ស្នេហាតារាជាតិ

ក្រោយរៀបមង្គលការផ្អើលខេត្តព្រះសីហនុ តារាចម្រៀង Anna បន្តមកកាត់ចំណងដៃនៅភ្នំពេញទៀត

កូនចៅឧកញ៉ា — Sat, 20 Feb 2021 02:45:55 +0000

អតីតតារាចម្រៀងប្រចាំផលិតកម្ម M អ្នកនាង Anna បានសម្រេចចិត្តចូលរោងការជាមួយបុរសជាអ្នកជំនួញម្នាក់កាលពីថ្ងៃទី២២ ខែមករាឆ្នាំ ២០២១ដែលគ្រានោះនាងបានអញ្ជើញភ្ញៀវកិត្តិយស ពិសេសក្រុមអ្នកជំនួញមានមុខមាត់នៅខេត្តព្រះសីហនុជាងមួយពាន់នាក់នោះ។ ថ្ងៃទី១៩ ខែកុម្ភៈឆ្នាំ ២០២១នេះ នាងក៏បានរៀបចំពិធីកាត់ចំណងដៃទទួលភ្ញៀវមកនីរាជធានីភ្នំពេញរាប់រយនាក់បន្ថែមទៀត ក្នុងនោះក៏មានសិល្បករមិត្តរួមអាជីពនេះផងដែរ។

តារាចម្រៀង អេណា បានបញ្ជាក់ថា បានស្គាល់ស្វាមីកាលពីជាង១ឆ្នាំមុនក្រោយពីបានការណែនាំពីមិត្តភ័ក្កិ ហើយបានស្វែងយល់ចិត្តគ្នារហូតសម្រេចចិត្តចូលរោងការក្រោមការទទួលស្គាល់ពីឪពុកម្តាយទាំងសងខាង។ អតីតតារាចម្រៀងវ័យ៣២ឆ្នាំរូបនេះបន្តថាក្រោយពីផុតកុងត្រាជាមួយផលិតកម្មMរយៈពេល២ឆ្នាំកន្លងមកនាងបានងាកទៅមើលការខុសត្រូវមុខរបររកស៊ីនៅខេត្តព្រះសីហុគឺការបើកដំណើរការផ្ទះសំណាក់នៅទីនោះ ហើយស្វាមីនាងក៏នឹងបើកដំណើរការក្រុមហ៊ុនថ្មីនៅទីនោះផងដែរក្រោយពេលរៀបការរួច។ នាងថាការងារសិល្បៈអាចនិងមិនបោះបង់ចោលទាំងស្រុងទេ នឹងឆ្លៀតពេលប្រសិនបើអាច។

(កាត់បទសម្ភាសន៍អេណាចូលបន្តិច កន្លែងចំណុចពិសេសដែលអេណាស្រលាញ់ខាងប្រុស)
អេណាបញ្ជាក់ដែរថា នាងនឹងទទួលយកកំណើតកូនភ្លាមៗតែម្តងក្រោយពេលការរួចសម្រាប់ឆ្នាំនេះ។

លោកសុខ ជា ដែលជាស្វាមីរបស់អ្នកនាង Anna បានលើកឡើងថា មុនពេលចូលរោងការលោកក៏ធ្លាប់ធ្វើការសាកល្បងចិត្តដើម្បីឲ្យដឹងពីចិត្តគំនិត ហើយឃើញថានាងពិតនារីដែលលោកស្រលាញ់ពេញចិត្ត។ លោកមានការងារជាអ្នកបើកជំនួញផ្នែកដឹកជញ្ជូនតាមផ្លូវទឹក ដែលការងារនេះនឹងបន្តបើកដំណើរការនៅខេត្តព្រះសីហនុផងដែរ៕

The post ក្រោយរៀបមង្គលការផ្អើលខេត្តព្រះសីហនុ តារាចម្រៀង Anna បន្តមកកាត់ចំណងដៃនៅភ្នំពេញទៀត appeared first on .

លេចធ្លាយមុខមាត់អនាគតភរិយាតារាចម្រៀង ខេម ថ្ងៃសម្ពាធហាង ..

កូនចៅឧកញ៉ា — Sun, 08 Nov 2020 00:21:56 +0000

តារាចម្រៀងប្រចាំផលិតកម្ម Galaxy Navatra លោក ខេម បានប្រកាសបើកសម្ពោធភោជនីយដ្ឋានថ្លៃ២០ម៉ឺនដុល្លារអាមេរិករបស់ខ្លួនហើយកាលពីថ្ងៃទី០៧ ខែវិច្ឆិកាឆ្នាំ២០២០នេះ ក្រៅពីប្រកាសបើកដំណើរការហាងជាផ្លូវការតារារូបនេះក៏បានបង្ហើបពីរឿងរ៉ាវមានសគូស្នេហ៍ជាច្រើនឆ្នាំកន្លងមកហើយផងដែរ ប៉ុន្តែតារារូបនេះស្នើមិនបញ្ជាក់ពីមុខមាត់ពិតអនាគតភរិយានោះទេ។

ទោះជាយ៉ាងណា តាមការស៊ើបសួរពីអ្នកជិតដិតតារាចម្រៀងខេម នោះបានទម្លាយថានារីរូបស្រស់ជាអនគតភរិយាតារាចម្រៀងរូបនេះក៏មានវត្តមានក្នុងកម្មវិធីសម្ពោធនេះផងដែរ ហើយនាងបានធ្វើដំណើរមកពីប្រទេសបារាំងជាង១ឆ្នាំកន្លងមកហើយ។ នារីរូបស្រស់នេះមានឈ្មោះស្រីកា មុខមាត់ស្រស់សោភាខ្លាំងមិនចាញ់តារាសម្តែងឡើយ។ នាងមានសម្បុរស ច្រមុះស្រួច ស្បែកសភ្លឺថ្លាមានវ័យប្រមាណជិត៣០ឆ្នាំប៉ុណ្ណោះ។ ក្រៅពីមានរូបរាងស្រស់ស្អាតមិនចាញ់តារាៗនោះនាងក៏មានអត្តចរិករួសរាយរាក់ទាក់ គឺនាងបានដើរស្វាគមន៍ភ្ញៀវដែលចូលរួមកម្មវិធីខាងលើផងដែរ។ នាងទទួលបានការកោសរសើរខ្លាំងពីមិត្តរួមអាជីពថាក្រៅតែរកបាននារីស្រស់សោភាជាសង្សារ នាងក៏មានអត្តចរិករួសរាយរាក់ទាក់ផងដែរ។

ជុំវិញទំនាក់ទំនងស្នេហានេះដែរ តារាចម្រៀងខេមបានបង្ហើបថា លោកបានភ្ជាប់ស្នេហ៍ជាមួយនារីម្នាក់ដែលជាអាណិកជននៅប្រទេសបារាំងមិនមែនជាអ្នកសិល្បៈទេហើយការស្រលាញ់គ្នានេះអស់រយៈពេល៥ឆ្នាំកន្លងមកហើយពោលគឺក្រោយពីលោកបានចេញទៅច្រៀងរាំនៅទីនោះ។ លោកបន្តថា នៅមិនទាន់រកពេលវេលាដើម្បីបង្ហាញមហាជនជាសាធារណៈ ឬពេលវេលារៀបមង្គលការបើទោះបីជាច្បាស់លាស់ជាមួយគ្នាទៅហើយក្តី។

លោកមិនមានគម្រោងចេញទៅរស់នៅប្រទេសបារាំងឡើយ ហើយការបើកដំណើរការអាជីវកម្មថ្មីនេះនឹងជាក្លាយជាមុខរបរលំនឹងមួយសម្រាប់លោកនិងអនាគតភរិយា ។ លោកថាហាងនៅជិតខ្លោងទ្វារវត្តសំរោងអណ្តែតយីហោ T & Yនេះចាយទុនប្រមាណ២០ម៉ឺនដុល្លារអាមេរិក និងមិនមានការរួមចំណែកពីអនាគតភរិយានោះឡើយ។ លោករំពឹងថាក្រោយពីបើកដំណើរការអាជីវកម្មនេះនឹងទទួលបានគាំទ្រច្រើនពីទស្សនិកជន ខណៈដែលហាងលោកមានចំណុចពិសេសទាំងការរៀបចំហាង ជា៣ផ្នែកផ្សេងគ្នា និងរស់ជាតិអាហារឆ្ងាញ់ ផងដែរ៕

The post លេចធ្លាយមុខមាត់អនាគតភរិយាតារាចម្រៀង ខេម ថ្ងៃសម្ពាធហាង .. appeared first on .

ផ្តើមពីទុន១៣០ដុល្លារស្ត្រីម្នាក់អាចបង្កើតទ្រព្យបានរាប់សិបម៉ឺនដុល្លារក្នុងដៃ

កូនចៅឧកញ៉ា — Mon, 08 Jun 2020 04:19:50 +0000

ភ្នំពេញ៖ កញ្ញាឯកធម្មជាតិឆ្នាំ ២០១៧ស្រីស្អាត ទេព ម៉ាយ៉ាដែលល្បីមានមុខមាត់ស្រដៀងនឹងជំទាវ ស្រីតូច ចំណាន បច្ចុប្បន្នត្រូវបានគេដឹងថា កំពុងតែរស់នៅយ៉ាងមានក្ដីសុខ បន្ទាប់ពីរៀបការ ជាមួយស្វាមី ដែលមានងារជាឯកឧត្ដមមក។

នាងត្រូវបានគេដឹងថា មានជំនួញក្នុងដៃយ៉ាងតិច៣ក្រុមហ៊ុន ហើយអ្វីដែលជាការកោតសរសើរនោះ ស្ត្រីរូបស្រស់សោភាពូកែខាងរកស៊ីរូបនេះ ផ្ដើមពីដើមទុនត្រឹមតែ១៣០ ដុល្លារ ប៉ុណ្ណោះ តស៊ូព្យាយាមអាចបង្កើតទុនរាប់ម៉ឺនដុល្លារក្នុងដៃ។

ជាកូនស្រីច្បងក្នុងចំណោមបងប្អូនបង្កើត២នាក់ ទេព ម៉ាយ៉ា គឺជាក្មេងស្រីម្នាក់ ដែលមានការតស៊ូតាំងពីដឹងក្ដី ត្បិតនាងកើតក្នុងត្រកូលគ្រួសារមានជីវភាពក្រីក្រមួយក្នុងខេត្តកំពង់ឆ្នាំង ដោយឪពុកបានស្លាប់ចោលជាច្រើនឆ្នាំមកហើយ។

ទោះបីជាគ្រួសារ មិនមានជីវភាពប្រសើរ ដោយយល់ឃើញថា ចំណេះវិជ្ជា គឺជារឿងសំខាន់ ទេព ម៉ាយ៉ា បានព្យាយាមសិក្សា រហូតដល់បញ្ចប់ថ្នាក់បរិញ្ញាបត្រច្បាប់។ ទន្ទឹមនឹងគ្នានោះដែរ នាងក៏បានចូលរៀននៅសាកលវិទ្យាល័យភូមិន្ទវិចិត្រសិល្បៈ ដោយសារតែស្រលាញ់សិល្បៈតាំងពីកំណើត។

នៅឆ្នាំ ២០១៧ នាងបានប្រឡងជាប់ជាកញ្ញាឯកធម្មជាតិ ហើយបន្ទាប់មក ក៏ចាប់ផ្ដើមមហាជនស្គាល់ជាបន្តបន្ទាប់ ដោយសារតែមានមុខមាត់ស្រដៀងនឹងជំទាវ ស្រីតូច ចំណាន ភរិយាអ្នកឧកញ៉ា គិត ម៉េង។ ក្រោយពីជាប់ជាកញ្ញាឯកធម្មជាតិ ការងារសិល្បៈរបស់នាង ហាក់មិនសូវជាមានច្រើនឡើយ ភាគច្រើនបានត្រឹមតែថតស្ប៉តពាណិជ្ជកម្ម និងសំអាងការប៉ុណ្ណោះ។ ប៉ុន្តែទោះយ៉ាងណា ស្រីស្អាតរូបនេះ បែរជាល្បីខាងរកស៊ីទៅវិញ។

ការរកស៊ីរបស់នាង ផ្តោតសំខាន់លើមុខជំនួញគ្រឿងសាឡន ដោយផ្តើមពីដើមទុនដំបូងរបស់នាង មានត្រឹមតែ១៣០ ដុល្លារប៉ុណ្ណោះ។ ដោយនៅក្មេងខ្ចី ទេព ម៉ាយ៉ា ប្រាប់ថា ការចេញរកស៊ីដំបូង បានប្រឈមនឹងបញ្ហាច្រើនណាស់ ដួចជា ខ្វះទុន ការជួយជ្រោមជ្រែងពីគ្រួសារជាដើម។

” ខ្ញុំដួលមិនក្រោម១០ ដងឡើយ ព្រោះយើងខ្វះដើមទុន ខ្វះអ្នកជួយជ្រោមជ្រែង តែខ្ញុំនៅតែតស៊ូ ដោយប្រាប់ខ្លួនឯងថា ត្រូវតែរឹងមាំ ធ្វើការផងរកស៊ីផង ” ។ នេះជាការបញ្ជាក់របស់ទេព ម៉ាយ៉ា។

អ្នកនាង ទេព ម៉ាយ៉ា ចាប់ផ្ដើមរីកចម្រើននៅពេលដែលស្គាល់ស្វាមីរបស់នាង ដែលដំបូងឡើយ ស្វាមីមិនទាន់ទទួលងារជាឯកឧត្ដមនៅឡើយ។ ពួកគេបានចេញមុខរកស៊ីជាមួយគ្នា ដោយបើកហាងសាឡនមួយ។ រយៈពេល៣ឆ្នាំក្រោយស្គាល់ចិត្តថ្លើមគ្នាច្បាស់ ពួកគេក៏សម្រេចចិត្តចូលរោងការជាមួយ ស្របពេលដែលស្វាមីលោក បុត្រ រំដួលរង្សី ទើបតែទទួលងារជាឯកឧត្ដម បម្រើការនៅស្ថាប័នធំមួយ។

ក្រោមការតស៊ូ ព្យាយាមហើយមានស្វាមីល្អផងនោះ បច្ចុប្បន្ន ទេព ម៉ាយ៉ា មានក្រុមហ៊ុនក្នុងដៃយ៉ាងតិច៣ ក្នុងនោះមានដូចជា ទី១/ក្រុមហ៊ុនប្រេន គ្រឿងសម្អាង ទី/២ ក្រុមហ៊ុន មេឌាផលិតកុន និងទី/៣ ក្រុមហ៊ុនអចលនទ្រព្យជាមួយដៃគូ ផ្ដោតលើផ្ទះល្វែងនឹងដីឡូតិ៍ជាដើម ដែលបច្ចុប្បន្ននាងកំពុងតែមមាញឹកជាខ្លាំងលើ មុខជំនួញទាំងនោះ៕

The post ផ្តើមពីទុន១៣០ដុល្លារស្ត្រីម្នាក់អាចបង្កើតទ្រព្យបានរាប់សិបម៉ឺនដុល្លារក្នុងដៃ appeared first on .

កាន់តែក្ដៅហើយ អ្នកនាង ម៉េង កែវពេជ្ជតារងបណ្ដឹងពីស្ត្រីម្នាក់…

កូនចៅឧកញ៉ា — Wed, 03 Jun 2020 02:42:14 +0000

តារាចម្រៀងស្រីជើងចាស់ល្បីឈ្មោះ ម៉េង កែវពេជ្ជតា ត្រូវបានស្ត្រីម្នាក់ ឈ្មោះ រស់ សោភ័ណ្ឌ ដែលគេសង្ស័យថា ជាភរិយាអតីស្វាមីនាង បានដាក់ពាក្យប្តឹងទៅកាន់សាលាដំបូងរាជធានីភ្នំពេញ ពីបទ បរិហារកេរ្តិ៍ជាសាធារណៈ និងសម្លុតកុំឲ្យដាក់ពាក្យបណ្តឹង តាមបណ្ដាញសង្គមFacebook ក្នុងពាក្យបណ្ដឹងនោះ ដើមបណ្ដឹងទាមទាឈ្មោះ ម៉េង កែវពេជ្ជតា ចេញមុខសុំទោសជាសាធារណៈ ហើយសំណងទាមទារត្រឹមតែ១០០រៀលប៉ុណ្ណោះ។

ជារឿងដែលគួឲ្យចាប់អារម្មណ៍ដែល តារាចម្រៀងស្រីជើងចាស់ល្បីឈ្មោះ ម៉េង កែវពេជ្ជតា ល្បីខាងឧស្សាហ៍របង្ហោះវីដេអូវាយប្រហារគូសត្រូវតាមបណ្ដាញសង្គមហ្វេសប៊ុក ត្រូវបានគេប្តឹងហើយពីបទបរិហារកេរ្តិ៍។បើតាមក្នុងពាក្យបណ្តឹង ដាក់ចូលតុលាការកាលពីថ្ងៃទី២៨ ខែឧសភា ឆ្នាំ២០២០នេះ ស្ត្រី ដែលទំនងជាប្រពន្ធក្រោយរបស់លោកឧត្តមសេនីយ៍ មួង ឃីម ជាអតីតប្តីរបស់អ្នកនាង ម៉េង កែវពេជ្ជតា បានប្តឹងទាមទារសំណងជំងឺចិត្ត ១០០រៀល និងសុំឲ្យចោទប្រកាន់ ផ្តន្ទាទោសតាមច្បាប់ និងសុំឲ្យប្រកាសសុំទោសលើបណ្តាញសង្គមហ្វេសបុកជាសាធារណៈ។

ជាការកត់សម្គាល់ មុនមានពាក្យបណ្ដឹងនេះ អ្នកនាង ម៉េង កែវពេជ្ជតា បានLiveវីដេអូ រៀបរាប់ពីការប្រឹងប្រែង តស៊ូក្នុងឆាកជីវិត ដើម្បីកូនប្រុសស្រី ក្រោយលែងលះស្វាមី។ ពេលLiveវីដេអូនោះ មានគណនីហ្វេសប៊ុកមួយបានចូលទៅComment សួរអំពីរឿងប្រាក់ដែលនាងបានទទួលក្រោយការលែងលះគ្នានោះ ធ្វើឲ្យនាងក្ដៅចុងច្រមុះ ក៍ចាប់ផ្តើមបើកកកាយរឿងជូរចត់របស់នាងនៅពេលរួមរស់ជាមួយស្វាមី និងក្រោយពេលលែងលះគ្នា។

ក្នុងវីដេអូ Liveនោះ អ្នកនាងបានលើកឡើងពីការដែលត្រូវក្លាយខ្លួនជាភរិយា និងរងនូវភារៈមើលការខុសត្រូវជាច្រើន ក្រោយពេលរួមរស់ជាមួយអតីតស្វាមី រហូតជួបរឿងរកាំរកូស ការមើលងាយ ជេរប្រមាថ ការវាយដំ ការរំលោភសិទ្ធិសេរីភាព ការបង្ខូចកិត្តិយស និងទម្លាក់កំហុសជាច្រើនបន្តបន្ទាប់ រហូតលែងលះគ្នា ដែលទីបំផុត នាងទទួលបានត្រឹមតែការមើលថែកូនទាំងពីរ និងមិនទទួលបានទ្រព្យសម្បត្តិដែលប្រឹងប្រែងរកបានរួមគ្នានោះសោះ។

អ្នកនាង ម៉េង កែវពេជ្ជតា បានថ្លែងថា អតីតស្វាមីនៅតែចិញ្ចឹមចិត្តព្យាបាទនាង និងមិនបានបំពេញតួនាទីជាឪពុកគឺមានតែការរំខាន និងរារាំងមិនឲ្យកូនចេញទៅរៀននៅបរទេសជាដើម។ ទោះមានឈ្មោះជាស្ត្រីមេម៉ាយក្តី ប៉ុន្តែនាងមើលថែរកូនប្រុសស្រីរបស់នាងបានយ៉ាងល្អ។នៅក្នុងវីដេអូឡាយចំនួន ៣ឃ្លីប ដែលមានរយៈពេលជាច្រើនម៉ោងនោះ អ្នកនាង ម៉េង កែវពេជ្ជតា សង្កត់ហើយសង្កត់ទៀតទៅលើចំណុចត្រង់ថា ប្ដីប្រពន្ធឈ្លោះប្រកែកគ្នា ជេរគ្នា ហេតុអ្វីក៏ត្រូវបញ្ចេញសំឡេងរបស់នាងដែលត្រូវអតីតស្វាមីលួចថត តែភាគីអ្នកនាងម្ខាង ឱ្យពិភពលោកបានស្ដាប់អ៊ីចឹង ហើយចុះសំឡេងអតីតប្ដីដែលជេរនាងក្ដែងៗ ម៉េចមិនបញ្ចេញសំឡេងមកក្រៅផង។

ចំណុចនេះ អ្នកនាងគិតថា វាហាក់បីដូចជាអយុត្តិធម៌ពេកចំពោះនាងពេកហើយ ដែលកន្លងមកអ្នកនាង ខិតខំថែរក្សាកិត្តិយសឱ្យប្ដីអស់ជាច្រើនឆ្នាំ ទាំងបិទមាត់សង្កត់ចិត្ត។ អ្នកនាង ម៉េង កែវពេជ្ជតា បានឌឺដងទៅកាន់លោក មួង ឃីម ជាអតីតស្វាមីថា ប្រពន្ធថ្មីក្រោយដែលលោក មួង ឃីម បានមកនោះ គឺសមនឹងទទួលកម្មពារពីនាងហើយ។ ភាពវេទនារបស់នាងនិងកូនៗ គឺមានច្រើនណាស់ក្នុងរយៈ១០ឆ្នាំមកនេះ។

បន្ទាប់ពីមានការឡាយ Liveវីដេអូ នោះមក មិនបានប៉ុន្មានថ្ងៃផង ស្រាប់តែមានពាក្យបណ្ដឹង ដូចរៀបរាប់ខាងលើ មកលើរូបអ្នកនាង តែម្ដង។ ស្ត្រីឈ្មោះ រស់ សោភ័ណ្ឌ ដែលជាដើមបណ្ដឹង ត្រូវបានគេសង្ស័យថា ទំនងជាប្រពន្ធក្រោយរបស់លោកឧត្តមសេនីយ៍ មួង ឃីម ជាអតីតប្តីរបស់អ្នកនាង ម៉េង កែវពេជ្ជតា នេះឯង។

បែបណាក្ដី ទាក់ទិនទៅនឹងបណ្ដឹងនេះ គេនៅទាន់ឃើញមានប្រតិកម្មយ៉ាងណាពីអ្នកនាង ម៉េង កែវពេជ្ជតា នៅឡើយទេនោះទេ។បច្ចុប្បន្នអ្នកនាង ម៉េង កែវពេជ្ជតា ក្រៅពីទទួលរងនៅពាក្យបណ្ដឹងខាងលើ តារាចម្រៀងជើងចាស់រូបនេះក៏កំពុងតែ រងនៅសង្គ្រាមពាក្យសម្ដីគ្នា លើការយកបទចម្រៀងគ្នាច្រៀងផងដែរ៕

The post កាន់តែក្ដៅហើយ អ្នកនាង ម៉េង កែវពេជ្ជតារងបណ្ដឹងពីស្ត្រីម្នាក់… appeared first on .

មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩

កូនចៅឧកញ៉ា — Tue, 28 Apr 2020 02:42:36 +0000

តារាចម្រៀងល្បីឈ្មោះក្នុងផលិតកម្មថោន អ្នកនាង មាស សុខសោភា នឹង ស្វាមី បានបង្ហាញរូបភាពស្និទ្ធស្នាលគ្នាជាច្រើនលើគណនីយFacebook ផ្ទាល់ខ្លួនរបស់នាងកាលពីពេលថ្មីៗនេះ ដោយពួកគេបានពាក់ម៉ាស ចារ សុទ្ធតែយ័ន្ត ដើម្បីការពារកូវីដ-១៩ ដែលកំពុងតែយាយីមនុស្ស ពេញពិភពលោក ធ្វើឲ្យភ័យក្លាយគ្រប់គ្នានេះ។

រូបភាពកៀកកើយជាមួយស្វាមី របស់តារាចម្រៀងស្រីល្បីឈ្មោះខាងលើ គឺនាងបានថតនៅប្រទេសថៃ គ្រាដែលនាងនាំស្វាមីរបស់ខ្លួនទៅ ពិនិត្យនឹងព្យាបាលជំងឺនៅទីនោះ។ តារាស្រីរូបនេះ មិនប្រាប់ថា លោកអ៊ឹត រ៉ាដា ដែលជា ស្វាមីនោះ មានជំងឺអ្វីឡើយ ប៉ុន្តែអ្វីដែលធ្វើឲ្យអ្នកគាំទ្រនាង ចាប់អារម្មណ៍នោះ ការពាក់ម៉ាស់ របស់ពួកគេដែលមានចារយ័ន ហាក់បង្កប់នៅ អប្បិយជំនឿមួយ ស្របពេល ដែលបច្ចុប្បន្ន វីរុស រកូវីដ-១៩ កំពុងតែយាយីមនុស្ស ពេញពិភពលោក ធ្វើឲ្យភ័យក្លាយគ្រប់គ្នានេះ។ ក្រុមអ្នកគាំទ្ររបស់នាងលាន់ មាត់ថា ចារយ័នប៉ុណ្ណឹងហើយ តើឲ្យកូវីដ-១៩ ឯណាមកហ៊ានចូលជិតទៅ?

មាស សុខសោភា បានសរសេរលើគណនីFacebook មានខ្លឹមសារបែបនេះថា”ជូនអ្នកជំងឺមកស្រូបខ្យល់អាកាស សូមឲ្យបងមានសុខភាពប្រសើរឡើង”។ ជាមួយនេះដែរ មាស សុខសោភា បានបញ្ចេញសារបង្ហាញអារម្មណ៍យកព្រះធម៌មកដាក់នៅក្នុងខ្លួន ដើម្បីការពារជំងឺកូវីដ-១៩ ក្នុងនោះនាងបានថ្លែងសារថា សម័យកូវីដ គ្មានអ្វីក្រៅពីយកព្រះពុទ្ធ ព្រះធម៌ ព្រះសង្ឃ មកបិទបាំងជាប់ខ្លួនយើងទេ។ នាងបន្ថែមថា ជីវិតមនុស្សយើងមានតែ៣ថ្ងៃប៉ុណ្ណោះ គឺម្សិលមិញ ,ថ្ងៃនេះ នឹងថ្ងៃស្អែក។

ជាមួយខ្លឹមសារនេះដែរ សោភា ក៏បានដាស់តឿនឲ្យបងប្អូនទាំងឡាយ កុំធ្វេសប្រហែសឲ្យសោះ ពីការពារជំងឺកូវីដ-១៩នេះ តាមរយៈការពាក់ម៉ាសក៍ ក៏ដូចជាលាងដៃជាមួយសាប៊ូ ឬអាល់កុល ជាប្រចាំផងដែរ។ ចំណែកអ្នកគាំទ្រមាស សុខសោភា ក៏បានជូនពរឲ្យស្វាមីរបស់នាងសូមឲ្យឆាប់បានជាសះស្បើយពីជំងឺឡើងវិញផងដែរ៕

The post មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩ appeared first on .

ស្រីស្អាត ម៉េង យៀកលី គ្រោងចុះហត្ថលេខាជាមួយក្រុមហ៊ុនអាមេរិកមួយ ក្រោយរៀបការចប់

កូនចៅឧកញ៉ា — Tue, 04 Feb 2020 01:01:54 +0000

អតីតស្រីស្អាតលេខ២ក្នុងកម្មវិធី Freshie Girls & Boys ២០១៥ បានលាជីវិតខ្លួនមួយក្រោយបានសម្រេចចិត្តរៀបការជាមួយបុរសជំនួញធំដុំមួយរូបនាម្សិលមិញ ក្នុងនោះតាមការបង្ហើបរបស់សាមីខ្លួន គឺនាងមានគម្រោងរកស៊ីធំដោយចុះហត្ថលេខារកស៊ីជាមួយក្រុមហ៊ុនអាមេរិកមួយថែមទៀត។

យៀកលី មិនបាននិយាយលម្អិតឡើយជុំវិញផែនការរកស៊ីធំជាមួយក្រុមហ៊ុនមកពីអាមេរិកនេះ។ ប៉ុន្តែដើម្បីកិច្ចការដ៏សំខាន់នេះ នាងបានប្រាប់នៅក្នុងថ្ងៃមង្គលការរបស់នាងថា នាងសុខចិត្តពន្យាផែនការក្រេបទឹកឃ្មុំជាមួយស្វាមីនៅក្រៅប្រទេសទេ។

“ពួកខ្ញុំអត់ទាន់មានផែនការទៅក្រេបទឹកឃ្មុំអីទេ ព្រោះក្រោយរៀបការនេះ ពួកខ្ញុំនឹងត្រូវចុះហត្ថលេខារកស៊ីជាមួយក្រុមហ៊ុនមកពីអាមេរិកមួយ រហូតដល់កិច្ចការនេះ បានចប់សព្វគ្រប់អស់ ទើបពួកយើងសម្រេចដើរកម្សាន្តទៅបរទេស!”។

ត្បិតថា ស្រីស្អាតមិនបានបញ្ចេញលម្អិត ប៉ុន្តែគេដឹងថា នោះទំនងជាផ្នែកមួយនៃកិច្ចព្រមព្រៀងទ្វេរភាគីរវាងក្រុមហ៊ុន Bempire របស់ស្វាមីនាងហើយ ដែលក្រុមហ៊ុនមួយនេះ គឺជាអ្នកចែកចាយ និងផ្គត់ផ្គង់ផលិតផលថែរក្សាសម្រស់មួយប្រភេទ ដែលមានតារាស្រីថៃដ៏ល្បី គឺកញ្ញា ផេនខេក គឺជាម្ចាស់នៃផលិតផល។

និយាយពីស្វាមីរបស់ យៀកលី វិញ មានឈ្មោះថា ចន ប្រុស គឺជាម្ចាស់ក្រុមហ៊ុនចែកចាយផលិតផលថែរក្សាសម្រស់ខាងលើ។ ពួកគេទាំងពីរបានស្គាល់រាប់អានគ្នាជាច្រើនឆ្នាំមកហើយ ពោលគឺតាំងពីម្នាក់ៗ នៅសិក្សាចំណេះទូទៅមកម្ល៉េះ។ ប៉ុន្តែតាមភាគីខាងស្រី បានឲ្យដឹងថា ពួកនាងទើបតែមានសម្ព័ន្ធភាពជិតដិត និងដាំដុះពន្លកស្នេហ៍ប្រមាណជា ៣-៤ឆ្នាំចុងក្រោយប៉ុណ្ណោះ ក្រោយពីពួកគេមានឱកាសបានធ្វើការរួមគ្នាក្នុងក្រុមហ៊ុនតែមួយ។

ទំនាក់ទំនងនោះ ត្បិតថា ទាំងសងខាងមិនបានបញ្ចេញ ប៉ុន្តែប្រភពដែលនៅជិតដិតនឹងពួកគេម្នាក់ ធ្លាប់បានបង្ហើបថា យៀកលី និងគូស្នេហ៍បានភ្ជាប់ពាក្យនឹងគ្នាតាំងពីឆ្នាំ ២០១៨ មកម្ល៉េះ ខណៈកាលនោះ ស្រីស្អាត ក៏បានទទួលស្គាល់ដែរ ប៉ុន្តែមិនបានបញ្ចេញអត្តសញ្ញាណគូស្នេហ៍ឲ្យដឹងឡើយ។ ទើបតែយប់មិញនេះ យៀកលី បានបញ្ចប់មន្ទិលថា បុរសជាគូស្នេហ៍ដែលបានភ្ជាប់ពាក្យជាមួយនាងកាលពី២ឆ្នាំមុននោះ គឺជាស្វាមីរបស់នាងនាពេលនេះហើយ៕

The post ស្រីស្អាត ម៉េង យៀកលី គ្រោងចុះហត្ថលេខាជាមួយក្រុមហ៊ុនអាមេរិកមួយ ក្រោយរៀបការចប់ appeared first on .

ប្រពន្ធ ជិតសម្រាលកូន នី រតនា ដាក់ផែនការបន្ត មិនដឹងប្រពន្ធធ្វើបានឬអត់?

កូនចៅឧកញ៉ា — Mon, 20 Jan 2020 07:49:06 +0000

នៅសល់តែត្រឹម២ខែទៀត តារាចម្រៀង នី រតនា នឹងបានឃើញមុខកូនដំបូងរបស់ខ្លួន បន្ទាប់ពីពួកគេទាំងពីរៀបការជាង១ឆ្នាំមកនេះ ទន្ទឹមគ្នានោះដែរការមានកូនមួយ នៅមិនទាន់គ្រប់គ្រាន់ សម្រាប់គូស្នេហ៍សិល្បៈវ័យក្មេងនោះឡើយ លោកបានបង្ហើបថា ចង់បានច្រើនជាងនេះថែមទៀត ប៉ុន្តែមិនដឹងថា ប្រពន្ធរបស់ខ្លួនអាចបំពេញបំណងលោកបានឡើយ។

កូនដែលជាចំណងដៃដំបូងរបស់ តារាចម្រៀង លោក នី រតនា នឹង អ្នកនាង ហេង សុវណ្ណភក្តិណា គឺជាកូនស្រី ដែលនឹងត្រូវសម្រាលក្នុងអំឡុងខែ មីនា ឆ្នាំ ២០២០ ខាងមុខនេះ។ លោកមិនទាន់សម្រេចចិត្តដាក់ឈ្មោះផ្លូវការណាមួយជូនកូនស្រីនោះឡើយ ដោយរង់ចាំសម្រាលឃើញពន្លឺថ្ងៃសិន។

ម្ចាស់បទ “កូនក្រមុំបង គ្រាន់ជាមនុស្សស្រីធម្មតា”ថ្លែងឲ្យដឹងថាសម្រាប់ផែនការគ្រួសារការកំណត់ចំនួនកូន លោកនឹងភរិយា បានសម្រេចជាមួយគ្នារួចហើយថា ចង់បានកូនត្រឹមតែ៣នាក់ប៉ុណ្ណោះ ប៉ុន្តែមិនដឹងថា សុខភាពភរិយា របស់ខ្លួនអាចរាប់រងបានឬអត់នោះឡើយ។ “បាទបងខ្ញុំចង់បានកូន៣នាក់ ប្រុស១ ស្រី២ យើងបានសន្យាជាមួយគ្នាហើយ តែចាំមើលសុខភាពប្រពន្ធសិន មិនអាចបង្ខំបានទេ ” នី រតនា បញ្ជាក់។

ជាមួយការផ្ដល់កាដូកូនដំបូងពីឧត្ដម ភរិយា តារាចម្រៀងលោក នី រតនា ថ្លែងឲ្យដឹងថា ខ្លួនមិនមានកាដូ ជាដុំកំភួន សម្រាប់ជូនភរិយាខ្លួនជាការតបស្នងឡើយ គ្រាន់តែបច្ចុប្បន្នលោកបានមើលថែ គិតគូរពីសុខភាពប្រពន្ធឲ្យបានល្អ ទៅពេទ្យតាមការណាត់ជាប្រចាំ ហើយនៅថ្ងៃសម្រាល អាចមានជាបាច់ផ្កាជាការលើកទឹកចិត្ត ដល់ភរិយាតែប៉ុណ្ណោះ។

សូមបញ្ជាក់ផងដែរថា តារាចម្រៀង លោក នី រតនា នឹង អ្នកនាង ហេង សុវណ្ណភក្តិណា បានរៀបការ កាលពីថ្ងៃទី ១៨ មករា ឆ្នាំ ២០១៩ ។ អាពាហ៍ពិពាហ៍ របស់លោកត្រូវបានគេចាំបានថា អញ្ជើញភ្ញៀវជាង១០០តុ ក្នុងនៅ មានអ្នកសិល្បៈ ព្រមទាំងមន្ត្រីជាន់ខ្ពស់ជាច្រើនបានចូលរួម។ ក្រោយពីរៀបការរួចភ្លាមៗ ពួកគេបានទៅក្រេបទឹកឃ្មុំ នៅកោះម៉ាល់ឌីវ ដោយពួកគេបានLive វីដេអូ ព្រមទាំងបង្ហោះរូបភាពនៃការដើរលេងនោះ ធ្វើឲ្យមហាជនចាប់អារម្មណ៍ជាខ្លាំង៕

អត្ថបទ៖ ស៊ុន ហួត

ប្រភព៖ សប្បាយ

The post ប្រពន្ធ ជិតសម្រាលកូន នី រតនា ដាក់ផែនការបន្ត មិនដឹងប្រពន្ធធ្វើបានឬអត់? appeared first on .

ចេញលទ្ធផលហើយកូនក្នុងផ្ទៃ ឱក សុគន្ធកញ្ញា គឺជាកូនប្រុស

កូនចៅឧកញ៉ា — Wed, 09 Oct 2019 09:45:57 +0000

តារាចម្រៀងដ៏ល្បីប្រចាំប្រទេសកម្ពុជា ឱក សុគន្ធកញ្ញា បានទៅថតអូខេ ដើម្បីដឹងពីភេទកូនកំពុងពរពោះក្នុងផ្ទៃរបស់នាងហើយ លទ្ធផលដែលចេញមក នាង ទទួលបានកូនប្រុស។

នៅថ្ងៃទី ០៩ ខែតុលា ឆ្នាំ២០១៩នេះ អ្នកនាង ឱក សុគន្ធកញ្ញា បានបង្ហោះរូបភាពច្រើនសន្លឹកចេញពីលទ្ធផលឆ្លុះអេកូ នៅមន្ទីរពេទ្យ Bumrungrad International ប្រទេសថៃ។ អ្នកនាងថែមទាំងបញ្ជាក់ឲ្យដឹងដែរថា កូនប្រុសមានសុខភាពល្អទេ ហើយទាំងអ្នកនាង និងស្វាមីក៏កំពុងទន្ទឹងរង់ចាំការមកដល់របស់កូនឆាប់ៗដែរ៕

The post ចេញលទ្ធផលហើយកូនក្នុងផ្ទៃ ឱក សុគន្ធកញ្ញា គឺជាកូនប្រុស appeared first on .

តារាស្រីខ្មែរល្បីៗ មានកូនមិនទាន់បានរៀបការជាសាធារណៈ

កូនចៅឧកញ៉ា — Mon, 23 Sep 2019 13:48:59 +0000

កន្លងមកSabay ធ្លាប់តែលើកបង្ហាញពីអាពាហ៍ពិពាហ៍របស់អ្នកសិល្បៈនេះ អ្នកសិល្បៈនោះជារឿយៗចែកជូនប្រិយមិត្តទស្សនា ប៉ុន្តែថ្ងៃនេះយើងលើកយកតារាស្រីចំនួន៧រូប មានកូនដោយ មិនបានប្រកាសជាសាធារណៈនៃអាពាហ៍ពិពាហ៍របស់ខ្លួនឲ្យអ្នកគាំទ្របានដឹង។ តារាស្រីទាំង៦រូបនោះមានឈ្មោះដូចខាងក្រោម៖

១/ អ្នកនាង នៅ សុនិតា

តារាសម្ដែងស្រី នៅ សុជាតា ទើបតែសម្រាលកូនស្រីម្នាក់កាលពីពេលថ្មីៗនេះ ដោយកូននោះ គឺជា ដំណក់ឈាមរបស់លោក ទិត្យ ថារិទ្ធ អគ្គនាយករងវិទ្យុ និងទូរទស្សន៍បាយ័ន បច្ចុប្បន្នមានតួនាទីបន្ថែមក្នុងជួររដ្ឋាភិបាលជា អនុរដ្ឋលេខាធិការក្រសួងវប្បធម៌និង វិចិត្រសិល្បៈ។ ការរួមរសជាមួយគ្នារបស់នាងអ្នកនាង នៅ សុនិតា និង លោក ទិត្យ ថារិទ្ធ រហូតដល់មានកូននេះ ត្រូវបានមហាជនមើលឃើញថា មិនទាន់បានរៀបការជាសាធារណៈឡើយ។

២/ អ្នកនាង ឈិត សុជាតា

ពិធីការិនីនិង តារាសម្ដែងអ្នកនាង ឈិត សុជាតា បានធ្វើឲ្យមហាជនមានការភ្ញាក់ផ្អើលខ្លាំង កាលពេលកន្លងទៅ ក្រោយពីតារាស្រីរូបនេះបង្ហាញមុខមាត់កូនប្រុសស្រីភ្លោះពីរនាក់គួរឲ្យស្រលាញ់។ ប៉ុន្តែនាងភ្លាមៗ នាងបានព្យាយាមមិនបង្ហាញអត្តសញ្ញាណស្វាមីនាង។ ប៉ុន្តែទើបថ្មីៗនេះ ទើបនាងដាច់ចិត្តបង្ហាញមុខមាត់ស្វាមីនាងជាសាធារណៈ។ ដូចនឹងតារាស្រីទាំង៣នាក់ខាងលើដែរ អ្នកទាំងពីរមិនទាន់បានចូលរោងការជាចំហនៅឡើយ។

៣/ អ្នកនាង ហង្ស ម៉ារ៉ានី

តារាសម្ដែង ហង្ស ម៉ារ៉ានី ក៏ត្រូវបានគេដឹងថា ទើបមានកូនប្រុសម្នាក់វ័យជិតជាង១ឆ្នាំ ។ តារាស្រីដែលល្បីខាងឡាយ លក់ផលិតផលរូបនេះ មានស្វាមីឈ្មោះ ភូ កែវសម្បត្តិ វ័យជាង៣០ឆ្នាំ គឺជាអ្នកជំនួញម្នាក់។ ពួកគេក៏រួមរស់ជាមួយគ្នា រហូតដល់មានកូននេះ ដោយមិនទាន់បានរៀបការជាសាធារណៈដូចគ្នា។

៤/ ពេជ្រ សិរីរ័ត្ន៖ អតីតពិធីការិនីទូរទស្សន៍បាយ័ន បានរងព័ត៌មានចចាមអារ៉ាមជាលើកអំពីទំនាក់ទំនងស្នេហ៍ជាបន្តបន្ទាប់ ក្រោយពីបែកបាក់ជាមួយលោក គង់ វិសាល។ ម្ដងល្បីថានាងមានស្នេហ៍ជាមួយមន្ត្រីធំម្នាក់ដែលជាអ្នកនៅពីក្រោយភាពហ៊ឺហារបស់នាង។ ក្រៅពីនេះ ក៏ព័ត៌មានថា នាងមានទំនាក់ទំនងជាមួយអ្នកជំនួញធំមួយរូបទៀត។ យ៉ាងណា ពិធីការិនី “តុបំភ្លឺ” មិនដែលបំភ្លឺរឿងខ្លួនឯងឲ្យច្បាស់លាស់ឡើយ។មិនបង្ហាញបុរសអ្នកនៅពីក្រោយភាពហ៊ឺហា ប៉ុន្តែ សិរីរ័ត្ន បានបង្ហាញកូនប្រុស ស្រី ២នាក់ អាយុប្រមាណ ៥ និង ៧ឆ្នាំ ទាំងមិនមានព័ត៌មានច្បាស់ថា ឪពុករបស់ពួកគេគឺជានរណា។

៥ អ្នកនាង ភិន សុដាលីស

តារាសម្ដែង ភិន សុដាលីស ត្រូវបានគេដឹងថា មានកូនស្រីម្នាក់ដូចគ្នា ជាមួយអតីតស្វាមី លោក ប៉ែន ចំរុង ដោយពួកគេ ធ្លាប់រួមរស់ជាមួយគ្នា មិនបានរៀបការជាសាធារណៈ គ្រាន់តែចុះសំបុត្រអាពាហ៍ពិពាហ៍ប៉ុណ្ណោះ។ ប៉ុន្តែចុងក្រោយមក អ្នកទាំងពីរបានលែងលះគ្នា តាមផ្លូវច្បាប់ ដោយបន្សល់កូនស្រីម្នាក់វ័យ៣ឆ្នាំ កំពុងតែស្ថិតក្រោម កាលមើលថែ ដោយអ្នកនាង ភិន សុដាលីស ហើយលោក ប៉ែនចំរុង សូម្បីតែទៅជួបមុខកូនផ្ទាល់តែម្ដង ក៏មិនមានឧកាសបានជួបរហូតមកដល់បច្ចុប្បន្ន។

៦/ អ្នកនាង ម៉ៅ ស៊ីណាត

បន្ទាប់ពីចែកផ្លូវជាមួយអតីតស្វាមីជាមេធាវីល្បីឈ្មោះម្នាក់ តារាចម្រៀងអ្នកនាងម៉ៅ ស៊ីណាត ត្រូវបានគេដឹងជាសាធារណៈថា បានបង្កើតភ្លើងស្នេហ៍ជាមួយមន្ត្រីយោធាម្នាក់ឈ្មោះ “វិសាល” ហើយបច្ចុប្បន្នអ្នកទាំងពី មានចំណងដៃកូនស្រីម្នាក់វ័យប្រហែលជាង៣ឆ្នាំមកហើយ។ ការរួមរសជាមួយគ្នា របស់នាង ម៉ៅ ស៊ីណាត និង លោក វិសាល ត្រូវបានមហាជនមើលឃើញថា ពួកគេមិនបានរៀបការជាសាធារណៈឡើយឲ្យអ្នកគាំទ្របានដឹងឡើយ។

៧/អ្នកនាង ស្វែង សុជាតា

តារាស្រីជើងចាស់ ស្វែង សុជាតា ត្រូវបានគេដឹងថា ជាតារាស្រីម្នាក់ធ្លាប់ឆ្លងកាត់ ការមានស្វាមីជាច្រើនលើកមកហើយ ស្វាមីចុងក្រោយ របស់អ្នកនាង គឺជា គ្រូខ្មែរម្នាក់នៅឯភ្នំគូលេន ដែលមានវ័យក្មេងជាង អ្នកនាងជាច្រើនឆ្នាំ។ អ្នកទាំងពីរ បានរួមរសជាមួយគ្នារហូតដល់មានកូនប្រុសម្នាក់ដោយមិនទាន់បានរៀបការជាសាធារណៈឡើយ៕

ប្រភព៖ sabay.com.kh

The post តារាស្រីខ្មែរល្បីៗ មានកូនមិនទាន់បានរៀបការជាសាធារណៈ appeared first on .

ម៉ាក សែនសូនីតា បំភ្លឺរឿងល្បីដើរចែកធៀបការម្សិលមិញ ជាមួយថៅកែផលិតកម្មសម្បូរស្នេហ៍

កូនចៅឧកញ៉ា — Wed, 28 Aug 2019 13:23:36 +0000

មានព័ត៌មានក្រៅផ្លូវការមួយនាពេលថ្មីៗនេះបានទម្លាយឲ្យដឹងថា ស្រីស្អាត ម៉ាកសែន សូនីតា កំពុងតែដើរចែកធៀបការយ៉ាងតក់ក្រហល់ ទាំងកណ្ដាល វស្សា ជាមួយគូស្នេហ៍ គឺលោក ប៉ុល វិបូ ហៅនីត ថៅកែពោះម៉ាយ ហើយនៅថ្ងៃនេះ នាងចេញមកមុខបញ្ជាក់ច្បាស់ៗតែម្ដង។

ជុំវិញការលើកឡើងនេះ តូតា បានបញ្ជាក់ច្បាស់ជាមួយ Sabay ថា ខ្លួនមិនទាន់ចូលរោងការឡើយ រឿងរ៉ាវទាំងនេះ គ្រាន់តែពាក្យចចាមអារ៉ាម ដើម្បីទាមទារការចាប់អារម្មណ៍ប៉ុណ្ណោះ។

តូតា បានបន្តឲ្យដឹងថា ប្រសិនបើនាងពិតជាសម្រេចចិត្តចូលរោងការពិតមែននោះ ខ្លួនមិនធ្វើឡើងស្ងាត់ៗអីចឹងឡើយ គឺនឹងប្រកាសជាសាធារណៈឲ្យមហាជនបានដឹងតែម្ដង ត្បិតអីស្នេហា របស់អ្នកទាំងពីរចាប់តាំងពីកកើតមក មិនបានលាក់លៀមពី ក្រសែភ្នែកមហាជនឡើយ។

តួឯកស្រីក្នុងរឿង””កូនពស់កេងកង” រូបនេះបានលើកឡើងថា ពួកគេមិនទាន់គិតរឿងរៀបការជាធំឡើយ អ្វីដែលត្រូវធ្វើចំពោះមុខត្រូវពង្រឹងមុខរបរឲ្យបានរឹងមាំសិន។

តូតា និងគូរស្នេហ៍ លោក ប៉ុល វិបូ ហៅនីត ថៅកែផលិតកម្ម “អង្គរ Picture ” ដែលជាបុរសមានឥទ្ធិពលម្នាក់ ត្រូវគេដឹងថា ក្រៅផលិតកម្មពួកគេ បានបើកជំនួញជាច្រើនរួមគ្នា ក្នុងនោះ មានភោជនីយដ្ឋានជាច្រើនកន្លែង និងជំនួញដីធ្លីជាច្រើនកន្លែងថែមទៀត ។ ប៉ុន្តែសម្រាប់ ភោជនីយដ្ឋាន មួយចំនួនដែលពួកគេទាំងពីរបានបើកឲ្យដំណើរការ និងបានទាំងលក់ franchiseផងនោះ គេឃើញមួយចំនួន បានបិទទ្វារទៅវិញហើយ។ជុំវិញបង្ហានេះ តូតា មិនបានបញ្ជាក់ ចំពោះមូលហេតុដែលនាំឲ្យហាងទាំងនោះបិទទ្វារឡើយ។

ទោះបីជាមួយគ្នាបានមានទំនាក់ទំនងស្នេហានិងគ្នាច្រើនឆ្នាំហើយក្ដី ចំណងស្នេហាពួកគេនៅតែមានស្អិតល្មួតនឹងគ្នាដដែល ដោយក្នុងនោះ សាច់ញាតិទាំងសងខាងបានស្គាល់ ភ្ជាប់មាត់ភ្ជាប់សម្ដីជាមួយគ្នា មិនបានហាមប្រាមពួកគេឡើយ ទោះបីជាដឹងថា ភាគីខាងប្រុស ជាពោះម៉ាយ ហើយថែមទាំងមានកូនថែមទៀតក្ដី ។ ទាំង តូតា ទាំង លោក នីត ពេលមានកម្មវិធី គ្រួសារទាំងសងខាង គឺតែងតែបណ្ដើរគ្នា ទៅចូលរួមដោយក្ដីរីករាយ មិនដែលអាក់ខានឡើយ។

ចំពោះថា តើអ្នកទាំងពីរ និងត្រូវចំណាយពេល ប៉ុន្មានឆ្នាំទៀតថា និងប្រកាសថ្ងៃរៀបការនោះ តូតា ប្រាប់ថា ដូចនាងបានលើកឡើងខាងលើ អីចឹង គឺមិនអាចកំណត់បានឡើយ ចាំសម្រេចពេលណា គឺនាងប្រកាសជាសាធារណៈតែម្ដង៕

ប្រភព៖sabay.com.kh

The post ម៉ាក សែនសូនីតា បំភ្លឺរឿងល្បីដើរចែកធៀបការម្សិលមិញ ជាមួយថៅកែផលិតកម្មសម្បូរស្នេហ៍ appeared first on .

ស្នេហាតារាជាតិ

ក្រោយរៀបមង្គលការផ្អើលខេត្តព្រះសីហនុ តារាចម្រៀង Anna បន្តមកកាត់ចំណងដៃនៅភ្នំពេញទៀត

លេចធ្លាយមុខមាត់អនាគតភរិយាតារាចម្រៀង ខេម ថ្ងៃ​សម្ពាធ​ហាង ..

ផ្តើមពីទុន​​១៣០ដុល្លារ​ស្ត្រី​ម្នាក់​អាច​បង្កើតទ្រព្យបានរាប់សិប​ម៉ឺន​ដុល្លារ​ក្នុង​ដៃ

កាន់​តែ​ក្ដៅ​ហើយ អ្នក​នាង ម៉េង កែវ​ពេជ្ជតា​​រង​​បណ្ដឹង​ពី​ស្ត្រី​ម្នាក់…

មាស សុខ​សោភា នឹង​ស្វាមី ពាក់​ម៉ាស ចារ សុទ្ធតែ​យ័ន្តការពារ​កូវីដ-១៩

ស្រី​ស្អាត ម៉េង យៀកលី គ្រោង​ចុះ​ហត្ថលេខា​ជាមួយក្រុម​ហ៊ុន​អាមេរិក​មួយ ក្រោយ​រៀប​ការ​ចប់

ប្រពន្ធ ជិត​សម្រាល​កូន នី រតនា ដាក់​​​ផែន​ការ​បន្ត មិន​ដឹង​ប្រពន្ធ​ធ្វើ​បាន​ឬ​អត់?

ចេញ​លទ្ធផល​​ហើយ​កូន​ក្នុង​ផ្ទៃ ឱក សុគន្ធកញ្ញា គឺ​ជា​កូនប្រុស

តារា​ស្រីខ្មែរ​ល្បី​ៗ មាន​កូន​មិន​ទាន់​បាន​រៀប​ការ​ជា​សាធារណៈ

ម៉ាក សែនសូនីតា បំភ្លឺ​រឿង​ល្បី​ដើរ​ចែក​ធៀបការ​ម្សិលមិញ ជាមួយ​ថៅកែ​ផលិតកម្ម​សម្បូរស្នេហ៍