សាលា ប៊ែលធី អន្តរជាតិ បានផ្ញើសារអបអរសាទរបែបនេះថា តាងនាមឱ្យថ្នាក់ដឹកនាំ គណៈគ្រប់គ្រង បុគ្គលិក សាស្ត្រាចារ្យ និងលោកគ្រូ-អ្នកគ្រូនៃប៊ែលធី គ្រុប យើងខ្ញុំសូមកោតសរសើរ ដោយស្មោះចំពោះការខិតខំប្រឹងប្រែងសិក្សារៀនសូត្ររបស់ប្អូនៗទាំងអស់ ដែលបានចំណាយពេលវេលាសិក្សា រយៈពេល ១២ឆ្នាំ រហូតទទួលបានជោគជ័យប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) នាពេលនេះ ហើយក៏សូមជូនពរប្អូនៗទាំងអស់ឱ្យទទួលបានជោគជ័យក្នុងជីវិត និងបន្តការខិតខំសិក្សារៀនសូត្របន្ថែមទៀតនៅថ្នាក់ឧត្តមសិក្សា ដែលជាភូមិសិក្សាថ្មីសម្រាប់ប្អូនៗទាំងអស់ ទៅតាមមុខជំនាញ តាមមហាវិទ្យាល័យនីមួយៗ ដែលខ្លួនស្រឡាញ់ពេញចិត្ត ដើម្បីសម្រេចក្តីស្រមៃ និងគោលបំណងរបស់ប្អូនៗម្នាក់ៗ ដើម្បីក្លាយខ្លួនជាធនធានមនុស្សប្រកបដោយសមត្ថភាព សីលធម៌ គុណធម៌ខ្ពស់ និងជាទំពាំងស្នង ឫស្សីសម្រាប់បន្តវេន ព្រមទាំងចូលរួមអភិវឌ្ឍប្រទេសជាតិ ឱ្យបានកាន់តែរីកចម្រើនជឿនលឿនបន្ថែមទៀតនាពេលអនាគត។

សូមជម្រាបថា យោងតាមការប្រកាសរបស់ក្រសួងអប់រំ យុវជន និងកីឡា នៅថ្ងៃទី២០ ខែកញ្ញា ឆ្នាំ២០២៥ បានបង្ហាញថា លទ្ធផលនៃការប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៥ តាមនិទ្ទេសនីមួយៗ មានដូចជា៖ សិស្សទទួលបាននិទ្ទេស A ចំនួន ៣,០០៣ នាក់, និទ្ទេស B ចំនួន ៩,៩០១ នាក់, និទ្ទេស C ចំនួន ២៨,៨០១ នាក់, និទ្ទេស D ចំនួន ៤៥,៨៥៩ នាក់ និងនិទ្ទេស E ចំនួន ៣៤,៩០៩ នាក់៕

The post សិស្សសាលា ប៊ែលធី អន្តរជាតិ របស់ឧកញ៉ា លី ឆេង ចំនួន ២៦៧៩រូប ប្រឡងជាប់បាក់ឌុប ស្មើនឹងជាង ៩៧% នៃសិស្សសរុប appeared first on .

ជាក់ស្តែង នៅមុននេះបន្តិច សិស្សានុសិស្សនៅសាលា ប៊ែលធី អន្តរជាតិ ជាច្រើនអ្នក ក៏បានជ្រើសរើស យក បទ «ស្រលាញ់អ្វីដែលខ្មែរមាន» ដែលជាស្នាដៃប្រវត្តិសាស្ត្ររបស់ផលិតកម្ម Galaxy Navatra ទៅហាត់រាំជុំគ្នា ដើម្បីត្រៀមសម្រាប់ឱកាសបុណ្យចូលឆ្នាំថ្មីខាងមុខ។

តាមរយៈវីដេអូរបស់សិស្សសាលានេះ ក៏ទទួលបានការកោតសសើរពីអ្នកប្រើប្រាស់បណ្តាញសង្គមហ្វេសប៊ុកជាច្រើន ពីសមត្ថភាពរាំរបស់ពួកគេ ថាមានភាពស្រស់ស្អាត និងរស់រវើកផងដែរ។

សកម្មភាពជ្រើសរើសយក បទ «ស្រលាញ់អ្វីដែលខ្មែរមាន» ពីសំណាក់សិស្សានុសិស្ស ទៅសមត្រៀមចូលឆ្នាំថ្មី មិនមែនមានតែសាលាអន្តរជាតិ ប៊ែលធី អន្តរជាតិ នេះមួយប៉ុណ្ណោះទេ ពោលគឺគេសង្កេតឃើញថា មានសិស្សសាលាផ្សេងទៀត ដែលបានពេញចិត្តជ្រើសរើសយកបទចម្រៀងដ៏ផ្ទុះកក្រើកមួយបទនេះ ទៅរាំជាក្រុមនៅតាមសាលារៀនរបស់ពួកគេ។

ក្រៅពីសិស្សានុសិស្សយកចម្រៀងមួយបទនេះ ទៅហាត់ត្រៀមរាំចូលឆ្នាំហើយនោះ បទនេះ គេក៏សង្កេតឃើញមានបណ្តារអ្នកសិល្បៈជាច្រើនទៀតរាំតាមចង្វាក់បទនេះផងដែរ។ មិនតែប៉ុណ្ណោះ បទនេះ ក៏ត្រូវបានស្រ្តីជនជាតិថៃម្នាក់ យកទៅ Reaction និងសរសើរមិនដាច់ពីមាត់ ទាំងប្លង់ថត និងការបញ្ចូលជាមួយវប្បធម៌ ប្រពៃណី ក្បាច់គុណល្បុក្កតោ ក៏ដូចជាប្រាសាទនានា ដែលបង្ហាញពីអរិយ្យធម៌ដ៏មានតម្លៃរបស់ខ្មែរថែមទៀត ។

សូមរម្លឹកដែរថា នាប៉ុន្មានថ្ងៃចុងក្រោយនេះ បន្ទាប់ពីផលិតកម្ម Galaxy Navatra បានបញ្ចេញ trailer បទ«ស្រលាញ់អ្វីដែលខ្មែរមាន» រួចមក ឃើញថាបទចម្រៀងមួយបទនេះ គឺបានធ្វើឱ្យអ្នកទស្សនាព្រឺសម្បុរ ហើយពិតជាមានមោទកភាព ដែលកើតមកជាជនជាតិខ្មែរ ម្យ៉ាងវិញទៀតសមិទ្ធផលដ៏កម្រនេះ គឺជាសមិទ្ធផលរបស់យើងទាំងអស់គ្នា ដែលសិល្បៈរស់ក្រោមម្លប់នៃសន្តិភាព និងការអភិវឌ្ឍន៍ ។
បើតាមការឱ្យដឹងពីផលិតកម្ម Galaxy Navatra ធ្លាប់បានឱ្យដឹងថា បទនេះ ផលិតឡើងក្នុងគោល បំណង អមព្រឹត្តិការណ៍កីឡាអាស៊ីអាគ្នេយ៍ ដែលកម្ពុជាជាម្ចាស់ផ្ទះបទ «ស្រឡាញ់អ្វីដែលខ្មែរមាន» ជាស្នាដៃប្រវត្តិសាស្ត្ររបស់ផលិតកម្ម Galaxy Navatra ដែលមានកំពូលតារាចម្រៀង ៤ ដួង ច្រៀងរួមគ្នា គឺកំពូល​ តារាចម្រៀង ឧកញ៉ា ព្រាប សុវត្ថិ កំពូលតារាចម្រៀង ឧកញ៉ា ខេមរៈ សិរីមន្ត កំពូលតារាចម្រៀង លោក ខេម និងកំពូលតារាចម្រៀងស្រី កញ្ញា តន់ ចន្ទសីម៉ា ៕ អត្ថបទ៖ ពិសី

The post បទ «ស្រលាញ់អ្វីដែលខ្មែរមាន» ត្រូវបានសិស្សសាលា ​ប៊ែលធី អន្តរជាតិ​ យកទៅហាត់រាំត្រៀមសម្រាប់ថ្ងៃចូលឆ្នាំថ្មី appeared first on .