សេដ្ឋកិច្ចជប៉ុន

សេដ្ឋកិច្ចជប៉ុនមានការកើនឡើងខ្ពស់ជាងការរំពឹងទុក នាត្រីមាសទី២

ឧកញ៉ាសំពៅ — Tue, 15 Aug 2023 11:54:00 +0000

តាមរយៈបណ្តាញសារព័ត៌មាន BBC បានចុះផ្សាយថា នៅត្រីមាសទី២ នៃឆ្នាំ ២០២៣ កំណើនផលិតផលក្នុងស្រុកសរុបរបស់ប្រទេសជប៉ុនហាក់មានការកើនឡើងជាងការរំពឹងទុក ដោយកើនឡើងប្រមាណ ៦%ប្រចាំឆ្នាំ។

ក្នុងនោះដែរ ដោយសារតែរដ្ឋាភិបាល បានលុបចោលនូវការរឹតបន្តឹងព្រំដែនកាលពីចុងខែមេសាកន្លងទៅ បានជួយអោយសេដ្ឋកិច្ចខ្លួនមានការកើនឡើងមួយកម្រិតវិញផងដែរ។

មិនត្រឹមតែប៉ុណ្ណោះ ប៉ុន្មានខែថ្មីៗនេះប្រាក់ចំណេញពីក្រុមហ៊ុនផលិតរថយន្ត Toyota ក៏ដូចជា Honda និង Nissanផងនោះ ក៏ជាការរួមចំណែកជំរុញសេដ្ឋកិច្ចនៃការនាំចេញបានមួយផ្នែកផងដែរ។

ផ្ទុយទៅវិញ រូបិយប័ណ្ណរបស់ប្រទេសមហាអំណាចសេដ្ឋកិច្ចធំទីបីរបស់ពិភពលោកមួយនេះ បានធ្លាក់ចុះយ៉ាងខ្លាំងបើធៀបទៅនឹងរូបិយប័ណ្ណសំខាន់ៗមួយចំនួនក្នុងរយៈពេលប៉ុន្មានខែថ្មីៗមកនេះ ចំពេលដែលធ្លាក់ចុះច្រើនជាង ១០%ធៀបទៅនឹងប្រាក់ដុល្លារអាមេរិកនៅឆ្នាំនេះ។

ការធ្លាក់ចុះនៃតម្លៃប្រាក់យ៉េននេះ គឺជាឱកាសដល់អ្នកនាំចេញ នេះក៏ដោយសារតែទំនិញរបស់ជប៉ុនមានតម្លៃថោក ដែលងាយស្រួលក្នុងការចែកចាយទៅដល់អ្នកប្រើប្រាស់ជុំវិញពិភពលោក៕

The post សេដ្ឋកិច្ចជប៉ុនមានការកើនឡើងខ្ពស់ជាងការរំពឹងទុក នាត្រីមាសទី២ appeared first on .

រដ្ឋាភិបាលជប៉ុនគ្រោងបញ្ចេញកញ្ចប់ថវិកាធំមិនធ្លាប់មាន ៩៤០ ពាន់លានដុល្លារ សម្រាប់ឆ្នាំក្រោយ

ឧកញ៉ាសំពៅ — Mon, 21 Feb 2022 10:55:24 +0000

កាលពីពេលថ្មីៗនេះ រដ្ឋាភិបាលជប៉ុនបានប្រកាសពីគម្រោងចំណាយសម្រាប់ឆ្នាំក្រោយ ជាមួយនឹងកញ្ចប់ថវិកាធំបំផុតមិនធ្លាប់មានពីមុនជិត ៩៤០ ពាន់លានដុល្លារ។

ដោយឡែក បើតាមការអះអាងពីនាយករដ្ឋមន្ត្រី Fumio Kishida ដែលបានរាប់ពីចំណូលជាតិនៃប្រទេសសេដ្ឋកិច្ចធំទី ៣ លើពិភពលោកបានឲ្យដឹងថា ការរាតត្បាតកូវីដ ១៩ កន្លងមកបានធ្វើឲ្យប៉ះពាល់ជាខ្លាំងដល់ការលូតលាស់កំណើនសេដ្ឋកិច្ចនៅត្រីមាសនេះ។

កញ្ចប់ថវិកានេះផងដែរ នឹងយកមកទូទាត់បំណុលនៃប្រទេសឧស្សាហកម្មធំបំផុតលើលោកដែលមានទំហំធំជាង ២ ដងនៃសេដ្ឋកិច្ចរបស់ជប៉ុនប្រមាណ ៥ ទ្រីលានដុល្លារ។

ក្រៅពីនោះទឹកប្រាក់ទំហំ ១០៧,៦ ទ្រីលានយ៉េនដែលជប៉ុនគ្រោងចំណាយនោះ ក៏រាប់បញ្ចូល ៥ ទ្រីលានទៅលើការសង្គ្រោះបន្ទាន់ជាមួយបញ្ហាកូវីដ ១៩ ៥,៣៧ ទ្រីលានទៀតទៅលើក្រសួងការពារ ៣៦,៣ ទ្រីលានទៅលើផ្នែកសុខមាលភាព និង ២៤,៣ ទ្រីលានទៀតសម្រាប់ទូទាត់បំណុលប្រចាំឆ្នាំរបស់រដ្ឋ៕

ប្រភព: Kelo

The post រដ្ឋាភិបាលជប៉ុនគ្រោងបញ្ចេញកញ្ចប់ថវិកាធំមិនធ្លាប់មាន ៩៤០ ពាន់លានដុល្លារ សម្រាប់ឆ្នាំក្រោយ appeared first on .

ក្រុមហ៊ុនបុត្រសម្ព័ន្ធ HITACHI ប្រកាសលក់ភាគហ៊ុនពាក់កណ្ដាល យកលុយមកអភិវឌ្ឍន៍បន្ថែមវិស័យផ្សេងទៀត

ឧកញ៉ាសំពៅ — Fri, 14 Jan 2022 04:02:30 +0000

ក្រុមហ៊ុនយក្ស HITÂCHI Ltd បានបង្ហើបពីការសម្រេចចិត្តលក់ភាគហ៊ុនប្រមាណ ៥១% នៅក្នុងក្រុមហ៊ុនបុត្រសម្ព័ន្ធ Hitachi Construction Machinery Co ទៅឲ្យក្រុមហ៊ុនជួញដូរ Itochu Corp និងក្រុមហ៊ុនវិនិយោគ Japan Industrial Partners។ នេះបើតាមការផ្សាយផ្ទាល់ពី NHK។

Hitachi នឹងលក់ចំណែកភាគហ៊ុនក្នុងទំហំទឹកប្រាក់ ២០០ ពាន់លានយ៉េន ឬ ១,៧ ពាន់លានដុល្លារ។ នេះបើតាមការឲ្យដឹងពី Nikkei ដែលមិនត្រូវបានបង្ហើបឲ្យដឹងច្បាស់ពីប្រភពឡើយ ខណៈមូលធនទីផ្សាររបស់ក្រុមហ៊ុនសំណង់មួយនេះមានតម្លៃដល់ទៅ ៧៥៣ ពាន់លានយ៉េន។

ទឹកប្រាក់ដែលបានមកនឹងយកមកអភិវឌ្ឍន៍បន្ថែមទៅលើវិស័យផ្សេងៗទៀតរបស់ក្រុមហ៊ុន Hitachi ដែលមានដូចជា រោងចក្រផលិតបន្ទះឈីប Hitachi Kokusai Electric និងរោងចក្រផលិតថ្នាំគីមី Hitachi Chemical ជាដើម។

បញ្ជាក់ដែរថា Hitachi Construction កាលពីឆ្នាំទៅធ្លាប់រកចំណូលបានដល់ទៅ ៨១៣ ពាន់លានយ៉េន ឬជាង ៧ ពាន់លានដុល្លារ ពីការលក់អេស្កាវ៉ាទ័រ រទេះរុញ ឡានចាក់សំរាម និងគ្រឿងបន្លាស់ជាដើម ជាមួយនឹងបុគ្គលិកប្រហែល ២៥ ០០០ នាក់ទូទាំងពិភពលោក និងភាគច្រើនជាការលក់ចេញក្រៅប្រទេសជប៉ុន៕

ប្រភព: CNA

The post ក្រុមហ៊ុនបុត្រសម្ព័ន្ធ HITACHI ប្រកាសលក់ភាគហ៊ុនពាក់កណ្ដាល យកលុយមកអភិវឌ្ឍន៍បន្ថែមវិស័យផ្សេងទៀត appeared first on .

កូវីដវាយលុយ តែចំណូលហាងសម្លៀកបំពាក់ Uniqlo នៅតែកើនឡើងឥតឈប់ឈរ

ឧកញ៉ាសំពៅ — Thu, 13 Jan 2022 08:45:32 +0000

នៅព្រឹកថ្ងៃទី ១៣ មករាកន្លងទៅ ក្រុមហ៊ុនលក់សម្លៀកបំពាក់របស់ប្រទេសជប៉ុនគឺ Uniqlo បានបង្ហើបឲ្យដឹងថា ចំណូលដែលទទួលបាននៅត្រីមាសទី ១ បានកើនឡើងដល់ទៅ ៥,៦% បើធៀបនឹងឆ្នាំទៅ ខណៈភាគច្រើនគឺបានមកពីការលក់នៅអាស៊ីខាងត្បូង អាមេរិកខាងជើង និងអឺរ៉ុប។

ប្រាក់ចំណូលរបស់ក្រុមហ៊ុនជប៉ុនមួយនេះបានកើនឡើងដល់ទៅ ១១៩,៤ ពាន់លានយ៉េន ឬ ១,០៤ ពាន់លានដុល្លារនៅក្នុងរយៈពេល ៣ ខែ គិតត្រឹមចុងខែវិច្ឆិកាឆ្នាំ២០២១ បើធៀបនឹងឆ្នាំទៅក្នុងពេលដូចគ្នា គឺទទួលបាន ១០២,៦ ពាន់លានយ៉េន។

ដោយឡែក សម្រាប់ទីផ្សារអន្តរជាតិរបស់ Uniqlo វិញត្រូវបានរាយការណ៍មកថា នៅត្រីមាសទីមួយគឺមានស្ថិតិល្អ បើទោះជាទីផ្សារនៅជប៉ុន និងចិនហាក់បង្ហាញសញ្ញាអវិជ្ជមានក៏ដោយ។ នេះបើតាមការបញ្ជាក់ពីខាងក្រុមហ៊ុនផ្ទាល់។

មិនតែប៉ុណ្ណោះ ក្រុមហ៊ុនយីហោរបស់ជប៉ុននេះបានព្យាករណ៍ថា ចំណូលរបស់ពួកគេនឹងអាចកើនឡើងដល់ ៨,៤% ពោលកើនដល់ ២៧០ ពាន់លានយ៉េននៅពេលទូទាត់បញ្ជីចំណូលចំណាយប្រចាំឆ្នាំ ដែលនឹងធ្វើនៅចុងខែសីហា។

បញ្ជាក់ដែរថា ហាងលក់សម្លៀកបំពាក់ដ៏ពេញនិយមលើពិភពលោកមួយនេះ គឺស្ថិតនៅក្រោមការគ្រប់គ្រងរបស់មហាសេដ្ឋីជប៉ុន Tadashi Yanai ដែលជាបុគ្គលមានបំផុតទី ២ ប្រចាំប្រទេសជាមួយទំហំទ្រព្យសម្បត្តិជាង ២០ ពាន់លានដុល្លារ៕

ប្រភព: CNA

The post កូវីដវាយលុយ តែចំណូលហាងសម្លៀកបំពាក់ Uniqlo នៅតែកើនឡើងឥតឈប់ឈរ appeared first on .

សេដ្ឋកិច្ចជប៉ុន

សេដ្ឋកិច្ចជប៉ុនមានការកើនឡើងខ្ពស់ជាងការរំពឹងទុក នាត្រីមាសទី២

រដ្ឋាភិបាល​ជប៉ុន​គ្រោង​បញ្ចេញ​កញ្ចប់​ថវិកា​ធំ​មិន​ធ្លាប់​មាន ៩៤០ ពាន់​លាន​ដុល្លារ សម្រាប់​ឆ្នាំក្រោយ

កូវីដ​វាយលុយ តែ​ចំណូល​ហាង​សម្លៀកបំពាក់ Uniqlo នៅ​តែ​កើនឡើង​ឥត​ឈប់ឈរ​

រដ្ឋាភិបាលជប៉ុនគ្រោងបញ្ចេញកញ្ចប់ថវិកាធំមិនធ្លាប់មាន ៩៤០ ពាន់លានដុល្លារ សម្រាប់ឆ្នាំក្រោយ

កូវីដវាយលុយ តែចំណូលហាងសម្លៀកបំពាក់ Uniqlo នៅតែកើនឡើងឥតឈប់ឈរ