ហុងឌូរ៉ាស គ្រោងចរចាកិច្ចព្រមព្រៀងពាណិជ្ជកម្មជាមួយចិន នាពេលឆាប់ៗខាងមុខ

ឧកញ៉ាសំពៅ — Sat, 13 May 2023 09:55:00 +0000

ប្រទេសហុងឌូរ៉ាស នឹងបើកការចរចាសម្រាប់កិច្ចព្រមព្រៀងពាណិជ្ជកម្មជាមួយប្រទេសចិន នាពេលដ៏ខ្លីខាងមុខ ដែលជាការកត់សម្គាល់ ឆ្ពោះទៅរកទំនាក់ទំនងទ្វេភាគីកាន់តែរឹងមាំរវាងប្រជាជាតិទាំងពីរ បន្ទាប់ពីហុងឌូរ៉ាសបានផ្តាច់ទំនាក់ទំនងជាមួយតៃវ៉ាន់។ នេះបើតាមការចុះផ្សាយពី CNA។

រដ្ឋមន្ត្រីការបរទេសហុងឌូរ៉ាស Eduardo Enrique Reina បានប្រាប់ទៅកាន់អ្នកសារព័ត៌មាននៅកិច្ចប្រជុំថា គោលដៅគឺដើម្បីចាប់ផ្តើមកិច្ចចរចា “ឆាប់ៗនេះ” ហើយនឹងចុះហត្ថលេខាលើកិច្ចព្រមព្រៀង “ពាណិជ្ជកម្មសេរី” ជាមួយស្ដេចត្រាញ់អាស៊ី ដែលជាមហាអំណាចសេដ្ឋកិច្ចធំទីពីររបស់ពិភពលោក។

ទំនិញដំបូងដែលហុងឌូរ៉ាសនឹងនាំចេញទៅកាន់ទីផ្សារស្រុកចិនគឺ កាហ្វេ ខណៈជំហានបន្ទាប់គឺ ប្រទេសទាំង ២ កំពុងពិភាក្សាវាយតម្លៃលើការនាំចេញបង្គា និងផ្លែត្រសក់ផ្អែមទៅកាន់ទីផ្សារ

មហាអំណាចអាស៊ីនាពេលខាងមុខ។

បន្ថែមពីនោះ លោក Reina ក៏សង្កត់ធ្ងន់ថា ភាគីចិនក៏ចាប់អារម្មណ៍ជាមួយនឹងសាច់គោ ចេក និងផលិតផលផ្សេងទៀតពីប្រទេសហុងឌូរ៉ាសផងដែរ៕

The post ហុងឌូរ៉ាស គ្រោងចរចាកិច្ចព្រមព្រៀងពាណិជ្ជកម្មជាមួយចិន នាពេលឆាប់ៗខាងមុខ appeared first on .

ហុងឌូរ៉ាសចាប់ដៃជាមួយចិន ក្រោយបញ្ចប់ទំនាក់ទំនងការទូតរាប់ទសវត្សន៍ជាមួយតៃវ៉ាន់

ឧកញ៉ាសំពៅ — Sun, 26 Mar 2023 05:31:13 +0000

នាថ្ងៃទី ២៦ មីនានេះ ប្រទេសចិនបានប្រកាសកសាងទំនាក់ទំនងការទូតជាមួយហុងឌូរ៉ាស បន្ទាប់ពីប្រទេសនៅអាមេរិកកណ្ដាល បានបញ្ចប់ទំនាក់ទំនងរាប់ទសវត្សន៍ជាមួយកោះតៃវ៉ាន់។ នេះបើតាមការចុះផ្សាយពី CNA។

ប្រភពដដែលបន្ថែមថា ទំនាក់ទំនងរវាងហុងឌូរ៉ាសជាមួយតៃវ៉ាន់បានប្រេះស្រាំ បន្ទាប់ពីរដ្ឋមន្ត្រីការបរទេសតៃវ៉ាន់ចោទហុងឌូរ៉ាសថា ចង់បានផលប្រយោជន៍ធំជាងមុន ក្រោយចិនចូលញ៉ែញ៉ងជាមួយ។

ដោយឡែក រដ្ឋមន្ត្រីការបរទេសចិន និងហុងឌូរ៉ាស លោក Qin Gang និងលោក Eduardo Enrique Reina បានចុះកិច្ចព្រមព្រៀងទំនាក់ទំនងការទូតនៅទីក្រុងប៉េកាំង ដែលបង្ហាញពីការបញ្ចប់ទំនាក់ទំនងរវាងហុងឌូរ៉ាស និងតៃវ៉ាន់ដែលមានតាំងពីទសវត្ស ១៩៤០។

សូមជម្រាបដែរថា បច្ចុប្បន្នតៃវ៉ាន់មានទំនាក់ទំនងការទូតផ្លូវការជាមួយ ១៣ប្រទេសប៉ុណ្ណោះ ដែលភាគច្រើនជាប្រទេសក្រីក្រ និងជាប្រទេសកំពុងអភិវឌ្ឍន៍នៅអាមេរិកកណ្ដាល តំបន់ Caribbean និងប៉ាស៊ីហ្វិក៕

The post ហុងឌូរ៉ាសចាប់ដៃជាមួយចិន ក្រោយបញ្ចប់ទំនាក់ទំនងការទូតរាប់ទសវត្សន៍ជាមួយតៃវ៉ាន់ appeared first on .