ជិះតាមផ្លូវជាតិលេខ ១ បើចង់ទទួលទានកាហ្វេឆ្ងាញ់ ឧកញ៉ាញូសន៍ណែនាំឲ្យស្គាល់ហាងកាហ្វេប្រេនល្បីឈ្មោះ ៤ ទីតាំង

Bou Ranhen — Mon, 20 Jun 2022 07:24:19 +0000

នាពេលបច្ចុប្បន្ន អាជីវកម្មកាហ្វេហាក់បីដូចជាមានសន្ទុះយ៉ាងខ្លាំង នៅតាមបណ្ដាខេត្ត តំបន់ទេសចរណ៍ ឬកន្លែងកម្សាន្តនានា ជាពិសេសនៅរាជធានីភ្នំពេញគឺសម្បូរទៅដោយ Brand កាហ្វេល្បីៗជាច្រើន។

បើក្រឡេកទៅមើលតាមបណ្ដោយផ្លូវជាតិលេខ ១ ស្ថិតក្នុងរាជធានីភ្នំពេញ ដែលចាប់ពីស្ពានក្បាលថ្នល់រហូតដល់បុរីប៉េងហួតបឹងស្នោរ នឹងឃើញថាមានហាងកាហ្វេល្បីៗចំនួន០៤ទីតាំង នៅលើដងវិថីមួយនេះ។ ថ្ងៃនេះឧកញ៉ាញូស៍នឹងនាំអ្នកទាំងអស់គ្នាទៅស្គាល់ហាងកាហ្វេល្បីៗទាំងនោះរួមមាន៖

១. Tube Coffee: មានទីតាំងស្ថិតនៅ ផ្ទះលេខ ៥៧០ AEO ផ្លូវជាតិលេខ ០១ សង្កាត់ ច្បារអំពៅ២ ខណ្ឌ មានជ័យ រាជធានីភ្នំពេញ។ បើធ្វើដំណើរចុះពីស្តានក្បាលថ្នល់ មកដល់ស្តុបការ៉ាស់សាំងតូតាល ហួសបន្តិចនៅខាងឆ្វេងដៃនឹងឃើញស្លាកហាង Tube Coffee។

ក្រៅពីសាខាងនៅតាមផ្លូវជាតិលេខ ១ មកទល់បច្ចុប្បន្ននេះ Tube Coffee មានសាខាមិនក្រោម១៥នោះទេនៅទូទាំងប្រទេសកម្ពុជា ដែលបង្កើតឡើងដោយស្ថាបនិកកូនខ្មែរ ៣ រូបរួមមាន៖ កញ្ញា ស៊ូ មន្នីពេជ្រ លោក ឃន ឈុនដារ៉ា និងលោក ឡាយ បុណ្ណាវឌ្ឍន៍។

សម្រាប់ទីតាំងច្បារអំពៅ២នេះ ជាសាខាទី១៣ បើកសម្ពោធជាផ្លូវការកាលពីថ្ងៃទី ៣០ ខែ មករា ឆ្នាំ ២០២១។ អ្វីដែលធ្វើឲ្យ ធ្យូបកាហ្វេ មានសក្ដានុពលនោះគឺ គុណភាពល្អ អនាម័យខ្ពស់ សេវាកម្មលឿនរហ័សទានចិត្ត រួមទាំងកាហ្វេដែលមានរសជាតិឆ្ងុយឆ្ងាញ់ នៃកាហ្វេថ្នល់ (Iced Cafe Thnol) កាហ្វេឡាតេ (Iced Cafe latte) កាពូឈីណូ (Iced Cafe cappuccino) ទឹកផ្លែផាសិនស្រស់ (Fresh passion juice) និងតែបៃតងទឹកដោះគោ (Milk green tea) ដែលជារសជាតិល្បីៗប្រចាំហាង។

២. Café Amazon

ជាប្រេនកាហ្វេដ៏ល្បីឈ្មោះមួយ មាននៅគ្រប់សាខារបស់ការ៉ាស់សាំង PTT។ ដោយឡែកកាហ្វេ Cafe Amazon ក៏មាននៅតាមផ្លូវជាតិលេខ ១ ស្ថិតនៅក្នុងសង្កាត់ ច្បារអំពៅ២ ខណ្ឌ មានជ័យ រាជធានីភ្នំពេញ មានចំងាយប្រហែល ១ គីឡូម៉ែត្រពី Tube coffee។ Café Amazon បង្កើតឡើងដោយក្រុមហ៊ុន Petroleum Authority of Thiland ហៅកាត់ថា PTT របស់ប្រទេសថៃដែលបច្ចុប្បន្នមានសាខានៅកម្ពុជាមិនក្រោម១៥០សាខាទេ។

Café Amazon ច្បារអំពៅ២បើកសម្ពោធជាផ្លូវការកាលថ្ងៃទី ២៥ខែ កក្កដា ឆ្នាំ២០១៨ ។

៣. Noir Coffee

មានទីតាំងស្ថិតនៅ ផ្លូវជាតិលេខ១ ភូមិ បឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ (ទល់មុខបញ្ឆិតស្ថានីប្រេងឥន្ទនៈ PTT បុរីប៉េងហួតបឹងស្នោរ) ។ កាហ្វេ ណ ក៏ជា Brandដ៏ល្បីមួយរបស់កូនខ្មែរផងដែរមានសាខាជាច្រើនកន្លែងនៅទូទាំងប្រទេសកម្ពុជា។

ម្ចាស់អាជីវកម្មកាហ្វេមួយនេះមានឈ្មោះថា ទិត្យ សុធារ៉ា ដែលតុបតែងហាងបែបស៊ីវីល័យ ប៉ុន្តែអមជាមួយសិល្បៈបុរាណផ្សារភ្ជាប់ជាមួយគ្នា។ សម្រាប់សាខាច្បារអំពៅរបស់កាហ្វេ ណ ចាប់បើកសាកល្បងតាំងពីថ្ងៃ ២៤ ខែ កញ្ញាឆ្នាំ ២០២១។

៤. Brown Coffee: មានទីតាំងតាមបណ្ដោយផ្លូវជាតិលេខ១ នៅក្បែរគម្រោងបុរីប៉េងហួត បឹងស្នោ។ អាជីវកម្មហាងកាហ្វេមួយនេះចាប់ផ្ដើមបើកតាំងពីឆ្នាំ២០០៩មកម្លេះ ដែលមានលោក ចាង ប៊ុនលាង ជាស្ថាបនិក និងជានាយកប្រតិបត្តិ ។ Brown Coffee បានពង្រីកសាខាជាច្រើនកន្លែងទាំងទីក្រុងភ្នំពេញ ខេត្តសៀមរាប និងខេត្តព្រះសីហនុ៕

អត្ថបទ៖ រ៉ាញ៉ែន

The post ជិះតាមផ្លូវជាតិលេខ ១ បើចង់ទទួលទានកាហ្វេឆ្ងាញ់ ឧកញ៉ាញូសន៍ណែនាំឲ្យស្គាល់ហាងកាហ្វេប្រេនល្បីឈ្មោះ ៤ ទីតាំង appeared first on .

សាកកាហ្វេឆុងក្តៅៗរបស់ប្រោន ទើបបើកសាខាថ្មីតាមបណ្តោយឆ្នេរខេត្តព្រះសីហនុ

ជំទាវឧកញ៉ាស្រីទីន — Tue, 12 Apr 2022 08:19:37 +0000

ហាងកាហ្វេប្រោនបានបើកសម្ពោធសាខាថ្មី ដោយនាំរសជាតិកាហ្វេឆុងក្តៅៗបម្រើអតិថជនដែលកំពុងកម្សាន្តនៅលើឆ្នេរសមុទ្រស្អាតជាងគេនៅខេត្តព្រះសីហនុ។

នៅថ្ងៃនេះ ហាងកាហ្វេប្រោនបានប្រកាសបើកជាផ្លូវការហាងកាហ្វេប្រោនសាខាថ្មីមួយទៀត មានទីតាំងតាមបណ្តោយឆ្នេរនៃខេត្តព្រះសីហនុដែលជាឆ្នេរសមុទ្រស្អាតជាងគេលើនៅពិភពលោក។

ហាងកាហ្វេប្រោន(Brown Coffee and Bakery ) គឺជាម៉ាកយីហោនៃហាងកាហ្វេដ៏ល្បីឈ្មោះ ដែលបានបើកអាជីវកម្មតាំងពីឆ្នាំ២០០៩រហូតមកដល់បច្ចុប្បន្ន ហាងកាហ្វេមួយនេះពិតជាទទួលបាននូវការគាំទ្រយ៉ាងខ្លាំងពីសំណាក់អតិថិជនទាំងជាតិនិងអន្តរជាតិ ។ ជោគជ័យយ៉ាងខ្លាំងបានជំរុញយីហោកាហ្វេក្នុងស្រុកនេះពង្រីកសាខារបស់ខ្លួនរហូតដល់ទៅ២០ទីតាំងទាំងនៅរាជធានីភ្នំពេញ ក្រុងសៀមរាប និងខេត្តព្រះសីហនុ៕

The post សាកកាហ្វេឆុងក្តៅៗរបស់ប្រោន ទើបបើកសាខាថ្មីតាមបណ្តោយឆ្នេរខេត្តព្រះសីហនុ appeared first on .

ហាងកាហ្វេ Brown

សាកកាហ្វេ​ឆុង​ក្តៅ​ៗ​របស់​ប្រោន ទើប​បើក​សាខា​ថ្មី​តាម​បណ្តោយ​​​ឆ្នេរ​ខេត្តព្រះសីហនុ

សាកកាហ្វេឆុងក្តៅៗរបស់ប្រោន ទើបបើកសាខាថ្មីតាមបណ្តោយឆ្នេរខេត្តព្រះសីហនុ