ADB៖ ព្យាករណ៍ថា សេដ្ឋកិច្ចវៀតណាម នឹងមានកំណើនលឿនជាងគេបំផុតនៅអាស៊ីអាគ្នេយ៍

ឧកញ៉ា ខួច — Thu, 10 Oct 2024 23:00:00 +0000

ដោយសារភាពប្រសើរឡើងវិញនៃតម្រូវការសកលនិងទំនាក់ទំនងពាណិជ្ជកម្មពិភពលោក ធនាគារអភិវឌ្ឍន៍អាស៊ី (ADB) បានព្យាករណ៍ថា កំណើនសេដ្ឋកិច្ចជាវិជ្ជមានសម្រាប់ប្រទេសវៀតណាមត្រូវប៉ាន់ប្រមាណថានឹងសម្រេចបាន ៦% ក្នុងឆ្នាំ ២០២៤ និងកើន ៦.២% ក្នុងឆ្នាំ២០២៥ ។ ជាមួយនឹងការព្យាករណ៍កំណើនបែបនេះ វៀតណាមនឹងក្លាយជាខឿនសេដ្ឋកិច្ច ដែលមានកំណើនខ្លាំងបំផុតនៅក្នុងតំបន់អាស៊ីអាគ្នេយ៍ក្នុងឆ្នាំ ២០២៤ និងឆ្នាំ ២០២៥ ។ យោងតាមរបាយការណ៍ចេញផ្សាយនៅថ្ងៃទី ២៥ ខែកញ្ញា ។

ប្រទេសវៀតណាម កំពុងស្គាល់កំណើនយ៉ាងខ្លាំងពីវិស័យធំៗរួមមាន ពាណិជ្ជកម្ម ការលក់រាយ និងប្រាក់ចំណូលសេវាកម្ម ព្រមទាំងសកម្មភាពផលិតកម្ម អាជីវកម្ម និងការវិនិយោគ។

ក្រសួងឧស្សាហកម្ម និងពាណិជ្ជកម្មវៀតណាម បានបញ្ជាក់ថា ការវិនិយោគផ្ទាល់ពីបរទេស គឺមានការកើនឡើងខ្ពស់ក្នុងឆ្នាំនេះ និងបង្ហាញពីភាពរស់រវើកសម្រាប់ទំនុកចិត្តរបស់អ្នកវិនិយោគបរទេសនៅក្នុងទីផ្សារវៀតណាមដោយមើលឃើញថា វាជាគោលដៅសុវត្ថិភាព និងទាក់ទាញ ទោះបីប្រទេសនេះទើបនឹងរងគ្រោះធម្មជាតិដោយសារ ព្យុះទីហ្វុងយ៉ាហ្គី បណ្តាលឱ្យមានទឹកជំនន់រីករាលដាល២៦ខេត្តនៅតំបន់ភាគខាងជើង។

ជាមួយភាពសម្បូរបែបនៃប្រជាជនវ័យក្មេង វៀតណាម មានឱកាសនាំមុខប្រទេសអាស៊ានភាគច្រើនដែលមានសេដ្ឋកិច្ចខ្លាំងដូចជាសិង្ហបុរី ថៃ ឬម៉ាឡេស៊ី។ ទន្ទឹមនេះវៀតណាម ដាក់គោលដៅសម្រេចឲ្យក្លាយជាប្រទេសដែលមានប្រាក់ចំណូលខ្ពស់នៅឆ្នាំ ២០៤៥ ។

ថ្លែងនៅក្នុងសន្និសីទការសែតលោក Shantanu Chakraborty ជានាយក ADB ប្រចាំប្រទេសវៀតណាម លើកឡើងថា៖ “សេដ្ឋកិច្ចរបស់វៀតណាមបានងើបឡើងវិញយ៉ាងខ្លាំងនៅក្នុងឆមាសទីមួយនៃឆ្នាំ ២០២៤ ។ កំណើននេះនឹងនៅតែបន្តរក្សាសន្ទុះ ទោះបីជាមានអស្ថិរភាពនៅលើពិភពលោកក៏ដោយ។ ការស្ទុះងើបឡើងវិញសម្រេចបានដោយសារការធ្វើឱ្យប្រសើរឡើងនៃផលិតកម្មឧស្សាហកម្ម និងការកើនឡើងយ៉ាងខ្លាំងនៃពាណិជ្ជកម្ម»។ ចំពោះវិស័យឧស្សាហកម្មនៅតែបន្តជាកត្តាជំរុញដ៏សំខាន់នៃកំណើន ដោយសារតម្រូវការគ្រឿងអេឡិច ត្រូនិកនាំចេញសំខាន់ៗបានរួមចំណែកក្នុងការបង្កើនផលិតកម្ម លើវិស័យសេវាកម្ម និងកសិកម្ម” ៕

អត្ថបទដើម៖ Link

រូបភាព៖ en.vneconomy.vn/

The post ADB៖ ព្យាករណ៍ថា សេដ្ឋកិច្ចវៀតណាម នឹងមានកំណើនលឿនជាងគេបំផុតនៅអាស៊ីអាគ្នេយ៍ appeared first on .

ត្រឹម ៨ ខែ វៀតណាមខាតជញ្ជីងពាណិជ្ជកម្មជាមួយចិន ជាង ៣៩ ប៊ីលានដុល្លារ

ឧកញ៉ាសំពៅ — Tue, 21 Sep 2021 01:50:44 +0000

ឱនភាពពាណិជ្ជកម្ម (ការនាំចូលច្រើនជាងការនាំចេញ) របស់ប្រទេសវៀតណាមជាមួយចិនបានកើនឡើងរហូតដល់ ៣៩ ប៊ីលានដុល្លារ ដែលនេះមានន័យថា វៀតណាមនាំទំនិញចូលពីចិន ច្រើនជាងនាំចេញទៅចិន។

យ៉ាងណា ស្ថិតិនៃការនាំទំនិញចេញទៅកាន់ប្រទេសចិនរបស់វៀតណាមក៏មានការកើនឡើង ២២% ដែលស្មើនឹង ៣៣,៥ ពាន់លានដុល្លារ ឬ ១៦% នៃការនាំចេញសរុបទៅក្រៅប្រទេស។ នេះបើតាមរបាយការណ៍ផ្ដល់ឲ្យដោយអគ្គនាយកដ្ឋានគយនៃប្រទេសវៀតណាម។

ប្រទេសចិនគឺនៅតែជាប្រភពនាំទំនិញចូលធំបំផុតរបស់វៀតណាម ដែលជាទូទៅជាគ្រឿងបន្លាស់ គ្រឿងម៉ាស៊ីន និងឧបករណ៍ម៉ាស៊ីន ទូរស័ព្ទ និងវត្ថុធាតុដើមនានាសម្រាប់ឧស្សាហកម្មវាយនភ័ណ្ឌ ដែលមានការកើនឡើងដល់ទៅ ៤៧% ឬ ៧២,៥ ពាន់លានដុល្លារ។

បញ្ជាក់ដែរថា កាលពីឆ្នាំទៅ វៀតណាមជាដៃគូពាណិជ្ជកម្មធំបំផុតទី ៦ របស់ប្រទេសចិន និងជាប្រភពនាំចេញធំបំផុតទី ៥ ផងដែរ៕

ប្រភព: vnexpress

The post ត្រឹម ៨ ខែ វៀតណាមខាតជញ្ជីងពាណិជ្ជកម្មជាមួយចិន ជាង ៣៩ ប៊ីលានដុល្លារ appeared first on .

សេដ្ឋកិច្ចប្រទេសវៀតណាម

ADB៖ ព្យាករណ៍ថា សេដ្ឋកិច្ច​វៀតណាម នឹង​មាន​កំណើនលឿន​​ជាងគេ​បំផុត​នៅអាស៊ីអាគ្នេយ៍

ត្រឹម​ ៨ ខែ វៀតណាម​ខាត​ជញ្ជី​ង​ពាណិជ្ជកម្ម​ជាមួយ​ចិន​ ជាង​ ៣៩ ប៊ីលាន​ដុល្លារ

ADB៖ ព្យាករណ៍ថា សេដ្ឋកិច្ចវៀតណាម នឹងមានកំណើនលឿនជាងគេបំផុតនៅអាស៊ីអាគ្នេយ៍

ត្រឹម ៨ ខែ វៀតណាមខាតជញ្ជីងពាណិជ្ជកម្មជាមួយចិន ជាង ៣៩ ប៊ីលានដុល្លារ