បុរីនេះ វិនិយោគដោយលោកស្រី សែម សម្ភស្ស ត្រូវបានគេចាត់ទុកថា ជាសហគ្រិនស្រ្តីដ៏មានសក្ដានុពលមួយរូបក្នុងវិស័យអចលនទ្រព្យ និងសំណង់។ លោកស្រីជាអគ្គនាយិកាក្រុមហ៊ុន បុរី សម្បត្តិមានហេង ៣ និងជាសមាជិកានៃសមាគមអ្នកអភិវឌ្ឍន៍លំនៅដ្ឋានកម្ពុជា ដែលមានអ្នកឧកញ៉ា លី ហួរ ជាប្រធាន។

ក្រៅពីគ្រប់គ្រងក្រុមហ៊ុនបុរីហើយនោះ លោកស្រី សែម សម្ភស្ស ក៏ជាម្ចាស់ក្រុមហ៊ុន BIG KOREAN GROUP CO.,LT ។

ស្វាមីរបស់លោកស្រី គឺអតីតឧកញ៉ា លោក ឈន សារ៉ាណេ អគ្គនាយករងនៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ នៃ​ក្រសួងមហាផ្ទៃ។ លោកត្រូវបានព្រះមហាក្សត្រកម្ពុជា តាមសំណើសម្តេចតេជោ ហ៊ុន សែន នាយករដ្ឋមន្ត្រី បានចេញព្រះរាជក្រឹត្យ​បញ្ចប់​ងារ​ឧកញ៉ា លើ​មេ​ប៉ូលិស​ចំនួន ៣៦​នាក់ ធ្វើ​ឡើង​កាល​ពី​ថ្ងៃ​ទី​២៣ វិច្ឆិកា ឆ្នាំ២០១៩។ លោកធ្លាប់អតីតមន្ត្រីយោធាក្រសួងការពារជាតិផងដែរ។

ការ​បញ្ចប់​គោរមងារ​ឧកញ៉ា ក្នុង​ជួរ​កងកម្លាំង​ប៉ូលិស​នេះ ធ្វើឡើង​តាម​គោលការណ៍​ស្ម័គ្រចិត្ត ដូច​ករណី​បញ្ចប់​ងារ​ឧកញ៉ា នៅ​ជួរ​កង​កម្លាំងយោធា​ដែរ​ ដោយប្រមុខរាជរដ្ឋាភិបាល ចេញបទបញ្ជាឱ្យជ្រើស​យក​តួនាទី​បានតែ​១ គឺ​ធ្វើជា​ឧកញ៉ា ឬ​ធ្វើជា​កងកម្លាំង។ កាលពី​ខែ​កញ្ញា ឆ្នាំ២០១៩ ប្រធាន​ព្រឹទ្ធសភា ក្នុង​នាម​ជា​ប្រមុខ​រដ្ឋ​ស្ដីទី សម្តេចវិបុលសេនាភក្តី សាយ ឈុំ បាន​ចេញ​ព្រះរាជក្រឹត្យ បញ្ចប់​គោរមងារ​ឧកញ៉ា លើ​មេ​យោធា ចំនួន ៧៥​នាក់៕

The post មកស្គាល់ភរិយាអតីតឧកញ៉ាម្នាក់ កំពុងបោះទុនវិនិយោគលើវិស័យអចលនទ្រព្យ និងសំណង់ appeared first on .

ក្នុងសន្និសីទសារព័ត៌មាន ស្តីពី«សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងរៀបចំដែនដី នគរូបនីយកម្ម និងសំណង់» នៅថ្ងៃទី២៤ ខែសីហានេះ លោក លី រស្មី គូសបញ្ជាក់ថា ប្រទេសដែលដើរតួនាទីធំជាងគេ នៅក្នុងការវិនិយោគ ក្នុងវិស័យសំណង់ និងអចលនទ្រព្យនៅកម្ពុជា ទី១៖ ប្រទេសចិន ទី២៖ កូរ៉េខាងត្បូង ទី៣៖ ជប៉ុន បន្ទាប់មកប្រទេសថៃ។

បើតាមលោក លី រស្មី ស្ថិតនៅក្នុងបរិបទនៃប្រទេសជាតិ ដែលបានទទួលនូវស្ថិរភាពនយោបាយសន្តិសុខសង្គម ធ្វើឲ្យមានការអភិវឌ្ឍលើវិស័យសំណង់នេះ គួរឲ្យកត់សម្គាល់ ហើយវិស័យនេះ គឺជាផ្នែកមួយដ៏មានសារៈសំខាន់រួមចំណែក ដល់ការអភិវឌ្ឍសេដ្ឋកិច្ច ដោយបំពេញនូវគោលបំណងជាមូលដ្ឋាន នៃការអភិវឌ្ឍសង្គម ដោយបង្កើតនូវការងារយ៉ាងច្រើនដល់ប្រជាពលរដ្ឋ។

លោកបន្ថែមទៀតថា វិស័យនេះ ក៏បានបង្កើនប្រាក់ចំណូលខ្ពស់ដល់សង្គមជាតិផងដែរ ទាក់ទងជាមួយនឹងសេវាកម្មសង្គម ហើយក៏បានចូលយ៉ាងសកម្ម នៅក្នុងកំណើនសេដ្ឋកិច្ចជាតិ ជាពិសេសគឺពាក់ព័ន្ធជាមួយនឹងការវិនិយោគ ទៅលើវិស័យសំណង់៕

The post លោក លី រស្មី៖ ឆមាសទី១ កម្ពុជាទទួលបានទុនវិនិយោគ ១,២០៦លានដុល្លារ ពីវិស័យសំណង់ appeared first on .

ព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុកម្ពុជា នៃក្រសួងសេដ្ឋកិច្ច បានបញ្ជាក់ថា ចំពោះកម្ចីទិញផ្ទះជាកម្មសិទ្ធិផ្ទាល់ខ្លួនមានការកើនឡើងដែរ ដោយមានទឹកប្រាក់សរុបប្រមាណ ២៣ ៥៦៤,៦៦ ប៊ីលានរៀល កើនបាន២៩,៩ %។ ជាមួយគ្នានេះដែរ ឥណទានផ្តល់ដោយមីក្រូហិរញ្ញវត្ថុក្នុងវិស័យសំណង់មានចំនួនទឹកប្រាក់សរុបប្រមាណ១ ៥០៣,៨៧ ប៊ីលានរៀល កើនឡើងប្រមាណ៣៩,៨ % ធៀបនឹងត្រីមាសទី១ ឆ្នាំ២០២១។

ក្នុងរបាយការណ៍ដដែលនេះ បានលើកឡើងទៀតថា គិតត្រឹមត្រីមាសទី១ ឆ្នាំ២០២២ ការនាំចូលបរិក្ខារសំណ​ង់​មានទឹកប្រាក់សរុបប្រមាណ ៤៧១,៩២ លានដុល្លារអាមេរិក កើនឡើង១៨,១% ធៀបនឹងត្រីមាសទី១ ឆ្នាំ២០២១៕

The post ត្រីមាសទី១ ឆ្នាំ២០២២នេះ ឥណទានក្នុងវិស័យសំណង់ និងអចលនទ្រព្យមានទឹកប្រាក់ប្រមាណ ៣,១៨៣,៤៩៤ ប៊ីលានរៀល appeared first on .

យ៉ាងណា មុន​នឹង​អគារ​ខាងលើ​លេច​ចេញ​ជា​រូបរាង វា​គ្រាន់តែ​ជា​គម្រោងការណ៍​នៅឡើយ ដោយ​បច្ចុប្បន្ន អគារ​ដែល​មាន​តម្លៃ​ថ្លៃ​បំផុត​លើ​លោក​គឺ Dubai Mall នៅ​ទីក្រុង​ឌូបៃ ខណៈ​តម្លៃ​សាងសង់​របស់​វា​គឺ​ប្រមាណ ២៤ ពាន់​លាន​ដុល្លារ។

ក្រៅពី Dubai Mall គេហទំព័រ Therichest ក៏​បាន​ចុះ​ផ្សាយ​ដែរ​អំពី​អគារ​ទាំង ១០ ដែល​មាន​តម្លៃ​ថ្លៃ​បំផុត​លើ​លោក ហើយ​ក្នុងនោះ​អគារ Marina Bay Sands របស់​ប្រទេស​សិង្ហបុរី​ជាប់​នៅ​ចំណាត់​ថ្នាក់​លេខ ៣ ក្នុង​បញ្ជី​អគារ​មាន​តម្លៃ​ថ្លៃ​បំផុត​លើ​លោក។

ខាងក្រោម​នេះ​គឺ​ជា​បញ្ជី​ឈ្មោះ​សំណង់​អគារ​ទាំង ១០ មាន​តម្លៃ​សាងសង់​ថ្លៃ​បំផុត​លើ​លោក​នា​ពេល​បច្ចុប្បន្ន ផ្អែក​តាម​ទិន្នន័យ​ផ្ដល់​ឲ្យ​ដោយ Therichest៖

10/ Bank of China Tower ទីក្រុង​ហុងកុង តម្លៃ​សាងសង់​ប្រមាណ ២,១ ពាន់​លាន​ដុល្លារ

9/ Princess Tower ទីក្រុង​ឌូបៃ ប្រទេស​អារ៉ាប់រួម តម្លៃ​សាងសង់​ប្រមាណ ២,១៧ ពាន់​លាន​ដុល្លារ

8/ Taipei 101 ទីក្រុង​តៃប៉ិ កោះ​តៃវ៉ាន់ តម្លៃ​សាងសង់​ប្រមាណ ២,៤ ពាន់​លាន​ដុល្លារ

7/ Lotte World Tower ប្រទេស​កូរ៉េខាងត្បូង តម្លៃ​សាងសង់​ប្រមាណ ៣,១១ ពាន់​លាន​ដុល្លារ

6/ Wynn Resort ទីក្រុង Las Vegas រដ្ឋ Nevada សហរដ្ឋអាមេរិក តម្លៃ​សាងសង់​ប្រមាណ ៣,៦ ពាន់​លាន​ដុល្លារ

5/ One World Trade Center ទីក្រុង New York សហរដ្ឋអាមេរិក តម្លៃ​សាងសង់​ប្រមាណ ៣,៨ ពាន់​លាន​ដុល្លារ

4/ The Cosmopolitan ទីក្រុង Las Vegas រដ្ឋ Nevada សហរដ្ឋអាមេរិក តម្លៃ​សាងសង់​ប្រមាណ ៣,៩ ពាន់​លាន​ដុល្លារ

3/ Marina Bay Sands ទីក្រុង​សាំងហ្គាពួរ ប្រទេស​សិង្ហបុរី តម្លៃ​សាងសង់​ប្រមាណ ៥,៩ ពាន់​លាន​ដុល្លារ

2/ Abraj Al-Bait ទីក្រុង Mecca ប្រទេស​អារ៉ាប៊ីសាអូឌីត តម្លៃ​សាងសង់​ប្រមាណ ១៥ ពាន់​លាន​ដុល្លារ

1/ Dubai Mall ទីក្រុង​ឌូបៃ ប្រទេស​អារ៉ាប់រួម តម្លៃ​សាងសង់​ប្រមាណ ២៤ ពាន់​លាន​ដុល្លារ៕

The post មក​ស្គាល់​សំណង់​អគារ​ថ្លៃ​បំផុត​លើ​លោក មាន​មួយ​នៅ​អាស៊ី​អាគ្នេយ៍ appeared first on .

យោង​តាម​លិខិត​របស់​ក្រសួង​រៀបចំ​ដែនដី កាលពី​ថ្ងៃ​ទី​៨ ខែមេសា ឆ្នាំ​២០២២ បាន​ឲ្យ​ដឹង​ថា៖ រាល់ការឣនុវត្តការងារសាងសង់សំណង់ណា ដែលមិន​ទាន់​ទទួល​បាន​លិខិតអនុញ្ញាត​សាងសង់​ លិខិតអនុញ្ញាត​បើកការដ្ឋានសំណង់ លិខិតឣនុញ្ញាត្តិជួសជុល​ លិខិតអនុញ្ញាត​រុះរើ ពី​អាជ្ញាធរ ឬ​មន្ត្រី​មាន​សមត្ថកិច្ច​ទៀត គឺជាឣំពើខុសច្បាប់។

ក្រសួងឣះឣាងបន្តថា ការងារសាងសង់ដែលមិន​មាន​ប្លង់​ស្ថាបត្យកម្ម និង​ប្លង់​គ្រឿង​ផ្ទុំ​សំណង់​ដែល​ទទួល​បានការ​យល់ព្រម​ពី​អាជ្ញាធរ ឬ​មន្ត្រី​មាន​សមត្ថកិច្ច​ដែល​អាច​ល្មើសនឹងបទ​ប្បញ្ញត្តិ​ស្តី​ពី​ធ្លា​តម្លា​ត សន្តិសុខ សណ្ដាប់ធ្នាប់​សាធារណៈ គុណភាព សុវត្ថិភាព​សំណង់ សោភណភាព ទ្រព្យសម្បត្តិ និង​សុខុមាលភាព​របស់​ម្ចាស់​សំណង់ អ្នក​ប្រើប្រាស់​សំណង់ និង​សាធារណជន និង​អាច​បង្ក​ឱ្យ​មាន​វិវាទ ។

ហេតុនេះ ក្រសួង ក៏បានស្នើឲ្យឯកឧត្តមឣគ្គលេខាធិការនៃគណ:ស្ថាបត្យករកម្ពុជា ណែនាំស្ថាបត្យករដែលចុះបញ្ជីនៅគណ:ស្ថាបត្យករកម្ពុជាទាំងឣស់ មិនឲ្យទទួលឣនុវត្តកាងារសាងសង់ទៀតឡើយ ខណ:ក្រសួងប្រកាសថា នឹងចាត់វិធានការចំពោះជនល្មើសតាមផ្លូវច្បាប់ជាធរមានថែមទៀត៕

The post រដ្ឋហាមមិនឲ្យស្ថាបត្យករទទួលសាងសង់ ឬរុះរើសំណង់ដែលគ្មានលិខិតអនុញ្ញាតពីអាជ្ញាធរ appeared first on .

ក្នុងលិខិតជម្រាបជូនទៅកាន់​អភិបាលរាជធានី ខេត្ត  លោក ជា សុផារ៉ា  បានបញ្ជាក់ថា ក្រសួង រៀបចំដែនដី នគរូបនីយកម្ម និង​សំណង់ មិនអនុញ្ញាតឱ្យមានការដ្ឋានសំណង់ ចាប់ផ្តើម​ដំណើរ​ការសាងសង់ ឬរុះរើ ដោយគ្មានប្លង់ស្ថាបត្យកម្មនិងប្លង់គ្រឿងផ្គុំសំណង់ដែលទទួលបាន ការ​យល់​​ព្រម​ពីអាជ្ញាធរមានសមត្ថកិច្ចនោះឡើយ។

លោក ជា សុផារ៉ា  បានសង្កត់ធ្ងន់ថា សកម្មភាពទាំងនេះជាអំពើខុស​ច្បាប់ ដែល​អាចបង្កឱ្យ ប៉ះពាល់​ដល់​បទ​ប្បញ្​ញត្តិស្តី​ពីធ្លាគម្លាត គុណភាព សន្តិសុខ សុវត្ថិភាពសំណង់ សណ្ដាប់​ធ្នាប់សាធារណះ សោភ​ណភាព ការរស់នៅ​ប្រកបដោយចីរភាព និងអាចបង្ក​ឱ្យមានវិវាទ។

ជាមួយគ្នានោះ លោករដ្ឋមន្រ្តី ក៏ស្នើឲ្យអភិបាលរាជធានី ខេត្ត ជំរុញការតាមដានត្រួតពិនិត្យចាត់ វិធានការទប់ស្កាត់​ការ​សាងសង់ឬរុះរើសំណង់ដែលគ្មានលិខិតអនុញ្ញាត និងចាត់ចែង​ដាក់​ទណ្ឌ​កម្មចំពោះ ជនដែល​ប្រព្រឹត្តអំពើល្មើសនឹងបទប្បញ្ញត្តិស្តីពីសំណង់ មានជាអាទិ៍ ការតម្រូវ​ឱ្យម្ចាស់​​សំណង់​កែសម្រួល ឬរុះរើសំណង់ ការហាមឃាត់ការប្រើប្រាស់ ការប្រកបអាជីវកម្ម ការចាត់​ចែង និងការធ្វើចរន្តការ​នានា ដូចជាការមិនអនុញ្ញាតឱ្យធ្វើការបញ្ជាក់ ការដាក់ហ៊ីប៉ូតែក ការ​ផ្ទេរ ឬលក់-ទិញពាក់​ព័ន្ធនឹង​សំណង់ដែល គ្មានលិខិតអនុញ្ញាត និងការកសាង​សំណុំរឿង​បញ្ជូនទៅតុលាការ ដើម្បីស្នើសុំរឹបអូសសម្ភារៈ បរិក្ខារ និង ឧបករណ៍ផ្សេងៗទៀត ការផ្តន្ទា​ទោសពិន័យជាប្រាក់ ការផ្តន្ទាទោសដាក់ពន្ធនាគារ ការរំលាយ ក្រុមហ៊ុនការដាក់ឱ្យ​ស្ថិត​ក្រោមការ​ត្រួត​ពិនិត្យតាមដានរបស់តុលាការ ការហាមឃាត់ចំពោះការ ធ្វើសកម្មភាព ការ​បណ្តេញ​ចេញ​ពីលទ្ធកម្មសាធារណៈ ការបិទផ្សាយសេចក្តីសម្រេចផ្តន្ទាទោស និងការ ផ្សាយសេច​ក្តី​សម្រេចផ្តន្ទាទោសជាសាធារណៈ។

គួរបញ្ជា់ថា គិតពីចាប់ឆ្នាំ២០០០ ដល់ដំណាច់ឆ្នាំ២០២១ ក្រសួងរៀបចំដែនដី នគរូបនីយកម្ម និង​សំណង់ បានចេញលិខិតអនុញ្ញាតសាងសង់នៅទូទាំងប្រទេសចំនួន ៥៧ ៥៩០គម្រោង ផ្ទៃ​ក្រឡាកម្រាលសំណង់សរុបចំនួន១៦៦ ៦២៣ ៨៩១ម៉ែត្រក្រឡា និងតម្លៃប៉ាន់​ស្មានទុន​វិនិ​យោគសរុបប្រមាណ៦៦ ២០៥ ៨៤១ ៩៣៦ដុល្លារ។       

The post រដ្ឋមន្ត្រីក្រសួងរៀបចំ​​ដែនដី ប្រាប់​ឲ្យ​​អភិបាល​រាជធានី ខេត្ត ទប់ស្កាត់ការ​សាងសង់​​សំណង់​​​ដែល​គ្មាន​លិខិតអនុ​​​ញ្ញាត appeared first on .