យោងតាមទិន្នន័យរបស់សេវាប្រមូលសំរាម និងអាជ្ញាធរ បរិមាណសំរាមនៅរាជធានីភ្នំពេញ ក្នុងឱកាសពិធីបុណ្យចូលឆ្នាំថ្មីឆ្នាំនេះ បានបង្ហាញនូវសញ្ញាវិជ្ជមាន តាមរយៈការថយចុះគួរឱ្យកត់សម្គាល់។ ជាក់ស្តែង សរុបទាំង៣ថ្ងៃនៃពិធីបុណ្យ សំរាមចំនួនជាង ៧ ១៣៤ តោន ត្រូវបានប្រមូលទុកដាក់ទៅទីលានទុកដាក់សំរាមនៅក្នុងរាជធានីភ្នំពេញ។ ដោយឡែកនៅថ្ងៃធម្មតាការប្រមូលទុកដាក់សំរាមដែលបញ្ចេញដោយប្រជាពលរដ្ឋរស់នៅរាជធានីភ្នំពេញ ដោយក្រុមហ៊ុនប្រមូលសំរាមទាំង៣ មានប្រមាណ ពី៤០០០តោន ទៅ៤៥០០តោនក្នុង១ថ្ងៃ ហើយនៅសរុបទូទាំងប្រទេស សំរាមជាង ១ម៉ឺនតោន ត្រូវបានប្រមូលទុកដាក់ទៅទីលានជារៀងរាល់ថ្ងៃ ហើយក្នុងនោះ ២០% ជាសំណល់ប្លាស្ទិក។

យោងតាមការបញ្ជាក់ពីអ្នកនាំពាក្យក្រសួងបរិស្ថាន លោក ខ្វៃ អាទិត្យា ការថយចុះនេះកើតឡើងដោយសារការចូលរួមចំណែក យ៉ាងសកម្មរបស់ប្រជាពលរដ្ឋ និងអ្នកពាក់ព័ន្ធ ក្នុងការទុកដាក់សំរាមឱ្យមានរបៀបរៀបរយ និងការកាត់បន្ថយការប្រើប្រាស់ថង់ប្លាស្ទិក។  ការចូលរួមទាំងនេះមិនត្រឹមតែជួយឱ្យទីក្រុង ទីប្រជុំជន តាមមមូលដ្ឋាន និងតាមដងផ្លូវ មានសោភ័ណភាពប៉ុណ្ណោះទេ ប៉ុន្តែថែមទាំងជួយការពារបរិស្ថានកម្ពុជា ជាពិសេសការជំរុញចលនាឆ្ពោះទៅការរៀបចំផ្ទះរបស់យើង ប្រទេសកម្ពុជា មាន«ភាពស្អាត តាមរយៈយុទ្ធនាការផ្សេងៗដូចជា “ថ្ងៃនេះខ្ញុំមិនប្រើថង់ប្លាស្ទិកទេ” យុទ្ធនាការ “កម្ពុជាស្អាត ខ្មែរធ្វើបាន” និងយុទ្ធនាការ«ផ្លូវជាតិ គ្មានសំរាមនិងសំណល់ប្លាស្ទិក» ដែលបានដាកចេញស្របនឹងយុទ្ធសាស្រ្តចក្រាវិស័យបរិស្ថាន និងគោលនយោបាយយុទ្ធសាស្រ្តរបស់រាជរដ្ឋាភិបាលកម្ពុជា។

លោក ខ្វៃ អាទិត្យា បានបន្ថែមថា កម្ពុជាត្រូវការពង្រឹងការចូលរួមបន្ថែមទៀត ដើម្បីប្រែក្លាយសកម្មភាព ទៅជាចលនា ដើម្បីការផ្លាស់ប្តូរផ្នត់គំនិត របស់ប្រជាពលរដ្ឋ បង្កើនចូលរួមគ្រប់គ្រងសំរាមឱ្យបានត្រឹមត្រូវ ធ្វើការញែកសំរាម ការកែច្នៃសំរាម និងការកាត់បន្ថយការប្រើប្រាស់ប្លាស្ទិក៕

The post បរិមាណសំរាមនៅរាជធានីភ្នំពេញ ក្នុងឱកាសពិធីបុណ្យចូលឆ្នាំថ្មីឆ្នាំនេះ មានការថយចុះជាងឆ្នាំមុន និងថ្ងៃធម្មតា appeared first on .

ការបង្ហាញបំណងកែច្នៃសំរាមទៅជាថាមពលអគ្គិសនីរបស់ក្រុមហ៊ុនដូចនេះ បានធ្វើឡើងក្នុងឱកាស​ដែលអគ្គនាយក​ក្រុម​ហ៊ុន ​មីហ្ស៊ុដា គឺលោក Shan Jian Ming បានចូលជួប​សម្តែងការគួរសមជាមួយ​លោក ឃួង ស្រេង អភិបាល​រាជធានី​ភ្នំ​ពេញ នារសៀលថ្ងៃទី២៨ ខែមីនា ឆ្នាំ២០២៣នេះ នៅសាលា​រាជ​ធានីភ្នំពេញ។

លោក Shan Jian Ming បានលើកឡើងថា ក្រុមហ៊ុនមានគោលបំណងពិភាក្សាអំពីលទ្ធភាព​នៃការធ្វើវិនិយោគ​លើ​គម្រោ​ង​​​​​​​​ផ្សេងៗ និងការរួមចំណែកលើការអភិវឌ្ឍ​រាជធានីភ្នំពេញឱ្យ ​កាន់តែ​ស្រស់ស្អាត មា​នសោភណ្ឌភា​ព និង​ស័​ក្ដិសម​​ជា​ទី​ក្រុង​ទំនើប។ ក្នុងនោះទី១ ក្រុមហ៊ុនចង់ទទួល​មតិយោបល់ ណែនាំពីចំណុចខ្វះខាតមួយចំនួនដែលក្រុមហ៊ុនកំពុងអនុវត្ត លើកិច្ចការងារប្រមូល ដឹកជញ្ជូនសំរាម នៅក្នុងរាជធា​នីភ្នំពេញ ។ ទី២ ក្រុ​មហ៊ុន មានគម្រោងច​ង់កែច្នៃ ដុតសំ​រាមទៅជា​អគ្គិសនី។

លោក បានបញ្ជាក់ថា ឆ្លងកាត់ការប្រមូលដឹកជញ្ជូនសំរាម ក្រុមហ៊ុនមានទំនុកចិត្តទៅលើរាជរដ្ឋាភិបាល​ក៏ដូចជារ​ដ្ឋបា​ល​រាជ​ធានី​ភ្នំពេញយ៉ាងខ្លាំង ។ ដូច្នេះក្រុមហ៊ុនមានបំណងចង់វិនិយោគ​លើគម្រោង​ដុត​សំរាម​ទៅអគ្គិសនី​នៅរាជធានីភ្នំពេញ​បន្ថែ​មទៀត ។ ដោយសារតែនៅប្រទេសចិន ក្រុមហ៊ុនមីហ្ស៊ុដា គ្រុប មានរោងចក្រដុតសំរាមទៅ​ជាអគ្គិសនី​ចំនួន​៣៣រោង​ចក្រ។ លោក​ជឿជាក់ថា​ គម្រោងនេះនឹង​ទទួលបានការគាំ​ទ្រពីសាលារាជធានី​ភ្នំពេញក៏ដូចជារាជ​រដ្ឋាភិបាលកម្ពុជា។

ជាការឆ្លើយតបថា លោក ឃួង ស្រេង អភិបាលរាជធានីភ្នំពេញ ថា ក្រុមហ៊ុន ចង់វិនិយោគដុត​សំរា​មទៅ​ជាអគ្គិសនីនោះ គឺការងារនេះ ជាការងារដែលសម្រេចដោយរាជរដ្ឋាភិបាលកម្ពុជា។ ​តែបើរាជ​រដ្ឋាភិបាល​កម្ពុជា ផ្ត​ល់លទ្ធភាពឲ្យ​រដ្ឋបាល​រាជធានីភ្នំពេញជាអ្នក​ចាត់ចែង នោះរដ្ឋបាលរាជធានីភ្នំពេញ​និ​​ងផ្តល់ជូន ក្រុម​ហ៊ុន មីហ្ស៊ុដា មុនគេ។

លោក ឃួង ស្រេង បានបន្តថា ទោះបីជាមិនមានគំនរសំរាមសេសសល់ដូចមុន ការប្រមូលបាន​ទៀងទាត់ជាងមុន ប៉ុន្តែ​ក្រុម​ហ៊ុនក៏នៅមានចំណុចខ្វះខាតមួយចំនួន ដែលត្រូវបំពេញបន្ថែមផងដែរ ដើម្បីធ្វើយ៉ាងណាអោយរាជធានីភ្នំពេញ មានសោភ័ណភាព បរិស្ថានល្អប្រសើរជាងមុន ។

គួរបញ្ជាក់ថា ក្រុមហ៊ុន មីហ្ស៊ុដា ​​​ជាក្រុមហ៊ុ​ន​មួយស្ថិតក្នុង​ចំណោ​មក្រុមហ៊ុន​ចំនួន៣ ដែលកំពុង​​ប្រ​តិបត្តិ​ការ​សេ​វា​ប្រ​មូ​ល​​សំរាមនៅរា​ជធានីភ្នំពេញ។ បច្ចុប្បន្ន ក្រុមហ៊ុន មីហ្ស៊ុដា កំពុង​ប្រតិ​បត្តិការ​ប្រមូល​សំ​រា​មនៅខណ្ឌចំនួន៥​ គឺ ខណ្ឌដូ​ន​ពេញ ខណ្ឌ​​៧​មករា ខណ្ឌ​ពោធិ៍​សែ​ន​ជ័យ ខណ្ឌដង្កោ និ​ង​ខណ្ឌ​កំបូល ៕

The post ក្រុមហ៊ុន មីហ្ស៊ុដា ចង់វិនិយោគលើការ​កែច្នៃសំរាមនៅ​ភ្នំពេញ​​ទៅជាថាមពលអគ្គិសនី appeared first on .

ការផ្តល់សេវាសម្អាត ប្រមូល និងដឹកជញ្ជូនសំរាម មិនបានពេញលេញរយៈពេល ០៣ថ្ងៃនេះ ត្រូវបាន​រដ្ឋបាល​រាជធានី​ភ្នំពេញ បញ្ជាក់ថា ដោយសារកម្មករ-កម្មការិនីរបស់ក្រុមហ៊ុន 800 Super GAEA (Cambodia) Co., Ltd ក្រុមហ៊ុន Mizuda Sanitation (Cambodia) Co., Ltd និងក្រុមហ៊ុន CintriEverbright ត្រូវបាន​ឈប់សម្រាកពីការងារ។

ដើម្បីចូលរួមថែរក្សាអនាម័យបរិស្ថាន និងសោភ័ណភាព រដ្ឋបាលរាជធានីភ្នំពេញ បានអំពាវនាវ​ដល់​បងប្អូនប្រជាពល​រដ្ឋជា​​ម្ចាស់លំនៅឋានក្នុងរាជធានីភ្នំពេញទាំងអស់មេត្តាយោគយល់ និង អធ្យាស្រ័យ​កុំបញ្ចេញសំរាមមកដាក់នៅតាមដង​ផ្លូវសាធារណៈនៅក្នុងអំឡុងពេលដែលការផ្តល់សេវាមិនបានពេញលេញនេះ ដោយសូមរក្សាការទុកដាក់សំរាម​ឱ្យបាន​ត្រឹមត្រូវនៅក្នុង​ទីតាំងរៀងៗខ្លួន​ជាបណ្ដោះ​អាសន្នសិន។

រដ្ឋបាលរាជធានីភ្នំពេញ ក៏សង្ឃឹមជឿជាក់ថា បងប្អូនប្រជាពលរដ្ឋទាំងអស់ នឹងចូលរួមចំណែកថែរក្សា​អនាម័យ បរិស្ថានរាជធានីភ្នំពេញឱ្យបានល្អប្រសើរជាមិនខាន ៕ អត្ថបទ៖ ពុធិកា

The post ចូលឆ្នាំ៣ថ្ងៃ អ្នកភ្នំពេញ​​កុំបញ្ចេញ​សំរាម​ដាក់លើ​​ដងផ្លូវ ព្រោះ​​ការ​​ប្រមូល​អាចនឹងមិន​បាន​ពេញ​លេញ appeared first on .

ក្នុងកម្មវិធី​បើកការដ្ឋានសាងសង់ស្ថានីយ៍ប្រព្រឹត្តកម្មទឹកកខ្វក់បឹងជើងឯក​កាលពី​ម្សិលមិញនេះ សម្ដេចតេជោ ហ៊ុន សែន បានក្រើនរំលឹកដល់ប្រជាជនទាំងអស់ចេះទុកដាក់សំរាមឲ្យបានត្រឹមត្រូវ។

បច្ចុប្បន្ននេះសំរាមក្នុងរាជធានីភ្នំពេញក្នុងមួយថ្ងៃមានប្រមាណ ៣ ពាន់តោន។ ប្រមុខរដ្ឋាភិបាល​បានអំពាវនាវដល់ប្រជាពលរដ្ឋនៅភ្នំពេញ និងអ្នកមកលេងភ្នំពេញ ត្រូវប្រកាន់ខ្ជាប់នូវអនាម័យ ត្រូវចេះទុក​ដាក់​សំរាមដោយខ្លួនឯង ជាពិសេសត្រូវញែកសំរាមរឹង និងសំរាមរាវឲ្យបានច្បាស់លាស់  ដើម្បីងាយស្រួលក្នុងការទុកដាក់ឱ្យមានអនាម័យ និងមានសណ្ដាប់ធ្នាប់ ដើម្បីកាត់បន្ថយសំរាមហូរចូលលូ  ប្រឡាយ និងទន្លេ។

មេដឹកនាំកម្ពុជា​បាន​លើកឡើង​បន្ថែម​ថា បញ្ហាសំរាមគឺ​ជា​បញ្ហា​រួម​របស់​យើង​រាល់​គ្នា ហើយ​វា​មិន​មែន​ជា​បញ្ហា​ដាច់​ដោយ​ឡែក​របស់​អាជ្ញា​ធរ​តែ​ឯង​ឡើយ​។ ការ​រួម​ចំណែក​ដោះ​ស្រាយ​បញ្ហា​សំរាម ​ទាម​ទារ​ឲ្យ​មាន​ការ​ចូល​រួមពី​ប្រជាពលរដ្ឋ​ផង​ដែរ​ ព្រោះ​សំរាម​កើត​ចេញ​ពី​ការ​រស់​នៅ​របស់​ពល​រដ្ឋ។ ដូច្នេះ ការ​ទុក​ដាក់​សំរាមឲ្យ​ត្រឹម​ត្រូវ​តាម​ប្រភេទ និង​​មាន​របៀប​រៀប​រយ ​គឺ​ជា​រឿង​ចាំ​បាច់​បំផុត ដែល​ត្រូវ​ផ្តើម​ដំបូង​ចេញ​ពីប្រជាពលរដ្ឋ​តែ​ម្ដង៕

The post សំរាម​នៅ​ភ្នំពេញ​មួយ​ថ្ងៃ​មាន​ជាង ៣ ពាន់​តោន ប្រមុខ​រដ្ឋាភិលបាល អំពាវនាវ​​ឲ្យពលរដ្ឋរួម​គ្នា​ទទួល​ខុសត្រូវ appeared first on .

ក្រុមហ៊ុនទាំង ៣ មាន ក្រុមហ៊ុន Cintri (Cambodia) / Everbright (China) ក្រុមហ៊ុន 800 SUPER/GAEA និងក្រុមហ៊ុន Mizuda Group Co.,Ltd។

កន្លងមកក្រុមហ៊ុនប្រមូលសំរាមនៅរាជធានីភ្នំពេញ​គឺមាន​តែមួយគត់ គឺក្រុមហ៊ុនស៊ីនទ្រី តែដោយសារការពង្រីកទីក្រុង និង​ការ​កើន​ឡើង​សំរាម​ រាជរដ្ឋាភិបាលបានសម្រេចឲ្យរដ្ឋបាលរាជធានីភ្នំពេញ ស្វែងរកក្រុមហ៊ុនថ្មីមកជំនួស និងបែងចែកការប្រមូលសំរាមនៅរាជធានីភ្នំពេញជា ៣តំបន់ផ្សេងៗគ្នា៕

The post លែងភ័យ​កកស្ទះដូចមុន ភ្នំពេញ ឲ្យ​សិទ្ធិក្រុមហ៊ុន ០៣ បែងចែកគ្នា​ដឹកសំរាម​ចេញពីក្រុង appeared first on .

លោកឧកញ្ញ៉ា ឡេង ណាវ៉ាត្រា បានបង្ហោះ នៅក្នុងផេករបស់លោកថា ក្រុមហ៊ុន ឡេង ណាវ៉ាត្រា ត្រូវការជ្រើសរើសបុគ្គលិក ដូចខាងក្រោម ៖

តៃកុងគ្រឿងចក្រសាស័រ ចូកសំរាម ប្រភេទតូច ចំនួន45នាក់ (វេនថ្ងៃប្រាក់ខែ400ដុល្លារ វេនយប់ប្រាក់ខែ 500ដុល្លារ)

កម្មករដើរតាមសាស័រ ចំនួន300នាក់ (វេនថ្ងៃប្រាក់ខែ 350ដុល្លារ វេនយប់ 400ដុល្លារ)

ត្រូវការជួលឡានប៉ែនបន្ទាន់ (វេនថ្ងៃមួយខែ1500ដុល្លារវេនយប់1700ដុល្លារ) មួយថ្ងៃធ្វើការ10ម៉ោង ចំនួន 80គ្រឿង ដើម្បីចូលរួមដោះស្រាយការ កកស្ទះសំរាម។

ការជ្រើសរើសបុគ្គលិក​ផ្នែកសំរាម​នេះ គឺស្របពេលដែល​បុគ្គលិកសំរាម​បាន​ធ្វើបាតុកម្ម ទាមទារផ្ដល់ប្រាក់កម្រៃដល់ពួកគេ ដោយ​ពួកគេ​មិន​ចេញ​ធ្វើការប្រមូលសំរាម ចាប់តាំងពីថ្ងៃទី០២ តុលា កន្លងទៅនេះ។ ការមិនចេញប្រមូលសំរាម​ ធ្វើ​ឲ្យ​កកស្ទះសំរាម​ នៅក្នុងរាជធានី ជាហេតុ​ធ្វើ​ឲ្យរដ្ឋបាល​រាជធានីភ្នំពេញ បាន​បញ្ចេញកម្លាំងប្រមូលសំរាម និងប្រកាសជ្រើសរើសកម្មករជាច្រើននាក់ ដើម្បីបំពេញការងារជាអ្នកប្រមូល និងដឹកជញ្ជូនសំរាម សំណល់រឹង នៅរាជធានីភ្នំពេញ កាលពីពេលថ្មីៗនេះ៕​
បង​ប្អូន​ដែល​មាន​បំណង​ចង់​ធ្វើ​ការងារ​នេះ សូម​ទាក់ទង​ទៅ​លេខ៖

0963360486
069341888
0968018853
0968760516

The post ឧកញ៉ា ឡេង ណាវ៉ាត្រា រើសបុគ្គលិក ប្រាក់ខែ​​មិនតិចជាង ៤០០ដុល្លារ ជួយ​ដោះស្រាយ​បញ្ហា​សំរាម appeared first on .

តាមផេករបស់រដ្ឋបាលរាជធានីភ្នំពេញ បាន​សរសេរ​បែប​នេះ​ថា” រដ្ឋបាលរាជធានីភ្នំពេញបានទទួលអំណោយពីមិត្តជប៉ុននូវរថយន្តដឹកសំរាមចំនួន៦គ្រឿង ដើម្បីបន្ថែមលើប្រតិបត្តិការដែលកំពុងតែមមាញឹក។ រដ្ឋបាលរាជធានីភ្នំពេញសូមថ្លែងនូវអំណរគុណយ៉ាងជ្រាលជ្រៅដល់មិត្តជប៉ុនដែលបានផ្ដល់អំណោយទាំងនេះ៕

The post ជប៉ុនផ្ដល់រថយន្តដឹកសំរាម​ចំនួន​៦គ្រឿង ដល់រដ្ឋបាលរាជធានីភ្នំពេញ appeared first on .

រថយន្ត​​បែន​ដឹក​ដី​ជាង​១០០​គ្រឿង​នោះ ត្រូវ​បាន​គេ​ដឹង​ថា បាន​ធ្វើ​ប្រតិបត្តិការ​បាន​ចំនួន​២ថ្ងៃ​ហើយ ដែល​បច្ចុប្បន្ន​កំពុងតែ​សម្រុក ដឹក​ចេញ​ពី ផ្សារ​នាគ​មាស ផ្សារ​កាណាស៊ីធី ព្រម​ទាំង​ទីតាំង​ប្រឈម​ជា​ច្រើន​ទៀត ក្នុង​រាជធានី​ភ្នំពេញ។ អ្វី​ដែល​ជា​ការ​ចាប់​អារម្មណ៍​នោះ ថ្ងៃ​ទី១០ ខែ តុលា ឆ្នាំ ២០២០​នេះ គឺ​ជា​ថ្ងៃ​ខួប​កំណើត​ គម្រប់​៣៣ឆ្នាំ​របស់​លោក​ឧកញ៉ា​​តែ​ម្ដង ប៉ុន្តែ​លោក​ឧកញ៉ា បាន​ចុះ​ផ្ទាល់​ជា​មួយ​កម្មករ ​ពាក់​ស្បែក​ជើង​ផ្ទាត់ ចុះ​ជួយ​ប្រមូល​​សំរាម​​តាមផ្លូវ យ៉ាង​សាមញ្ញបំផុត ។

ជា​មួយ​​គ្នា​នោះ​ដែរ លោក ឧកញ៉ា ក៏​បាន​ផ្ដាំ​ផ្ញើ​ទៅ​បងប្អូន​ទាំង​អស់​ក្នុង​រាជធានី​​ភ្នំពេញ សូម​មេត្តា​យោគ​យល់​និង​អធ្យាស្រ័យ​​ជុំវិញ​បញ្ហា​សំរាម​នេះ សាលា​ក្រុង​កំពុង​ប្រឹង​ប្រែង​ណាស់​បញ្ហា​នេះ ហើយ​ក្រុម​ហ៊ុនឡេង​ណាវ៉ាត់ត្រាគ្រុប និង​ជួយ​ស្វែង​រក​ដំណោះ​ស្រាយ​ក្នុង​ការ​ប្រមូល​ឲ្យ​បាន​ល្អ​បំផុត​ទៅ​តាមដែលអាចធ្វើបាន ។

The post ថ្ងៃខួបកំណើត លោកឧកញ៉ា ឡេង ណាវ៉ាត់ត្រា ចុះជួយ​ប្រមូល​សំរាម​តាមផ្លូវ យ៉ាងសាមញ្ញបំផុត… appeared first on .

តាម​រយៈ​​​Facebookផ្លូវ​ការ​របស់​លោក​ឧកញ៉ា ​Navatra Leng បាន​សរសេរ​ខ្លឹមសារ​ទាំង​ស្រុង​បែប​នេះ​ថា(ចូលរួមដោះស្រាយបញ្ហាសំរាម ដើម្បីទីក្រុងយើងស្អាត ឡេងណាវ៉ាត់ត្រាគ្រុប. បាន​ដាក់​កម្លាំង​ក្រុម​គ្រឿងចក្រ បន្តធ្វើការទាំងយប់ ហើយសូមអរគុណក្រុមការងារដែលបន្តធ្វើការទាំងយប់)៕

The post ដើម្បី​ចូល​រួម​ដោះ​ស្រាយ​បញ្ហា​សំរាម ឧកញ៉ា​ឡេង ណាវ៉ាត្រា ដាក់​កម្លាំង​ក្រុម​គ្រឿងចក្រ​ធ្វើការ​ទាំង​យប់ appeared first on .

ការងារនេះសម្រេចបានដោយជោគជ័យ ក្រោមការយកចិត្តទុកដាក់របស់អភិបាលរាជធានីភ្នំពេញ ដោយមានការណែនាំពីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ ទើបដោះស្រាយបានបញ្ចប់។

ប៉ុន្ដែទោះជាយ៉ាងណា ក្នុងអន្ដរកាលនេះ អភិបាលរាជធានីភ្នំពេញ បានណែនាំ និងដាក់ផែនការឲ្យអភិបាលខណ្ឌទាំង១៤ រួមទាំងមន្ដ្រីពាក់ព័ន្ធ ចុះប្រមូលសំរាមជាបណ្ដោះអាសន្ន ក្នុងពេលនេះផងដែរ។

ការទទួលយកដំណោះស្រាយ និងព្រមព្រៀងចូលធ្វើការវិញរបស់កម្មករ ក្រុមហ៊ុន ស៉ិនទ្រី ធ្វើឡើងក្រោយបញ្ចប់កិច្ចចរចារបស់លោក ឃួង ស្រេង អភិបាលរាជធានីភ្នំពេញ រវាងម្ចាស់ក្រុមហ៊ុន ស៉ិនទ្រី និងកម្មករ និយោជិត នៅសាលារាជធានីភ្នំពេញ។

ជាលទ្ធផល នៃការចរចារភាគីទាំងអស់បានព្រមព្រៀងគ្នាដូចខាងក្រោម៖

*ទី១៖ ចំពោះសំណើរបស់កម្មករនិយោជិតទាមទារឲ្យក្រុមហ៊ុនដោះស្រាយពេលបញ្ចប់កិច្ចសន្យា ក្រុមហ៊ុនទទួលដោះស្រាយតាមច្បាប់ស្ដីពីការងារ ហើយរដ្ឋបាលរាជធានីភ្នំពេញ ជាអ្នកធានាខុសត្រូវ

*ទី២៖ ចំពោះការងាររបស់កម្មករនិយោជិត ទៅថ្ងៃខាងមុខ រដ្ឋបាលរាជធានីភ្នំពេញ ធានាមិនបាត់បង់ឡើយ ទោះបីក្រុមហ៊ុនស៉ិនទ្រី ដេញថ្លៃជាប់ ឬមិនជាប់ក៏ដោយ

*ទី៣៖ សូមឲ្យកម្មករនិយោជិតទាំងអស់នាំគ្នាចូលធ្វើការងារជាធម្មតាវិញ ចាប់ពីរសៀលថ្ងៃទី០៧ ខែតុលា ឆ្នាំ២០២០នេះតទៅ។

បើតាមសេចក្ដីរាយការណ៍ បន្ទាប់ពីបញ្ចប់កិច្ចប្រជុំនេះ លោក ឃួង ស្រេង អភិបាលរាជធានីភ្នំពេញ បានដឹកនាំក្រុមការងារ ចុះទៅជួបសំណេះសំណាលដោយផ្ទាល់ជាមួយកម្មករ ក្រុមហ៊ុន ស៉ិនទ្រី ខណ្ឌដង្កោផងដែរ ដើម្បីប្រាប់អំពីដំណោះស្រាយ និងការសន្យារបស់រដ្ឋបាលរាជធានីភ្នំពេញ។

គួរជម្រាបថា កម្មករប្រមូលសំរាម ក្រុមហ៊ុន ស៉ិនទ្រី បាននាំគ្នាធ្វើកូដកម្មឈប់ប្រមូលសំរាម តាំងពីថ្ងៃទី០២ ខែតុលា ឆ្នាំ២០២០ ដើម្បីទាមទារឲ្យអាជ្ញាធរចូលរួមដោះស្រាយ ចំពោះលក្ខខណ្ឌដែលពួកគេបានទាមទារ៕

ប្រភព៖ Fresh News

The post លែង​ស្អុយ​សំរាម​ទៀត​ហើយ បុគ្គលិកក្រុមហ៊ុន ស៉ិនទ្រី នឹងចូលធ្វើការ​ប្រមូល​សំរាមវិញនៅរសៀលនេះ appeared first on .