សេដ្ឋកិច្ចថៃ

សេដ្ឋកិច្ចប្រទេសថៃ កើនឡើងលើសការរំពឹងទុកនៅត្រីមាសទីមួយ

ឧកញ៉ាសំពៅ — Tue, 16 May 2023 08:05:35 +0000

កំណើនសេដ្ឋកិច្ចនៅប្រទេសថៃ មានការកើនឡើងខ្ពស់លើសការរំពឹងទុក ពោលនៅត្រីមាសទីមួយ កំណើនសេដ្ឋកិច្ចមានរហូតដល់ ២,៧% ខណៈកន្លងមកមានការព្យាករណ៍ត្រឹម ២,៤% ប៉ុណ្ណោះ។ នេះបើតាមការចុះផ្សាយពី Reuters។

(FILES) In this file photo taken on February 13, 2023, tourists pose on Mai Khao Beach as a plane lands at Phuket International Airport in Phuket province. Thailand’s economy grew 2.7 percent in the first quarter thanks to a steady tourism recovery and strong consumer confidence that offset sluggish exports, officials said on May 15, 2023. (Photo by Madaree TOHLALA / AFP)

ការកើនឡើងដ៏ល្អមួយនេះ គួរអរគុណទៅដល់វិស័យទេសចរណ៍ដែលកំពុងមានស្ថិរភាពឡើងវិញ ជាមួយនឹងតម្រូវការកើនឡើងគួរឲ្យកត់សម្គាល់ ប៉ះប៉ូវដល់ការនាំចេញដែលធ្លាក់ចុះកន្លងទៅ។

ប្រទេសមានទំហំសេដ្ឋកិច្ចធំបំផុតទី ២ នៅអាស៊ាន កំពុងស្ដារសេដ្ឋកិច្ចរបស់ពួកគេឡើងវិញ ក្រោយរងឥទ្ធិពលពីជំងឺរាតត្បាត ស្របពេលក្រុមប្រឹក្សាអភិវឌ្ឍន៍សេដ្ឋកិច្ច និងសង្គមជាតិរំពឹងថាសេដ្ឋកិច្ចនឹងកើនឡើងចន្លោះពី ២,៧ ទៅ ៣,៧% នៅឆ្នាំនេះ។

សូមជម្រាបដែរថា ការងារដំបូងដែលរដ្ឋាភិបាលថ្មីរំពឹងចូលកាន់អំណាចនាពេលខាងមុខ ត្រូវតែផ្តល់អាទិភាពដល់ការជំរុញការនាំចេញ និងការស្វែងរកទីផ្សារសក្តានុពលថ្មី ដោយបង្កើនល្បឿនការចរចាពាណិជ្ជកម្មសេរី ដើម្បីបង្កើនទំហំសេដ្ឋកិច្ចឡើងវិញ៕

The post សេដ្ឋកិច្ចប្រទេសថៃ កើនឡើងលើសការរំពឹងទុកនៅត្រីមាសទីមួយ appeared first on .

កំណើនសេដ្ឋកិច្ចថៃឆ្នាំនេះ អាចកើនលឿនបំផុតក្នុងរយៈពេល ៥ឆ្នាំចុងក្រោយ

ឧកញ៉ាសំពៅ — Wed, 01 Feb 2023 07:05:02 +0000

សេដ្ឋកិច្ចថៃឆ្នាំនេះ អាចមានការកើនឡើងរហូតដល់ ៤% ដែលជាការកើនឡើងលឿនបំផុតក្នុងរយៈពេល ៥ ឆ្នាំចុងក្រោយ ហើយវិស័យភ្ញៀវទេសចរណ៍និងតម្រូវការផលិតផលក្នុងស្រុក គឺជាកត្តាជំរុញកំណើនសេដ្ឋកិច្ច្ខ្លាំងបំផុត។

យោងតាមការចុះផ្សាយពី CNA បានបង្ហាញថា លោក Supattanapong Punmeechaow ឧបនាយករដ្ឋមន្ត្រីថៃ បានទម្លាយថា ការវិនិយោគថ្មីៗនៅក្នុងស្រុកក៏នឹងជាកត្តាជំរុញកំណើនសេដ្ឋកិច្ចខ្លាំងដែរ។

“សេដ្ឋកិច្ចឆ្នាំនេះនឹងប្រសើរឡើងជាឆ្នាំមុន បើទោះជារងឥទ្ធិពលតម្លៃថាមពលមានការឡើងថ្លៃ។ ស្ថានភាពសេដ្ឋកិច្ចសព្វថ្ងៃនេះ គឺកំពុងមានភាពប្រសើរឡើង និងអាចវិលមកសភាពធម្មតាវិញនាពេលឆាប់ៗខាងមុខ”។ នេះបើតាមសម្ដីរបស់ឧបនាយករដ្ឋមន្ត្រីថៃបានលើកឡើង។

សូមជម្រាបដែរថា កាលពីសប្ដាហ៍មុន រដ្ឋមន្ត្រីហិរញ្ញវត្ថុនៃប្រទេសថៃ បានព្យាករថាកំណើនសេដ្ឋកិច្ចថៃនាឆ្នាំ ២០២៣ នអាចកើនឡើងដល់ ៣,៨% ជាមួយនឹងក្ដីរំពឹងពីកំណើនភ្ញៀវទេសចរណ៍អន្តរជាតិប្រមាណ ២០ លាននាក់នាឆ្នាំនេះទៀតផង៕

The post កំណើនសេដ្ឋកិច្ចថៃឆ្នាំនេះ អាចកើនលឿនបំផុតក្នុងរយៈពេល ៥ឆ្នាំចុងក្រោយ appeared first on .

ថៃអនុម័តការបន្ធូរបន្ថយពន្ធ ជំរុញកំណើនសេដ្ឋកិច្ចចាប់ពីឆ្នាំក្រោយ

ឧកញ៉ាសំពៅ — Tue, 20 Dec 2022 11:01:00 +0000

កាលពីថ្ងៃទី ២០ ធ្នូកន្លងទៅ រដ្ឋសភាថៃបានអនុម័តលើការបន្ធូរបន្ថយពន្ធ ដើម្បីជំរុញកំណើនការទិញផលិតផលជាសាធារណៈ ក៏ដូចជាទ្រទ្រង់កំណើនសេដ្ឋកិច្ចក្នុងស្រុកដែលកំពុងមានសញ្ញាវិជ្ជមាន។

យោងតាមការចុះផ្សាយពី CNA បានបង្ហាញថា រដ្ឋាភិបាលនឹងយល់ព្រមកាត់បន្ថយពន្ធលើអាជីវករលក់ទំនិញចាប់ពីថ្ងៃទី ០១ មករាឆ្នាំក្រោយទៅ ក្នុងទំហំទឹកប្រាក់ ៤០ ០០០ បាត ឬ ១ ១៥០ ដុល្លារ។

កាលពីឆ្នាំទៅ កំណើនសេដ្ឋកិច្ចថៃមានការកើនឡើង ១,៥% ដែលស្ថិតក្នុងចំណុចយឺតបំផុតនៅក្នុងតំបន់អាស៊ាន ប៉ុន្តែសេដ្ឋកិច្ចថៃចាប់ផ្ដើមមានដង្ហើមល្អឡើងវិញ បន្ទាប់ពីវិស័យទេសចរណ៍មានការកើនឡើង ក្រោយបន្ធូរបន្ថយវិធានការកូវីដ ១៩ នាពេលកន្លង។

សូមជម្រាបដែរថា ធនាគារកណ្ដាលបានអះអាងកាលពីថ្ងៃច័ន្ទថា សេដ្ឋកិច្ចនៅថៃអាចនឹងងើបរឹងដៃរឹងជើងឡើងវិញនាពាក់កណ្ដាលឆ្នាំ ២០២៣ ខណៈកំណើនសេដ្ឋកិច្ចឆ្នាំនេះអាចកើនដល់ ៣,២% និងបន្តឡើងដល់ ៣,៧% នាឆ្នាំ ២០២៣ រហូតដល់ ៣,៩% នាឆ្នាំ ២០២៤ ទៀតផង៕

The post ថៃអនុម័តការបន្ធូរបន្ថយពន្ធ ជំរុញកំណើនសេដ្ឋកិច្ចចាប់ពីឆ្នាំក្រោយ appeared first on .

មន្ត្រីហិរញ្ញវត្ថុអះអាងថា សេដ្ឋកិច្ចថៃកំពុងងើបឡើងវិញ ខណៈសេដ្ឋកិច្ចសកលកំពុងយ៉ាប់យ៉ឺន

ឧកញ៉ាសំពៅ — Wed, 07 Dec 2022 08:35:00 +0000

បច្ចុប្បន្ន សេដ្ឋកិច្ចពិភពលោកកំពុងប្រឈមនឹងហានិភ័យខ្លាំងក្លា ដោយសារសង្គ្រាមរវាងរុស្ស៊ី និងអ៊ុយក្រែន ចំពេលជំងឺរាតត្បាតកូវីដ ១៩ ផ្ទុះឡើងវិញនៅចិនផង បណ្ដាលឲ្យសង្វាក់ផ្គត់ផ្គង់មានការរាំងស្ទះ។

បើទោះជា សេដ្ឋកិច្ចសកលកំពុងប្រឈមហានិភ័យក្ដី ប៉ុន្តែរដ្ឋមន្ត្រីហិរញ្ញវត្ថុប្រទេសថៃ Arkhom Termpittayapaisith បានបង្ហើបថា សេដ្ឋកិច្ចក្នុងប្រទេសថៃកំពុងមានការងើបឡើងគួរឲ្យកត់សម្គាល់ ហើយថែមទាំងអាចស្រោចស្រង់ការខូចខាតនាពេលកន្លងទៀតផង។

មន្ត្រីហិរញ្ញវត្ថុរូបនេះថែមទាំងបង្ហើបទៀតថា បច្ចុប្បន្ន ប្រទេសសេដ្ឋកិច្ចធំទីពីរប្រចាំអាស៊ីអាគ្នេយ៍មានស្ថិរភាព ជាមួយនឹងអត្រាការប្រាក់ទាប សាច់ប្រាក់ងាយស្រួលគ្រប់គ្រាន់ ស្ថានភាពសារពើពន្ធ និងហិរញ្ញវត្ថុក៏មានភាពរឹងមាំទៀត។

សូមជម្រាបដែរថា សេដ្ឋកិច្ចប្រទេសថៃមានការរំពឹងទុកអាចកើនឡើង ៣,៤% នៅឆ្នាំនេះ និងបន្តកើនដល់ ៣,៨% នាឆ្នាំក្រោយ ខណៈវិស័យទេសចរណ៍គឺជាកូនសោសំខាន់បំផុតនៃការជំរុញកំណើនសេដ្ឋកិច្ចនៃប្រទេសជិតខាងកម្ពុជា៕

The post មន្ត្រីហិរញ្ញវត្ថុអះអាងថា សេដ្ឋកិច្ចថៃកំពុងងើបឡើងវិញ ខណៈសេដ្ឋកិច្ចសកលកំពុងយ៉ាប់យ៉ឺន appeared first on .

មន្ត្រីហិរញ្ញវត្ថុទម្លាយថា កំណើនសេដ្ឋកិច្ចថៃអាចឡើងដល់ ៣,៥% ដោយសារហាងឆេងលុយបាតល្អ

ឧកញ៉ាសំពៅ — Wed, 19 Oct 2022 12:55:00 +0000

សេដ្ឋកិច្ចប្រទេសថៃអាចកើនពី ៣ ដល់ ៣,៥% នៅក្នុងឆ្នាំនេះ ដោយសារហាងឆេងលុយបាតល្អ ជាហេតុធ្វើឲ្យការនាំចេញមានភាពប្រសើរឡើង ស្របពេលកំណើននៃភ្ញៀវទេសចរណ៍អន្តរជាតិក៏កំពុងមានសន្ទុះខ្លាំងផងដែរ។ នេះបើតាមសម្ដីរបស់លោក Arkhom Termpittayapaisith មន្ត្រីហិរញ្ញវត្ថុប្រទេសថៃ។

ឆ្លើយតបអំឡុងពេលផ្ដល់កិច្ចសម្ភាសន៍ជាមួយ Reuters មន្ត្រីរូបនេះបង្ហើបថា ការនាំចេញរបស់ថៃ និងវិស័យទេសចរណ៍អាចកើនដល់ ៨% នៅឆ្នាំនេះ ខណៈទំហំសេដ្ឋកិច្ចឆ្នាំក្រោយអាចកើនដល់ ៣,៧%។

មូលហេតុចំបងមួយដែលធ្វើឲ្យសេដ្ឋកិច្ចថៃមានការលូតលាស់ល្អ គឺហាងឆេងលុយបាត/ដុល្លារ ផ្ដល់សញ្ញាវិជ្ជមាន ដែលធ្វើឲ្យការនាំចេញរបស់ថៃមានកំណើនខ្ពស់ក្នុងរយៈពេលប៉ុន្មានខែចុងក្រោយនេះ។

សូមជម្រាបដែរថា ប្រទេសសេដ្ឋកិច្ចធំបំផុតទី ២ នៅអាស៊ីអាគ្នេយ៍ មានបំណងចង់ស្ដារសេដ្ឋកិច្ចរបស់ខ្លួនឡើងវិញនៅចុងឆ្នាំនេះ ឬដើមឆ្នាំក្រោយ បន្ទាប់ពីទទួលរងឥទ្ធិពលនៃជំងឺរាតត្បាតកូវីដ ១៩ កន្លងមក៕

The post មន្ត្រីហិរញ្ញវត្ថុទម្លាយថា កំណើនសេដ្ឋកិច្ចថៃអាចឡើងដល់ ៣,៥% ដោយសារហាងឆេងលុយបាតល្អ appeared first on .

ជាងមួយទសវត្សចុងក្រោយ មីកញ្ចប់នៅថៃឡើងថ្លៃតែ ១ បាត ដោយសារអតិផរណាសកល

ឧកញ៉ាសំពៅ — Thu, 25 Aug 2022 12:56:00 +0000

តម្លៃមីកញ្ចប់នឹងតម្រូវឲ្យមានការឡើងថ្លៃជាលើកដំបូងក្នុងរយៈពេល ១៤ ឆ្នាំចុងក្រោយ។ នេះបើតាមរបាយការណ៍ផ្ដល់ឲ្យដោយនាយកដ្ឋានពាណិជ្ជកម្ម។

ជាធម្មតា តម្លៃមីកញ្ចប់ទំហំទូទៅនៅប្រទេសថៃគឺមានតម្លៃ ៦ បាត ប៉ុន្តែក្រុមហ៊ុនផលិតខ្នាតយក្សជាច្រើនបានស្នើសុំឲ្យរដ្ឋាភិបាលតំឡើងថ្លៃដល់ ៨ បាត ដោយសារការឡើងថ្លៃទំនិញទូទាំងសកលលោក។

យ៉ាងណា នាយកដ្ឋានពាណិជ្ជកម្មបានបញ្ជាក់ប្រាប់ AFP ថា តម្លៃដែលនឹងយល់ព្រមរវាងភាគីទាំងសងខាងគឺ ៧ បាតសម្រាប់មីកញ្ចប់ទំហំធម្មតា ហើយការអនុម័តនេះនឹងមានប្រសិទ្ធភាពពីថ្ងៃទី ២៥ សីហាតទៅ។

បន្ថែមពីនោះ លោក Veera Naphaprukchart មកពីក្រុមហ៊ុនផលិតមីកញ្ចប់ Wai Wai បានឲ្យដឹងថា ក្រុមហ៊ុនរកស៊ីលើវិស័យនេះកំពុងជួបប្រទះនឹងការឡើងថ្លៃទំនិញ និងប្រេង ដូចជាតម្លៃម្សៅស្រូវសាលីឡើងថ្លៃប្រមាណ ២០-៣០% ខណៈតម្លៃប្រេងដូងឡើងថ្លៃទ្វេដង៕

The post ជាងមួយទសវត្សចុងក្រោយ មីកញ្ចប់នៅថៃឡើងថ្លៃតែ ១ បាត ដោយសារអតិផរណាសកល appeared first on .

ទប់កុំឲ្យសហគ្រាសធុនតូចដួល ថៃយកថវិកាជាតិជួយកម្មករមួយខែម្នាក់ ៩ ០០០ បាត

ឧកញ៉ាសំពៅ — Fri, 01 Oct 2021 07:31:19 +0000

ប្រទេសថៃកំពុងមានបញ្ហាខ្លាំងផ្នែកសេដ្ឋកិច្ច ដោយសារការរាតត្បាតពីជំងឺកូវីដ ១៩ ដែលបណ្ដាលឲ្យអាជីវកម្មខ្នាតតូច ធំជាច្រើនកន្លែងបះជើងបណ្ដើរៗ ដោយសារទប់ទល់នឹងការចំណាយមិនបាន។

ដោយមើលឃើញពីស្ថានការណ៍មិនសូវល្អ រដ្ឋាភិបាលប្រទេសថៃគ្រោងនឹងបញ្ចេញថវិកាជាតិប្រមាណ ៤៥ ពាន់លានបាត ដើម្បីជួយទ្រទ្រង់ដល់អាជីវកម្មខ្នាតតូចទូទាំងប្រទេសរយៈពេល ៣ ខែខាងមុខ។

ចំពោះក្រុមហ៊ុនដែលមានបុគ្គលិកធ្វើការប្រមាណ ២០០ នាក់ នឹងទទួលបាន ៩ ០០០ បាត/ម្នាក់ ជារៀងរាល់ខែសម្រាប់រយៈពេល ៣ ខែ គិតចាប់ពីខែវិច្ឆិកាទៅ ស្របពេលគោលដៅសំខាន់នៃគម្រោងការនេះគឺ ជួយទប់ទល់ការងារ ៥,០៤ លានកន្លែងឲ្យមានស្ថិរភាព។

គម្រោងការនេះផងដែរ នឹងជួយទ្រទ្រង់អាជីវកម្មប្រមាណ ៤៨០ ០០០ ក្រុមហ៊ុន ដែលមានបុគ្គលិករហូតដល់ ២០០ នាក់/ក្រុមហ៊ុន ឲ្យមានស្ថិរភាពដល់ទៅ ៩៥% ស្របពេលជាមួយគ្នានោះ រដ្ឋាភិបាលក៏មានគម្រោងចង់ទាក់ទាញភ្ញៀវទេសចរណ៍អន្តរជាតិ ១ លាននាក់នៅត្រីមាសចុងក្រោយនៃឆ្នាំ ២០២១ នេះ ដោយមានគម្រោងចំណាយប្រមាណ ៦០ លានបាតផងដែរ៕

ប្រភព: bangkokpost

The post ទប់កុំឲ្យសហគ្រាសធុនតូចដួល ថៃយកថវិកាជាតិជួយកម្មករមួយខែម្នាក់ ៩ ០០០ បាត appeared first on .

World Bank ព្យាករណ៍ថាសេដ្ឋកិច្ចប្រទេសថៃនឹងអាចកើនឡើង ១% នៅឆ្នាំនេះ

ឧកញ៉ាសាមញ្ញ — Wed, 29 Sep 2021 04:04:49 +0000

សេដ្ឋកិច្ចរបស់ប្រទេសថៃ ត្រូវបានធនាគាពិភពលោក ព្យាករណ៍ថានឹងអាចកើនឡើង ១% នៅឆ្នាំនេះ ពោលគឺធ្លាក់ចុះពី ២,២% ដែលបានព្យាករណ៍នៅក្នុងខែកក្កដា ដោយសារតែការកើនឡើងនៃអ្នកឆ្លងកូវីដ ១៩ និងការពន្យាពេលបើកឲ្យភ្ញៀវទេសចរណ៍ចូលមកលេងកម្សាន្តក្នុងប្រទេសឡើងវិញ ។

ប្រទេសដែលមានសេដ្ឋកិច្ចធំលំដាប់ទី ២ របស់អាស៊ីអាគ្នេយ៍មួយនេះ បានធ្លាក់ចុះ ៦,១% កាលពីឆ្នាំមុន ដែលជាការធ្លាក់ចុះយ៉ាងគំហុកបំផុត នៅក្នុងរយ:ពេលជាងពីរទសវត្សរ៍ចុងក្រោយ ស្របពេលវិស័យទេសចរណ៍ ដែលជាប្រភពចំណូលដ៏សំខាន់ ត្រូវបានជាប់គាំង ដោយសារផលប៉ះពាល់នៃជំងឺរាតត្បាតជាសកលមួយនេះ ។

លោក Kiatipong Ariyapruchaya ដែលជាសេដ្ឋវិទូជាន់ខ្ពស់ របស់ធនាគារពិភពលោកប្រចាំប្រទេសថៃ បានប្រាប់សន្និសីទកាសែតមួយថា សេដ្ឋកិច្ចរបស់ថៃ ឥឡូវនេះត្រូវបានគេរំពឹងថានឹងវិលត្រលប់ទៅរកកម្រិតមុនពេលមានជំងឺរាតត្បាតវិញ នៅឆ្នាំ ២០២៣ ខាងមុខ ។

មិនតែប៉ុណ្ណោះ លោកបានន្ថែមទៀតថា ភ្ញៀវទេសចរបរទេសចំនួន ១,៧ លាននាក់ នឹងចូលមកលេងនៅក្នុងប្រទេសថៃ នៅឆ្នាំក្រោយ ស្របពេលសេដ្ឋកិច្ចនៅក្នុងពេលជាមួយគ្នានោះ ត្រូវបានព្យាករណ៍ថានឹងកើនឡើងវិញ ៣,៦% ផងដែរ ។

លើសពីនេះ លោក Kiatipong បានបន្ថែមទៀតថា ការនាំចេញ និងវិធានការសារពើពន្ធ អាចជាការគាំទ្រដ៏ធំមួយ សម្រាប់ការស្តាសេដ្ឋកិច្ចក្នុងប្រទេសឡើងវិញ ខណ:ធនាគារពិភពលោក ក៏បានគាំទ្រដល់រដ្ឋាភិបាលថៃ ក្នុងការលើកកម្ពស់បំណុលសាធារណ:របស់រដ្ឋាភិបាល ដើម្បីជួយស្រោចស្រង់សេដ្ឋកិច្ចជាតិផងដែរ ៕

ប្រភព: Kelo.com

The post World Bank ព្យាករណ៍ថាសេដ្ឋកិច្ចប្រទេសថៃនឹងអាចកើនឡើង ១% នៅឆ្នាំនេះ appeared first on .