អង្គការសហប្រជាជាតិ អំពាវនាវជំនួយ ៣ពាន់លានដុល្លារ ជួយប្រជាជនស៊ូដង់

ឧកញ៉ាសំពៅ — Thu, 18 May 2023 04:26:00 +0000

កាលពីថ្ងៃទី ១៧ ឧសភាកន្លងទៅ អង្គការសហប្រជាជាតិ(UN) បានអំពាវនាវសុំជំនួយប្រមាណ ៣,០៣ពាន់លានដុល្លារ ដើម្បីជួយដល់ប្រជាជនស៊ូដង់ ដែលកំពុងរងទុក្ខវេទនា ដោយសារសង្គ្រាមស៊ីវិល។

យោងតាមការចុះផ្សាយពី CNA បានបង្ហាញថា ដោយសារតែសង្គ្រាមដែលផ្ទុះឡើងកាលពីខែមុន អាចធ្វើឲ្យប្រជាជនស៊ូដង់ច្រើនជាង ១លាននាក់ នឹងរត់ភៀសខ្លួនទៅកាន់ប្រទេសជិតខាងក្នុងឆ្នាំនេះ។

“ថ្ងៃនេះ ប្រជាជនប្រហែល ២៥លាននាក់ ច្រើនជាងពាក់កណ្ដាលនៃចំនួនប្រជាជនស៊ូដង់សរុប ត្រូវការជំនួយមនុស្សធម៌ និងការការពារយ៉ាងលឿនបំផុត។ នេះគឺជាតួលេខខ្ពស់បំផុតដែលយើងបានឃើញនៅក្នុងប្រទេសមួយនេះ”។ នេះបើតាមសម្ដីរបស់លោក Ramesh Rajasingham ប្រធានការិយាល័យមនុស្សធម៌ នៃទីភ្នាក់ងារមនុស្សធម៌ UN។

សូមជម្រាបដែរថា ក្នុងទំហំទឹកប្រាក់ជាង ៣ពាន់លានដុល្លារនោះ UN នឹងប្រើប្រាស់ ២,៥៦ពាន់លានដុល្លារ ដើម្បីជួយដល់ប្រជាជននៅក្នុងប្រទេសស៊ូដង់ ខណៈ ៤៧០លានដុល្លារទៀត សម្រាប់ជួយដល់ប្រជាជនប្រមាណ ១,១លាននាក់ ដែលកំពុងរត់ភៀសខ្លួនពីសង្គ្រាមស៊ីវិល៕

The post អង្គការសហប្រជាជាតិ អំពាវនាវជំនួយ ៣ពាន់លានដុល្លារ ជួយប្រជាជនស៊ូដង់ appeared first on .

CNN៖ រុស្ស៊ីកំពុងប្លន់មាសពីប្រទេសស៊ូដង់ ដើម្បីផ្គត់ផ្គង់ការចំណាយលើសង្គ្រាម

ឧកញ៉ាសំពៅ — Mon, 01 Aug 2022 07:16:59 +0000

សង្គ្រាមរវាងប្រទេសរុស្ស៊ី និងអ៊ុយក្រែននៅតែអូសបន្លាយអស់រយៈពេលរាប់ខែ គិតចាប់ពីចុងខែកុម្ភៈមកទល់បច្ចុប្បន្ន ខណៈការចំណាយរបស់ប្រទេសទាំង ២ លើសង្គ្រាមមួយនេះក៏អស់មិនតិចលានដុល្លារហើយដែរ។

ទន្ទឹមនឹងនោះ គេហទំព័រ CNN បានរាយការណ៍ថា រុស្ស៊ីកំពុងប្លន់យកមាសពីប្រទេសស៊ូដង់ ដោយបន្លំភ្នែកពិភពលោក ថាជាការជួញដូរទៅវិញ ស្របពេលគេជឿថា មាសទាំងនេះគឺជាកញ្ចប់ថវិកាទ្រទ្រង់ការចំណាយលើសង្គ្រាម។

បើយោងតាមសម្ដីរបស់បុគ្គលិកធ្វើការនៅក្នុងធនាគារកណ្ដាល Sudanese Central Bank បានបង្ហាញ CNN ពីទិន្នន័យមាសដែលបានបាត់ប្រមាណ ៣២,៧ តោនកាលពីឆ្នាំ ២០២១ បើគិតជាលុយបច្ចុប្បន្នគឺប្រហែល ១,៩ ពាន់លានដុល្លារឯណោះ។

ប៉ុន្តែអតីតមន្ត្រី និងមន្ត្រីបច្ចុប្បន្នសុទ្ធតែអះអាងថា ទិន្នន័យខាងលើគ្រាន់តែជាកំទេចតូចមួយនៃស្ថិតិពិតប្រាកដប៉ុណ្ណោះ ដោយពួកគេទម្លាយថា រដ្ឋាភិបាលស៊ូដង់ខ្វះការយកចិត្តទុកដាក់ចំពោះផលិតផលដែលបានមកពីរ៉ែមាសក្រៅផ្លូវការ និងមិនរវីរវល់ជាមួយនឹងការស្វែងរកទិន្នន័យច្បាស់លាស់។

បន្ថែមពីនោះ ភ្នាក់ងារសំងាត់របស់ CNN ជាច្រើនសុទ្ធតែអះអាងថា មាសប្រមាណ ៩០%របស់ស៊ូដង់ត្រូវបានរត់ពន្ធចេញ ហើយបើសិនវាជាការពិត នោះទឹកប្រាក់ប្រមាណ ១៣,៤ ពាន់លានដុល្លារត្រូវបានរបូតចេញពីដៃគយ ខណៈវាអាចនឹងធ្វើឲ្យចំណូលរដ្ឋខាតបង់រាប់រយលានដុល្លារ។

សូមជម្រាបដែរថា នេះមិនមែនជារឿងទើបនឹងកើតឡើងថ្មីថ្មោងឡើយ ពោលវាធ្លាប់បានកើតឡើងយ៉ាងហោចណាស់ ១៦ ដង ដូច្នេះបើគិតឲ្យមែនទែនទៅចំណូលរបស់រដ្ឋគឺរបូតមិនក្រោមពាន់លានដុល្លារឡើយ។ នេះបើតាមការចុះផ្សាយពី CNN៕

The post CNN៖ រុស្ស៊ីកំពុងប្លន់មាសពីប្រទេសស៊ូដង់ ដើម្បីផ្គត់ផ្គង់ការចំណាយលើសង្គ្រាម appeared first on .

ស៊ូដង់

អង្គការសហប្រជាជាតិ អំពាវនាវជំនួយ ៣ពាន់លានដុល្លារ ជួយប្រជាជនស៊ូដង់

CNN៖ រុស្ស៊ី​កំពុង​ប្លន់មាស​ពី​ប្រទេស​ស៊ូដង់​ ដើម្បី​ផ្គត់ផ្គង់​ការ​ចំណាយ​លើ​សង្គ្រាម

CNN៖ រុស្ស៊ីកំពុងប្លន់មាសពីប្រទេសស៊ូដង់ ដើម្បីផ្គត់ផ្គង់ការចំណាយលើសង្គ្រាម