លោកជាពាណិជ្ជករខ្មែរដែលបានចូលរួមគៀងគរវិនិយោគិនបរទេសមកបណ្តាក់ទុនរកស៊ីកម្ពុជា តាមរយៈប្រធានសភាពាណិជ្ជកម្មកម្ពុជា និងក្រុមហ៊ុនគ្រាក់ៗរបស់លោកដែលកំពុងឈរលើទីផ្សារនាពេលបច្ចុប្បន្ន។

តាមរយៈទំព័រហ្វេសបុកអ្នកឧកញ៉ា គិត ម៉េង តែងតែចែករំលែកទស្សនទាន គន្លឹះអប់រំ បទពិសោធន៍ជីវិតមួយចំនួនដើម្បីជាសារដាស់តឿនដល់យុវជនជំនាន់ថ្មីឲ្យពង្រឹងស្មារតីស្រឡាញ់ការសិក្សា ចាប់ផ្តើមធ្វើជំនួញ និងសាងសុភមង្គល។ អ្វីដែលកាន់ពិសេសទៀតនោះ អ្នកឧកញ៉ា ជារឿយៗតែងបានបង្ហោះសារចែករំលែកគន្លឹះកសាងសុភមង្គលគ្រួសារ ដោយកោតសរសើរសម្រស់ដ៏ស្រស់ស្អាតឧត្តមភរិយា លោកជំទាវ ស្រីតូច ចំណាន និងនារីៗនៅលើពិភពលោក ជាមួយពាក្យលួងលោមលើកទឹកចិត្តឲ្យស្រឡាញ់ភរិយា គ្រួសារ និងការងារជាដើម។

អ្នកឧកញ៉ា គិត ម៉េង ធ្លាប់បានថ្លែងថា៖ «ភរិយារបស់ខ្ញុំ ចំណាន តែងតែជាស្ត្រីរឹងមាំបំផុតម្នាក់ដែលខ្ញុំតែងតែលួចស្ងើចសរសើរ ជាស្ត្រីដែលស្គាល់ខ្លួនឯងច្បាស់ ជាស្ត្រីដែលមានគំនិតផ្ទាល់ខ្លួន ចូលចិត្តលើកទឹកចិត្តមនុស្សទូទៅ ជាដៃគូដ៏ល្អឥតខ្ចោះ ជាអ្នកលើកទឹកចិត្តពិសេសរបស់ខ្ញុំ និងតែងតែឈរនៅក្បែរអ្នកជានិច្ច»។

អ្នកឧកញ៉ាផ្តល់តំបូន្មានថា៖ សូមធ្វើជាស្ត្រីរឹងមាំម្នាក់ ដូច្នេះកូនស្រីរបស់អ្នកនឹងមានគំរូស្ត្រីរឹងមាំ ហើយកូនប្រុសរបស់អ្នកនឹងយល់ដឹងពីរបៀបដែលស្ត្រីរឹងមាំរស់នៅក្នុងជីវិតរបស់គាត់ ហើយកូនប្រុសរបស់អ្នកនឹងរៀនពីរបៀបគោរពស្ត្រីជាទូទៅ។

យ៉ាងណា បើក្រឡែកមកមើលការតុបតែងខ្លួនប្រាណរបស់អ្នកឧកញ៉ា ប្រធានអគ្គនាយកក្រុមហ៊ុន រ៉ូយ៉ាល់ គ្រុប និងលោកជំទាវ ស្រីតូច ចំណាន វិញម្តង ឃើញថាមានការកោតសរសើរមិនដាច់ពីមាត់ពីមហាជនអ្នកតាមដានសង្គមហ្វេសបុក ក្នុងការរៀបចំសម្លៀកបំពាក់ស្អាតសមសួនចូលរួមកម្មវិធីតូចធំទាំងផ្លូវការ និងជីវិតឯកជន។

ឧកញ៉ាញូស៍ នៅទំព័រនេះ បង្ហាញរូបភាពនៃការតុបតែងសម្លៀកបំពាក់របស់អ្នកឧកញ៉ា គិត ម៉េង និងលោកជំទាវ កន្លងទៅបានចូលរួមកម្មវិធីទាំងផ្លូវការ និងឯកជនភាព ដែលតែងកាន់ដៃបណ្តើរគ្នាយ៉ាងត្រសងគួរជាទីចាប់អារម្មណ៍៖

The post បង្ហាញរបៀបតុបតែងខ្លួនចូលរួមកម្មវិធីអ្នកឧកញ៉ា គិត ម៉េង និងលោកជំទាវ ស្រីតូច ចំណាន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

១២ឆ្នាំក្រោយមក វីង បានក្លាយជាអ្នកផ្តល់សេវាទូទាត់តាមទូរស័ព្ទចល័តឈានមុខគេ ព្រមទាំងមានការផ្តល់សេវាកម្មផ្សេងៗដូចជា ការផ្ទេរប្រាក់ ការបើកប្រាក់ខែ ការបង់វិក្កយបត្រទូទាត់ បញ្ចូលប្រាក់តាមទូរស័ព្ទ សេវាផ្ទេរប្រាក់ទៅអន្តរជាតិ និងមានដៃគូជាមួយពាណិជ្ជករជាង ៥៥.០០០ ដែលរួមមាន ក្រុមហ៊ុន MasterCard ក្រុមហ៊ុន Visa ក្រុមហ៊ុន Western Union, ក្រុមហ៊ុន MoneyGram ក្រុមហ៊ុន Ria ជាដើម ដែលសុទ្ធសឹងជាក្រុមហ៊ុនកំពូលៗលើពិភពលោកក្នុងវិស័យនេះ។

ធនាគារឯកទេសវីង (ខេមបូឌា) លីមីតធីត ជាបុត្រសម្ព័ន្ធនៃក្រុមហ៊ុន រ៉ូយ៉ាល់គ្រុប ដែលមាន​អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជាអ្នកជំនួញដ៏មានឥទ្ធិពលម្នាក់នៅកម្ពុជា។

តើប្រធាននាយកប្រតិបត្តិធនាគារ WING ជានរណា? តើមានប្រវត្តិយ៉ាងណាខ្លះ? សូមតាមដានជាមួយឧកញ៉ាញូស៍ដូចតទៅ៖

ក្នុងវ័យ ៣៨ឆ្នាំ មានងារជាលោកជំទាវ អតីតតារាសម្តែងល្បីឈ្មោះ លោកជំទាវ ម៉ៅ ចំណាន កើតនៅខេត្តស្វាយរៀង  មានឪពុកឈ្មោះ ម៉ៅ នី អាយុ ៧១ឆ្នាំជាមន្ត្រីកងយោធពលខេមរភូមិន្ទ និងម្តាយឈ្មោះ គង់ សោម៉ា អាយុ៦១ឆ្នាំជាស្រ្តីមេផ្ទះ។

នៅអំឡុងឆ្នាំ១៩៩៨ អ្នកនាងបានចូលធ្វើការតាមភោជនីយដ្ឋាន គឺជាអ្នកចម្រៀង។ ក្រោយមកដោយមានទេពកោសល្យរួមជាមួយក្តីស្រឡាញ់សិល្បៈ ព្រមទាំងមានសម្រស់ស្រស់ស្អាត ហើយគួបជួនពេលវេលានឹងឱកាសហុចឲ្យផងនោះ អ្នកនាងក៏បោះជំហានចូលប្រឡូកក្នុងការសម្តែងខារ៉ាអូខេនៅផលិតកម្មធំៗជាច្រើន រួមមាន៖ ផលិតកម្មរស្មីហង្សមាស ផលិតកម្មយូធូ និងផលិតកម្មស្ទឹងសង្កែ។

ក្រោយចូលសម្តែងបានមួយរយៈ អ្នកនាងស្រីតូច ចំណាន ទទួលបាននូវការគាំទ្រជាមួយនឹងភាពល្បីល្បាញត្រឹមរយៈពេលខ្លី រហូតប្រែក្លាយជាពិធីការិនីដែលមានសំឡេងផ្អែមស្រទន់ ប្រចាំស្ថានីយទូរទស្សន៍ ប៉ុស្តិ៍លេខ​៥ ដ៏ល្បីមួយក្នុងជំនាន់នោះ។

ការកាន់យកអាជីពសិល្បៈរបស់អ្នកនាងហាក់មានភាពរីកចំរើន និងធ្វើឲ្យទស្សនិកជនស្គាល់នាងកាន់​តែច្រើនឡើងៗ។ ប៉ុន្តែជាអកុសលអតីតតារាសម្តែង និងជាពិធីការិនី សំឡេងផ្អែមស្រទន់ អ្នកនាង ស្រីតូច ចំណាន ក៏បានជួបរឿងអាម៉ាសមុខមួយ ​គឺនាងត្រូវបានក្រុមការងារ ដើរជាន់ជាយរ៉ូប ធ្វើឲ្យរបូតក្នុងអំឡុងពេលធ្វើជាពិធីការិនីផ្សាយផ្ទាល់ ក្នុងកម្មវិធីមួយរបស់ស្ថានីយទូរទស្សន៍ប៉ុស្តិ៍លេខ៥ កាលពីអំឡុងឆ្នាំ២០០២-២០០៣។

បន្ទាប់ពីជួបរឿងអាម៉ាស់នេះហើយអ្នកនាងក៏បានផ្តាច់ខ្លួន ចេញពីវិថីសិល្បៈ ដោយនាងឈប់ទទួលការងារនិងថត នៅក្នុងសិល្បៈតទៅទៀត។

បាត់មុខមួយរយៈធំពីវិថីសិល្បៈ ក្រោយមក​ឮលេចលឺព័ត៌មានថា នាងបានសាងស្នេហ៍យ៉ាងផ្អែមត្រជាក់ ជាមួយមហាសេដ្ឋីប្រាក់លានម្នាក់ គឺអ្នកឧកញ៉ា គិត ម៉េង ហើយអ្នកទាំងពីរបានរួមរស់សាងគ្រួសាររហូតមានកូនជាមួយគ្នាទៀតផង។

មនុស្សជាច្រើនតែងពោលថា មនុស្សយើងមិនមែនអង្គុយតែរាសីធ្លាក់ចុះរហូតនោះទេ វាក៏មានថ្ងៃឡើងខ្ពស់ត្រដែត ហើយក៏មានថ្ងៃធ្លាក់ចុះដែរ ដូច្នេះវាសនាមនុស្សមើលមិនឃើញ ប្រសិនបើយើងមិនចុះចាញ់។

អតីតតារាសម្តែងល្បីឈ្មោះ អ្នកនាង ម៉ៅ ចំណាន បន្ទាប់ពីអត់ធ្មត់សង្កត់ចិត្តរស់នៅក្នុងស្ថានភាព ជាភរិយា​​មិនពេញមុខពេញមាត់ អស់រយៈពេលជាង ១០ឆ្នាំ ក្រោយមកអ្នកឧកញ៉ា គិត ម៉េង បានបំពេញក្ដីស្រមៃដែលកើតចេញពីការ​អត់ធ្មត់ និងការព្យាយាមគ្មានទីបញ្ចប់។ នៅថ្ងៃទី​២០ ខែមីនា ឆ្នាំ២០១៥​ អ្នកនាងបានដឹកដៃស្វាមី សម្បូរទ្រព្យអ្នកឧកញ៉ា គិត ម៉េង ចូលរោងការសំពះផ្ទឹម តាមប្រពៃណី​ខ្មែរ​។

កាលពីអំឡុងឆ្នាំ២០១២ អ្នកឧកញ៉ាក៏បានសង់ភូមិគ្រឹះតម្លៃជាង១លានដុល្លារ នៅម្តុំទួលទំពូង ដែលភូមិគ្រឹះ​នោះត្រូវបានរៀបចំការសាងសង់ និងតុបតែងលម្អយ៉ាងផ្ចិតផ្ចង់បំផុត ជាមួយនឹងគ្រឿងសង្ហារឹម​ប្រណីតៗ ក្រៅពីនោះគេបានដឹងថា ស្រីតូច ចំណាន បានទិញផ្ទះវីឡា​តម្លៃ​មិនតិចទេ នៅឯបរទេសផងដែរ។

បើតាមការចុះផ្សាយរបស់បណ្តាញព័ត៌មាន Fresh News កាលពីឆ្នាំ២០១៥ បានឲ្យដឹងលោកជំទាវ ស្រីតូច ចំណាន ត្រូវបានអ្នកឧកញ៉ា គិត ម៉េង ប្រគល់សិទ្ធិឲ្យក្លាយជាម្ចាស់សណ្ឋាគារ និងកាស៊ីណូ ដ៏ធំនៅក្រុងបាវិត ខេត្តស្វាយរៀង និងមានមុខជំនួញជាច្រើនដែលលោកជំទាវកំពុងក្តោបក្តាប់ថែមទៀតផង៕

The post លោកជំទាវ ស្រីតូច ចំណាន ពីអតីតពិធីការិនីល្បីឈ្មោះប្រែក្លាយមកជាប្រធាននាយកប្រតិបត្តិធនាគារ វីង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ទោះបីជាលោកជំទាវ ស្រីតូច ចំណាន ឈានចូលវ័យ​ច្រើនបន្ដិចក្ដី តែគេសង្កេតឃើញថា សម្រស់នៅតែស្រស់ផូរផង់ មិនចាញ់នារីៗមានវ័យតិចជាងនោះទេ ស្របពេលដែលជីវភាពគ្រួសារក៏កាន់តែមានសុភមង្គលឡើនទ្វេដង។ ដូច្នេះហើយ ទើបមាននារីៗមិនតិចនាក់ទេ ស្ញប់ស្ញែងនឹងវាសនាដ៏ខ្ពង់ខ្ពស់របស់លោកជំទាវ។

សូមជម្រាបជូនថា បច្ចុប្បន្នភរិយាមហាសេដ្ឋីកំពូលកម្ពុជា គិត ម៉េង ក៏កំពុងកាន់ដំណែងធំៗក្នុងក្រុមហ៊ុន រ៉ូយ៉ាល់ គ្រុប ដែលមានបុត្តសម្ព័ន្ធក្រុមហ៊ុនគ្រាក់ៗជាច្រើនផងដែរ៕

សូមទស្សនាឈុតស្អាតៗរបស់លោកជំទាវ តូច ចំណាន៖

The post បើទោះបីវ័យចេះតែកើនបន្តិចមែន ប៉ុន្តែសម្រស់និងការស្លៀកពាក់របស់ភរិយាមហាសេដ្ឋី គិត ម៉េង ត្រូវបានមហាជនចាប់អារម្មណ៍ខ្លាំង appeared first on .