សម្ដេច ហ៊ុន សែន ៖ផ្លូវក្រោមទឹក និងស្ពានអាកាសចំនួន ៤ ទៀត នឹងមានវត្តមាននៅកម្ពុជា

កូនចៅឧកញ៉ា — Wed, 15 Jan 2020 02:42:28 +0000

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា បច្ចុប្បន្ន កម្ពុជា បាននឹងកំពុងយកចិត្ដទុកដាក់លើការអភិវឌ្ឍប្រព័ន្ធហេដ្ឋារចនាសម្ព័នជាច្រើនដូចជា ផ្លូវថ្នល់ ផ្លូវដែក ផ្លូវអាកាស ស្ពានឆ្លងទន្លេ ស្ពានអាកាស និងកំពង់ផែជាដើម ដើម្បីធ្វើយ៉ាងណាឲ្យការដឹកជញ្ជូន និងការធ្វើដំណើររបស់ប្រជាជន មានភាពងាយស្រួល។

ទន្ទឹមនឹងនេះ ប្រមុខរាជរដ្ឋាភិបាលកម្ពុជា សម្ដេច ហ៊ុន សែន បានថ្លែងថា នាពេលខាងមុខនេះកម្ពុជានឹងធ្វើស្ពានអាកាស ៤កន្លែងទៀត ដើម្បីបំពេញតម្រូវការពលរដ្ឋក្នុងការធ្វើដំណើរ ខណៈស្ពានអាកាស ៥កន្លែងកំពុងដាក់ឲ្យប្រើប្រាស់រួចហើយ។ ការលើកឡើងរបស់សម្ដេចធ្វើឡើងក្នុងឱកាសអញ្ជើញជាអធិបតីភាព ពិធីបើកការដ្ឋានសាងសង់ផ្លូវក្រវាត់ក្រុងទី៣ ប្រវែង ៥២,៩៨៣គីឡូម៉ែត្រឆ្លងកាត់រាជធានីភ្នំពេញ និងខេត្តកណ្ដាលកាលពីដើមខែមករា ឆ្នាំ២០១៩ កន្លងទៅ។

ចំពោះផ្លូវក្រោមទឹកវិញ សម្តេចបានបញ្ជាក់ដូច្នេះថា «តិចទៀតនឹងធ្វើផ្លូវក្រោមទឹក ដោយមិនបាច់ធ្វើស្ពានឆ្លងទន្លេទៀតទេ។ សូមជម្រាបថា ផ្លូវក្រោមទឹកនេះបច្ចុប្បន្នក៏មានក្រុមហ៊ុន OCIC កំពុងសិក្សាលទ្ឋភាពដើម្បីសាងសង់ ពីកោះពេជ្រទៅកាន់ទីក្រុងកោះនរាហ៍ផងដែរ»។

ដោយឡែក ស្ពានអាកាសវិញ នាពេលបច្ចុប្បន្ន កម្ពុជាមានចំនួន ៥ ហើយដែលកំពុងដាក់ឲ្យប្រើប្រាស់ ដោយក្នុងនោះរួមមាន ស្ពានអាកាសក្បាលថ្នល់, ស្ពានអាកាស៧មករា ឬហៅក្រៅថា ស្ពានអាកាសពេទ្យលោកសង្ឃ, ស្ពានអាកាសស្ទឹងមានជ័យ, ស្ពានអាកាសទិចណូ, ស្ពានអាកាសផ្សារដីហុយ។

ហើយនាពេលខាងមុខស្ពានអាកាសរង្វង់មូលចោមចៅ ដែលជាស្ពានអាកាសទី៦របស់កម្ពុជា ក៏នឹងត្រូវដាក់ឲ្យដំណើរការផងដែរ ខណៈបច្ចុប្បន្នការសាងសង់សម្រេចបានមួយភាគធំហើយ ក្នុងនោះក្រុមការងារសាងសង់ក៏កំពុងដុតដៃដុតជើងលើការសាងសង់យ៉ាងមមាញឹកផងដែរ ៕ អត្ថបទ៖ សិរិកា

The post សម្ដេច ហ៊ុន សែន ៖ផ្លូវក្រោមទឹក និងស្ពានអាកាសចំនួន ៤ ទៀត នឹងមានវត្តមាននៅកម្ពុជា appeared first on .

ស្ពានក្រោមដី

សម្ដេច ហ៊ុន សែន ៖ផ្លូវ​ក្រោម​ទឹក និង​ស្ពាន​អាកាស​ចំនួន​ ៤ ទៀត នឹងមាន​វត្តមាន​នៅ​កម្ពុជា

សម្ដេច ហ៊ុន សែន ៖ផ្លូវក្រោមទឹក និងស្ពានអាកាសចំនួន ៤ ទៀត នឹងមានវត្តមាននៅកម្ពុជា