យ៉ាងណា ថ្មីៗនេះ​អ្នកនាង​ស្រាប់តែ​ទម្លាយ​ថា នៅ​ពីក្រោយ​ភាពជោគជ័យ​របស់​អ្នកនាង គឺ​មាន​ស្វាមី​ជា​អ្នក​ចាំជួយ​ជ្រោមជ្រែង បើ​ទោះជា​មាន​អ្នក​ធ្លាប់​មាក់ងាយ​ស្វាមី​អ្នកនាង​ថា ស្លៀកពាក់ខោមិនខោ អាវមិនអាវ ក៏​ស្វាមី​អ្នកនាងមិនខ្វល់ ហើយ​អ្វីដែល​សំខាន់​គឺ​ស្វាមី​អ្នកនាង​ចាំ​ជួយ​គ្រប់រឿង មិនថា​តែ​រឿង​រកស៊ី​ផ្ទាល់ខ្លួន ការងារ​ផ្ទះ និង​សូម្បី​តែ​ការងារ​មើល​កូន។

អ្នកនាងក៏បានបង្ហោះ​ជា​សារ​លើកទឹកចិត្ត​ដល់​អ្នកគាំទ្រ​ផង​ដែរ ដោយ​មាន​អត្ថន័យ​ថា “មនុស្សគ្រប់រូបតែងតែ ស្រមៃចង់បាន របស់ល្អៗប្រើប្រាស់ ចង់បានផ្ទះដ៏សមរម្យ1រស់នៅ មានឡានដ៏សមរម្យ1ជិះ មានម្ហូបឆ្ងាញ់ញាំ និងមានគ្រួសារ1ប្រកបដោយសុមង្គល តែអ្នកខ្លះក៏សមដូចបំណង អ្នកខ្លះក៏មិនសមដូចបំណងនោះទេ សូមបងៗប្អូនៗកំបាក់ទឹកចិត្តណា តស៊ូឡើង គ្មានអ្វីៗបានមកដោយងាយស្រួលទេ ហើយភាពមានបានក៏មិនអាចកើត ឡើងលើមនុស្សខ្ជិលដែរ ចាប់ផ្តើមពីតូច ទៅធំណា ម្តងតិចៗ តិចតក់ៗ ហើយក៏មិនមែន1ថ្ងៃបាន 1ខែបាន 1ឆ្នាំបានគ្រប់យ៉ាងដែលយើងចង់បាននោះ ត្រូវការពេលវេលាយូ ម្នាក់ៗគេខំណាស់ គេប្រឹងណាស់ គេតស៊ូណាស់ ទំរាំមានថ្ងៃនេះ កំខ្លាចលំបាក កំខ្លាចខ្មាសគេ កំខ្វល់ខ្វាយ កំក្តៅក្រហាយច្រើន នឹងពាក្យមើលងាយរបស់អ្នកដទៃ អ្នកត្រូវអរគុណពួកគាត់ ហើយឆ្នៃខ្លួនឯង អោយគាត់ឃើញថា អ្នកមិនមែនដូចជាកាគិតរបស់ពួកគាត់ឡើយ គាត់តែជួបការលំបាក អ្នកកាន់តែរឹងមាំ កាន់តែលំបាកអ្នកកាន់តែតស៊ូ ហើយអ្នកនឹងដឹងថា អ្នកជាមនុស្សអស្ចារ្យ ដែលខ្លួនឯងពេលខ្លះ មិនដែលគិតថាខ្លួនឯងអាចធ្វើបានផង ដូចច្នេះអ្នកទាំងអស់គ្នាកំបោះបង់ខ្លួនឯងអោយសោះ គេអាចបោះបង់យើងបាន តែសូមហាម យើងខ្លួនឯងហាមបោះបង់ខ្លួនឯងអោយសោះ តស៊ួឡើង ខ្ញុំជឿថាអ្នកក៏អាចធ្វើបាន”៕

The post ហង្ស ម៉ារ៉ានី៖ “សូមបងៗប្អូនៗកំបាក់ទឹកចិត្តណា តស៊ូឡើង គ្មានអ្វីៗបានមកដោយងាយស្រួលទេ” appeared first on .

តាម​ផេក Mariny Hang បាន​សរសេរ​បែប​នេះ​ថា(​ �� បងប្អូនណាត្រូវការម៉ាស់ អាចមកយក​នៅហាងខ្ញុំបាន ផ្លូវ390 ផ្ទះលេខ27c សង្កាត់បឹងកេងកង3 ខ័ណ្ណចំការមន គឺជូនព្រី អត់មានយកលុយ យកកាក់អីទេ ហើយយប់នេះម៉ោង 9:30pm ខ្ញុំនឹងធ្វើការចែកម៉ាស់ ជូនលោកតាសុីក្លូ លោកយាយចាស់ជរាអ៊ុំពូមីង កុម៉ារ៉ា កុមារី ដែលសំរាគក្រោមសំយាបផ្ទះគេ ចឹងបងប្អូនណាចង់ចូលរួមទៅចែកផ្ទាល់ រឺឧបត្ថមម៉ាស់បន្ថែម សូមតេមកខ្ញំផ្ទាល់ 098 22 18 68 សូមអរគុណ សូមចូលរួមចែករំលែកទាំងអស់គ្នា ហើយក៏សូមសំណូមពរដល់អ្នកលក់ម៉ាស់កំលក់តម្លើងថ្លៃម៉ាស់ថ្លៃៗពេក អាណិតគ្នាអ្នកអត់ផង

ទំរាំរកទិញបាន គឺពិបាកណាស់ ដើរប្រមូលជាង10កន្លែង ទើបបាន 4មុឺនម៉ាស់នឹង គឺថាដាច់ស្តុកស្ទើរគ្រប់កន្លែង

4មុឺនម៉ាស់នេះខ្ញុំសុំចែកចេញជាពី 2មុឺនម៉ាស់ ទុកចែកជូនអតិថិជនខ្ញុំ និង 2មុឺនម៉ាស់ទៀតខ្ញុំទុកចែកជូន លោកតាសុីក្លូ លោកយាយចាស់ជរា កុមាកំព្រា ក៏ដូចជាបងប្អូនដែលគាត់ខ្វះខាត ខ្ញុំមិនមែនជាអ្នកមានស្អីទេ តែជាទឹកចិត្តខ្ញុំ និងក្រុមគ្រួសារខ្ញុំបន្តិចបន្តួច និងមិត្តភក្រ្តក្នុង Facebookគាត់ចូលរួមខ្លះ នេះជាអ្វីដែលពួកខ្ញុំអាចចែករំលែកបាន អាចជួយបាន ដល់ប្រជាជនខ្ញុំ និង ចូលរួមដល់សង្គមជាតិខ្ញុំបាន ព្រោះបច្ចុប្បន្ន អ្នកមានលុយក៏រកទិញមិនងាយបាន អ្នកអត់លុយរកទិញមានជនឆ្លៀតឪកាសលក់តំឡើងថ្លៃ ពេលខ្លះថ្លៃពេកគាត់សុខចិត្តអត់ហានទិញ ទុកលុយទិញបាយហូបវិញ

បងប្អូនណាដឹងថា មានកន្លែងណា លក់ម៉ាស់ទៀត ហើយតម្លៃសមរម្យជួយតេមកខ្ញុំផង 098 22 18 68 ខ្ញុំចង់ទិញបន្ថែម ចែកជូនបងប្អូនខ្មែរយើង ដែលគាត់ខ្វះខាត បានប្រើការពារទាំងអស់គ្នា

បញ្ជាក់: ម៉ាស់ពពួក Surgical Mask 3layers នេះគឺអាចការពារបានដូចគ្នា មិនចាំបាច់ទៅចំណាយលុយទិញម៉ាស់ថ្លៃៗពេកទេ អោយតែយើងដឹងពីវិធីប្រើប្រាស់វាអោយបានត្រឹមត្រូវ ហើយឧស្សាហ៍ លាងដៃនឹងសាប៊ូ ជាមួយទឹកស្អាតអោយបានញឹកញាប់ គឺល្អបំផុត ហើយត្រូវនៅអោយឆ្ងាយពីអ្នកមានជំងឺ ក្អក រឺក្រដាស់ អោយបានយ៉ាងហោចថា 2ម៉ែត

ហើយបើមិនចាំបាច់ទេ សូមកំទៅកន្លែងទីប្រជុំជន មនុស្សច្រើនៗពេក)៕

The post ស្រីស្អាត ហង្ស ម៉ារ៉ានី ត្រៀម​ម៉ាស រាប់​ម៉ឺន​ម៉ាស់ ចែក​ដល់​តាៗ​ធាក់​ស៊ីក្លូ appeared first on .

ពលរដ្ឋ​ក្រី​ក្រ​ស្ថិត​​ភូមិ​ស្វាយទង ឃុំ ក្វាវ ស្រុក រំរោង ខេត្ត តាកែវ ជាង​១០០​គ្រួសារ ​សប្បាយ​ចិត្ត​មិន​ស្ទើរ​ឡើយ​បន្ទាប់​ពី​ទទួល​អំណោយ​ពី ក្រុម​គ្រួសារ​តារា​សម្ដែង​ហង្ស ម៉ារានី ដោយ​ម្នាក់ៗ​ទទួល​បាន​មី១កេស​ទឹក​ស្រី ទឹក​សៀវ​អៀវ អំបិល ត្រីខ ទឹក​ផ្លែ​ឈើ ថ្នាំពេទ្យ ភីហ្សា និង ប៊ឺគ័រ ជាដើម។ អំណោយ​ទាំង​នោះ​​​ម្ចាស់​ទាន​បាន​ប្រាប់​ថា បាន​​មក​ពី​សប្បុរសជន​មួយ​ចំនួន និង បាន​មក​ពី​ការ Live​លក់​ផលិតផល​តាម​អនឡាញ ព្រម​ទាំង​​ការ​លក់​សៀវភៅ ប្រលោមលោក។

ម៉ារ៉ានី​បាន​ថ្លែង​ឲ្យ​ដឹង​ថា នាង​បាន​ទទួល​សិទ្ធិ​ផ្ដាច់​មុខ​ពី​អ្នក​និពន្ធ​ប្រលោមលោក​អ្នក​ស្រី ម៉ីសន សុធារី​​ដែល​ជា​អ្នក​និពន្ធ​ប្រលោមលោក​ល្បី​មួយ​រូប ក្នុង​ការ​លក់​សៀវភៅ​ដែល​ជា​ស្នាដៃ​តែង​និពន្ធ​របស់​​គាត់ ក្នុង​នោះ​នាង​បាន​ទទួល​យក​មក​លក់​សាក​ល្បង​​១០០០ក្បាល់ មិន​ទាំង​បាន​ប៉ុន្មាន​ថ្ងៃ​ផង​លក់​ដាច់​ជិត​អស់ ពោល គឺ​នៅ​​សល់ មិន​ទាំង​ដល់​៤០ ក្បាល​ផង។

ការ​លក់​សៀវភៅ ហង្ស ម៉ារ៉ានី បញ្ជាក់​ប្រាប់​ថា មិន​បាន​យក​ប្រាក់​ចំណេញ​ទុក​ក្នុង​ហោប៉ាវ​ខ្លួន​ឯង​ឡើយ នាង​ថា ៥០% នាង​កាត់​ឲ្យ​បុគ្គលិក និង ៥០%​ទៀត គឺ​នាង​​ទុក​សម្រាប់​ធ្វើ​កិច្ចការ​សប្បុរសធម៌ ដូច​ជា​ការ​ការ​អំណោយ​មក​ចែក​ជូន​នេះ​ជា​ដើម។

ការ​ចំណាយ​ពេល​មក​ជួយ​លក់​សៀវភៅ ដោយ​មិន​យក​កម្រៃ​​ខណៈ​ដែល​ការ​លក់​ផលិត​ផល​តាម​អនឡាញ​លើ​ផេក​នាង រវល់​ស្ទើរ​​គ្មាន​ពេល​សម្រាក​ ត្រូវ​បាន​នាង​បញ្ជាក់​ប្រាប់​ថា ក៏​ព្រោះ​តែ​​​ខ្លួន​​ចង់​រួម​ចំណែក​លើក​កម្ពស់​ការ​អាន​​អក្សរ​ខ្មែរ​ឲ្យ​បាន​ច្រើន។ ដោយសារតែ​មាន​ការ​គាំទ្រ​ច្រើន​លើ​ស្នាដៃ​និពន្ធ​សៀវភៅ​ខាង​លើ ម៉ារានី ថា នាង​​និង​បន្ត​ចាប់ដៃ គូរ​លក់​សៀវភៅ​ដែល​ជា​ស្នាដៃ​ថ្មី នាង​បន្ត​ទៀត។

ការ​ចែក​អំណោយ​ដល់​ពលរដ្ឋ​ក្រីក្រ​ខាង​លើ ម៉ារ៉ានី​ធ្វើ​ឡើង ចំ​ថ្ងៃ​ខួប​គម្រប់​២៧ឆ្នាំ​របស់​នាង​តែ​ម្ដង។​នេះ​មិន​មែន​ជា​​កិច្ចការ​សប្បុរសធ៌ម​លើក​ទី១​របស់​​នាង​ឡើយ កន្លង​មក​តារា​ស្រី​រូប​នេះ​តែងតែ​ធ្វើ​កិច្ចការ​សប្បុរសធម៌​ជា​ច្រើន ដូច​ជា​ចែក​អំណោយ​ដល់ ក្មេង​ៗ​កំព្រា ក្មេង​អនាថា ជា​ពិសេស គឺ​ឧស្សាហ៍​​ចែក​ដល់ ក្រុម​តាៗ​ធ្លាក់​ស៊ីក្លូ​តែ​ម្ដង។ នាង​ថា ជា​រៀង​រាល់​ឆ្នាំ​នៅ​ពេល​ដែល​ដល់​ថ្ងៃ​ខួប​ខ្លួន​ម្ដងៗ ទោះ​តិច​ក្ដី​ច្រើន​ក្ដី តែង​តែ​ធ្វើ​កិច្ចការ​សប្បុរសធម៌​មិន​ដែល​ដាច់​ឡើយ ហើយ​​កិច្ច​ការ​សប្បុរស​នេះ ខ្លួន​មិន​បញ្ឈប់​ត្រឹម​នេះ​ឡើយ នៅ​តែ​ឆ្លៀត​ធ្វើ ជា​បន្ត​បន្ទាប់៕

The post ហង្ស ម៉ារិនី យក​ប្រាក់​ចំណេញ​ពី​ការ​លក់​សៀវភៅ ទៅ​ចែក​ទាន​ដល់​ជន​ក្រីក្រ​ជាង​១០០គ្រួសារ appeared first on .