សេចក្ដីជូនដំណឹង

ផ្អាកជាបន្ទាន់ ការលក់គ្រឿងស្រវឹង និងការទទួលភ្ញៀវចេញចូល ឬញ៉ាំផ្ទាល់តាមហាងតូចធំ រយៈពេល ២សប្តាហ៍

អ្នកឧកញ៉ាវត្តភ្នំ — Sun, 11 Apr 2021 02:10:50 +0000

រដ្ឋបាលសាលារាជធនីភ្នំពេញ បានសម្រេចចេញសេចក្ដីណែនាំ ដាច់ណាត់ថ្មីបន្ថែមទៀត ដល់បងប្អូនអាជីវករ អ្នកលក់ដូរនៅតាម ភោជនីយដ្ឋាន អាហារដ្ឋាន តូបអាហារ ហាងលក់កាហ្វេ ហាងលក់ភេសជ្ជៈ និងអាជីវកម្មលក់ដូរផ្នែកម្ហូបអាហារគ្រប់ប្រភេទ ត្រូវតែផ្អាក ការស្វាគមន៍ភ្ញៀវចេញចូលទិញផ្ទាល់ រយៈពេល ២សប្តាហ៍ ជាបណ្ដោះអាសន្ន ដោយគិតចាប់ពីថ្ងៃ ទី១១ ខែមេសា រហូតដល់ ថ្ងៃទី២៤ ខែមេសា ឆ្នាំ២០២១។

បន្ថែមពីនេះ សម្រាប់គ្រប់ផ្សារទំនើប ឬរដ្ឋ និងតាមហាងលក់ដូរទំនិញ ឬភេសជ្ជៈគ្រប់ប្រភេទ ក៏ត្រូវអនុវត្តន៍ឱ្យបាន ការលក់គ្រឿងស្រវឹងគ្រប់ប្រភេទជូនអតិថិជន ក្នុងរយៈពេល ២សប្តាហ៍នេះដូចគ្នា ដើម្បីកាត់ផ្ដាច់ចរន្តនៃការជួបជុំ និងប្រភពចម្លងកូវីដ១៩ ចូលសហគមន៍ក្នុងភូមិសាស្ត្ររាជធានីភ្នំពេញកាន់តែខ្លាំងជាងនេះ។

អាស្រ័យហេតុនេះ បើសិនបងប្អូនប្រទះឃើញ សកម្មភាពអាជីវកម្មណា ល្មើសនឹងសេចក្ដីណែនាំនេះ សូមរាយការណ៍ជូនសមត្ថកិច្ចតាមមូលដ្ឋានលោកអ្នកជាបន្ទាន់!

The post ផ្អាកជាបន្ទាន់ ការលក់គ្រឿងស្រវឹង និងការទទួលភ្ញៀវចេញចូល ឬញ៉ាំផ្ទាល់តាមហាងតូចធំ រយៈពេល ២សប្តាហ៍ appeared first on .

មកដឹងពីកាលបរិច្ឆេទក្រសួងផ្អាកចាក់វ៉ាក់សាំងស៊ីណូហ្វាមលើកទី១ នៅតាមទីតាំងទូទាំងប្រទេស

អ្នកឧកញ៉ាវត្តភ្នំ — Thu, 11 Mar 2021 10:04:34 +0000

ក្រសួងសុខាភិបាល ថ្ងៃទី១១ ខែមិនា ២០២១នេះ បានជូនដំណឹងស្ដីពីការផ្អាកចាក់វ៉ាក់សាំងកូវីដ-១៩ ស៊ីណូហ្វាម សម្រាប់អ្នកចាក់លើកទី១ ដោយសារតែបរិមាណវ៉ាក់សាំងមានកំណត់។ យ៉ាងនេះក្ដី ក្រសួងបានបញ្ជាក់ថា សម្រាប់អ្នកត្រូវចាក់វ៉ាក់សាំងលើកទី២ គឺនៅតែអាចបន្តចាក់បានធម្មតាតាមថ្ងៃកំណត់។ ដោយឡែកនៅតាមបណ្ដាខេត្តមួយចំនួន ឃើញថាបងប្អូនប្រជាពលរដ្ឋនៅតែអាចបន្តចាក់វ៉ាក់សាំងស៊ីណូហ្វាមបានយូរបំផុតរហូតដល់ថ្ងៃទី៣០ ខែមិនា ២០២១។

ខាងក្រោមនេះ គឺកាលបរិច្ឆេទត្រូវផ្អាកចាក់វ៉ាក់សាំងស៊ីណូហ្វាមដូសទី១ នៅតាមទីតាំងទាំង ២៩កន្លែងទូទាំងប្រទេសកម្ពុជា ចាប់ពីថ្ងៃទី១១ មិនា ដល់ថ្ងៃទី៣០ ខែមិនា ឆ្នាំ២០២១៕

The post មកដឹងពីកាលបរិច្ឆេទក្រសួងផ្អាកចាក់វ៉ាក់សាំងស៊ីណូហ្វាមលើកទី១ នៅតាមទីតាំងទូទាំងប្រទេស appeared first on .

ក្រសួងបរិស្ថានបញ្ជាក់បញ្ហាគុណភាពខ្យល់នៅកម្ពុជា

កូនចៅឧកញ៉ា — Sat, 18 Jan 2020 00:58:07 +0000

កាលពីម្សិលមិញនេះ ក្រសួងបរិស្ថានបានចេញសេចក្ដីជូនដំណឹងស្ដីពី វិធានការទប់ស្កាត់ និងកាត់បន្ថយការបំពុលខ្យល់ជាសាធារណៈ។ យោងតាមសេចក្ដីជូនដំណឹងនេះបានឲ្យដឹងថា ស្ថានភាពគុណភាពខ្យល់នៅកម្ពុជាធ្លាក់ក្នុងចំណុចគួរឲ្យបារម្ភ ដែលអាចប៉ះពាល់សុខភាពប្រជាពលរដ្ឋ។ ប្រភពមួយចំនួនដែលធ្វើឲ្យគុណភាពខ្យល់ធ្លាក់ចុះមានដូចជា៖

ការបញ្ចេញផ្សែងពីរោងចក្រឧស្សាហកម្ម ពីយានយន្តប្រើម៉ាស៊ូត និងចំហេះឥន្ធនៈផ្សេងទៀត

ការបញ្ចេញផ្សែងពីភ្លើងឆេះព្រៃ ការដុតរានព្រៃ ការដុតវាលស្មៅ ការដុតគល់ជញ្ជ្រាំង ការដុតសំរាម និងសំណល់រឹង នៅទីចំហ និងទីលានចាក់សំរាម ព្រមទាំងការដ្ឋានសំណង់ជាដើម។

ក្រៅពីនេះខាងក្រសួងក៏ចេញវិធានការមួយចំនួនដល់ថ្នាក់ក្រោមជាតិ៖

១. ត្រូវចាត់វិធានការទប់ស្កាត់ភ្លើងឆេះព្រៃ និងការដុតសំរាម សំណល់រឹងតាមទីចំហ និងទីលានចាក់សំរាម

២. ត្រូវចាត់វិធានការទប់ស្កាត់ការហុយធូលីពីការដ្ឋានសំណង់ផ្សេងៗ

៣. សម្អាតផ្លូវសាធារណៈ

៤. អប់រំប្រជាពលរដ្ឋកុំឲ្យដុតសំរាម សំណល់ផ្សេងៗ៕

ខាងក្រោមនេះជា ខ្លឹមសារដើមនៃសេចក្ដីជូនដំណឹង៖

ប្រភព៖ សប្បាយ

The post ក្រសួងបរិស្ថានបញ្ជាក់បញ្ហាគុណភាពខ្យល់នៅកម្ពុជា appeared first on .