លោក Ibrahim Afyon ប្រធានសមាគមអ្នកផលិតស៊ុតតួកគី (YUM-BIR) បានប្រកាសនៅថ្ងៃទី២០ ខែកុម្ភ:នេះថា ប្រទេសរបស់ខ្លួន បានចាប់ផ្តើមនាំចេញស៊ុតចំនួន ៧០០ កុងតឺន័រទៅកាន់សហរដ្ឋអាមេរិក ដើម្បីជួយប្រទេសនេះកាត់បន្ថយផលប៉ះពាល់នៃការផ្ទុះឡើងនៃជំងឺផ្តាសាយបក្សី។ លោកបន្តទៀតថា ការដឹកជញ្ជូនដំបូងបានចាប់ផ្តើមក្នុងខែនេះ ហើយនឹងបន្តរហូតដល់ខែកក្កដា។

លោក Afyon បាននិយាយថា៖ “សកម្មភាពនាំចេញនេះត្រូវបានអនុវត្តដោយក្រុមហ៊ុនសមាជិក YUM-BIR ដែលមានអាជ្ញាប័ណ្ណពេញលេញ។ ស៊ុតសរុបចំនួន ១៥ ០០០ តោននឹងត្រូវដឹកជញ្ជូនទៅកាន់សហរដ្ឋអាមេរិក” ។

គួរឲ្យដឹងថា តួកគី ជាអ្នកនាំចេញស៊ុតដ៏ធំមួយក្នុងចំណោមអ្នកនាំចេញស៊ុតកំពូលៗទាំង១០ របស់ពិភពលោក។ ការនាំចេញស៊ុតទៅសហរដ្ឋអាមេរិក ត្រូវបានគេរំពឹងថានឹងនាំមកនូវប្រាក់ចំណូលចំនួន ២៦លានដុល្លារសម្រាប់ប្រទេសតួកគី។

ជាមួយគ្នានេះ លោក Chad Gregory ប្រធានក្រុមហ៊ុន United Egg Producers ដែលជាសមាគមតំណាងអ្នកផលិតស៊ុតនៅសហរដ្ឋអាមេរិកបាននិយាយថា “យើងគាំទ្រការនាំចូលស៊ុតបណ្តោះអាសន្នដើម្បីបន្ធូរបន្ថយភាពតានតឹងលើការផ្គត់ផ្គង់ក្នុងស្រុក” ។

ជម្រាបជូនផងដែរថា សហរដ្ឋ​អាមេរិក​ត្រូវ​បង្ខំចិត្តសម្លាប់​សត្វ​មាន់និង​សត្វ​ស្លាប​ប្រមាណ ១៦២ លាន​ក្បាល ដោយសារ​ជំងឺ​ផ្ដាសាយ​បក្សី។ ហើយការសម្លាប់នេះ បានធ្វើឲ្យការផ្គត់ផ្គង់ស៊ុតបានក្លាយទៅជារឿងខ្វះខាត តម្លៃស៊ុតបានកើនឡើងយ៉ាងខ្លាំង ស្របពេលជនជាតិអាមេរិកជាច្រើន បានសម្រេចចិត្តទិញសត្វមាន់មកចិញ្ចឹមដើម្បីយកស៊ុតដោយខ្លួនឯង៕

The post តួកគី នាំចេញស៊ុត ១៥ ០០០ តោន ទៅកាន់សហរដ្ឋអាមេរិក ចំពេលតម្លៃកើនឡើងខ្លាំង appeared first on .

ជុំវិញសេចក្តីប្រកាសចុងក្រោយនេះ នឹងបង្កើនចំនួនប្រទេស និងតំបន់ ដែលអាចធ្វើការនាំចូលស៊ុតមកកាន់សិង្ហបុរី ឡើងដល់ ១៩ ប្រទេស ពោលគឺកើនពីចំនួន ១២ ប្រទេស កាលពីក្នុងឆ្នាំ ២០១៩ ។

នៅក្នុងការបង្ហោះមួយ លើបណ្តាញសង្គមហ្វេសប៊ុក SFA បាននិយាយថា ៖ ” ខណ:ពេលដែលកំពុងបន្តពង្រឹងសន្តិសុខស្បៀងអាហាររបស់យើង យើងក៏ទទួលស្គាល់ផងដែរថា គ្មានប្រទេសណាមួយ អាចគេចផុតពីភាពមិនប្រាកដប្រជា នៅក្នុងការផ្គត់ផ្គង់ស្បៀងអាហារពិភពលោកបាននោះឡើយ “​។

ទន្ទឹមនឹងនេះ SFA ក៏បានលើកទឹកចិត្តឱ្យអ្នកប្រើប្រាស់ក្នុងប្រទេសទាំងអស់ ចូលរួមចំណែក ចំពោះភាពបត់បែនជាមួយនឹងជម្រើសអាហារថ្មីៗ នៅក្នុងករណីដែលមានការរំខានណាមួយ។ ហើយបើកចំហរ និងសម្របខ្លួនទៅនឹងការស្វែងរកប្រភពអាហារថ្មីៗ ដើម្បីបោះជំហានទៅរកការកសាងភាពធន់ ទៅនឹងអាហាររបស់ប្រទេសសិង្ហបុរី ផងដែរ។

ជម្រាបជូនផងដែរថា តួកគី គឺជាប្រទេសចុងក្រោយបង្អស់ ដែលត្រូវបានដាក់ចូលទៅក្នុងបញ្ជីប្រទេស អាចនាំចូលស៊ុតមកកាន់សិង្ហបុរីបាន បន្ទាប់ពីឥណ្ឌូនេស៊ី ដែលទទួលបានការបើកភ្លើងខៀវឱ្យមានការនាំចូល កាលពីខែមេសា ខណ:បច្ចុប្បន្ន មានការនាំចូលប្រហែល ៧០% នៃការផ្គត់ផ្គង់ស៊ុតសរុប របស់សិង្ហបុរី ៕

The post តួកគី ក្លាយជាប្រទេសចុងក្រោយ ដែលត្រូវបានអនុញ្ញាតឱ្យនាំចូលស៊ុតមកសិង្ហបុរី appeared first on .

ទីភ្នាក់ងារនេះ បានរាយការណ៍ទៀតថា ជាមួយនឹងការដាក់បញ្ចូលឥណ្ឌូនេស៊ីបន្ថែមមួយទៀត បានធ្វើឱ្យចំនួនប្រទេស និងតំបន់ ដែលត្រូវបានទទួលស្គាល់ក្នុងការនាំចេញស៊ុតមាន់ មកកាន់ប្រទេសសិង្ហបុរី កើនឡើងដល់ចំនួន ១៨ ហើយ ពីចំនួន ១២ នៅក្នុងឆ្នាំ ២០១៩ ។

លើសពីនេះ រដ្ឋមន្ត្រីក្រសួងនិរន្តរភាព និងបរិស្ថានសិង្ហបុរី លោកស្រី Grace Fu បាននិយាយថា ការបើកចំហ និងសម្របខ្លួនទៅនឹងប្រភពនាំចូលស្បៀងអាហារថ្មីៗ ដូចជាការនាំចូលស៊ុតមាន់ពីឥណ្ឌូនេស៊ី គឺជាការបោះជំហានមួយទៀត ឆ្ពោះទៅរកការកសាងភាពធន់ ចំពោះការផ្គង់ផ្គង់អាហាររបស់សិង្ហបុរីបន្ថែមទៀត ។

លោកស្រី Grace បន្ថែមឱ្យដឹងទៀតថា ខណ:ពេលដែលសិង្ហបុរី នៅតែព្យាយាមបន្តពង្រឹងសន្តិសុខស្បៀងអាហាររបស់ខ្លួននោះ ដូច្នេះវាមានន័យថា គ្មានប្រទេសណាមួយ អាចនឹងចៀសផុតពីភាពមិនប្រាកដប្រជាទៅលើវិបត្តិស្បៀងអាហាររបស់ពិភពលោកបាននោះឡើយ ។

ទន្ទឹមនឹងនេះ រដ្ឋមន្ត្រីរូបនេះ ក៏បានលើកឡើងអំពីកង្វះខាតទៅលើការផ្គត់ផ្គង់ស៊ុត នៅទូទាំងពិភពលោកផងដែរ ដោយសារជំងឺគ្រុនផ្តាសាយបក្សី បញ្ហាខ្សែសង្វាក់ផ្គត់ផ្គង់ និងការកើនឡើងថ្លៃដើមចំណីមាន់ជាដើម ។ ដូច្នេះហើយ ទើបលោកស្រី បានកត់ស្គាល់ថា ប្រជាជនសិង្ហបុរី គួរតែធ្វើការបត់បែនជាមួយនឹងជម្រើសអាហារ និងគ្រឿងផ្សំ ដើម្បីអាចសម្របខ្លួនទៅនឹងរបបអាហារថ្មីៗ៕

The post ឥណ្ឌូនេស៊ី ត្រៀមនាំចូលស៊ុតមាន់ ទៅកាន់សិង្ហបុរីជាលើកដំបូង ដើម្បីបំពេញតម្រូវការ appeared first on .