នៅក្នុងឱកាសនោះ លោក ឈាង រ៉ា បានគូសរំលេចថា អគារថ្មីនេះជាការពង្រឹងចក្ខុវិស័យរួម ដើម្បីឱ្យកុមារកម្ពុជាគ្រប់រូបទទួលបានការព្យាបាលវះកាត់ប្រកបដោយសុវត្ថិភាព និងទាន់ពេលវេលា ព្រោះ «រួមគ្នាដើម្បីសុខភាពកុមារ គឺរួមគ្នាដើម្បីអនាគតកម្ពុជា»។ ទន្ទឹមនឹងនេះ លោកក៏បានណែនាំឱ្យមន្ត្រីសុខាភិបាលទាំងអស់ ពង្រឹងគុណភាពសេវា ក្រមសីលធម៌វិជ្ជាជីវៈ បម្រើសេវាដោយមិនរើសអើង និងចេះថែទាំសមិទ្ធផលនេះឱ្យបានល្អ។

សូមបញ្ជាក់ថា អគារសល្យសាស្ត្រកុមារកម្ពស់ ៤ជាន់នេះ បំពាក់ដោយបរិក្ខារទំនើបៗ ហើយគ្រោងនឹងបញ្ចប់ការសាងសង់នៅខែសីហា ឆ្នាំ២០២៧ ខាងមុខ ដើម្បីលើកកម្ពស់សុខុមាលភាពកុមារនៅកម្ពុជា៕

The post មន្ទីរពេទ្យកុមារជាតិ បើកការដ្ឋានសាងសង់អគារវះកាត់ថ្មីតម្លៃ ៥,២លានដុល្លារ appeared first on .