យ៉ាងណា ថ្មីៗនេះ​ប្រទេស​ជិតខាង​កម្ពុជា​ គឺ​វៀតណាម​បាន​ដាក់​ឲ្យ​ប្រើប្រាស់​ជា​ផ្លូវការ​នៅ​ស្ពាន​កញ្ចក់​មួយ​ខ្សែ​ដែល​មាន​ប្រវែង​ប្រមាណ ២ ០៧៣ ហ្វីត ឬ​ប្រហែល ៦៣១ ម៉ែត្រ ដែល​ត្រូវបាន​គេ​ចាត់ទុក​ថា ជា​ស្ពាន​កញ្ចក់​វែង​បំផុត​លើ​លោក​នា​ពេល​បច្ចុប្បន្ន។​

ស្ពាន​មួយ​ខ្សែ​ដែល​បាន​លេច​វត្តមាន​នៅ​កោះ Bach Long គឺ​មាន​រយៈ​កម្ពស់​ប្រហែល ១៥០ ម៉ែត្រ​ពី​ដី ហើយ​បើ​ដើរ​ពី​លើ​ស្ពាន​ នោះ​គឺ​ប្រៀប​ដូចជា​កំពុង​ដើរ​លេង​មេឃ​ដែល​មាន​ព្រៃ​ក៏​ក្រាស់​ពី​ក្រោម​អញ្ចឹង។

វា​ត្រូវបាន​កសាង​ឡើង​ដោយ​កញ្ចក់​ដ៏​មាំ​ផលិត​ឡើង​នៅ​ប្រទេស​បារាំង ដែល​អាច​ទ្រ​មនុស្ស​បាន ៤៥០ នាក់​ក្នុង​ពេល​តែ​មួយ ខណៈ​ចំនួន​មួយ​នេះ​គឺ​ពិត​ជា​មិនតិច​ឡើយ ដ្បិត​មិនមែន​គ្រប់គ្នា​សុទ្ធតែ​ក្លាហាន​ហ៊ាន​ដើរឆ្លង​ស្ពាន​ដ៏​ព្រឺព្រួច​មួយ​នេះ​ឡើយ។

ចំពោះ​តម្លៃ​នៃ​ការ​សាងសង់​ស្ពានកញ្ចក់​វែង​បំផុត​លើ​លោក​មួយ​ខ្សែ​នេះ​វិញ គឺ​មិនត្រូវ​បាន​ទម្លាយ​ឲ្យ​ដឹង​ឡើយ ស្របពេល​លឺ​ល្ហៀងៗ​មកថា សាធារណរដ្ឋ​ឆែក​កំពុង​សាងសង់​ស្ពាន​កញ្ចក់​ដែល​មាន​ប្រវែង​វែង​ជាង​វៀតណាម​ទៀត ប៉ុន្តែ​មិនទាន់​ដាក់​ឲ្យ​ប្រើប្រាស់​ជា​ផ្លូវការ​នៅ​ឡើយ៕

ប្រភព: Luxurylaunches

The post វៀតណាម​សម្ពោធ​ស្ពាន​កញ្ចក់​វែង​បំផុត​លើ​លោក ប្រវែង ៦៣១ ម៉ែត្រ appeared first on .