ក្នុង​ចំណោម​ទំនិញ​ដែល​ឡើង​ថ្លៃ​ទាំងអស់ ​ប្រេង​ឥន្ធនៈ​មាន​ការ​កើនឡើង​ខ្ពស់​បំផុត ស្របពេល​តម្រូវការ​ក៏​មាន​ច្រើន​ផង បាន​ធ្វើ​ឲ្យ​ក្រុមហ៊ុន​ធំៗ​ដែល​ជួញដូរ​លើ​វិស័យ​មួយ​នេះ សំងំ​កើបលុយ​បាន​ច្រើន​សន្ធឹក​ពី​ឱកាស​ដ៏​កម្រ​បែបនេះ។

ខាងក្រោម​នេះ​គឺ​ជា​របាយការណ៍​ត្រួសៗ​រៀបរាប់​ពី​ប្រាក់ចំណូល​ប្រចាំ​ត្រីមាស​ទី ២ នៃ​ឆ្នាំ ២០២២ របស់​ក្រុមហ៊ុន​ប្រេង​ធំៗ​ទូទាំង​ពិភពលោក​ផ្ដល់​ឲ្យ​ដោយ​សារព័ត៌មាន Capital៖

1/ ក្រុមហ៊ុន Exxon Mobil ទទួល​បាន​ប្រាក់​ចំណេញ​ច្រើន​ជាង ៥០ ពាន់​លាន​ដុល្លារ​នៅ​ត្រីមាស​ទី ២ នៃ​ឆ្នាំ ២០២២។

2/ ក្រុមហ៊ុន Chevron ដែល​ប្រកប​អាជីវកម្ម​នៅ​កម្ពុជា​ក្រោម​ស្លាក​យីហោ CALTEX ទទួល​បាន​ប្រាក់​ចំណេញ​ប្រមាណ ១១,៦ ពាន់​លាន​ដុល្លារ ច្រើនជាង​ឆ្នាំ​ទៅ​ជិត ៤ ដង ពោល​កាលពី​ឆ្នាំ ២០២១ ក្រុមហ៊ុន​ខាងលើ​ទទួល​បាន​ប្រាក់​ចំណេញ​ត្រឹម ៣,១ ពាន់​លាន​ដុល្លារ ក្នុង​រយៈពេលដូចគ្នា។

3/ ក្រុមហ៊ុន Royal Dutch Shell PLC សម្រាប់​ត្រីមាស​ទី ២ នេះ​វិញ​ Shell ទទួល​បាន​ប្រាក់​ចំណេញ​ប្រមាណ ១១,៥ ពាន់​លាន​ដុល្លារ ច្រើន​ជាង​ឆ្នាំទៅ​ទ្វេដង​ និង​កើនឡើង​ពី​ ៩,១ ពាន់លានដុល្លារ​នៅ​ត្រីមាស​ទី ១ នៃ​ឆ្នាំ​ ២០២២។

4/ ក្រុមហ៊ុន TotalEnergies វិញ គឺ​រក​ប្រាក់ចំណេញ​សម្រាប់​ត្រីមាស​ទី ២ នៃ​ឆ្នាំ ២០២២ បាន​ប្រមាណ​ជិត ១០ ពាន់​លាន​ដុល្លារ តិច​ជាង​ក្រុមហ៊ុន​គូប្រជែង​ដទៃ​បន្តិច។

ដោយឡែក សម្រាប់​ក្រុមហ៊ុន​ប្រេង​ជួរ​មុខ​ប្រទេស​ថៃ PTT វិញ​ក៏​បាន​ទម្លាយ​ពី​របាយការណ៍​ចំណូល​ប្រចាំ​ត្រីមាស​របស់​ពួកគេ​ផង​ដែរ ប៉ុន្តែ​មាន​ត្រឹម​ត្រីមាស​ទី ១ នៃ​ឆ្នាំ ២០២២ ប៉ុណ្ណោះ ពោល​រកបាន​ប្រាក់​ចំណេញ​ប្រមាណ ៣ ៨៤៥ លាន​បាត ឬ​ជាង ១០៨ លាន​ដុល្លារ​អាមេរិក៕

The post ក្រុមហ៊ុនឥន្ធនៈធំៗទូទាំងពិភពលោក សំងំកើបលុយរាប់ពាន់លានដុល្លារនៅត្រីមាសទី ២ appeared first on .

បញ្ហាសេដ្ឋកិច្ចសកល និងការសម្រុកបញ្ចេញមាសឡើងចង់ជុញទៅក្នុងទីផ្សារអន្តរជាតិ ពីសំណាក់បណ្ដាប្រទេសធំៗជុំវិញពិភពលោក បានញឹងឱ្យតម្លៃមាសនាប៉ុន្មានថ្ងៃកន្លងមកនេះបន្តធ្លាក់ថ្លៃគួរឱ្យកត់សម្គាល់។ ដោយឡែក ក្រសួងពាណិជ្ជកម្ម នាព្រឹកថ្ងៃទី១១ ខែកក្កដាម្សិលមិញ បានចេញសេចក្ដីជូនដំណឹងថ្មីចុងក្រោយពីតម្លៃប្រេងឥន្ទនៈលក់រាយនៅទូទាំងប្រទេស ​ដោយ​ប្រេងសាំង​ធម្មតា​មានតម្លៃ ៥ ២៥០ ​រៀល ក្នុង​ ១​ លីត្រ ខណៈ​ប្រេងម៉ាស៊ូត ធ្លាក់​មក​នៅត្រឹម ៥ ៦០០ ​រៀល​ ក្នុង ​១ ​លីត្រ។

អ្នកវិភាគសេដ្ឋកិច្ច បណ្ឌិត គី សិរីវឌ្ឍ ប្រធាន​នៃ​មជ្ឈមណ្ឌល​សិក្សា​ចិន នៃរាជបណ្ឌិតសភាកម្ពុជា ស្នើឲ្យប្រជាពលរដ្ឋចូលរួមកាត់បន្ថយការប្រើប្រាស់ ជាពិេសសពាក់ព័ន្ធប្រេងឥន្ទនៈដែលជាដើមហេតុធ្វើឲ្យថ្លៃប្រេងមានការកើនឡើង បើទោះបីមួយរយៈចុងក្រោយនេះតម្លៃប្រេងបានធ្លាក់ចុះក៏ដោយ នៅតែមានភាពមិនប្រាកដប្រជាច្បាស់នៅឡើយ។

លោកថ្លែងថា៖ «សម្រាប់រដ្ឋាភិបាលត្រូវរៀបចំយុទ្ធសាស្រ្តរយៈពេលវែង ពីព្រោះកម្ពុជានៅតែអាចអភិវឌ្ឍវិស័យអចលនទ្រព្យ ហើយរដ្ឋយកចិត្តទុកដាក់ទៅលើការពុះឡូតិ៍ ធ្វើផ្ទះល្វែងលក់ដោយមិនគិតពីផលិតកម្មនៅក្នុងស្រុក និងមិនគិតវិស័យកសិកម្មនោះទេយើងនៅតែនាំចូល ហើយគ្មានអ្វីទទួលទានទេ ខណៈពេលដែលមានវិបត្តិកើតឡើង»។

កាលពី​ចុងខែ​មិថុនា លោកស្រី ម៉ា​រី​យ៉ា​ម សា​លីម ប្រធាន​គ្រប់​គ្រង​ការិយាល័យ​ធនាគារ​ពិភព​លោក​ប្រចាំ​នៅ​កម្ពុជា បានបញ្ជាក់ក្នុង​របាយការណ៍​បច្ចុប្បន្ន​ភាព​ស្តីពី​ស្ថានភាព​សេដ្ឋកិច្ច​នៅ​កម្ពុជា ថា ការឡើង​ថ្លៃ​ឥត​ស្រាក​​ស្រាន្ត​នៃ​ប្រេងឥន្ធនៈ និង​ស្បៀងអាហារ​លើ​ទីផ្សារ​ពិភពលោក កំពុង​រុញ​អតិផរណា​ឱ្យ​កាន់តែ​ធំ ហើយ​នៅ​កម្ពុជា គ្រួសារ​ក្រី​​ក្រ និង​ងាយ​រងគ្រោះ​ដែល​មិន សូវ​មាន​ប្រាក់​សន្សំ​ទំនងជា​ត្រូវ​រង​ទម្ងន់​នៃ​ផល​លំបាក​ធ្ងន់​ជាងគេ​ពី​សំណាក់​វិបត្តិ​ប្រេង​នេះ​។​

​លោកស្រី​ថ្លែងថា​៖ «​ការឡើង​​ថ្លៃ​ប្រេងឥន្ធនៈ និង​ថ្លៃ​ស្បៀងអាហារ​ពិភពលោក​ដោយសារ​សង្គ្រាម​នៅ​អ៊ុយ​ក្រែ​ន កំពុងតែ​ថែម​ទម្ងន់​នៃ​ការលំបាក​ទៅលើ​ជនក្រីក្រ ហើយ​វា​ក៏​នឹង​ធ្វើឱ្យ​ការកាត់បន្ថយ​ភាពក្រីក្រ ថម​​ថយ​ល្បឿន​»។

អ្នកជំនាញ​សេដ្ឋកិច្ច​នៃ​រាជបណ្ឌិត្យ​​សភា​កម្ពុជា បណ្ឌិត គី សេរី​វឌ្ឍ ​បន្ថែមថា ចំពោះ​ការ​​កើនឡើង​នៃ​អតិផរណា ដោយ​​សារ​តម្លៃ​ប្រេងឥន្ធនៈ​ឡើងថ្លៃ​នេះ​នៅមាន​តិចតួច​នោះទេ អ្វីដែល​គួរឱ្យ​បារម្ភ​ជាងនេះទៀត​នោះ គឺ​ការផ្គត់ផ្គង់​អគ្គិសនី​នៅ​កម្ពុជា ដោយសារតែ​រោងចក្រ​អគ្គិសនី​មួយចំនួន​នៅ​ប្រើ​ប្រេងឥន្ធនៈ​នៅឡើយ ដែល​ធ្វើឱ្យ​រដ្ឋាភិបាល​ត្រូវ​ចេញ​ខាត​ថ្លៃ​ប្រេង ដើម្បី​ធ្វើយ៉ាងណា​ឱ្យមាន​ស្តុក​គ្រប់គ្រាន់​សម្រាប់​ការ​​ផលិត​អគ្គិសនី ដើម្បី​រក្សា​ថ្លៃ​អគ្គិសនី​មិនឱ្យ​កើនឡើង​៕

The post អ្នកជំនាញសេដ្ឋកិច្ចអំពាវនាវឲ្យពលរដ្ឋសន្សំសំចៃចំណាយលើការប្រើប្រាស់ ពិសេសថ្លៃប្រេងឥន្ទនៈ appeared first on .

លោកស្រី Sim Kongkea ប្រធានក្រុមហ៊ុន ​ឈេហ្វរ៉ុន និងជាម្ចាស់​ស្ថានីយប្រេងឥន្ធនៈកាល់តិច​​ បានលើកឡើងពី​ដំណាក់​​កាលរីកចម្រើនថ្មីមួយទៀតនៅក្នុងការផ្តល់សេវារបស់ខ្លួននៅកម្ពុជា ជាពិសេសនៅក្នុងការចូលរួមចំណែកជាមួយរាជរដ្ឋាភិបាលកម្ពុជាដើម្បីអភិវឌ្ឍសេដ្ឋកិច្ចកម្ពុជាឱ្យមានការរីកចម្រើន​នៅក្នុងពេលបច្ចុប្បន្ន ក៏ដូចជា​នាពេលអនាគត។

លោក ស៊ុន ចាន់ថុល ទេសរដ្ឋមន្ដ្រី រដ្ឋមន្ត្រីក្រសួងសាធារណការ និងដឹកជញ្ជូន ថ្លែងក្នុងពិធីសម្ពោធនាពេលនេះ បានបង្ហាញជំនឿយ៉ាងមុតមាំថា ការប្រើប្រាស់យានយន្ដ ម៉ូតូ និងម៉ូតូកង់បីដើរដោយថាមពលអគ្គិសនី នឹងមានការកើនឡើងច្រើននៅក្នុងពេលអនាគត នៅពេលដែលហេដ្ឋារចនាសម្ព័ន្ធបញ្ចូលថាមពលអគ្គិសនីត្រូវបានដំឡើងយ៉ាងទូលំទូលាយនៅទូទាំងប្រទេស ហើយប្រជាពលរដ្ឋកម្ពុជាមានការយល់ដឹងច្រើនអំពីអត្ថប្រយោជន៍ផ្ទាល់ខ្លួនលើការប្រើប្រាស់យានយន្ដអគ្គិសនី។

លោកទេសរដ្ឋមន្ត្រី បានកត់សម្គាល់ផងដែរអំពីកំណើននៃការចុះបញ្ជីយានយន្តអគ្គិសនីចំនួន ៧០០%ក្នុងរយៈពេល៣ខែដំបូងឆ្នាំ២០២២ ប្រៀបធៀបនឹងរយៈពេលដូចគ្នាឆ្នាំ២០២១។

ជាមួយនឹងការគាំទ្ររបស់UNDP ក្រសួងបាន និងកំពុងធ្វើការជាមួយក្រសួងស្ថាប័នពាក់ព័ន្ធ និងភាគីពាក់ព័ន្ធផ្សេងទៀតដើម្បីរៀបចំសេចក្តីព្រាងគោលនយោបាយជាតិស្ដីពីការអភិវឌ្ឍវិស័យដឹកជញ្ជូនផ្លូវគោកឆ្នាំ២០២២-២០៣១។ សេចក្តីព្រាងគោលនយោបាយនេះទទួលបានការឯកភាពជាគោលការណ៍ពីក្រសួងស្ថាប័នពាក់ព័ន្ធ និងច្របាច់បញ្ចូលជាមួយគោលនយោបាយស្ដីពីការដឹកជញ្ជូនតាមផ្លូវទឹក និងផ្លូវដែក។ លោក ស៊ុន ចាន់ថុល បន្ថែម។

ទន្ទឹមនឹងនោះ ក្រសួង ក៏មានបំណងបង្កើតគណៈកម្មាធិការអន្តរក្រសួងដើម្បីសិក្សាបន្ថែម និងអភិវឌ្ឍន៍គោលនយោបាយជាតិទូលំទូលាយមួយស្ដីពីយានយន្តអគ្គិសនី ហើយបច្ចុប្បន្ននេះអង្គការ UNDP កំពុងជួយជ្រោមជ្រែងដល់ក្រសួងក្នុងការបង្កើតផែនទីបង្ហាញផ្លូវសម្រាប់ការដំឡើងស្ថានីយសាកថ្មយានយន្តអគ្គិសនីនៅទូទាំងប្រទេស។

បើតាមលោកទេសរដ្ឋមន្ត្រី ដើម្បីជំរុញឱ្យមានការប្រើប្រាស់យានយន្តអគ្គិសនីបន្ថែមទៀត ក្រសួងបានធ្វើការជាមួយក្រុមហ៊ុន Energy Lab និងក្រុមហ៊ុនGIZ ដើម្បីដាក់តាំងបង្ហាញយានយន្ត និងម៉ូតូអគ្គិសនីនៅចំណតយានយន្តទីស្ដីការក្រសួង និងបានបើកសម្ពោធឱ្យប្រើប្រាស់ស្ថានីយសាកថ្មយានយន្តអគ្គិសនីលើកដំបូង ដែលផ្ដល់ដោយអង្គការUNDPនៅទីស្តីការក្រសួងនៅថ្ងៃទី២៦ ខែមីនា ឆ្នាំ២០២២ ហើយក្រសួងនឹងសម្ពោធដាក់ឱ្យប្រើប្រាស់ស្ថានីយសាកថ្មយានយន្តអគ្គិសនីលើកទី ២ដែលផ្ដល់ដោយអង្គការ UNDPនៅក្នុងក្រុងព្រះសីហនុ៕

The post ក្រុមហ៊ុន ​ឈេហ្វរ៉ុន បើកឲ្យប្រើប្រាស់ជាផ្លូវការនូវស្ថានីយបញ្ចូលថាមពលយានយន្តអគ្គិសនីនៅកម្ពុជា appeared first on .