អាជ្ញាធរទីផ្សារថាមពលជាតិ (EMA) បាននិយាយនៅកាលពីពេលថ្មីៗនេះថា ការដឹកជញ្ជូនឧស្ម័នធម្មជាតិរាវមួយចំនួនពីមជ្ឈិមបូព៌ា បានរងផលប៉ះពាល់ដោយជម្លោះដែលកំពុងបន្ត។

EMA បានបន្ថែមទៀតថា ក្រុមហ៊ុន Singapore GasCo ដែលត្រូវបានបង្កើតឡើងក្នុងឆ្នាំ២០២៥ ដើម្បីធ្វើចម្រុះកម្មការផ្គត់ផ្គង់ឧស្ម័នធម្មជាតិ កំពុងធ្វើការទិញចូលបន្ថែមទៀត ពីប្រទេសនានាជុំវិញពិភពលោក ដើម្បីធានាបាននូវឥន្ធនៈគ្រប់គ្រាន់ដើម្បីបំពេញតម្រូវការក្នុងស្រុក។

គួរឲ្យដឹងថា ការនាំចូលឧស្ម័នពីប្រទេសកាតា មានចំនួនតិចជាង ១០% នៃតម្រូវការអគ្គិសនីរបស់ប្រទេសសិង្ហបុរី មុនពេលមានជម្លោះ។ ប៉ុន្តែបច្ចុប្បន្ននេះ ប្រទេសសិង្ហបុរី បានព្យាយាមបង្កើនការនាំចូលឧស្ម័នកាន់តែច្រើនបន្ថែមទៀត ដើម្បីបំពេញតម្រូវការអគ្គិសនីប្រហែល ៩៥% របស់ខ្លួន។

នៅឆ្នាំ២០២៥ ៤០% នៃការផ្គត់ផ្គង់ឧស្ម័នសរុបរបស់សិង្ហបុរី ត្រូវបានដឹកជញ្ជូនតាមរយៈបំពង់បង្ហូរពីប្រទេសម៉ាឡេស៊ី និងឥណ្ឌូណេស៊ី ខណៈចំនួនដែលនៅសេសសលផ្សេងទៀតត្រូវបានផ្គត់ផ្គង់តាមរយៈផ្លូវសមុទ្រពីទីផ្សារនានា ជុំវិញពិភពលោក។

ជម្រាបជូនថា បច្ចុប្បន្នប្រទេសនានាកំពុងជួបប្រទះទៅនឹងកង្វះខាតយ៉ាងខ្លាំង ដោយសារឧស្ម័នធម្មជាតិរាវប្រហែលមួយភាគប្រាំនៃសកលលោក បានហូរកាត់ច្រកសមុទ្រ Hormuz មុនពេលមានជម្លោះ ប៉ុន្តែការផ្គត់ផ្គង់តាមបណ្តោយផ្លូវសំខាន់នេះ ត្រូវបានរំខានដោយសង្គ្រាមចាប់តាំងពីពេលនោះមក៕​

The post សិង្ហបុរី បង្កើនការទិញចូលឧស្ម័នបន្ថែមទៀត ពីប្រទេសនៅក្រៅតំបន់មជ្ឈិមបូព៌ា appeared first on .

រដ្ឋមន្ត្រីក្រសួងថាមពលកាតា និងជានាយកប្រតិបត្តិនៃក្រុមហ៊ុនប្រេង និងឧស្ម័នជាតិ QatarEnergy លោក Saad al-Kaabi បាននិយាយថា ការវាយប្រហាររបស់អ៊ីរ៉ង់ បានរំខានដល់ឧស្ម័នធម្មជាតិរាវ (LNG) ចំនួន ១២,៨ លានតោនជារៀងរាល់ឆ្នាំ ដែលស្មើនឹង ១៧% នៃសមត្ថភាពនាំចេញ ដែលបណ្តាលឱ្យខាតបង់ប្រាក់ចំណូលប្រចាំឆ្នាំប្រហែល ២០ពាន់លានដុល្លារ។

យ៉ាងណាមិញ ចំពោះដំណើរការស្តារឡើងវិញ សម្រាប់ខ្សែផលិតកម្មដែលខូចខាតទាំងនេះ ត្រូវបានគេរំពឹងថានឹងអាចចំណាយពេលចន្លោះពី ៣ ទៅ ៥ឆ្នាំ ដែលនោះមានន័យថាប្រាក់ចំណូលពីការនាំចេញ អាចធ្លាក់ចុះរហូតដល់ ១០០ពាន់លានដុល្លារ។ នេះមិនទាន់រាប់បញ្ចូលទាំងការចំណាយសម្រាប់ការជួសជុលដែលមានចំនួនទឹកប្រាក់ប្រហែល ២៦ពាន់លានដុល្លារ ដែលត្រូវបានប៉ាន់ស្មាននៅឡើយ។

ជម្រាបជូនថា ជុំវិញការលើកឡើងនេះ បន្ទាប់ពីអ៊ីរ៉ង់ បានបាញ់មីស៊ីលវាយប្រហារលើរោងចក្រ Ras Laffan LNG របស់ក្រុមហ៊ុន Qatar Energy ដែលមានទីតាំងប្រហែល ៨០ គីឡូម៉ែត្រភាគខាងជើងទីក្រុងដូហា ប្រទេសកាតា។ នេះគឺជារោងចក្រផលិតឧស្ម័នធម្មជាតិរាវ (LNG) ធំជាងគេបំផុតរបស់ពិភពលោក ដែលផ្គត់ផ្គង់ប្រហែល ២០% នៃទិន្នផលសកល៕

The post កាតា អាចខាតបង់ដល់ ១០០ពាន់លានដុល្លារ ពីការនាំចេញឧស្ម័ន ដោយសារអ៊ីរ៉ង់វាយប្រហារ appeared first on .

ប្រភពដដែលនេះ បានរាយការណ៍ឲ្យដឹងទៀតថា រោងចក្រនេះនឹងស្ថិតនៅតំបន់ឆ្នេរសមុទ្រក្បែរទីក្រុង Yan ក្នុងរដ្ឋ Kedah ភាគពាយ័ព្យ ប្រទេសម៉ាឡេស៊ី។ វាត្រូវបានគេរំពឹងថានឹងអាចកែច្នៃឧស្ម័នបានរហូតដល់ ៦ លានតោនជារៀងរាល់ឆ្នាំ នៅពេលដែលប្រតិបត្តិការដំបូងនឹងចាប់ផ្តើមក្នុងឆ្នាំ២០២៩។

គួរឲ្យដឹងថា បន្ទាប់ពីការអនុម័តនេះ ភាគហ៊ុនរបស់ក្រុមហ៊ុន Gas Malaysia បានកើនឡើងដល់កម្រិតខ្ពស់បំផុត ដល់ ៥,៦៣រីងហ្គីតក្នុងមួយហ៊ុន ដែលនាំឲ្យតម្លៃមូលធនទីផ្សារបស់ខ្លួនកើនឡើងដល់ ៧,១៩ពាន់លានរីងហ្គីត។ដូចដែលបានរាយការណ៍ដោយ The Edge Malaysia។

ជម្រាបជូនថាលោក Syed Mokhtar Albukhary បានចាប់ផ្តើមអាជីពដំបូងរបស់ខ្លួនក្នុងនាមជាអ្នកជួញដូរអង្ករបន្ទាប់ពីឈប់រៀននៅវិទ្យាល័យ ហើយបានក្លាយជាមហាសេដ្ឋីកំពូលមួយរបស់ម៉ាឡេស៊ីដែលមានទ្រព្យសម្បត្តិសរុបប្រមាណ ៣,៦ពាន់លានដុល្លារ។នេះបើយោងតាម Forbes៕​

The post មហាសេដ្ឋីម៉ាឡេស៊ី Albukhary ទទួលបានគម្រោងសង់រោងចក្រហ្គាសតម្លៃជិត ៨០០លានដុល្លារ appeared first on .

នៅពេលបើកការជួញដូរដំបូង នៅថ្ងៃទី១៩ ខែមីនា តម្លៃឧស្ម័នធម្មជាតិរាវ (LNG) TTF របស់ហូឡង់ ដែលត្រូវបានចាត់ទុកថាជាតម្លៃគោលសម្រាប់ឧស្ម័ននៅអឺរ៉ុប បានកើនឡើងដល់កម្រិតខ្ពស់បំផុត ៣៥% ដល់ ៧៤អឺរ៉ូ (ឬជិត ៨៥ដុល្លារអាមេរិក) ក្នុងមួយមេហ្គាវ៉ាត់ម៉ោង (MWh)។ ទន្ទឹមនឹងនេះ តម្លៃឧស្ម័នធម្មជាតិរាវ នៅសហរដ្ឋអាមេរិក ក៏បានកើនឡើង ៤,៤% ផងដែរ។

យ៉ាងណាមិញ ចំពោះតម្លៃប្រេងឆៅក៏បានកើនឡើងយ៉ាងខ្លាំងផងដែរ។ ដោយគិតនៅត្រឹមរសៀលថ្ងៃដដែលនោះ តម្លៃប្រេងឆៅ Brent បានកើនឡើងជាង ៦% ដល់ ១១៤ដុល្លារក្នុងមួយបារ៉ែល ខណៈប្រេងឆៅ WTI របស់សហរដ្ឋអាមេរិកបច្ចុប្បន្នកំពុងជួញដូរនៅតម្លៃ ៩៧ដុល្លារក្នុងមួយបារ៉ែល។

គួរឲ្យដឹងថា ទីផ្សារបានប្រែប្រួល បន្ទាប់ពីការវាយប្រហារជាបន្តបន្ទាប់លើហេដ្ឋារចនាសម្ព័ន្ធថាមពលនៅមជ្ឈិមបូព៌ា ដែលបង្កើនការព្រួយបារម្ភអំពីការផ្គត់ផ្គង់។ នៅថ្ងៃទី១៨ ខែមីនា ក្រុមហ៊ុន Qatar Energy បានបញ្ជាក់ថា មីស៊ីលរបស់អ៊ីរ៉ង់បានវាយប្រហារទៅលើរោងចក្រឧស្ម័នធម្មជាតិរាវ Ras Laffan របស់ខ្លួន។ នេះគឺជារោងចក្រផលិតឧស្ម័នធម្មជាតិរាវធំជាងគេបំផុតរបស់ពិភពលោក ដែលផ្គត់ផ្គង់ប្រហែល ២០% នៃទិន្នផលសកល។

ជម្រាបជូនថា បច្ចុប្បន្នអឺរ៉ុប នាំចូលឧស្ម័នធម្មជាតិភាគច្រើនរបស់ខ្លួនពីសហរដ្ឋអាមេរិក ដែលមានចំណែកទីផ្សារ ២៥,៤%។ រួមតាំងការផ្គត់ផ្គង់ពីប្រទេសកាតា និងអារ៉ាប់រួមមានចំនួនតិចជាង ១០% ៕​

The post តម្លៃឧស្ម័ននៅអឺរ៉ុប កើនឡើងដល់ជាង ៣០% ចាប់តាំងពីផ្ទុះជម្លោះនៅអ៊ីរ៉ង់ appeared first on .

ក្រុមហ៊ុន Qatar Energy ដែលជាក្រុមហ៊ុនប្រេង និងឧស្ម័នជាតិធំបំផុតមួយរបស់ពិភពលោក បានបញ្ជាក់នៅថ្ងៃទី១៩ ខែមីនាថា មីស៊ីលអ៊ីរ៉ង់មួយគ្រាប់បានវាយប្រហារចំរោងចក្រឧស្ម័នធម្មជាតិរាវ (LNG) Ras Laffan ដែលមានទីតាំងប្រហែល ៨០គីឡូម៉ែត្រពីភាគខាងជើងនៃទីក្រុងដូហា។ នេះត្រូវបានគេស្គាល់ថាជារោងចក្រផលិតឧស្ម័នធម្មជាតិរាវធំជាងគេបំផុតរបស់ពិភពលោក។

មិនតែប៉ុណ្ណោះ ក្រុមហ៊ុន Qatar Energy បាននិយាយថា ក្រុមសង្គ្រោះបន្ទាន់ត្រូវបានដាក់ពង្រាយភ្លាមៗដើម្បីទប់ស្កាត់អគ្គីភ័យ ហើយស្ថានភាពត្រូវបានគ្រប់គ្រងជាបន្តបន្ទាប់។ តែទោះជាយ៉ាងណាក៏ដោយ ក្រុមហ៊ុននេះបានទទួលស្គាល់ថាការវាយប្រហារនេះបានបណ្តាលឲ្យការខូចខាតយ៉ាងទូលំទូលាយ។

ជម្រាបជូនថា តំបន់ឈូងសមុទ្រកំពុងទទួលរងការវាយប្រហារយ៉ាងខ្លាំងពីការសងសឹករបស់អ៊ីរ៉ង់ចំពោះការវាយប្រហារតាមអាកាសរវាងសហរដ្ឋអាមេរិក និងអ៊ីស្រាអែល ដែលបានចាប់ផ្តើមនៅថ្ងៃទី២៨ ខែកុម្ភៈមក​៕

The post កាន់តែក្តៅ! អ៊ីរ៉ង់ វាយប្រហាររោងចក្រឧស្ម័នធម្មជាតិធំជាងគេបំផុតរបស់ពិភពលោក នៅកាតា appeared first on .

កាលពីថ្ងៃទី២ ខែមីនា ក្រុមហ៊ុនឧស្ម័នខ្នាតយក្ស QatarEnergy បានប្រកាសថា ខ្លួននឹងបញ្ឈប់ការផលិតផលិតផលទាក់ទងទៅនឹងឧស្ម័នធម្មជាតិរាវ (LNG) របស់ខ្លួនទាំងស្រុង។ ជុំវិញការបិទនេះ​ រដ្ឋាភិបាលកាតា បានប្រកាសថា រោងចក្រ QatarEnergy មួយត្រូវបានវាយប្រហារដោយយន្តហោះគ្មានមនុស្សបើករបស់អ៊ីរ៉ង់ពីរគ្រឿង ហើយអាជ្ញាធរកំពុងវាយតម្លៃការខូចខាតនេះ។

គួរឲ្យដឹងថា ការផលិតឧស្ម័នធម្មជាតិរាវ (LNG) របស់កាតាគឺស្មើនឹង ២០% នៃការផ្គត់ផ្គង់សកល។ ប្រទេសនេះក៏ជាប្រទេសនាំចេញឧស្ម័នធម្មជាតិរាវធំជាងគេទីពីររបស់ពិភពលោកផងងដែរ បន្ទាប់ពីសហរដ្ឋអាមេរិក ដែលដើរតួនាទីយ៉ាងសំខាន់ក្នុងការធ្វើឱ្យមានតុល្យភាពតម្រូវការនៅក្នុងទីផ្សារអឺរ៉ុប និងអាស៊ី។ អតិថិជនអាស៊ីបច្ចុប្បន្នមានចំនួន ៨២% នៃអតិថិជនសរុបរបស់ QatarEnergy។

ទន្ទឹមនឹងនេះ​ នៅអ៊ីស្រាអែល រដ្ឋាភិបាលបានបញ្ជាឲ្យក្រុមហ៊ុន Chevron បិទវាលឧស្ម័ន Leviathan ដ៏ធំបំផុតរបស់ខ្លួនជាបណ្តោះអាសន្ន។ អ្នកនាំពាក្យរបស់ក្រុមហ៊ុន Chevron បាននិយាយថា រោងចក្ររបស់ក្រុមហ៊ុននៅតែមានសុវត្ថិភាព។

ដោយឡែក អារ៉ាប៊ីសាអូឌីត ក៏បានប្រកាសបិទរោងចក្រចម្រាញ់ប្រេងធំបំផុតរបស់ខ្លួនគឺ Ras Tanura (គ្រប់គ្រងដោយក្រុមហ៊ុនរដ្ឋ Saudi Aramco) បន្ទាប់ពីវាត្រូវបានវាយប្រហារដោយយន្តហោះគ្មានមនុស្សបើករបស់អ៊ីរ៉ង់។ ​​រោងចក្រនេះ ដែលមានសមត្ថភាពផលិតប្រេងបាន ៥៥០,០០០ បារ៉ែលក្នុងមួយថ្ងៃ។

ជម្រាបជូនថានៅអ៊ីរ៉ង់ មានការផ្ទុះជាច្រើនត្រូវបានគេរាយការណ៍ នៅលើកោះ Kharg ដែលជាកន្លែងកែច្នៃប្រេងនាំចេញ ៩០% របស់អ៊ីរ៉ង់។ ទោះជាយ៉ាងណាក៏ដោយ វិសាលភាពនៃការខូចខាតដល់រោងចក្រប្រេងនៅទីនោះមិនទាន់ច្បាស់លាស់នៅឡើយទេ។ អ៊ីរ៉ង់គឺជាប្រទេសផលិតប្រេងធំជាងគេទីបីនៅក្នុងអង្គការប្រទេសនាំចេញប្រេង (OPEC) ដោយផ្គត់ផ្គង់ប្រហែល ៤,៥% នៃការផ្គត់ផ្គង់សកល៕​

The post ប្រទេសជាច្រើននៅមជ្ឈិមបូព៌ា ចាប់ផ្តើមបញ្ឈប់ការរុករកប្រេង និងឧស្ម័នរបស់ខ្លួន appeared first on .

តៃវ៉ាន់ ដែលមានអតិរេកពាណិជ្ជកម្មជាច្រើនជាមួយសហរដ្ឋអាមេរិក បានបង្ហាញចំណាប់អារម្មណ៍លើគម្រោងឧស្ម័នធម្មជាតិរាវ ថ្មីដ៏ធំមួយនៅក្នុងរដ្ឋ Alaska ដែលរដ្ឋបាលរបស់ប្រធានាធិបតី លោក ដូណាល់ ត្រាំ បានជំរុញយ៉ាងខ្លាំងដល់ តៃវ៉ាន់ដែលជាសម្ព័ន្ធមិត្តនៅអាស៊ី ជាជម្រើសសម្រាប់ការផ្គត់ផ្គង់។

យ៉ាងណាមិញ បើតាមរដ្ឋមន្ត្រីសេដ្ឋកិច្ចតៃវ៉ាន់ លោក Kung Ming-hsin បានប្រាប់ទៅកាន់អ្នយកព័ត៌មាននៅទីក្រុងតៃប៉ិថា តៃវ៉ាន់ចង់បានឧស្ម័នបន្ថែមទៀតពីសហរដ្ឋអាមេរិក ជាជាងប្រទេសដទៃផ្សេងទៀត។

មិនតែប៉ុណ្ណោះ លោក Fang Jeng-zen ប្រធាន​ក្រុមហ៊ុន​ចម្រាញ់​ប្រេង​ CPC Corp របស់​រដ្ឋ​តៃវ៉ាន់ បាន​និយាយ​នៅក្នុង​សន្និសីទ​សារព័ត៌មាន​ដដែល​នោះថា៖” យើងមានគម្រោងបង្កើនការទិញឧស្ម័នធម្មជាតិរាវពិសហរដ្ឋអាមេរិកដល់ ៣០% ទៅ ៣៣% នៅឆ្នាំនេះ ពោលគឺកើនឡើងពីចំនួន ១០% ក្នុងពេលបច្ចុប្បន្ន”។

ជម្រាបជូនផងដែរថា កន្លងមកប្រទេសកាតា និងអូស្រ្តាលី គឺជាអ្នកផ្គត់ផ្គង់ឧស្ម័នធំជាងគេបំផុតរបស់តៃវ៉ាន់ ក្នុងឆ្នាំ២០២៥ ដោយប្រទេសនីមួយៗមានចំនួនមួយភាគបីនៃការនាំចូលឧស្ម័នសរុបដែលមានចំនួន ២៣,៨១ លានតោន៕​

The post តៃវ៉ាន់ ​នឹង​បង្កើន​ការទិញ​យកឧស្ម័ន​ធម្មជាតិ​ពី​សហរដ្ឋអាមេរិក ​នៅ​ឆ្នាំនេះ appeared first on .

បើយោងតាមប្រភពពី Financial Times បានបង្ហាញឲ្យដឹងថា មិនមានការដឹកជញ្ជូនឧស្ម័ន LNG ពីសហរដ្ឋអាមេរិក ទៅកាន់ប្រទេសចិនទៀតនោះឡើយ ពោលគឺចាប់តាំងពីកប៉ាល់ចុងក្រោយ ដែលផ្ទុកឧស្ម័ន LNG ចំនួន ៦៩ ០០០ តោន ដឹកនាំចេញពីកំពង់ផែ Corpus Christi រដ្ឋតិចសាស់បានមកដល់កំពង់ផែ Fujian កាលពីថ្ងៃទី៦ ខែកុម្ភៈមក។

កប៉ាល់ដឹកឧស្ម័ន LNG ទីពីរ ត្រូវបានបង្វែរទិសដៅកាន់ប្រទេសបង់ក្លាដែសវិញ ព្រោះវាមិនអាចទៅដល់កំពង់ផែចិនបាន មុនពេលប្រទេសនេះ បានសម្រេចដាក់ពន្ធសងសឹក ១៥% លើការនាំចូលឧស្ម័នធម្មជាតិរាវរបស់សហរដ្ឋអាមេរិក ដែលបានចូលជាធរមាននៅថ្ងៃទី១០ ខែកុម្ភៈ។ ហើយពន្ធក្រោយមកទៀត ត្រូវបានកើនឡើងដល់ ៤៩% ដែលធ្វើឲ្យឧស្ម័ន LNG របស់សហរដ្ឋអាមេរិក មិនអាចចូលទៅប្រកួតប្រជែងនៅក្នុងទីផ្សាររបស់ប្រទេសចិនបានទៀតនោះឡើយ។

គួរឲ្យដឹងថា​ ចាប់តាំងពីភាពតានតឹងរវាងរុស្ស៊ី និងអ៊ុយក្រែន បានផ្ទុះឡើង ប្រទេសចិន បាននាំចូលឧស្ម័ន LNG ពីសហរដ្ឋអាមេរិកក្នុងសមាមាត្រទាបមួយ ខណៈក្រុមហ៊ុនទិញចូលរបស់ចិន មានទំនោរចង់លក់ឧស្ម័ន ទៅឲ្យអឺរ៉ុបវិញដោយទទួលបានប្រាក់ចំណេញ។ កាលពីឆ្នាំមុន ការនាំចូលឧស្ម័ន LNG របស់ចិន មានត្រឹមតែ ៦% ប៉ុណ្ណោះ ពីសហរដ្ឋអាមេរិក ពោលគឺធ្លាក់ចុះ ៥% ពីកម្រិតខ្ពស់បំផុតដែលបានកត់ត្រាទុកក្នុងឆ្នាំ២០២១។

ប៉ុន្តែទោះជាយ៉ាងណាក៏ដោយ ក្រុមហ៊ុនចិនរួមទាំងក្រុមហ៊ុន PetroChina និង Sinopec បានចុះហត្ថលេខាលើកិច្ចសន្យារយៈពេលវែងចំនួន ១៣ ដើម្បីទិញឧស្ម័ន LNG ពីសហរដ្ឋអាមេរិក ដែលកិច្ចព្រមព្រៀងមួយចំនួនដំណើរការរហូតដល់ឆ្នាំ២០៤៩ ឯណោះ។ នេះបើយោងតាមទិន្នន័យរបស់ Kpler៕

The post ចិន បញ្ឈប់ការនំាចូលឧស្ម័នធម្មជាតិរាវ LNG ពីសហរដ្ឋអាមេរិក appeared first on .

កាលពីថ្ងៃទី២៥ ខែធ្នូ លោក Novak បាននិយាយថា ការនាំចេញឧស្ម័នរាវសរុបរបស់រុស្ស៊ី ទៅកាន់បណ្តាប្រទេសនៅតំបន់អឺរ៉ុបក្នុងឆ្នាំនេះ បានកើនឡើងពី ១៨-២០% បើធៀបនឹងឆ្នាំមុន។ តួលេខសម្រាប់រយៈពេល ១១ខែដំបូងនៃឆ្នាំនេះ បង្ហាញថាបរិមាណឧស្ម័នធម្មជាតិ និងឧស្ម័នធម្មជាតិរាវ (LNG) ពីប្រទេសរុស្ស៊ីទៅកាន់ទីផ្សារនេះ មានលើសពី ៥០ ពាន់លានម៉ែត្រគូប។

មិនតែប៉ុណ្ណោះ លោក Novak បាននិយាយប្រាប់ទៅកាន់សារព័ត៌មានក្នុងស្រុក Rossiya-24 ថា៖” ទោះបីជាមានសេចក្តីថ្លែងការណ៍ និងសម្ពាធនៃដាក់ទណ្ឌកម្មក៏ដោយ ក៏ឧស្ម័នរាវនៅតែស្ថិតក្នុងតម្រូវការខ្លាំង ដោយសារវាជាផលិតផលធម្មជាតិ។ ហើយឧស្ម័នរបស់រុស្ស៊ី ក៏ជាផលិតផលដ៏មានដ៏សំខាន់បំផុតផងដែរ ទាំងផ្នែកភស្តុភារ និងតម្លៃ”។

កាលពីឆ្នាំមុន ការនាំចេញឧស្ម័នធម្មជាតិរបស់រុស្ស៊ីទៅកាន់អឺរ៉ុបបានធ្លាក់ចុះ ៥៥,៦% មកនៅត្រឹម ២៨,៣ ពាន់លានម៉ែត្រគូបប៉ុណ្ណោះ ដោយសារទំនាក់ទំនងរវាងរដ្ឋាភិបាលទីក្រុងម៉ូស្គូជាមួយលោកខាងលិច កាន់តែយ៉ាប់យ៉ឺនយ៉ាងខ្លាំង ជុំវិញជម្លោះនៅអ៊ុយក្រែន។

ប៉ុន្តែទោះជាយ៉ាងណា បើតាមការគណនារបស់ Reuters បានបង្ហាញថាតួលេខនេះ អាចងើបឡើងវិញដល់ ៣២ ពាន់លានម៉ែត្រគូបនៅឆ្នាំនេះ ដោយផ្អែកលើតួលេខនាំចេញប្រចាំថ្ងៃពីក្រុមហ៊ុនឧស្ម័នយក្សរុស្ស៊ី Gazprom និងស្ថិតិពីប្រតិបត្តិករបំពង់បង្ហូរប្រេងអឺរ៉ុប។

ជម្រាបជូនផងដែរថា អឺរ៉ុបទំនងមិនមានគម្រោងបញ្ឈប់ការទិញឧស្ម័ន LNG របស់រុស្ស៊ីនោះទេ ប៉ុន្តែបាននិយាយថា ខ្លួននឹងចាប់ផ្តើមកាត់បន្ថយការទិញជាបណ្តើរៗនៅឆ្នាំ២០២៧ ខាងមុខ បន្ទាប់ពីពួកគេបានបង្កើនការនាំចូលពីប្រទេសន័រវេស សហរដ្ឋអាមេរិក និងកាតាជំនួសវិញ៕

The post ការនាំចេញឧស្ម័នរាវរបស់រុស្ស៊ី ទៅកាន់បណ្តាប្រទេសក្នុងតំបន់អឺរ៉ុប កើនឡើងដល់ ២០% នៅឆ្នាំនេះ appeared first on .

ការលើកឡើងបែបនេះ ត្រូវបានធ្វើឡើង បន្ទាប់ពីសហរដ្ឋអាមេរិក បានដាក់ទណ្ឌកម្មទៅលើគម្រោងបូមហ្គាស Artic LNG-2 កាលពីក្នុងខែវិច្ឆិកា ដែលជាផ្នែកមួយនៃផែនការថ្មីប្រឆាំងនឹងរដ្ឋាភិបាលទីក្រុងម៉ូស្គូ ជុំវិញសង្គ្រាមនៅអ៊ុយក្រែន។

យោងតាមសារព័ត៌មានរុស្ស៊ី Kommersant បានរាយការណ៍ថា ក្រុមហ៊ុនប្រេងរដ្ឋរបស់ចិន CNOOC Ltd និង China National Petroleum Corp (CNPC) ដែលជាភាគីពាក់ព័ន្ធនៅក្នុងគម្រោងហ្គាសដ៏ធំនេះ បានចេញមុខប្រឆាំងទៅនឹងការដាក់ទណ្ឌកម្ម ដោយលើកឡើងថាជារឿងមិនសមហេតុផល។

ទន្ទឹមនឹងនេះ អ្នកនាំពាក្យក្រសួងការបរទេសចិន លោកស្រី Mao Ning បាននិយាយនៅក្នុងសន្និសីទកាសែតមួយនៅថ្ងៃអង្គារនេះថា កិច្ចសហប្រតិបត្តិការសេដ្ឋកិច្ចរវាងចិន និងរុស្ស៊ីគឺស្ថិតនៅក្នុងផលប្រយោជន៍ទៅវិញទៅមកនៃប្រទេសទាំងពីរ ហើយវាមិនគួរត្រូវបានជ្រៀតជ្រែក ឬដាក់កម្រិតដោយភាគីទីបីណាមួយឡើយ។

លោកស្រី Mao បានបន្ថែមថា ៖ “ប្រទេសចិនតែងតែប្រឆាំងដាច់ខាតទៅនឹងការដាក់ទណ្ឌកម្មដោយឯកតោភាគី និងការប្រើប្រាស់អំណាចហួសព្រំដែនដោយគ្មានមូលដ្ឋាននៃច្បាប់អន្តរជាតិច្បាស់លាស់”។

ជម្រាបជូនផងដែរថា គម្រោង Arctic LNG-2 គ្រោងនឹងចាប់ផ្តើមផលិតនៅដើមឆ្នាំ ២០២៤ ខាងមុខ ដោយក្នុងនោះក្រុមហ៊ុនរុស្ស៊ី Novatek កាន់កាប់ភាគហ៊ុន ៦០% នៃគម្រោងនេះ ខណៈដែល CNOOC និង CNPC កាន់កាប់ ១០% ម្នាក់ រួមទាំងក្រុមហ៊ុន TotalEnergies របស់ប្រទេសបារាំង និងក្រុមហ៊ុន Mitsui & Co និង JOGMEC របស់ប្រទេសជប៉ុនផងដែរ៕

The post ចិន ចេញមុខរិះគន់ចំៗលើសហរដ្ឋអាមរិក ជុំវិញការដាក់ទណ្ឌកម្មលើក្រុមហ៊ុន​ហ្គាស​រុស្ស៊ី appeared first on .