តទៅក្នុងក្របខណ្ឌនៃសីលធម៌ ធានាបាននូវការថែរក្សាអត្តសញ្ញាណជាតិ និងមិនរំលោភសិទ្ធិអ្នកដទៃ។

លោកបញ្ជាក់ថា បន្ទាប់ពីការឈ្លានពានរបស់ថៃមកលើកម្ពុជា២លើក នៅឆ្នាំ២០២៥ កម្ពុជាត្រូវការការរួបរួមបន្ថែមទៀត ដើម្បីពង្រឹងភាពខ្លាំងរបស់យើង ហើយដើម្បីសម្រេចបានភាពខ្លាំង យើងត្រូវមានស្តង់ដា​ការងារ និងអាជីវកម្មច្បាស់លាស់ តាមរយៈការពង្រឹងសមត្ថភាពរបស់ស្ថាប័ន និងសហគ្រិននានា ដើម្បីសម្រេចគោលដៅរបស់ជាតិ ប្រែក្លាយកម្ពុជា ជាប្រទេសមានប្រាក់ចំណូលមធ្យម កម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលខ្ពស់នៅឆ្នាំ២០៥០។

សូមជម្រាបជូនថា យុទ្ធនាការនេះ បានរៀបចំឡើងចំនួន៧លើកហើយ រួមទាំងលើកនេះទៀត ដែលនៅលើកទី៧នេះ មានអ្នកចូលរួមជាក់ស្តែងប្រមាណ៥០០នាក់៕

The post សមាគម និងវិទ្យាស្ថានចំនួន២ រួមគ្នាបន្ដយុទ្ធនាការ “ខ្មែរត្រូវតែខ្លាំង”ក្នុងវិស័យសារព័ត៌មាននៅកម្ពុជា appeared first on .