អគារខ្ពស់ៗ

មកស្គាល់សំណង់អគារថ្លៃៗបំផុតលើលោក ខណ:មានពីរនៅក្នុងតំបន់អាស៊ីអាគ្នេយ៍

ឧកញ៉ាសាមញ្ញ — Fri, 28 Mar 2025 10:55:00 +0000

បណ្តាប្រទេសធំៗជាច្រើននៅលើពិភពលោក តែងតែព្យាយាមអួតពីអំណាចសេដ្ឋកិច្ចរបស់ខ្លួន តាមរយ:ការសាងសង់អគារខ្ពស់ៗកប់ពពក ដោយក្នុងនោះអគារផ្សារទំនើប ការិយាល័យ កីឡដ្ឋាន ឬសណ្ឋាគារជាដើមនោះ ក៏ត្រូវបានសាងសង់ឡើងដោយភាពទាក់ទាញយ៉ាងខ្លាំងផងដែរ ជាមួយនឹងការចំណាយទឹកប្រាក់ដ៏យ៉ាងច្រើន ដោយអគារខ្លះត្រូវចំណាយរហូតដល់ខ្ទង់រយពាន់លានដុល្លារឯណោះ។

យ៉ាងណាមិញ ខាងក្រោមនេះ សំណង់អគារថ្លៃៗបំផុតទាំង ១០ នៅលើពិភពលោកលោក ដោយផ្នែកតាមការចុះផ្សាយពីសារព័ត៌មាន GoBankingRates នៅក្នុងឆ្នាំ២០២៥ នេះ៖

១០. Palace of the Parliament ទីក្រុង Bucharest ប្រទេសរូម៉ានី មានតម្លៃសាងសង់ ២,៥ពាន់លានដុល្លារ

៩. One World Trade Center ទីក្រុង New York សហរដ្ឋអាមេរិក មានតម្លៃសាងសង់ ៣,៨ពាន់លានដុល្លារ

៨.The Cosmopolitanទីក្រុង Las Vegas សហរដ្ឋអាមេរិក មានតម្លៃសាងសង់ ៣,៩ពាន់លានដុល្លារ

៧.Wynn Palace ទីក្រុង Macau មានតម្លៃសាងសង់ ៤,២ពាន់លានដុល្លារ

៦.Resorts World Sentosa ប្រទេសសិង្ហបុរី មានតម្លៃសាងសង់ ៤,៩៣ពាន់លានដុល្លារ

៥.Apple Park ទីក្រុង Cupertino សហរដ្ឋអាមេរិក មានតម្លៃសាងសង់ ៥ពាន់លានដុល្លារ

៤.SoFi Stadium ទីក្រុង Inglewood សហរដ្ឋអាមេរិក មានតម្លៃសាងសង់ ៥,៥ពាន់លានដុល្លារ

៣. Marina Bay Sands ប្រទេសសិង្ហបុរី មានតម្លៃសាងសង់ ៥,៧ពាន់លានដុល្លារ

២. Abraj Al Bait ទីក្រុង Mecca ប្រទេសអារ៉ាប៊ីសាអូឌីត មានតម្លៃសាងសង់ ១៥ពាន់លានដុល្លារ

១. The Great Mosque of Mecca ទីក្រុង Mecca ប្រទេសអារ៉ាប៊ីសាអូឌីត មានតម្លៃសាងសង់ ១០០ពាន់លានដុល្លារ៕

The post មកស្គាល់សំណង់អគារថ្លៃៗបំផុតលើលោក ខណ:មានពីរនៅក្នុងតំបន់អាស៊ីអាគ្នេយ៍ appeared first on .

មកស្គាល់សំណង់អគារថ្លៃបំផុតលើលោក មានមួយនៅអាស៊ីអាគ្នេយ៍

ឧកញ៉ាសំពៅ — Thu, 23 Jun 2022 09:38:53 +0000

បច្ចុប្បន្ន ប្រទេសមហាអំណាចធំៗកំពុងប្រឹងប្រែងបង្អួតអំណាចសេដ្ឋកិច្ចតាមរយៈការសាងសង់សំណង់អគារកប់ៗពពក តួយ៉ាងដូចជានៅចក្រភពប្រេងអារ៉ាប៊ីសាអូឌីតជាដើម កំពុងសំងំគ្រោងកសាងអគារធំបំផុតលើលោក តម្លៃប្រមាណ ៥០០ ពាន់លានដុល្លារ។ នេះបើតាមការចុះផ្សាយពី Therichest។

យ៉ាងណា មុននឹងអគារខាងលើលេចចេញជារូបរាង វាគ្រាន់តែជាគម្រោងការណ៍នៅឡើយ ដោយបច្ចុប្បន្ន អគារដែលមានតម្លៃថ្លៃបំផុតលើលោកគឺ Dubai Mall នៅទីក្រុងឌូបៃ ខណៈតម្លៃសាងសង់របស់វាគឺប្រមាណ ២៤ ពាន់លានដុល្លារ។

ក្រៅពី Dubai Mall គេហទំព័រ Therichest ក៏បានចុះផ្សាយដែរអំពីអគារទាំង ១០ ដែលមានតម្លៃថ្លៃបំផុតលើលោក ហើយក្នុងនោះអគារ Marina Bay Sands របស់ប្រទេសសិង្ហបុរីជាប់នៅចំណាត់ថ្នាក់លេខ ៣ ក្នុងបញ្ជីអគារមានតម្លៃថ្លៃបំផុតលើលោក។

ខាងក្រោមនេះគឺជាបញ្ជីឈ្មោះសំណង់អគារទាំង ១០ មានតម្លៃសាងសង់ថ្លៃបំផុតលើលោកនាពេលបច្ចុប្បន្ន ផ្អែកតាមទិន្នន័យផ្ដល់ឲ្យដោយ Therichest៖

10/ Bank of China Tower ទីក្រុងហុងកុង តម្លៃសាងសង់ប្រមាណ ២,១ ពាន់លានដុល្លារ

9/ Princess Tower ទីក្រុងឌូបៃ ប្រទេសអារ៉ាប់រួម តម្លៃសាងសង់ប្រមាណ ២,១៧ ពាន់លានដុល្លារ

8/ Taipei 101 ទីក្រុងតៃប៉ិ កោះតៃវ៉ាន់ តម្លៃសាងសង់ប្រមាណ ២,៤ ពាន់លានដុល្លារ

7/ Lotte World Tower ប្រទេសកូរ៉េខាងត្បូង តម្លៃសាងសង់ប្រមាណ ៣,១១ ពាន់លានដុល្លារ

6/ Wynn Resort ទីក្រុង Las Vegas រដ្ឋ Nevada សហរដ្ឋអាមេរិក តម្លៃសាងសង់ប្រមាណ ៣,៦ ពាន់លានដុល្លារ

5/ One World Trade Center ទីក្រុង New York សហរដ្ឋអាមេរិក តម្លៃសាងសង់ប្រមាណ ៣,៨ ពាន់លានដុល្លារ

4/ The Cosmopolitan ទីក្រុង Las Vegas រដ្ឋ Nevada សហរដ្ឋអាមេរិក តម្លៃសាងសង់ប្រមាណ ៣,៩ ពាន់លានដុល្លារ

3/ Marina Bay Sands ទីក្រុងសាំងហ្គាពួរ ប្រទេសសិង្ហបុរី តម្លៃសាងសង់ប្រមាណ ៥,៩ ពាន់លានដុល្លារ

2/ Abraj Al-Bait ទីក្រុង Mecca ប្រទេសអារ៉ាប៊ីសាអូឌីត តម្លៃសាងសង់ប្រមាណ ១៥ ពាន់លានដុល្លារ

1/ Dubai Mall ទីក្រុងឌូបៃ ប្រទេសអារ៉ាប់រួម តម្លៃសាងសង់ប្រមាណ ២៤ ពាន់លានដុល្លារ៕

The post មកស្គាល់សំណង់អគារថ្លៃបំផុតលើលោក មានមួយនៅអាស៊ីអាគ្នេយ៍ appeared first on .

អារ៉ាប៊ីសាអូឌីត គ្រោងជះលុយ ៥០០ ពាន់លានដុល្លារសាងសង់អគារធំបំផុតលើលោក

ឧកញ៉ាសំពៅ — Fri, 10 Jun 2022 07:54:20 +0000

កន្លងមក អារ៉ាប៊ីសាអូឌីតបានប្រកាសពីគម្រោងវិនិយោគដ៏ធំសំបើមមួយ ពោលអាណាចក្រប្រេងមួយនេះនឹងដាក់លុយប្រមាណ ៥០០ ពាន់លានដុល្លារ លើការសាងសង់អគារធំបំផុតលើលោក។

យោងតាមការចុះផ្សាយពី NDTV បានឲ្យដឹងថា គម្រោងយក្សដែលអារ៉ាប៊ីសាអូឌីតកំពុងយកចិត្តទុកដាក់នោះមានឈ្មោះថា NEOM និងបានដឹកនាំដោយផ្ទាល់ពីសំណាក់រាជទាយាទអារ៉ាប៊ីសាអូឌីត Mohammed bin Salman។

ព្រះអង្គម្ចាស់ Mohammed bin Salman មានបំណងចង់សាងសង់អគារភ្លោះខ្ពស់ៗមានកម្ពស់ប្រមាណ ៥០០ ម៉ែត្រ និងលាតសន្ធឹងជាច្រើនគីឡូម៉ែត្រឯណោះ។

គ្រោងការណ៍ NOEM មិនមែនទើបនឹងមានថ្មីៗឡើយ ពោលវាត្រូវបានប្រកាសដំបូងនៅឆ្នាំ ២០១៧ ក្នុងគោលបំណងទាក់ទាញវិនិយោគិនក្រៅស្រុកមកបណ្ដាក់ទុនក្នុងប្រទេស ក៏ដូចជាចង់បង្វែរសេដ្ឋកិច្ចអារ៉ាប៊ីសាអូឌីតពីវិស័យប្រេងតែមួយមុខផងដែរ។

បញ្ជាក់ដែរថា គម្រោងមួយនេះមិនទាន់លេចចេញព័ត៌មានលំអិតនៅឡើយ ប៉ុន្តែលឺល្ហៀងៗថា ទីតាំងដែលត្រូវសាងសង់នឹងប្រកាសនាពេលឆាប់ៗខាងមុខ ហើយបើទោះជាវានឹងមិនក្លាយជាសំណង់អគារខ្ពស់បំផុតលើលោក ប៉ុន្តែបើសិនជាការសាងសង់អាចប្រព្រឹត្តតាមការព្រៀងទុក NOEM នឹងក្លាយជាអគារធំបំផុតលើលោកជាមិនខាន៕

The post អារ៉ាប៊ីសាអូឌីត គ្រោងជះលុយ ៥០០ ពាន់លានដុល្លារសាងសង់អគារធំបំផុតលើលោក appeared first on .

នៅមិនឆ្ងាយទេ ជាប់ផ្សារទួលទំពូង គម្រោងខុនដូខ្ពស់កប់ពពកសង់រួចរាល់ រចនាម៉ូដប្លែកមើលឃើញគ្រប់ទិស

ជំទាវឧកញ៉ាស្រីទីន — Mon, 14 Feb 2022 09:25:57 +0000

ខុនដូ ដឺភូមិ អេមើរ៉លដ៍ (The Bhumi Emerald) កម្ពស់ ២៤ ជាន់ ដែលស្ថិតនៅខាងលិចផ្សារទួលទំពូង ក្រោមទុនវិនិយោគ ១០ លានដុល្លារ បានរំលេចរូបរាងខ្ពស់ជ្រងោមើលឃើញពីគ្រប់ទិសជុំវិញ។

ខុនដូ ដឺភូមិ អេមើរ៉លដ៍ មានទីតាំងស្ថិតនៅដីឡូត៍លេខ ៧៣ ផ្លូវលេខ ៤៤៤ សង្កាត់ទួលទំពូង ខណ្ឌចំការមន រាជធានីភ្នំពេញ។ ដឺភូមិ អេមើរ៉លដ៍ មានបន្ទប់ស្នាក់នៅសរុបចំនួន ៤៧ យូនីត (មានទំហំចាប់ពី ៦០-១៦០ ម៉ែត្រការ៉េ)។ ខុនដូនេះមានចំណតរថយន្តចាប់ពីជាន់ ទី១-៤ ចំណែកជាន់ ទី១៥ គឺជាកន្លែងសម្រាប់ហាត់ប្រាណ។

ចាយទុនវិនិយោគជាង ១០ លានដុល្លារនេះ គម្រោងអាគាស្នាក់នៅលំដាប់ High Class នេះបានបើកការដ្ឋានសាងសង់កាលពីថ្ងៃ ទី២៦ ខែតុលា ឆ្នាំ២០១៤ លើផ្ទៃដីទំហំ ៤៦៨ ម៉ែត្រការ៉េ។

ប្រភពពីក្រុមហ៊ុនអចលនទ្រព្យបានវាយតម្លៃថា តំបន់ទួលទំពូងសព្វថ្ងៃស្ទើរតែក្លាយជាតំបន់ដែលមានអចលនទ្រព្យល្អលំដាប់ទី២ បន្ទាប់ពីតំបន់បឹងកេងកង ព្រោះបច្ចុប្បន្នមានជនបរទេសជាច្រើនបានស្នាក់នៅទីនោះ។

បើតាមម្ចាស់គម្រោង បន្ទប់ស្នាក់នៅក្នុងខុនដូ ដឺភូមិ អេមើរ៉លដ៍ មានចំនួន ៤ ប្រភេទគឺ ១ បន្ទប់គេង Couple ១, Couple ២ និងប្រភេទគ្រួសារ។ បន្ទប់នីមួយៗមានតម្លៃចាប់ពីជាង ១០ ម៉ឺនដុល្លារ រហូតដល់ជិត ៣០ ម៉ឺនដុល្លារអាមេរិក៕

The post នៅមិនឆ្ងាយទេ ជាប់ផ្សារទួលទំពូង គម្រោងខុនដូខ្ពស់កប់ពពកសង់រួចរាល់ រចនាម៉ូដប្លែកមើលឃើញគ្រប់ទិស appeared first on .

អគារស្នាក់នៅខ្ពស់កប់ពពកមួយទៀត តាមផ្លូវព្រះមុនីវង្ស លេចត្រដែតកំពុងសាងសង់ជិតរួចរាល់

ឧកញ៉ាសម្រែ — Mon, 17 Jan 2022 04:15:39 +0000

អគារលំនៅដ្ឋានដ៏ខ្ពស់កប់ពពក Agile Sky Residence កម្ពស់ ៤៤ ជាន់តាមបណ្តោយផ្លូវព្រះមុនីវង្ស កំពុងបង្ហាញរូបរាងគ្រោងរួចរាល់ទាំងស្រុងនៅពេលដ៏ខ្លីខាងមុខនេះ។

គម្រោង Agile Sky Residence ត្រូវបានច្នៃឡើងដើម្បីក្លាយជាលំនៅដ្ឋានដ៏ប្រណិតស្ថិតនៅក្នុងតំបន់បឹងកេងកង ៣ តាមបណ្តោយមហាវិថីព្រះមុន្នីវង្ស ដែលជាតំបន់ពាណិជ្ជកម្មដ៏មមាញឹកនៅទីក្រុងភ្នំពេញ។

តាមព័ត៌មានពីក្រុមហ៊ុន អគារ Agile Sky Residence មានភាពលេចធ្លោជាមួយការច្នៃប្រឌិតប្លែកគេ។ មានកន្លែងទទួលភ្ញៀវកម្ពស់ ៧ ម៉ែត្រដ៏ស្រស់ស្អាត កន្លែងចតយានយន្តធំទូលាយ និងជណ្តើរយន្តល្បឿនលឿន ៩។ មានប្លង់មេមួយដែលមានសួនអាកាសចំនួនបួនកម្រិតដែលបង្កើតនូវកន្លែងសម្រាប់ការលំហែកាយ និងការកម្សាន្ត។

មានស្កាយបារ ក្លឹប ហាងកាហ្វេ កន្លែងអានសៀវភៅ និងសួនកុមារដែលអ្នករស់នៅទីនេះអាចកម្សាន្តបាន។ មានអាងហែលទឹកធំទូលាយសម្រាប់អ្នកចូលចិត្តហែលទឹក ហើយសម្រាប់អ្នកហាត់ចូលចិត្តប្រាណអាចចូលទៅមជ្ឈមណ្ឌលហាត់ប្រាណ ឬយូហ្គា។

លំនៅដ្ឋាន Agile Sky Residence មានជិតមួយពាន់យូនីត និងកន្លែងចតយានយន្តច្រើនជាង ៤២០ កន្លែង។ យូនីតនីមួយមានទំហំធំទូលាយចាប់ពី ៣៩ ទៅ ១១១ ម៉ែត្រការ៉េ។ ការកំណត់រចនាសម្ព័ន្ធចាប់ពីស្ទូឌីយោ ទៅយូនីត ដែលមានបន្ទប់គេងបី។ ប្រភេទយូនីតធម្មតាមានទំហំ ៥៧ ម៉ែត្រការ៉េ និងបន្ទប់គេងមួយ។ ប្លង់នៃយូនីតនីមួយៗមានរចនាបថដ៏ល្អឥតខ្ចោះដោយមានបន្ទប់ទទួលភ្ញៀវធំទូលាយ និងមានផាសុខភាព ព្រមទាំងមានបន្ទប់គេងមួយដែលបំពេញតាមចំណង់ចំណូលចិត្តរបស់ប្រជាជននៅអាស៊ី។

បណ្តោយមហាវិថីព្រះមុនីវង្សជាវិថីពាណិជ្ជកម្មដ៏មមាញឹកប្រមូលផ្តុំដោយអគារតូចធំខ្ពស់ៗ។ លើដងផ្លូវនេះមានគម្រោងសាងសង់អគារខ្ពស់ៗជាច្រើនដូចជាអគារ Golden Tower ៤២ ជាន់ និងក្រុមហ៊ុន ព្រីនស៍ រៀល អ៊ីស្ទេត គ្រុប ក៏កំពុងសាងសង់គម្រោងថ្មីបែបខុនដូសណ្ឋាគារចំនួន២ អគារការិយាល័យ និងអគារពាណិជ្ជកម្មចំនួន១ លើផ្ទៃដីអភិវឌ្ឍន៍ចំនួន ២២ម៉ឺនម៉ែត្រការ៉េ តាមបណ្ដោយផ្លូវព្រះមុន្នីវង្សពីខាងក្រោយនៃគម្រោងទី១ (មជ្ឈមណ្ឌល ព្រីនស៍ ផ្លាហ្សា)៕

The post អគារស្នាក់នៅខ្ពស់កប់ពពកមួយទៀត តាមផ្លូវព្រះមុនីវង្ស លេចត្រដែតកំពុងសាងសង់ជិតរួចរាល់ appeared first on .

អគារខ្ពស់ៗ

មកស្គាល់សំណង់អគារថ្លៃៗបំផុតលើលោក ខណ:មានពីរនៅក្នុងតំបន់អាស៊ីអាគ្នេយ៍

មក​ស្គាល់​សំណង់​អគារ​ថ្លៃ​បំផុត​លើ​លោក មាន​មួយ​នៅ​អាស៊ី​អាគ្នេយ៍

អារ៉ាប៊ីសាអូឌីត គ្រោង​ជះលុយ​ ៥០០ ពាន់​លាន​ដុល្លារ​សាងសង់​អគារ​ធំ​បំផុត​លើ​លោក

នៅ​មិនឆ្ងាយទេ ជាប់ផ្សារទួលទំពូង គម្រោង​ខុន​ដូខ្ពស់កប់ពពកសង់រួចរាល់ រចនាម៉ូដប្លែកមើល​ឃើញគ្រប់ទិស

អគារ​ស្នាក់នៅខ្ពស់កប់ពពកមួយទៀត តាមផ្លូវ​ព្រះមុនីវង្ស លេច​ត្រដែត​កំពុង​​សាងសង់​​ជិត​រួចរាល់

មកស្គាល់សំណង់អគារថ្លៃបំផុតលើលោក មានមួយនៅអាស៊ីអាគ្នេយ៍

អារ៉ាប៊ីសាអូឌីត គ្រោងជះលុយ ៥០០ ពាន់លានដុល្លារសាងសង់អគារធំបំផុតលើលោក

នៅមិនឆ្ងាយទេ ជាប់ផ្សារទួលទំពូង គម្រោងខុនដូខ្ពស់កប់ពពកសង់រួចរាល់ រចនាម៉ូដប្លែកមើលឃើញគ្រប់ទិស

អគារស្នាក់នៅខ្ពស់កប់ពពកមួយទៀត តាមផ្លូវព្រះមុនីវង្ស លេចត្រដែតកំពុងសាងសង់ជិតរួចរាល់