លោកស្រី ជ្រឹង បុទុមរង្សី ឯកអគ្គរាជទូតកម្ពុជាប្រចាំកូរ៉េខាងត្បូង បានឱ្យដឹងនៅថ្ងៃទី២៣ ខែសីហានេះថា ដោយពិនិត្យឃើញថា ប្រជាពលរដ្ឋខ្មែរមួយចំនួនមិនទាន់បានមកដាក់ពាក្យស្នើសុំនៅឡើយ, សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតជាគោលការណ៍ឱ្យស្ថានឯកអគ្គរាជទូតកម្ពុជាប្រចាំកូរ៉េខាងត្បូង ​និងក្រុមការងារក្រសួងមហាផ្ទៃ បន្តនីតិវិធីស្នើសុំលិខិតឆ្លងដែនសម្រាប់វគ្គ៣ ដល់ប្រជាពលរដ្ឋបន្តទៀត ដោយវគ្គទី៣នេះ នឹងចាប់ពីថ្ងៃទី៤ ខែកញ្ញា ដល់ថ្ងៃទី២​ ខែវិច្ឆិកា ឆ្នាំ២០២៤ ។

នាឱកាសនោះ លោកស្រីឯកអគ្គរាជទូតក៏បានស្នើដល់ប្រជាពលរដ្ឋខ្មែរឱ្យរួសរាន់មកដាក់ពាក្យស្នើសុំលិខិតឆ្លងដែនធម្មតាថ្មីឱ្យបានគ្រប់ៗគ្នា ដើម្បីឆ្លើយតបនឹងសេចក្ដីត្រូវការរបស់ខ្លួនផងដែរ។

សូមបញ្ជាក់ថា ដោយយោងតាមអនុសាស៍សម្តេចធិបតី ស្ថានទូតកម្ពុជាប្រចាំកូរ៉េ បានដាក់ឱ្យដំណើរការសេវាផ្តល់លិខិតឆ្លងដែនធម្មតា ជូនប្រជាពលរដ្ឋ និងពលករកម្ពុជា ដែលកំពុងស្នាក់នៅ និងធ្វើការនៅកូរ៉េ ដើម្បីសម្រួលដល់ការលំបាក និងកាត់បន្ថយថ្លៃចំណាយផ្សេងៗ ដែលក្នុងជំហានដំបូង គិតចាប់ពីថ្ងៃទី ១០ ខែមករា ឆ្នាំ២០២៤ ដល់ថ្ងៃទី៣០ ខែមេសា ឆ្នាំ២០២៤។

លើសពីនេះ សម្តេចធិបតីក៏បានប្រកាសឱ្យបន្តការផ្តល់សេវា ធ្វើលិខិតឆ្លងដែនជូនពលរដ្ឋខ្មែរ រយៈពេល ០៣ ខែ បន្តទៀត ដោយគិតចាប់ពីថ្ងៃទី ២០ ខែឧសភា ឆ្នាំ២០២៤ ដល់ថ្ងៃទី ២៥ ខែសីហា ឆ្នាំ២០២៤។

ទន្ទឹមនឹងនេះ ដោយយោងតាមការស្នើសុំដ៏លើសលប់ពីសំណាក់បងប្អូនប្រជាពលរដ្ឋខ្មែរនៅតាមតំបន់នានានៅកូរ៉េ និងដោយបានទទួលគោលការណ៍ដ៏ខ្ពង់ខ្ពស់ពីសម្តេចធិបតី ហ៊ុន ម៉ាណែត ស្ថានទូតនឹងបន្តសេវាផ្តល់លិខិតឆ្លងដែនធម្មតានៅកូរ៉េវគ្គ៣ ចំនួន ៦០ ថ្ងៃទៀត ដោយគិតចាប់ពីថ្ងៃទី ០៤ ខែកញ្ញា ឆ្នាំ២០២៤ ដល់ថ្ងៃទី០២ ខែវិច្ឆិកា ឆ្នាំ២០២៤ (ចាប់ពីថ្ងៃពុធ ដល់ថ្ងៃអាទិត្យ ជារៀងរាល់សប្តាហ៍)៕

The post ស្ថានឯកអគ្គរាជទូតកម្ពុជាប្រចាំកូរ៉េ សម្រេចបន្តសេវាផ្តល់លិខិតឆ្លងដែនដល់ពលរដ្ឋខ្មែរនៅកូរ៉េ នាដើមខែកញ្ញាខាងមុខ appeared first on .

សម្រាប់​អ្នកធ្វើដំណើរដែលកាន់លិខិត ឆ្លងដែនផ្លូវការ (Official passport) និងការទូត (Diplomatic passport) អាចធ្វើដំណើរកម្សាន្ត​ទៅកោះទេសចរណ៍ដ៏ពេញនិយមនេះ​ដោយមិនបាច់ប្រើទិដ្ឋាការចាប់ពីថ្ងៃ ០១ ខែ​មិថុនា​ឆ្នាំ​២០២២។

ដោយឡែក អ្នកដំណើរទៅកោះជេជូ ដែលកាន់លិខិតឆ្លងដែនធម្មតា (Normal passport) រួចមានបំណងចង់បន្តដំណើរទៅតំបន់ផ្សេងៗទៀតនៃសាធារណរដ្ឋកូរ៉េ ត្រូវស្នើសុំនិងទទួលការអនុញ្ញាតការបន្តការស្នាក់នៅតំបន់ (Permission for Extension of Sojourn Area) ពីប្រធានការិយាល័យអន្តោប្រវេសន៍នៃកោះ ជេជូ ជាមុនសិន។

កោះជេជូ​ ជា​កោះទេសចរណ៍ដ៏ល្បីល្បាញ​មួយ​របស់ប្រទេស​កូរ៉េ​ខាងត្បូង ដែលមានទីតាំង​​ស្ថិត​នៅ​ដាច់​ពី​ខេត្ត​ដទៃ​របស់​ប្រទេស​កូរ៉េ​ខាង​ត្បូង។ កោះ​ជេជូ បាន​រួម​ចំណែក​រក​ប្រាក់​ចំណូល​សេដ្ឋកិច្ច​ជាតិ​កូរ៉េ ដោយ​បាន​ស្រូប​យក​ភ្ញៀវ​ទេសចរ​រាប់​លាន​នាក់​ក្នុង​មួយ​ឆ្នាំ។

The post ពលរដ្ឋ​ខ្មែរ​ទៅលេង​កោះជេជូ មិន​បាច់មាន​ទិដ្ឋាការទៀតទេ appeared first on .