ឧត្តមសេនីយ៍ឯក ហ៊ុន ម៉ានិត កូនប្រុសទី២ សម្តេចតេជោនាយករដ្ឋមន្ត្រី ដែលមានតួនាទីជា​​​ប្រធាន​នាយកដ្ឋាន​ចារកិច្ច​នៃ​ក្រសួង​ការ​​ពារ​ជាតិ​​ ត្រូវបានតែងតាំងដោយអនុក្រឹត្យជាមេបញ្ជាការរងកងទ័ពជើងគោក បន្ថែមលើមុខងារបច្ចុប្បន្ន ជាអគ្គនាយកនៃអគ្គនាយកដ្ឋានស្រាវជ្រាវចារកិច្ច។ កាលពីថ្ងៃទី១៧ ខែមីនាដែរ ឯកឧត្តម ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក ដែលជាកូនប្រុសច្បងសម្តេចតេជោ ហ៊ុន សែន ក៏ត្រូវបានតម្លើងឋានន្តរសក្តិដោយព្រះរាជក្រឹត្យផងដែរ ជានាយឧត្តមសេនីយ៍(ផ្កាយ៤)។

ឯកឧត្តម ហ៊ុន ម៉ានិត ដែលជាឧត្តមសេនីយ៍ផ្កាយពីរ មានតំណែងផ្សេងទៀតផងដែរនៅក្នុងស្ថាប័នរដ្ឋាភិបាល ដែលនោះរួមមានតំណែងជាអនុប្រធានគណៈកម្មការដោះស្រាយបញ្ហាកូដកម្ម និងបាតុកម្មគ្រប់មុខសញ្ញា តំណែងជាអគ្គលេខាធិការរងនៃអាជ្ញាធរជាតិដោះស្រាយទំនាស់ដីធ្លី និងជានាយករងខុទ្ទកាល័យសម្តេចនាយករដ្ឋមន្ដ្រី។

ចំណែកឯនៅក្នុងជួរ គណបក្សប្រជាជនកម្ពុជា ឯកឧត្តម ហ៊ុន ម៉ានិត ជាអនុប្រធានគណៈកម្មាធិការត្រួតពិនិត្យនៃគណៈកម្មាធិការកណ្តាល៕

The post ឯកឧត្តម ហ៊ុន ម៉ាណែត ប្រកាសតែងតាំងមុខតំណែងឧត្តមសេនីយ៍ឯក ហ៊ុន ម៉ានិត ជាផ្លូវការ appeared first on .

កាលពីថ្ងៃទី៦ ខែធ្នូ ឆ្នាំ២០២២ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ ដំឡើងឋានៈដល់នាយករងខុទ្ទកាល័យសម្ដេចតេជោនាយករដ្ឋមន្ត្រី ចំនួន ០៥រូប ឋានៈស្មើ រដ្ឋមន្ត្រី តាមរយៈព្រះរាជក្រឹត្យលេខ នស/រកត/១២២២/១៥២៧ ក្នុងនោះក៏មានកូនប្រុសកណ្តាល សម្តេចតេជោនាយករដ្ឋមន្ត្រី គឺលោក ហ៊ុន ម៉ានិត ឈរលេខរៀងទី២ មានឋានៈស្មើរដ្ឋមន្ត្រី បន្ថែមលើសមុខងារបច្ចុប្បន្ន ជាឧត្តមសេនីយ៍ផ្កាយ ២ ប្រធាន​នាយកដ្ឋាន​ចារកិច្ច​នៃ​ក្រសួង​ការ​​ពារ​ជាតិ​ អនុប្រធាន​គណៈកម្មការ​ដោះស្រាយ​បញ្ហា​កូដកម្ម និង​បាតុកម្ម​គ្រប់មុខ​សញ្ញា, អគ្គលេខាធិការរង​នៃ​អាជ្ញាធរ​ជាតិដោះស្រាយ​ទំនាស់​ដីធ្លី។

ក្រៅពីនោះ ​នៅក្នុង​ជួរគណបក្ស​ប្រជាជន​កម្ពុជា លោក ហ៊ុន ម៉ានិត ជា​អនុប្រធាន​គណៈកម្មាធិកា​រ​ត្រួតពិនិត្យ​នៃ​គណៈកម្មាធិការ​កណ្តាល​ ជាអនុប្រធានទី១ នៃក្រុមការងារគណបក្សចុះមូលដ្ឋានខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកចំការលើ៕

The post លោក ហ៊ុន ម៉ានិត តែងតាំងជាមេបញ្ជាការរងបញ្ជាការដ្ឋានកងទ័ពជើងគោក appeared first on .