ម្ចាស់ស្នាដៃ សៀវភៅអរិយធម៌ខ្មែរ ទទួលបានសញ្ញាបត្រ ទាំងវ័យជរា មិនអាចងើបពីគ្រែបាន

ឧកញ៉ាកោះក្របី — Tue, 22 Dec 2020 09:57:26 +0000

ថ្ងៃនេះខ្ញុំបាទ នឹងក្រុមការងារបានយកសញ្ញាបត្រកិត្តិបណ្ឌិតផ្នែកអក្សរសាស្ត្រ និងឯកសណ្ឋានកិត្តិបណ្ឌិតនៃរាជបណ្ឌិត្យសភាកម្ពុជា ជូនអ្នកស្រី ឡាយ ហ៊ុនគី ហៅអ្នកស្រី ត្រឹង ងា នៅគេហដ្ឋានរបស់គាត់ នៅវេលាម៉ោង ៣.០០ នាទី និងដោយមានការចូលរួមពីឯកឧត្តម កែវ រ៉េមី ផងដែរ។ ប្រធានរាជបណ្ឌិត្យសភាកម្ពុជា លោកបណ្ឌិត សុខ ទូច មានប្រសាសន៍តាមបណ្តាញសង្គមនៅថ្ងៃទី២១ ខែធ្នូ ឆ្នាំ២០២០នេះ។
បណ្ឌិត សុខ ទូច មានប្រសាសន៍ថា នៅពេលបច្ចុប្បន្ននេះ អ្នកស្រី ត្រឹង ងា មិនអាចងើបពីគ្រែដើម្បីបំពាក់ឯកសណ្ឋានបានទេ គឺគ្រាន់តែរៀបចំជានិមិត្តរូបប៉ុណ្ណោះ។
ប្រធានរាជបណ្ឌិត្យសភាកម្ពុជា បានបន្តថា ហើយកូនរបស់គាត់បានប្រាប់ថា នេះជាលើកដំបូងហើយ ដែលអ្នកស្រីត្រឹង ងា អាចមានប្រសាសន៍អរគុណបាន ព្រោះគាត់និយាយមិនរួចអស់ជាច្រើនឆ្នាំហើយ។
សូមបញ្ជាក់ផងដែរថា អ្នកស្រី បានចាប់អាជីពជាគ្រូបង្រៀន តាំងពីឆ្នាំ១៩៥៧ នៅខេត្តបាត់ដំបង ហើយមួយឆ្នាំក្រោយមក គឺនៅឆ្នាំ១៩៥៨ អ្នកស្រីបានរៀបអាពាហ៍ពិពាហ៍ជាមួយលោក ត្រឹង ងា ដែលមានស្រុកកំណើតជាអ្នកស្រុកយីងចូវ ខេត្តពលលាវ កម្ពុជាក្រោម។ អ្នកស្រី ឡាយ ហ៊ុនគី ក្រោយមកក៏បានផ្លាស់ឈ្មោះជាអ្នកស្រី ត្រឹង ងា ។ ការផ្លាស់ឈ្មោះតាមស្វាមីនេះ គឺជាការធ្វើតាមទម្លាប់បារាំងរបស់អ្នករដ្ឋការខ្មែរសម័យនោះ ។

The post ម្ចាស់ស្នាដៃ សៀវភៅអរិយធម៌ខ្មែរ ទទួលបានសញ្ញាបត្រ ទាំងវ័យជរា មិនអាចងើបពីគ្រែបាន appeared first on .