ក្នុងឱកាសនោះ ឧកញ៉ា តែ តាំងប៉ ប្រធានក្រុមប្រឹក្សាភិបាលសមាគមមូលនិធិសម្តេចតេជោ SME បាននាំមកនូវតង្វាយថ្វាយព្រះករុណាជាអម្ចាស់ជីវិតលើត្បូង មានជា៖ អង្ករ ចំនួន៥០តោន និងថវិកាចំនួន១០០ ០០០ ០០០៛ (មួយរយលានរៀល) ដើម្បីថ្វាយនូវការចូលរួមដង្ហែតាមព្រះរាជសកម្មភាពមនុស្សធម៌ដ៏ឧត្តុងឧត្តមរបស់ព្រះអង្គឱ្យសម្រេចទទួលបានមហាជោគជ័យដ៏ត្រចេះត្រចង់បន្ថែមទៀត។

ក្នុងឱកាសដ៏ថ្លៃថ្លានេះ ឧកញ៉ា តែ តាំងប៉ បានទូលថ្វាយព្រះករុណា ព្រះមហាក្សត្រ អំពីឯកសណ្ឋានគោរមងារផ្លូវការរបស់អ្នកឧកញ៉ា ឧកញ៉ាក្នុងព្រះរាជាណាចក្រកម្ពុជា ដោយយោងតាមអនុក្រឹត្យលេខ ២២៦ អនក្រ.បក ចុះថ្ងៃទី១៥ ខែវិច្ឆិកា ឆ្នាំ២០២១។

ឧកញ៉ា តែ តាំងប៉ បានទូលថ្វាយបន្តអំពីឯកសណ្ឋានគោរមងារផ្លូវការ មានដូចជា សញ្ញាស័ក្តិ មេដាយ និងបន្តោងខ្សែក ជូនឧកញ៉ា និងអ្នកឧកញ៉ានៅកម្ពុជា សម្រាប់ប្រើប្រាស់ក្នុងពេលចូលរួមពិធីបុណ្យជាតិ បុណ្យប្រពៃណីជាតិ និងពិធីផ្សេងៗទៅតាមគោរមងារ និងអតីតភាពនីមួយៗ៕

The post ព្រះមហាក្សត្រ ប្រោសព្រះរាជទានឧកញ៉ា តែ តាំងប៉ ដឹកនាំគណៈប្រតិភូសមាគមមូលនិធិសម្តេចតេជោ SME ចូលក្រាបថ្វាយបង្គំគាល់ថ្វាយតង្វាយ និងឯកសណ្ឋានគោរមងារ «ឧកញ៉ា អ្នកឧកញ៉ា» ជាផ្លូវការ appeared first on .

ក្នុងឱកាសនោះ សម្ដេចក្រឡាហោម ស ខេង លើកឡើងថា បន្ទាប់ពីឆ្លងកាត់កិច្ចប្រជុំពិភាក្សាជាច្រើនលើក កិច្ចប្រជុំនៅថ្ងៃនេះ ជាកិច្ចប្រជុំចុងក្រោយហើយសម្រាប់ការពិនិត្យ និងពិភាក្សាលើសេចក្ដីព្រាងព្រះរាជក្រឹត្យស្ដីពីគោរមងារឧកញ៉ា មុននឹងដាក់ជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីសម្រេច និងចុះហត្ថលេខាទូលថ្វាយព្រះមហាក្សត្រ។

ជាមួយគ្នានោះ សម្តេចក្រឡាហោម បានឱ្យដឹងថា បច្ចុប្បន្ន កម្ពុជាមានអនុក្រឹត្យមួយពាក់ព័ន្ធនឹងឧកញ៉ាដែរ ហើយរដ្ឋក៏បានផ្ដល់គោរមងារឧកញ៉ាជូនសប្បុរសជនមានទឹកចិត្តសប្បុរសជួយជាតិ និងប្រជាជន ហើយក៏មានលំដាប់ឧកញ៉ាចំនួន៣ដែរដែលរួមមាន ឧកញ៉ា អ្នកឧកញ៉ា និងលោកអ្នកឧកញ៉ា ព្រមទាំងមានសមាគមធ្វើការងារពាក់ព័ន្ធនឹងឧកញ៉ាត្រូវបានបង្កើតឡើងជាបន្តបន្ទាប់។

បើតាម រដ្ឋមន្រ្តីក្រសួងមហាផ្ទៃ បានមានប្រសាសន៍ថា «សម្រាប់សេចក្ដីព្រាងព្រះរាជក្រឹត្យ ស្ដីពី គោរមងារឧកញ៉ា នេះ បានកំណត់អំពីគោលការណ៍ លក្ខខណ្ឌ បែបបទ និងនីតិវិធីក្នុងការផ្ដល់គោរមងារឧកញ៉ា ដើម្បីផ្ដល់ការលើកទឹកចិត្តដល់រូបវន្តបុគ្គលជាប្រជាពលរដ្ឋខ្មែរមានគុណបំណាច់ផ្ទាល់ខ្លួន ចូលរួមអភិវឌ្ឍន៍ និងកសាងជាតិមាតុភូមិ»។

លើសពីនោះ ព្រះរាជក្រឹត្យនេះ ក៏បានកំណត់អំពីការគ្រប់គ្រង និងការបញ្ចប់គោរមងារឧកញ៉ា ដើម្បីធានាបាននូវសេចក្ដីថ្លៃថ្នូរ ទំនៀមទម្លាប់ប្រពៃណីល្អ សណ្ដាប់ធ្នាប់សាធារណៈ សន្តិសុខជាតិ និងអភិវឌ្ឍន៍សេដ្ឋកិច្ចសង្គម ហើយព្រះក្រឹត្យនេះ ក៏បានកំណត់គោរមងារឧកញ៉ាជា៣លំដាប់ដែរ គឺលំដាប់ទី១ លោកអ្នកឧកញ៉ា លំដាប់ទី២ អ្នកឧកញ៉ា និងលំដាប់ទី៣ ឧកញ៉ា។

គួរឱ្យដឹងផងដែរថា បើយោងតាមសេចក្ដីព្រាង ព្រះរាជក្រឹត្យ ស្ដីពី គោរមងារឧកញ៉ា មាន១០ជំពូក ដែលចែងអំពីបទប្បញ្ញត្តិទូទៅ ស្ថាប័នមានសមត្ថកិច្ច លក្ខខណ្ឌ និងលក្ខណៈសម្បត្តិដែលត្រូវផ្ដល់គោរមងារឧកញ៉ា យន្តការវាយតម្លៃ ឯកសណ្ឋានផ្លូវការរបស់គោរមងារ សិទ្ធិ និងកាតព្វកិច្ច ការបញ្ចប់គោរមងារ អន្តរប្បញ្ញត្តិ និងអវសានប្បញ្ញត្តិ៕

The post សេចក្ដីព្រាងព្រះរាជក្រឹត្យ ស្ដីពី គោរមងារឧកញ៉ា ត្រូវបាន សម្ដេចក្រឡាហោម ស ខេង លើកយកមកពិភាក្សា appeared first on .