យោងតាមការចុះផ្សាយពី CNA បានបង្ហាញថា គិត​ត្រឹមឆ្នាំ ២០១៩ ចិនជាអ្នកផ្ដល់ហិរញ្ញប្បទាន​អភិវឌ្ឍ​ធំបំផុតនៅអាស៊ាន ដែលជាដៃគូនាំចេញទំនិញធំបំផុតរបស់ខ្លួន ក៏ព្រោះតែ​ពួកគេ​ក្ដោបក្ដាប់​លើ​ការ​វិនិយោគ​ក្នុងវិស័យអចលនទ្រព្យដ៏ធំ។

ប៉ុន្តែចាប់តាំងពីផ្ទុះជំងឺរាតត្បាតមក ប្រទេសមួយចំនួនបាន​វ៉ាដាច់ចិន សម្រាប់ការ​ផ្ដល់ប្រាក់កម្ចី​ដល់​បណ្ដាប្រទេសនៅអាស៊ាន។

តួយ៉ាងនៅឆ្នាំ ២០២១ មហាអំណាចសេដ្ឋកិច្ច​ធំបំផុតទី ២ ផ្ដល់បានត្រឹម ១៤% ប៉ុណ្ណោះ​សម្រាប់​ហិរញ្ញប្បទាន​អភិវឌ្ឍន៍នៅអាស៊ាន ដែលធ្លាក់ចុះ​ពី ២៤% បើធៀបនឹងឆ្នាំ ២០១៥។

ជំនួយរបស់ចិនក៏ត្រូវបានគេរកឃើញថា ត្រូវបានប្រមូលផ្តុំនៅប្រទេសមួយចំនួន ដូចជាប្រទេសកម្ពុជា ឥណ្ឌូនេស៊ី ឡាវ ម៉ាឡេស៊ី និងថៃ ទទួលបានចំណែកធំបំផុត ខណៈដែលអ្នកផ្តល់ប្រាក់កម្ចីផ្សេងទៀត បានផ្តល់ការគាំទ្រប្រកបដោយតុល្យភាពជាង នៅទូទាំងតំបន់ និងក្នុងតំបន់លើសពីហេដ្ឋារចនាសម្ព័ន្ធ។

យោងតាមរបាយការណ៍បានឱ្យដឹងថា ប្រទេសចិននៅតែជាអ្នកផ្តល់ហិរញ្ញប្បទានផ្នែកហេដ្ឋារចនាសម្ព័ន្ធដ៏ធំបំផុតនៅអាស៊ីអាគ្នេយ៍ ដោយបានចំណាយ ៤ពាន់លានដុល្លារក្នុងមួយឆ្នាំនៅចន្លោះឆ្នាំ២០១៥ និង ២០២១ ខណៈដែលប្រទេសជប៉ុនចំណាយ ២,៥ពាន់លានដុល្លារ និងធនាគារពិភពលោកត្រឹមតែជាង ១ពាន់លានដុល្លារក្នុងរយៈពេលដូចគ្នានេះ៕

The post ចិននៅតែជាអ្នកផ្តល់ហិរញ្ញប្បទានហេដ្ឋារចនាសម្ព័ន្ធដ៏ធំបំផុតនៅអាស៊ីអាគ្នេយ៍ appeared first on .

យោង​តាម​ធនាគារ​ពិភព​លោក​នា​ថ្ងៃ​ទី​២១ ធ្នូ​នេះ​បាន​ឱ្យ​ដឹង​ថា​ ការ​សម្រេច​អនុម័ត​នេះ​ព្រោះ​ដោយ​មើល​ឃើញ​ថា​ សេដ្ឋកិច្ច​របស់​កម្ពុជា​បាន​រង​ការ​ខូច​ខាត​ធ្ងន់​ធ្ងរ​ពី​សំណាក់​ជំងឺ​រាត​ត្បាត​កូវីដ១៩​ដោយ​ធ្វើ​ឱ្យ​ផលិត​ផល​ក្នុង​ស្រុក​សរុប​បាន​ធ្លាក់​ចុះ​ដក​ ៣,១ភាគ​រយ​ ក្នុង​ឆ្នាំ​២០២០ ដែល​ជា​ការ​ធ្លាក់​ចុះ​ដ៏​ខ្លាំង​លើក​ដំបូង​ក្នុង​រយៈ​ពេល​៣០​ឆ្នាំ​ចុង​ក្រោយ​នេះ​។ ការ​វិភាគ​ទិន្នន័យ​បាន​ប​ង្ហាញ​ថា​ អត្រា​នៃ​ភាព​ក្រី​ក្រ​កើន​ឡើង​ចំនួន​ ២,៨ភាគ​រយ​ ដោយ​រុញ​មនុស្ស​ប្រហែល​ ៤៦០ ០០០នាក់​ឱ្យ​ធ្លាក់​ក្នុង​ភាព​ក្រី​ក្រ​វិញ​។

តាម​ប្រភព​ខាង​លើ​បាន​ឱ្យ​ដឹង​បន្ថែម​ថា​ ទោះ​បី​ជា​សេដ្ឋកិច្ច​បាន​ងើប​ឡើង​វិញ​នៅ​ឆ្នាំ​ ២០២១ និង​២០២២ ក្តី​ ប៉ុន្តែ​បរិយា​កាស​ចុះ​ខ្សោយ​នៅ​ខាង​ក្រៅ​មាន​ន័យ​ថា​ លទ្ធភាព​វិល​ទៅ​ទទួល​បាន​អត្រា​កំណើន​ដ៏​រឹង​មាំ​ដែល​ធ្លាប់​មាន​មុន​ជំងឺ​រាត​ត្បាត​ ពិត​ជា​មិន​ងាយ​រក​បាន​។សង្រ្គាម​ដែលនៅ​តែបន្ត​មាន​ក្នុងប្រទេសអ៊ុយក្រែន ការធ្លាក់ចុះនៃសេដ្ឋកិច្ចនៅសហរដ្ឋអាមេរិក ដែល​ជាទីផ្សារ​នាំចេញដ៏​ធំ​បំផុត​របស់កម្ពុជា និងកំណើនយឺតនៅក្នុងប្រទេសចិន កត្តាទាំងអស់នេះ នឹងជះ​ឥទ្ធិពល​មិនល្អមក​លើ​ទស្សនវិស័យពាណិជ្ជកម្ម របស់កម្ពុជា។ ប្រទេស​នេះក៏ងាយ​រងគ្រោះខ្លាំង​ពីផល​ប៉ះពាល់​នៃការ​ប្រែប្រួលអាកាសធាតុផងដែរ ដោយសារត្រូវប្រឈមនឹងទឹកជំនន់ និងគ្រោះរាំងស្ងួតញឹកញាប់។

ប្រធាន​គ្រប់គ្រងរបស់ធនាគារពិភពលោកប្រចាំកម្ពុជា​ លោកស្រី ម៉ារៀម សាលីម បានថ្លែងថា ខណៈ​ដែលយុទ្ធសាស្ត្រ «រស់ជាមួយកូវីដ-១៩» បានជួយស្តារសេដ្ឋកិច្ចឲ្យរើបឡើងវិញក៏ពិតមែន ប៉ុន្តែកម្ពុជានៅតែងាយរងគ្រោះដោយសារតែចរន្តធ្លាក់ចុះនូវតម្រូវការក្រៅប្រទេស និង​ការរអាក់​រអួល​នានា នៅក្នុងខ្សែចង្វាក់ផ្គត់ផ្គង់សកល នៅឡើយ។ លោក​ស្រី​បន្ត​ថា​ ប្រតិបត្តិ​ការរបស់​ហិរញ្ញ​ប្បទាន​​នេះ នឹងជួយកម្ពុជាក្នុងការជំរុញភាពប្រកួតប្រជែងរបស់ផ្នែកឯកជន, ពង្រឹង​ស្ថានភាព​សារពើពន្ធ​របស់​កម្ពុជា និងផ្តល់ជំនួយដល់ប្រជាជនងាយរងគ្រោះបំផុតរបស់ខ្លួន។

ធនាគារ​ពិភព​លោក​បាន​គូស​បញ្ជាក់​ថា​ ឥណទានចំនួន ២៧៤លានដុល្លារអាមេរិកនេះ ត្រូវ​បាន​ផ្តល់​ដោយ​សមាគម​អភិវឌ្ឍន៍​អន្តរជាតិ (IDA) ដែលជាមូលនិធិរបស់ធនាគារពិភពលោក សម្រាប់​ជួយដល់​ប្រទេសក្រីក្រ ដែល​ហិរញ្ញប្បទាន​នេះ​ទ្រទ្រង់​ដល់កំណែទម្រង់ដែល​នឹងសម្រួល​ដំណើរ ការ​​ចុះបញ្ជីអាជីវកម្ម, លើកកម្ពស់ការប្រកួតប្រជែង និងពង្រីកលទ្ធភាពទទួលបានហិរញ្ញវត្ថុ សម្រាប់​សហគ្រាសធុនតូច និងមធ្យម។ កំណែទម្រង់ផ្សេងទៀតនឹងបង្កើនភាពធន់នៃសារពើពន្ធ រួម​ទាំង​ការ​កែលម្អការគ្រប់គ្រងភាពជាដៃគូ រវាងផ្នែកសាធារណៈ និងឯកជន និង​ការសម្រួល​ដល់ការ​លក់ប័ណ្ណ​បំណុល របស់រដ្ឋាភិបាលក្នុងទីផ្សារក្នុងស្រុក។ ប្រតិបត្តិការរបស់ហិរញ្ញប្បទាននេះ ក៏នឹង​ជួយ​សម្រួល​ដល់ការផ្តល់ជំនួយទាន់ពេលវេលា ដល់ក្រុមគ្រួសារដែលងាយរងគ្រោះ ក្នុង​ករណី​មាន​គ្រោះ​មហន្តរាយធម្មជាតិ ឬវិបត្តិសេដ្ឋកិច្ច​ណាមួយកើតឡើង៕ ​

The post World Bank ផ្តល់​ឥណទាន​ជាង​២០០​លាន​ដុល្លារ​ក្នុង​ការ​ជួយ​ស្តារ​សេដ្ឋកិច្ច​កម្ពុជា​ឡើង​​វិញ appeared first on .

យោងតាម​ការ​ចុះផ្សាយពី CNA បាន​បង្ហើបថា មូលហេតុ​ដែល​ធ្វើ​ឲ្យ​ប្រទេសក្រីក្រ​ត្រូវការ​ទឹកប្រាក់​ច្រើន​លើសលុប​បែបនេះ គឺ​ដោយសារ​វិបត្តិ​អតិផរណា​ដែល​កំពុង​ផ្ទុះឡើង​ខ្លាំង ចំពេល​តម្រូវការ​ស្បៀងអាហារ និង​សម្ភារៈប្រើប្រាស់ផ្សេងៗ​ក៏​កំពុង​ចាំបាច់​ទៀត។

ដោយឡែក កន្លង​មក​ដើម្បី​ជួយសម្រាលបន្ទុក​ប្រទេសក្រីក្រ​ទាំងឡាយ IMF និង World Bank ធ្លាប់​បាន​ស្នើ​ទៅ​កាន់​ប្រទេសចិន ដែលជាម្ចាស់បំណុល​ធំ​បំផុត​លើលោក ឲ្យ​ពន្យារពេល​ទារ​បំណុល​ពី​ប្រទេស​ក្រីក្រ​ទាំងនោះ ដ្បិត​បច្ចុប្បន្ន​ពួកគេ​ក៏​កំពុង​យ៉ាប់យ៉ឺន​ជាមួយ​នឹង​ការ​ថយ​ចុះ​នៃ​សេដ្ឋកិច្ច​ពិភពលោក​ផងដែរ។

សូមជម្រាបដែរថា IMF បាន​បង្ហើបថា ហិរញ្ញប្បទាន​សម្រាប់ប្រទេសក្រីក្រ​ពីឆ្នាំ ២០២២-២០២៦ មាន​បំណង​ចង់​បន្ធូរបន្ថយ​ស្ថានការណ៍​កូវីដ ១៩ បង្កើន​ប្រាក់ចំណូល​ដែល​ជាប់គាំង កសាងឡើងវិញ​នូវ​ប្រព័ន្ធ​ដឹកនាំផ្សេងៗ​ ដែល​នឹងចំណាយ​ប្រហែល ៤៤០ ពាន់​លានដុល្លារ។

ប៉ុន្តែ​សម្រាប់ឆ្នាំ ២០២២-២០២៣ កញ្ចប់​ចំណាយ​អាច​នឹង​មាន​លើស​ការ​រំពឹងទុក ដោយសារ​សង្គ្រាម​នៅ​អ៊ុយក្រែន ដែល​នឹង​ធ្វើ​ឲ្យ​ពួកគេ​ចាំបាច់​ត្រូវការ​ទឹកប្រាក់​យ៉ាងតិច ៤៩៧ ពាន់​លាន​ដុល្លារ៕

The post IMF ទម្លាយថា ប្រទេសក្រីក្រត្រូវការហិរញ្ញប្បទានជិត ៥០០ ពាន់លានដុល្លារ រហូតដល់ឆ្នាំ ២០២៦ appeared first on .

ហិរញ្ញប្បទានឥតសំណងនេះ ត្រូវបានចុះហត្ថលេខាកាលថ្ងៃទី១៣ មិថុនា ឆ្នាំ២០២២ ដោយ ឯកឧត្តម ប្រាក់ សុខុន រដ្ឋមន្ត្រី​ក្រសួង​ការ​បរទេស ​និងសហប្រតិបត្តិការអន្តរជាតិ​ និងឯកឧត្តម កា ម៉ាសាហ៊ីរ៉ូ ឯកអគ្គរាជទូតវិសាមញ្ញ និង​ពេញ​សមត្ថភាព នៃប្រទេស ជប៉ុនប្រចាំកម្ពុជា។

បើតាមសេចក្តីជូនដំណឹងរបស់ស្ថានទូតជប៉ុនប្រចាំកម្ពុជា បានលើកឡើងថា នៅប្រទេសកម្ពុជា ការអភិវឌ្ឍធនធានមនុស្សដែលមានការអប់រំខ្ពស់ និងបទពិសោធន៍អន្តរជាតិ គឺជាកិច្ចការបន្ទាន់ដើម្បី បង្កើនសមត្ថភាពក្នុងការបំពេញតម្រូវការមូលដ្ឋាន​របស់ប្រជាជនកម្ពុជា​និងលើកកម្ពស់ ​គុណភាពជីវិតជាមួយនឹង ស្តង់ដារអន្តរជាតិ។

ដូច្នេះហើយ ប្រទេសជប៉ុនបាននិងកំពុងគាំទ្រដល់ប្រទេសកម្ពុជា ក្នុងការពង្រឹងហេដ្ឋារចនាសម្ព័ន្ធ​សេដ្ឋកិច្ច ​និងសង្គមរបស់ខ្លួនបន្ថែមទៀត។ ប្រភពដដែល បានបន្តថា ជាផ្នែកនៃកិច្ចសហប្រតិបត្តិការនេះ ជួយមន្ត្រីវ័យ ក្មេងកម្ពុជាឲ្យទទួល​បាន​សញ្ញាបត្រ (អនុបណ្ឌិត / បណ្ឌិត) ​ពីថ្នាក់ក្រោយឧត្តមសិក្សា ​នៅប្រទេសជប៉ុន។

តាមរយៈជំនួយនេះ ភាគីជប៉ុន​​​​រំពឹងថា ​ធនធានមនុស្សក្រោមកិច្ចសហប្រតិបត្តិការនេះ នឹងចូលរួមចំណែកដល់ការ​អភិវឌ្ឍ​ប្រទេសកម្ពុជា​បន្ថែមទៀត ​នាពេលអនាគតលើវិស័យនីមួយៗ ​ការ​យល់ដឹងរួម គ្នាព្រមទាំង​ការកសាងទំនាក់ទំនងមិត្តភាពរវាង ​ជប៉ុន និងធកម្ពុជាផងដែរ៕

The post ជប៉ុនផ្តល់ជំនួយឥតសំណងជាង ៣,៣លានដុល្លារ ​​អភិវឌ្ឍ​ន៍ធនធាន​មនុស្ស​នៅ​កម្ពុជា appeared first on .