តើយើងត្រូវព្រួយបារម្ភអំពីការហូរឈាមច្រមុះដែរទេ?
ការហូរ​ឈាមច្រមុះធម្មតាមិនបង្កឱ្យមានបញ្ហាធ្ងន់ធ្ងរគួរឱ្យព្រួយបារម្ភ​ឡើយ ហើយយើងអាចបញ្ឈប់វាកុំឱ្យហូរដោយវិធីងាយៗប្រកប​ដោយប្រសិទ្ធភាពបំផុត។ ពោល នៅពេលហូរ​ឈាម​ច្រមុះយើងមិនត្រូវ​ងើយក្បាលទៅក្រោយដូចការណែនាំរបស់ចាស់ជំនាន់មុនទេ ព្រោះ​​វិធីនេះពុំអាចបញ្ឈប់ឈាមមិនឱ្យឈប់ហូរបានឡើយ។ បើយើងធ្វើបែបនេះ ក្នុងករណីហូរឈាមច្រើនអាចនឹងហូរចូលទៅតាមផ្លូវដង្ហើម​ឬផ្លូវអាហារ ដែលបង្កទៅជាផលអាក្រក់បំផុត ប្រសិនបើ​ឈាម​នោះហូរចូលទៅក្នុងសួតមិនមែនចូលទៅក្នុងក្រពះ។ អ្វីដែល​យើងត្រូវធ្វើបន្ទាប់គឺ ត្រូវរក្សាភាពស្ងប់ស្ងាត់ ដើម្បីបញ្ចុះសម្ពាធ​ឈាម​ឬចៀសវាងកុំឱ្យមានសម្ពាធឈាមឡើង ព្រោះបើសម្ពាធឈាមឡើងគួរតែបញ្ចុះឈាមសិន ទើបបញ្ឈប់ការហូរឈាមនោះ។ បន្ទាប់​មក​ទៀត យើងត្រូវរក្សាជំហរ ឱនក្បាលទៅមុខបន្តិច ហើយ​ញើស​​សម្បោរបញ្ចេញកំណកដុំឈាមតូចៗឱ្យឆាប់បំផុត។ ភ្លាមនោះដែរយើងត្រូវច្របាច់ច្រមុះភ្ជិតរន្ធទាំងពីរឱ្យបានយ៉ាងតិច១០​ទៅ១៥​នាទី ដើម្បីបំបិទរន្ធសរសៃឈាម ពេលនោះឈាមនឹងឈប់ហូរហើយ។

ដោយឡែក ប្រសិនបើច្រមុះយើងហូរឈាមច្រើនឬហូរមិនឈប់ យើងគួរតែព្រួយបារម្ភ និងប្រញាប់ទៅព្យាបាលនៅមន្ទីពេទ្យ។ ព្រោះបើយើង​ដំអក់ទុកយូរមិនប្រញាប់ទៅព្យា​បាល​​ទេ គឺនឹងធ្វើឱ្យយើងបាត់​បង់ឈាមច្រើន។ ការហូរឈាមច្រមុះច្រើន ភាគច្រើនកើត​លើ​អ្នករលាកច្រមុះឬអាឡែកហ្ស៊ីច្រមុះរ៉ាំរ៉ៃ អ្នកទទួលទានថ្នាំពង្រាវឈាមជាប្រចាំ (ថ្នាំអាស្ពីរីន ឬ Aspirin) អ្នកហិតកូកាអ៊ីន (Cocaine) អ្នកកើត​ផ្ដាសាយរ៉ាំរ៉ៃ និង ២០% នៃ​ស្រ្តី​មានផ្ទៃពោះ ដែលភាគច្រើនងាយនឹងហូរឈាមច្រមុះណាស់។ ចំពោះអ្នកពុំធ្លាប់មានប្រវត្តិជំងឺដូចដែល​បានរៀបរាប់នេះ តែហូរឈាមច្រមុះជោកជាំ ឬហូរច្រើនម្ដងហើយម្ដងទៀត វាជាសញ្ញាដែលគួរតែប្រុងប្រយ័ត្នដែរ ព្រោះសញ្ញានេះបញ្ជាក់ថាមានជំងឺនៅក្នុងច្រមុះ​ ពោលគឺអាចកើតមានដុំពកដុះនៅត្រង់ច្រមុះ ឬមហារីកច្រមុះ។ មួយវិញទៀត ប្រសិន​បើមានការ​ប៉ះទង្គិចនៅក្បាល គ្មានប៉ះពាល់ត្រូវផ្នែកច្រមុះសោះ តែបែរជាបន្តិចក្រោយ​មកមានឈាមហូរចេញតាមរន្ធច្រមុះ ឬជាវត្ថុរាវជាសភាពថ្លាៗ​ជាងឈាមធម្មតា យើងត្រូវតែរួសរាន់បញ្ជូនអ្នកជំងឺទៅមន្ទីរពេទ្យជាបន្ទាន់ ព្រោះវាជាគ្រោះថ្នាក់ក្បាលដ៏ធ្ងន់ធ្ងរ។

ខ្ញុំសូមរម្លឹកឡើងវិញថា ប្រសិនបើមានអាការៈហូរឈាមច្រមុះ យើងត្រូវពិនិត្យមើលឱ្យបានច្បាស់លាស់ថា តើវាបណ្ដាលមកពីអ្វី? បើហូរ​ឈាមដោយសារយើងយកកូនដៃទៅកេះច្រមុះ ឬ​មានអ្វីប៉ះទង្គិចជា​មួយនឹងច្រមុះ គឺពុំចាំបាច់ព្រួយបារម្ភឬបញ្ជូនអ្នកជំងឺទៅព្យាបាលនៅ​មន្ទីរពេទ្យនោះទេ។ ប៉ុន្តែ បើអ្នកជំងឺហូរឈាមច្រមុះច្រើនអត់បាត់ ឬហូរដោយសារមាន​ការប៉ះទង្គិចក្បាលដោយគ្មានការប៉ះទង្គិចច្រមុះ ឬក៏បង្កឡើងដោយដុំពកដុះនៅត្រង់ច្រមុះ ឬមហារីកច្រមុះ យើងត្រូវប្រញាប់បញ្ជូនអ្នកជំងឺទៅព្យាបាលនៅមន្ទីរពេទ្យឯកទេសជាបន្ទាន់៕
សម្រង់ប្រសាសន៍ឧកញ៉ា វេជ្ជបណ្ឌិត គួច ម៉េងលី ដោយក្រុមការងារ MJQUP
ប្រភព៖ MJQ University Press

The post លោក​​អ្នក​​ឧស្សាហ៍​​ហូរឈាម​ច្រមុះ​ ​គូរ​​អាន​​អត្ថបទ​មួយ​​​នេះ appeared first on .

ទី១ ថ្នាំអាស្ពីរីន៖ មានមុខងារជួយកាត់បន្ថយការឈឺចុកចាប់ និងអាការៈណែនដើមទ្រូង​។ ​ថ្នាំនេះ ក្រោយពេលលេបហើយមានប្រសិទ្ធភាព​ភ្លាមៗ ប៉ុន្តែវានឹងធ្វើឱ្យប៉ះពាល់ដល់ក្រពះ ប្រសិនបើយើងប្រើប្រាស់មិនបានត្រឹមត្រូវ។ នៅស្រុកគេ គេញ៉ាំថ្នាំអាស្ពីរីននេះជាប្រចាំ ព្រោះវាជួយឱ្យឈាមរាវ កាត់បន្ថយការកកស្ទះសរសៃឈាម ឬគាំងបេះដូងជាដើម។

ទី២ ថ្នាំក្រហម៖ គឺមានមុខងារយ៉ាងមានប្រសិទ្ធភាពបំផុតនៅពេលយើងមានរបួសស្នាម​ឬ​ដំបៅ ដោយយើងគ្រាន់តែយកវាមកលាបលើមុខរបួសឬដំបៅនោះ បន្ទាប់មកយក​បង់​រុំ​របួស​មករុំពីលើជាការស្រេច។

ទី៣ ថ្នាំ B-Complex៖ ជាប្រភេទថ្នាំម្យ៉ាងដែលសម្បូរទៅដោយវីតាមីន រួមមានវីតាមីន B, B1, B2, B6 និង B12 ដែលអាចជួយដល់សរសៃខួរក្បាលរបស់យើងធ្វើឱ្យយើងមិនសូវហត់ ធ្វើអ្វីក៏មិនសូវអស់កម្លាំង មិនសូវគិតច្រើន ខួរក្បាលត្រជាក់ គេងលក់ស្រួល និងធ្​វើឱ្យ​ឈាម​យើងដើរស្រួល ម្យ៉ាងក៏ធ្វើឱ្យក្មេងរៀនពូកែ និងឆ្លាតវាងវៃផងដែរ។

ទី៤ ថ្នាំជាតិដែក៖ វាជាប្រភេទថ្នាំដែលមានមុខងារច្រើនយ៉ាង ហើយមិនត្រឹម​តែស្រ្តី​ទេដែលអាច​លេប​បាន សូម្បីបុរសក៏អាចលេបថ្នាំនេះបានដែរ ដ្បិតអីវាជួយឱ្យយើងមានសុខភាពល្អ។ ថ្នាំនេះ បើ​យើង​លេប​​ក្នុងមួយថ្ងៃពីរបីគ្រាប់នៅពេលបាយរួច នោះវានឹងធ្វើឱ្យយើងមានសុខភាពល្អ លែង​ងងឹត​មុខ លែងវិល លែងចុកខ្នង លែងចុកចង្កេះ ហើយបើចំពោះបុរសគាត់ធ្វើការមានកម្លាំងជាងមុន លែង​រសេះរសោះ​ដៃជើង គេងលក់ស្រួល ខួរក្បាលស្រឡះល្អ ចំណែកស្រីៗមកថ្ងៃខែ (មករដូវ) ក៏​ទៀង​ទាត់​ រីឯក្មេងៗក៏រៀនចេះជាងមុនដែរ។

ទី៥. វ៉ាសេលីន (Vaseline)៖ ជាថ្នាំផ្សះត្រូវគ្រប់រោគលើស្បែក ដែលគួរមាននៅក្នុងផ្ទះជាប្រចាំ។ និយាយទៅ វ៉ាសេលីន អាចជួយដោះស្រាយបញ្ហាបានច្រើន ជាពិសេសមានប្រសិទ្ធ​ភាព​​ចំពោះ​ស្នាមប្រេះ​នឹង​កែង​ជើង និងអ្នកមានស្បែកស្ងួតបែកស្រកា។ ការលាបវ៉ាសេ​លីន​ធ្វើ​ឱ្យ​ស្បែក​លោក​អ្នក​មាន​ភាពទន់ល្មឿយក្នុងរយៈពេលដ៏ខ្លី និងមានសំណើមល្អ។

ទី៦. ថ្នាំ Neosporin ឬ Bactrim៖ ជាប្រភេទថ្នាំផ្សះលាបលើដំបៅ ដែលបណ្ដាលមកពីការមុត ដូចជាមុតដៃមុតជើងនឹងកាំបិតជា​ដើម។

ទី៧. ថ្នាំ Hydrocortisone៖ ប្រើសម្រាប់ព្យាបាលស្បែករោលរមាស់ ស្បែក​ឡើងកន្ទាល​ត្រ​អាក​។

ទី៨. ថ្នាំ Paracetamol ឬ Tylenol៖ ជាថ្នាំបំបាត់ការឈឺចាប់ ឈឺក្បាល និងបន្ថយកម្ដៅពេលក្ដៅខ្លួន។

ទី៩. ថ្នាំ Benadryl ឬ Zyrtec៖ ជាប្រភេទថ្នាំលេបបំបាត់អាឡែកហ្ស៊ី រមាស់ ផ្ដាសាយធម្មតា។

ទី១០. ទឹកអាល់កុល៖ ប្រើសម្រាប់លាងរបួសសម្លាប់មេរោគ។

សូមជម្រាបថា ក្រៅពីថ្នាំទាំងនេះ អ្វីដែលត្រូវមាននៅក្នុងផ្ទះចាំបាច់នោះ គឺបង់បិទដំបៅ បង់រុំរបួស សំឡីពេទ្យ និងសម្ភារៈពេទ្យមួយចំនួនទៀត ដូចជាកន្ត្រៃពេទ្យសម្រាប់កាត់​បង់​រុំ​របួសជាដើម។

ប៉ុន្តែទោះជាយ៉ាងណាក៏ដោយ មុននឹងពិសាថ្នាំប្រភេទណាមួយ ខ្ញុំសូមផ្ដល់ជាយោបល់ថា អ្នក​ចាំ​បាច់ត្រូវទៅពិគ្រោះយោបល់ជាមួយគ្រូពេទ្យជំនាញជាមុនសិន៕

ខ្លឹមសារ​ទាំង​ស្រុង​ដោយ លោក​ឧកញ៉ា វេជ្ជបណ្ឌិត គួច ម៉េងលី

The post ឧកញ៉ា វេជ្ជបណ្ឌិត គួច ម៉េងលី ណែនាំ ថ្នាំនិងបរិក្ខារពេទ្យដែលគួរត្រៀមទុកនៅក្នុងផ្ទះជាប្រចាំ appeared first on .

ដ្បិតថាការទទួលទានមីផ្ដល់ភាពងាយស្រួលដល់អ្នកគ្មានពេលវេលាចម្អិនម្ហូបអាហារក៏​ដោយ ​តែបើយើងទទួលទានច្រើននិងញឹកញាប់ពេក វានឹងធ្វើឱ្យប៉ះពាល់ដល់សុខភាពយើងយ៉ាងធ្ងន់ធ្ងរបំផុត។ កាល​ខ្ញុំកំពុងរៀនជំនាញពេទ្យនៅសហរដ្ឋអាមេរិក ខ្ញុំបានសិក្សាស្រាវជ្រាវអំពីផលប៉ះពាល់នៃការទទួលទានមី។ លទ្ធផលនៃការសិក្សាស្រាវជ្រាវ​របស់ខ្ញុំកាលនោះបានបង្ហាញថា ការទទួលទានមី (មីគ្រប់ប្រភេទ) គ្រប់ពេលឬរាល់ថ្ងៃត្រឹមតែរយៈពេល៣០ថ្ងៃប៉ុណ្ណោះ អាចបណ្ដាលឱ្យស្លាប់បាន។ ហេតុអ្វី? ព្រោះនៅក្នុងសរសៃមីមានសារធាតុគីមីច្រើនណាស់ ហើយសារធាតុគីមីទាំងនោះដាក់ដើម្បីរក្សាមីទុកឱ្យបានយូរ កុំឱ្យផ្អួរ ស្អុយ និងឆាប់ខូច។ និយាយរួមទៅ នៅក្នុងសរសៃ​មីសុទ្ធតែជាគ្រឿងគ្រៅដែលគេបន្ថែមទៅក្នុងបន្លែ ទឹក និងម្សៅមី ដើម្បីកុំឱ្យវាឆាប់ខូច។ ក្រៅពីគ្រឿងគ្រៅទាំងនេះ នៅក្នុងសរសៃមីនៅមានអំបិលប្រៃខ្លាំង២/៣ ដែលលើសពីការណែនាំរបស់ FDA អាមេរិក (U.S. Food and Drug Administration)។

គេរកឃើញថា ៦៨% នៃអ្នកចូលចិត្តទទួលទានមីពីរបីដងក្នុងមួយសប្ដាហ៍ នឹងទទួល​រង​ប៉ះ​ទង្គិចចម្រុះទៅលើសុខភាព ហើយវាអាចវិវឌ្ឍទៅរកភាពធ្ងន់ធ្ងរបំផុត។ ពោលវាបង្កទៅ​ជា​ជំងឺបេះដូង ជំងឺដាច់សរសៃឈាមខួរក្បាល ជំងឺទឹកនោមផ្អែម ជំងឺលើសឈាម ជំងឺខ្លាញ់កកក្នុងឈាម និងជំងឺលើសជាតិស្ករជាដើម។

សូមជម្រាបថា មីគ្មានជីវជាតិ គ្មានជាតិសរសៃ (ហ្វៃប៊័រ) ជំនួយដល់សុខភាពឡើយ ផ្ទុយទៅ​វិញ​​វាសម្បូរទៅដោយជាតិម្សៅច្រើន ដែលធ្វើឱ្យអ្នកចិត្តទទួលទានមីឡើងគីឡូ។ មីដែលមាន​​តែជាតិម្សៅគ្មានជីវជាតិដូច្នេះ វាធ្វើឱ្យអ្នកនិយមទទួលទានពិបាកបត់ជើងធំ។ មិនត្រឹមតែប៉ុណ្ណោះ ការទទួលទានមីច្រើន អាចធ្វើឱ្យខូចថ្លើម ខូចក្រពះ និងធ្វើឱ្យក្រពះស្ត្រេស​​ក្នុងដំណើរការកិនម្ហូបដល់ទៅរាប់ម៉ោងឯណោះ។

ដូច្នេះដើម្បីចៀសផុតពីបញ្ហាសុខភាពខាងលើនេះ ប្រជាពលរដ្ឋគ្រប់រូប ជាពិសេសក្មេងវ័យជំទង់ សិស្ស និស្សិត និងអ្នកដែលរវល់ធ្វើការងារគ្មានពេលវេលាចម្អិនអាហារ សូម​ចៀស​វាង​​ការទទួលទានមីជាប្រចាំថ្ងៃ។ យល់ល្អ ក្នុងមួយសប្ដាហ៍យើងគួរទទួលទានមីត្រឹមតែម្ដងបានហើយ។ ម្យ៉ាងនៅពេលទទួលទានមី បើអាចយើងទទួលទានតែសាច់មីបានហើយ កុំទទួលទានទឹកដែលឆុងមីនោះអី ព្រោះវាធ្វើឱ្យក្ដៅក្នុង ខះក ស្រេកទឹក៕

ខ្លឹមសារ​ទាំង​ស្រុង​ដោយ លោក​ឧកញ៉ា វេជ្ជបណ្ឌិត គួច ម៉េងលី

The post ទទួលទានមីរាល់ថ្ងៃអាចធ្វើឱ្យបាត់បង់ជីវិតបាន appeared first on .

សុខភាព​ប្រចាំថ្ងៃ​ពិតជា​សំខាន់​ណាស់ លោក​អ្នក​ត្រូវ​តែ​ថែរក្សា​ និង​ប្រុង​ប្រយ័ត្ន​ឲ្យ​បាន​មុតមាំ ម៉្យាង​ ជំងឺកូវីត១៩ កំពុង​តែ​វាយ​លុក​ស្ទើរ​ពេញ​ពិភព​លោក​ទៅ​ហើយ ដូច្នេះ​ត្រូវ​តែ​បំប៉ន​សុខភាព​ឲ្យ​រឹង​មាំ តាម​រយៈ​​ការ​បរិភោគ​បន្លែ ផ្លែ​ឈើ​ឲ្យ​បាន​ច្រើន។ផ្សារ​ភ្ជាប់​ពី​តម្រូវ​ការ​របស់​អតិថិជន​បច្ចុប្បន្ន ផ្សារ​ទំនើប​កសិផល​ធម្មជាតិ​ ឡេង ណាវ៉ាត្រា ​មាន​លក់​​បន្លែ ផ្លែ​ឈើ​ ធម្មជាតិ គ្មាន​ជាតិ​គីមី​ នាំឲ្យ​ប៉ះ​ពាល់​សុខភាព។ ដូច​នេះ​នេះ​សម្រាប់​លោក​អ្នក​ដែល​មិន​ចង់​​ចេញ​ក្រៅ​ផ្ទះ ធ្វើ​បាយ​ម្ហូប​ពិសា​ជុំ​គ្រួសារ គឺ​ពិត​ជា​ងាយ​ស្រួល​ណាស់ ដែល​មាន​សេវាកម្ម​ដឹក​​ជញ្ជូន​ដល់​ផ្ទះ​បែប​នេះ។

-សម្រាប់​​ទីតាំង​ផ្សារ ស្ថិត​នៅ​អាគារ #S៣-១៧ អគារអូឡាំព្យា ផ្លូវ ឧកញ៉ាទេពផន (១៨២) សង្កាត់វាលវង់ ខណ្ឌ ៧មករា​ រាជធានីភ្នំពេញ។

-Mobile App (Playstore) ៖ Navatra Market [សូមដោនឡូត]

-លេខ​ទូរស័ព្ទ​កុម្ម៉ង់​ទិញ ៖ ០១១ ៤៤៤ ៤៤៤ (សម្រាប់ Cellcard ឥតគិតថ្លៃ )។ លោក គ្រាន់​តែ​ចុច​កុម្ម៉ង់​ទិញ​តាម វិបសាយ ឬ Mobile app ក៏​បាន ក្រុម​ការងារ​នឹង​ដឹក​ជូន​ភ្លាមៗ ដោយ​ឥត​គិត​ថ្លៃ ក្នុង​រយៈ​ពេល តែ ២០​នាទីប៉ុណ្ណោះ៕

The post Callមកលេខទូរសព្ទមួយខ្សែនេះ 011444​444បងប្អូន​កម្មង់ទិញ​បន្លែ​ផ្លែឈើ​​ត្រី​សាច់ គ្រប់មុខ​ដឹក​ជញ្ជូន​ដោយ​ឥតគិតថ្លែ​ appeared first on .

សូមចាំថា បើគ្រាន់តែមានរោគសញ្ញាក្ដៅខ្លួន ឬក្អក សូមកុំទាន់ស្លន់ស្លោ ច្របូលច្របល់ និងជឿពាក្យចចាមអារ៉ាមតាមគេឱ្យ​សោះ ព្រោះការស្លន់ស្លោមិនបានជួយអ្វីក្រៅតែពីបន្លាចខ្លួនឯង​ឱ្យ​ភ័យ ធ្វើឱ្យប្រព័ន្ធការពារសារពាង្គកាយខ្លួនឯងចុះខ្សោយងាយនឹងទទួលរងជំងឺផ្សេងៗមកយាយីទៅវិញនោះទេ។ ម្យ៉ាងប្រសិនបើបងប្អូនមិនបានចេញទៅក្រៅ ឬទៅកន្លែងប្រជុំជនទេ ជួនកាលការក្អកនិងក្ដៅខ្លួនរបស់បងប្អូនមិនបានឆ្លងវីរុសកូរ៉ូណាទេ វាអាចគ្រាន់តែជាគ្រុនផ្ដាសាយធម្មតាតែប៉ុណ្ណោះ ដូច្នេះត្រូវសម្រាកនៅផ្ទះឱ្យបានគ្រប់គ្រាន់។ ប៉ុន្តែបើបងប្អូនបានចេញទៅក្រៅ ឬទៅតាមទីប្រជនជុំជនសូម៖

១. ត្រូវពាក់ម៉ាស់ (ពាក់ហើយម្ដងត្រូវបោះចោលចូលក្នុងធុងសំរាម)

២. កុំខាកស្ដោះតាមទីសាធារណៈ

៣. ក្អកឬកណ្ដាស់កុំយកដៃខ្ទប់ តែត្រូវមានកូនកន្សែងខ្ទប់

៤. ឧស្សាហ៍លាងដៃនឹងសាប៊ូយ៉ាងហោចណាស់ម្ដង២០វិនាទី

៥. កុំទៅជិតអ្នកជំងឺ

៦. កុំទៅប្រឡែងលេងជាមួយនឹងសត្វ ព្រោះសត្វខ្លះមានផ្ទុកវីរុស

៧. ត្រូវញ៉ាំអាហារដែលបានចម្អិនឆ្អិនល្អត្រឹមត្រូវ។

សូមបញ្ជាក់ថា វីរុសកូរ៉ូណា គឺជាក្រុមវីរុសដ៏ធំមួយដែលបណ្ដាលឱ្យមានជំងឺផ្ដាសាយធម្មតារហូតដល់ធ្ងន់ធ្ងរជាច្រើនទៀត ដូចជាវីរុសជំងឺផ្លូវដង្ហើមមជ្ឈិមបូព៌ា (Mers) និងសាសន៍ (Sars)។ សាសន៍ ជាចំណោមមួយនៃវីរុសកូរ៉ូណា ដែលឆ្លងពីសត្វសំពោចនៅប្រទេសចិន កាលពីឆ្នាំ២០០២។ ចំណែកវីរុស Mers ឆ្លងពីសត្វអូដ្ឋមកមនុស្ស នៅប្រទេសអារ៉ាប់ប៊ីសាអូឌីត កាលពីឆ្នាំ២០១២៕

The post ឧកញ៉ា វេជ្ជបណ្ឌិត គួច ម៉េងលី បង្ហាញ​វិធីបង្ការការឆ្លងវីរុសកូរ៉ូណាប្រភេទថ្មី appeared first on .

លាងដៃជាមួយ​សាប៊ូ និងទឹកស្អាត​ ឬទឹកលាងដៃ​ដែល​មាន​អាល់កុលហ្សែល

ខ្ទប់មាត់ និង​ច្រមុះ នៅ​ពេល​ក្អក និងកណ្ដាស់ ដោយ​កន្សែង ក្រម៉ា ក្រដាស ឬដោយ​កែងដៃ

ជៀសវាង​ប៉ះពាល់​ជិតស្និទ្ធ​ជាមួយ​អ្នក​ដែល​មាន​គ្រុនក្ដៅ និងក្អក ឬផ្ដាសាយ

ចម្អិន​សាច់ និងស៊ុត​ឲ្យបានឆ្អិនល្អ

ជៀសវាង​ប៉ះពាល់​ជាមួយសត្វព្រៃ​រស់ ឬកន្លែង​ចិញ្ចឹមសត្វ​ដោយ​គ្មាន​ពាក់​សម្ភារៈ​ការពារ​ខ្លួន

សូម​មើល​សារ​ទាំងស្រុង​របស់​ក្រសួង​សុខាភិបាល ខាងក្រោមនេះ៖

The post មក​ដឹង​ពីវិធីការពារខ្លួន​ពី​វីរុស កូរ៉ូណា appeared first on .

ការវាយលុកប្រភេទវីរុសថ្មីនេះសោតបានកើតមានឡើងចំពេលនៃឱកាសដែលប្រទេសចិនប្រារព្ធនូវបុណ្យប្រពៃណីជាតិរបស់ខ្លួនដែលមានរយៈពេល៣ថ្ងៃ ខណៈនេះត្រូវបានពន្យាពេលនៃការប្រារព្ធនូវបុណ្យចូលឆ្នំាថ្មីបន្តទៀត ដោយសារតែជំងឺសួតដ៏កាចសាហាវមួយនេះ។

គ្រាន់តែនៅក្នុងខេត្ត ហ៊ួបេ តែមួយប៉ុណ្ណោះ មានតួលេខអ្នកស្លាប់កើនឡើងដល់៥៦នាក់ទៅ៧៦នាក់ ដោយឡែកទីតំាងផ្សេងទៀតមានអ្នកស្លាប់កើនឡើងដល់៤នាក់ប៉ុណ្ណោះ។
តាមសេចក្តីរាយការណ៍បានឱ្យដឹងបន្ថែមទៀតថា មានមនុស្សច្រើនជាងកន្លះលាននាក់បានចូលរួមតាមដាននិងពិនិត្យសុខភាពរបស់ខ្លួននៅក្នុងខេត្តហ៊ួបេតែមួយ ស្របពេលទីតំាងដទៃទៀតត្រូវបានអាជ្ញាធរចិនដាក់ពង្រាយនូវក្រុមចត្តាឡីសរាប់ម៉ឺននាក់ផ្សេងទៀតដើម្បីតាមដាននិងឃ្លំាមើលអំពីដំណើរវិវឌ្ឍនូវវីរុសដ៏កាចសាហាវនេះ។

វីរុសនេះត្រូវគេស្គាល់ថាជាប្រភេទវីរុសថ្មី ឬហៅថា កូរ៉ូណាវីរុស មានរោគសញ្ញាមានលក្ខណៈស្រដៀងគ្នានឹងជំងឺគ្រុនផ្តាសាយទូទៅដែរ ។ ម្យ៉ាងទៀតស្រដៀងគ្នាទៅនឹងជំងឺសារ កាលពីឆ្នំា២០០៣។ រហូតមកទល់នឹងពេលនេះ វីរុសកូរ៉ូណា មិនទាន់មានថ្នំាព្យាបាលឬក៏វ៉ាក់សំាងការពារបាននៅឡើយទេ។

ប្រែសម្រួល៖ ឧកញ៉ា មហា​សន្ដោស

The post ព្រឹក​​នេះអ្នកស្លាប់កើនដល់៨០នាក់ និងឆ្លងដល់ទៅជិត៣ពាន់នាក់ហើយនៅប្រទេសចិន ដោយសារ​ជំងឺ កូរ៉ូណា appeared first on .

ការ​បញ្ចេញ​ផ្សែង​ពី​រោងចក្រ​ឧស្សាហកម្ម ពី​យានយន្ត​ប្រើ​ម៉ាស៊ូត និង​ចំហេះ​ឥន្ធនៈ​ផ្សេង​ទៀត

ការ​បញ្ចេញ​ផ្សែង​ពី​ភ្លើង​ឆេះ​ព្រៃ ការ​ដុត​រាន​ព្រៃ ការ​ដុត​វាលស្មៅ ការ​ដុត​គល់ជញ្ជ្រាំង ការ​ដុត​សំរាម និង​សំណល់​រឹង នៅ​ទី​ចំហ និង​ទីលាន​ចាក់​សំរាម ព្រមទាំង​ការដ្ឋាន​សំណង់​ជា​ដើម។

ក្រៅ​ពី​នេះ​ខាង​ក្រសួង​ក៏​ចេញ​វិធានការ​មួយ​ចំនួន​ដល់​ថ្នាក់​ក្រោម​ជាតិ៖

១. ត្រូវ​ចាត់​វិធាន​ការ​ទប់ស្កាត់​ភ្លើង​ឆេះ​ព្រៃ និង​ការ​ដុត​សំរាម សំណល់​រឹង​តាម​ទី​ចំហ និង​ទីលាន​ចាក់​សំរាម

២. ត្រូវ​ចាត់​វិធានការ​ទប់ស្កាត់​ការ​ហុយ​ធូលី​ពី​ការដ្ឋាន​សំណង់​ផ្សេងៗ

៣. សម្អាត​ផ្លូវ​សាធារណៈ

៤. អប់រំ​ប្រជាពលរដ្ឋ​កុំ​ឲ្យ​ដុត​សំរាម សំណល់​ផ្សេងៗ៕

ខាង​ក្រោម​នេះ​ជា ខ្លឹមសារ​ដើម​នៃ​សេចក្ដីជូនដំណឹង៖

ប្រភព៖ សប្បាយ

The post ក្រសួងបរិស្ថានបញ្ជាក់បញ្ហាគុណភាពខ្យល់នៅកម្ពុជា appeared first on .

ម្យ៉ាងវាធ្វើឱ្យប៉ះពាល់ដល់អរម៉ូនទាំងបុរសទាំងស្រ្តី។ ពិសេសធ្វើឱ្យស្រ្តីមកថ្ងៃខែអត់ទៀងទាត់ ឬអត់មកថ្ងៃខែ (អត់មករដូវ) តែម្ដង។ បើអត់មកថ្ងៃខែ នឹងបង្កឱ្យស្រ្តីមានជំងឺពាក់ព័ន្ធនឹងអូវុល និងមានជំងឺតឹងតែងផ្លូវចិត្តឬផ្លូវអារម្មណ៍។ មិនតែប៉ុណ្ណោះ បើយើងគេងអត់លក់ស្កប់ស្កល់ទេ នោះយើងមិនអាចហាត់ប្រាណប្រចាំថ្ងៃបានទេ ព្រោះយើងអស់កម្លាំង។ ផ្ទុយទៅវិញ បើសិនយើងគេងលក់បានស្កប់ស្កល់ នោះសុខភាពយើងនឹងល្អប្រសើរ កាត់បន្ថយជំងឺ ហើយញ៉ាំតិចជាងធម្មតា។

សូមជម្រាបជូនថា មានកត្តាច្រើនយ៉ាងដែលអាចជួយយើងឱ្យគេងលក់ស្កប់ស្កល់គឺ

១. ពេលនៅក្នុងការិយាល័យធ្វើការពេលថ្ងៃ យើងត្រូវបើកភ្លើងឱ្យភ្លឺ ឬបើកបង្អួចឱ្យមានពន្លឺជះចូល ដើម្បីកុំឱ្យងងុយគេងពេលថ្ងៃ ព្រោះវាអាចធ្វើឱ្យប៉ះពាល់ដំណេកពេលយប់របស់យើង។

២. ក្នុងមួយថ្ងៃហោចណាស់ត្រូវឱ្យត្រូវពន្លឺថ្ងៃ២ទៅ៣ម៉ោង ប៉ុន្តែបើធ្វើការក្នុងការិយាល័យគ្មានពេលចេញក្រៅត្រូវពន្លឺថ្ងៃ យើងគួរតែបើកអំពូលភ្លើងឱ្យភ្លឺ ព្រោះអីបើយើងបើភ្លើង​អំពូលកាន់តែភ្លឺណាស់ នោះពេលយប់យើងនឹងគេងកាន់តែលក់ស្កប់ស្កល់ណាស់ដែរ។ សូមចាំថា បើយើងត្រូវពន្លឺថ្ងៃបានពីរម៉ោងក្នុងមួយថ្ងៃ នោះយើងនឹងគេងលក់បានស្កប់ស្កល់​លើសពីពីរម៉ោង។

៣. ពេលយប់ត្រូវបន្ថយភ្លើងពណ៌ខៀវ។ ភ្លើងពណ៌ខៀវមានដូចជា ទូរសព្ទ ទូរទស្សន៍ លេប​ថប និងកុំព្យូទ័រជាដើម។ ភ្លើងឧបករណ៍ទាំងហ្នឹង បើកាន់តែជះពន្លឺខ្លាំងណាស់ វារឹតតែធ្វើឱ្យយើងគេងអត់ លក់ខ្លាំងណាស់។ មែនទែនទៅ លេបថប និងទូរទស្សន៍ជាដើមនោះ គេឱ្យយើងបិទមុនពេលចូលគេង២ម៉ោង ព្រោះវាធ្វើឱ្យប៉ះទង្គិចដល់កោសិកាខួរក្បាលរបស់យើង និងអរម៉ូនរបស់យើងមួយប្រភេទគេហៅថា អរម៉ូន Melatonin។

៤. ពេលល្ងាចត្រូវកាត់បន្ថយការញ៉ាំជាតិ Caffeine ដែលមាននៅក្នុងតែ និងកាហ្វេ។ ជាតិ Caffeine វាដំណើរការនៅក្នុងឈាមយើងរយៈពេល៦ទៅ៨ម៉ោង។ ហេតុនេះបើយើងញ៉ាំវាពេល​ល្ងាច ពេញមួយយប់ហ្នឹងយើងគេងអត់លក់ទេ។ អ៊ីចឹងចំពោះកាហ្វេ និងតែ បើសិនម៉ោង៣ឬ៤រសៀលហើយ យើងគួរតែឈប់ញ៉ាំវាទៅ។ ដ្បិតថាជាតិ Caffeine ហ្នឹងញ៉ាំពេលល្ងាច​ធ្វើឱ្យប៉ះពាល់ដំណេក តែបើយើងញ៉ាំត្រូវកាល នោះវានឹងជួយឱ្យយើងហាត់ប្រាបាន​ល្អ ខួរក្បាលឈ្លាសវៃ ហើយជួយឱ្យយើងផ្ចង់បានល្អថែមទៀតផង។

៥. ត្រូវតែចូលគេង និងក្រោកពីគេងឱ្យបានទៀងទាត់និងទាន់ពេលវេលា។ ចៀសវាងថ្ងៃហ្នឹងគេងម៉ោងនេះ ថ្ងៃស្អែកគេងម៉ោងនោះ ថ្ងៃនេះក្រោកពីគេងម៉ោងនេះ ថ្ងៃស្អែកក្រោក​ពីគេងម៉ោងនោះ។ យើងគួរចងចាំដែរថា ប្រសិនបើចូលគេង និងក្រោកពីគេងអត់បាន​ទៀង​​ទាត់ទេ នោះការគេងរបស់យើងក៏អត់បានស្កប់ស្កល់ដែរ។

៦. កុំទម្លាប់គេងពេលថ្ងៃ ព្រោះវាក៏ធ្វើឱ្យដំណេកពេលយប់របស់យើងមិនស្កប់ស្កល់ដែរ។ ពលរដ្ឋ​ស្រុកយើងចូលចិត្តតែគេងពេលថ្ងៃ១ទៅ២ម៉ោង ដែលទម្លាប់នេះបណ្ដុះឱ្យយើងខ្ជិល ខ្សោយកម្លាំង ហើយខួរក្បាលដំណើរការមិនល្អ។ ពលរដ្ឋគេគេមិនដែលគេងថ្ងៃដូចស្រុកយើងទេ គឺគេគ្រាន់តែសម្រាក១០ទៅ១៥នាទីតែប៉ុណ្ណោះ។ ការសម្រាកពេលថ្ងៃ១៥នាទី វាធ្វើឱ្យខួរក្បាលយើងស្រឡះ និងឈ្លាសវៃ។

៧. ត្រូវហាត់ប្រាណឱ្យបានទៀងទាត់។ ការហាត់ប្រាណជាប្រចាំ វាធ្វើឱ្យរាងកាយយើងមាំទាំ និងគេងពេលយប់បានស្កប់ស្កល់។ តាមការកត់សម្គាល់ អ្នកដែលអត់ហាត់ប្រាណ ពួកគេច្រើនតែមានបញ្ហាផ្លូវចិត្ត បញ្ហាសុខភាព និងមានបញ្ហាគេងជាដើម។ ដូច្នេះការហាត់ប្រាណ​​មានសារៈសំខាន់ខ្លាំងណាស់ ប៉ុន្តែមិនត្រូវហាត់ប្រាណពេលល្ងាចទេ ព្រោះវាក៏ធ្វើ​ឱ្យ​ប៉ះ​ពាល់​ដល់ដំណេករបស់យើងផងដែរ។

៨. ត្រូវញ៉ាំថ្នាំជំនួយដែលមានជាតិ Melatonin។ ដ្បិតថាវាជាប្រភេទថ្នាំងងុយគេងក៏ពិត​មែន​ ប៉ុន្តែវាមិនធ្វើឱ្យប៉ះពាល់ដល់សុខភាព ឬញៀននោះឡើយ។

៩. ត្រូវយកផ្កា lavender មកឆុង ឬដាំទឹកញ៉ាំ ព្រោះវាជួយឱ្យយើងគេងឆាប់លក់។

១០. មិនត្រូវញ៉ាំជាតិអាល់កុលទេ។ អ្នកខ្លះថាញ៉ាំជាតិអាល់កុលធ្វើឱ្យគេងលក់ស្រួល។ ដ្បិត​ថាពេលស្រវឹងធ្វើឱ្យគេលក់ស្រួលក៏ពិតមែន ប៉ុន្តែថ្ងៃក្រោយធ្វើឱ្យប៉ះទង្គិចដល់ការគេងខ្លាំង​ណាស់។ វាធ្វើឱ្យយើងគេងអត់ស្កប់ស្កល់ ហើយអន្ទះអន្ទេង។ ម្យ៉ាងការញ៉ាំជាតិ​អាល់​កុល ​វាធ្វើឱ្យយើងឡើងគីឡូ។ កាលណាឡើងគីឡូ វានឹងដុះសាច់បំពង់ក ដែលធ្វើឱ្យពេលយើងគេងលក់ស្ទះខ្យល់បំពង់ក។ បើសិនជាស្ទះខ្យល់បំពង់ក យើងនឹងភ្ញាក់ពីដំណេកមិនខានទេ។

១១. កន្លែងគេងមិនត្រូវមានពន្លឺខ្លាំងពេក និងឮសំឡេងខ្លាំងពេក ហើយក៏មិនត្រូវមានសីតុណ្ហភាពក្ដៅពេក និងត្រជាក់ពេកផងដែរ។ សីតុណ្ហភាពក្នុងបន្ទប់គេង ត្រឹមតែ​២០​អង្សាសេ​ គឺល្អប្រសើរបំផុតចំពោះសុខភាព និងដំណេករបស់យើង។

១២. ត្រូវធ្វើសមាធិ។ ការធ្វើសមាធិ វាធ្វើឱ្យអារម្មណ៍យើងមូល ហើយធ្វើឱ្យយើងគេងលក់បាន​​ស្កប់ស្កល់។

១៣. មុនពេលចូលគេងមិនត្រូវញ៉ាំទឹកច្រើនពេកទេ ព្រោះយប់ឡើងវាធ្វើឱ្យយើងក្រោកបត់ជើងតូចញឹកញាប់។ កាលណាយើងក្រោកបត់ជើងតូចញឹកញាប់ នោះដំណេករបស់យើង​មិនអាចស្កប់ស្កល់ ឬគ្រាប់គ្រាន់បានឡើយ។

ប៉ុន្តែសូមចាំថា ប្រសិនបើអ្នកអនុវត្តនូវចំណុចទាំងអម្បាលម៉ានហ្នឹងហើយនៅតែគេងមិនលក់ស្កប់ស្កល់ទៀត អ្នកត្រូវតែទៅពិគ្រោះជាមួយគ្រូពេទ្យជំនាញ ដើម្បីគ្រូពេទ្យតាមដានអាការរោគ និងព្យាបាលឱ្យបានត្រឹមត្រូវ៕
ប្រភព៖ MJQ University Press

The post ឧកញ៉ា​ គួច​ ម៉េ​ងលី បង្ហាញ​១៣​ចំណុច​ស្ដី​ពី ផលប៉ះពាល់ពីការគេងអត់ស្កប់ស្កល់ appeared first on .

តារា​ចម្រៀង ខេមរៈ សិរីមន្ត ត្រូវ​បាន​គេ​កត់​សម្គាល់​ឃើញ​ថា ប្រែប្រួល​រូបរាង​ប្លែក​គួរ​ឲ្យ​ចាប់​អារម្មណ៍ ពោល​គឺ​មាន​សាច់​ដុំ​ហាប់​ណែន ខុស​ពី​ពេល​មុន រាល់​ពេល​ដែល​លោក​បាន​ដោះ​អាវ​ពេល​ឡើង​ច្រៀង​ម្ដងៗ។ ជុំវិញ​ការ​កើន​ឡើង​នូវ​សាច់​ដុំ​កង់ៗ​នេះ លោក អ៊ិត សុធា ដែល​ជា​គ្រូ​បង្ហាត់ ខេមរៈ សិរីមន្ត​ផ្ទាល់ សូម​ពន្យល់​ពី​អាថ៌កំបាំង​ទាំង​នោះ។

លោក អ៊ិត សុធា ដែល​ត្រូវ​បាន​គេ​ស្គាល់​ថា គឺ​ជា ម្ចាស់​ជយលាភី​លេខ៤ កម្មវិធី MisterUnitedWorldឆ្នាំ ២០១៩ និង ជា​គ្រូ​បង្ហាត់​កីឡា​ល្បី​ឈ្មោះ​មួយ​រូប​ផង​នោះ ត្រូវ​បាន​លោក ​ខេមរៈ សិរីមន្ត ចូល​ខ្លួន​មក​សុំ​លោក​ធ្វើ​ជា​គ្រូ​ និង​បាន​ជួយ​ឲ្យ​តារា​ចម្រៀង​ហង្សមាស ប្រែ​ប្រួល​រូបរាង​កាយ​យ៉ាង​ខ្លាំង។ គ្រូ​រូប​នេះ បញ្ជាក់​ថា សិរីមន្ត បាន​ប្រើ​ពេល​ហាត់​ជា​មួយ​លោក ត្រឹម​តែ​១ខែ ប៉ុណ្ណោះ ធ្វើ​ឲ្យ​សាច់​ដុំ​មាន​ការ​​កែប្រែ​ខ្លាំង​ស្អាត​ជា​ទី​ពេញ​ចិត្ត​តែ​ម្ដង។

គ្រូបង្ហាត់​កីឡា​ដដែល​រៀបរាប់​ឲ្យ​ដឹង​ថា ដំបូង​ឡើយ​ សិរីមន្ត​​មិន​ទាន់​មាន​សាច់​ដុំ​ស្អាត​ដូច​បច្ចុប្បន្ន​នោះ​ទេ ប៉ុន្តែ​ក្រោយ​ពេល​បាន​ចូល​មក​ហាត់​នៅ​ក្លឹប​ហាត់​ប្រាណ​ជា​មួយ​លោក ត្រឹម​១៥ថ្ងៃ​​ចាប់​ផ្ដើម​មាន​ការ​កែប្រែ​យ៉ាង​លឿន​តែ​ម្ដង។ លោក​ថា ក្នុង​មួយ​សប្ដាហ៍ សិរីមន្ត បាន​ចំណាយ​ពេល​​ហាត់​យ៉ាង​តិច​​៥ទៅ៦ ថ្ងៃ ហើយ​ក្នុង​១ថ្ងៃ បាន​ប្រើ​ពេល ២​ម៉ោង និង​មាន​ថ្ងៃ​ខ្លះ អាច​ឈាន​ដល់​៣ម៉ោង ប្រសិន​បើ​តារា​ចម្រៀង​រូប​នេះ​មាន​ពេល​ទំនេរ​​ពី​ការងារ​សិល្បៈ​ច្រើន។

លោក អ៊ិត សុធា បាន​ថ្លែង​ឲ្យ​ដឹង​បន្ថែម​ថា កន្លង​មក​លោក ខេមរៈ សិរីមន្ត ​ចូល​ហាត់​ជា​មួយ​លោក​បាន​១ខែ​មាន​សាច់​ដុំ​កំពុង​ពេញ​ស្អាត លោក​ក៏​ផ្អាក​ហាត់​ទៅ​វិញ ដោយសារតែ​ជាប់​រវល់​កាន់​ទុក្ខ​ប្អូន​ស្រី​ស្លាប់ ខេមរៈ ស្រីពៅ។ លោក​ថា កាល​ណោះ សិរីមន្ត​ អាក់ខាន​​មក​ហាត់​មិន​ក្រោម៣ខែ​ឡើយ ធ្វើ​ឲ្យ​សាច់​ស្រក​ជា​ខ្លាំង ប៉ុន្តែ​១ខែ​ចុង​ក្រោយ​នេះ លោក​​បាន​មក​ហាត់​ជាប់ គួប​ផ្សំ​​មាន​សាច់​ដុំ​​ពី​​មុន​ផង បច្ចុប្បន្ន​សាច់​ដុំ សិរីមន្ត ស្អាត​ខ្លាំង​ជាង​មុន​ទៅ​ទៀត។ ចំពោះ​គីឡូ​វិញ លោក អ៊ិត សុធា ទម្លាយ​ឲ្យ​ដឹង​ថា សិរីមន្ត​ មាន​គីឡូ​ចន្លោះ​៧២ ទៅ​៧៣ គីឡូ ប៉ុណ្ណោះ។

ទទឹម​និង​ការ​ហាត់​ប្រាណ​យ៉ាង​ទៀត​ទាក់ គ្រូបង្ហាត់​រូប​នេះ​បាន​​លើក​ឡើង​ថា ការ​ញ៉ាំ​ក៏​​ត្រូវ​ញ៉ាំ​អាហារ តាម​ក្បួន​​ខ្នាត​ឲ្យ​ទៀង​ទាត់​ផង​ដែរ។ ចំពោះ​តិចនិក​នោះ គឺ​ថាបើ​ហាត់​ចង់​បាន​សាច់​ដុំ មុន​ហាត់​ត្រូវ​ញ៉ាំ​ពង​៧គ្រាប់ ឬ​សាច់​គោ ហើយ​ក្រោយ​ហាត់ ត្រូវ​ញ៉ាំ​អាហារ​មាន​ជាតិ​ខាប់​ច្រើន និង អាហារ​ជា​ច្រើន​ប្រភេទ​ទៀត។ ជា​មួយ​គ្នា​នោះ គ្រួ​បង្ហាត់​ផ្ទាល់​ក៏​ត្រូវ​ចេះ​មើល​រាងកាយ​កូន​សិស្ស​ថា ត្រូវ​កែប្រែ​សាច់​ដុះ​កន្លែង​ណា​ខ្លះ ដើម្បី​ឲ្យ​​សាច់​ដុំ​ស្អាត។

ឆ្លង​កាត់​ការ​ធ្វើ​ជា​គ្រូ​បង្ហាត់​កីឡា​ច្រើន​ឆ្នាំ និង ធ្លាប់​បង្ហាត់​សិស្ស​ជា​ច្រើន​អ្នក លោក អ៊ិត សុធា វាយ​តម្លៃ​បាន​ថា តារា​ចម្រៀង ខេមរៈ សិរីមន្ត ជា​សិស្ស​ម្នាក់​ឧស្សាហ៍ និង​មាន​ភាព​អំណត់​ខ្លាំង ដែល​ធ្វើ​ឲ្យ​ការ​ហាត់​របស់​លោក​ទទួល​បាន​​សាច់​ដុំ​ដូច​បំណង​ដោយ​ប្រើ​ពេល​ខ្លី​ប៉ុណ្ណោះ៕

ប្រភព៖ Sabay

The post គ្រូ​កីឡា​ម្នាក់​ទម្លាយ វិធី​ធ្វើ​ឲ្យ សិរីមន្ត មាន​សាច់​ដុំ​ល្អ​ស្អាត​ដូច​សព្វ​ថ្ងៃ appeared first on .