អគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង «ក.ប.ប. នៃក្រសួងពាណិជ្ជកម្ម បានបន្តថាជាមួយគ្នានេះបុគ្គលប្រព្រឹត្តល្មើស ត្រូវទទួលទណ្ឌកម្ម និងការពិន័យយ៉ាងធ្ងន់ធ្ងរ ស្របតាមច្បាប់និងលិខិតបទដ្ឋានគតិយុត្តជាធរមាន។

សេចក្តីជូនដំណឹង របស់អគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង «ក.ប.ប. នាថ្ងៃទី១៣ ខែកុម្ភៈនេះបានបញ្ជាក់ថា ក្នុងគោលបំណង ដើម្បីលើកកម្ពស់តម្លៃនៃសញ្ញាជាតិ ទង់ជាតិ និងនិមិត្តរូបជាតិដែលការពារដោយច្បាប់ ធានានូវការការពារអ្នកប្រើប្រាស់និងការប្រកួតប្រជែងដោយស្មោះត្រង់នៅលើទីផ្សារ ព្រមទាំងអនុលោមភាពនៃការ ប្រើប្រាស់ម៉ាកសញ្ញាសម្រាប់បំពាក់លើផលិតផល អគ្គនាយកដ្ឋាន ក.ប.ប. នៃក្រសួងពាណិជ្ជកម្ម សូមធ្វើការណែនាំ ដូចខាងក្រោម៖

ចំពោះពាណិជ្ជករ អាជីវករជាអ្នកលក់ ចែកចាយបន្ត ត្រូវបញ្ឈប់ការលក់ ចែកចាយ ព្រមទាំងរក្សាទុកជា បណ្តោះអាសន្ន នូវផលិតផលដែលមានបំពាក់ម៉ាកបរូបសញ្ញាខាងលើ និងត្រូវសហការជាមួយអគ្គនាយកដ្ឋាន ក.ប.ប. នៃក្រសួងពាណិជ្ជកម្ម ដើម្បីអនុវត្តនីតិវិធីអង្កេតដានស្វែងរកប្រភពផលិត នាំចូល ចែកចាយនូវផលិតផលទាំងនោះ។

ចំពោះពាណិជ្ជករ អាជីវករជាអ្នកនាំចូល លក់ និងចែកចាយ ត្រូវបញ្ឈប់ការនាំចូល លក់ ចែកចាយនូវផលិតផលដែលមានបំពាក់ម៉ាកឬរូបសញ្ញាខាងលើជាបន្ទាន់ និងត្រូវសហការជាមួយអគ្គនាយកដ្ឋាន ក.ប.ប. នៃក្រសួងពាណិជ្ជកម្ម ក្នុងការអនុវត្តនីតិវីធីបន្តស្របតាមច្បាប់និងលិខិតបទដ្ឋានគតិយុត្តជាធរមាន។

ចំពោះអ្នកប្រើប្រាស់ និងសាធារណជន៖ សូមជៀសវាងការទិញ នូវផលិតផលដែលមានបំពាក់ម៉ាកឬរូបសញ្ញា ខាងលើ ព្រមទាំងផ្តល់ព័ត៌មានមកអគ្គនាយកដ្ឋាន ក.ប.ប. នៃក្រសួងពាណិជ្ជកម្ម ដើម្បីមានចំណាត់ការតាមនីតិវិធី៕

The post ក.ប.ប ប្រាប់អាជីវករដែលបានដាក់លក់ផលិតផលដែលមានបំពាក់ម៉ាក ឬរូបសញ្ញាដូចសញ្ញាជាតិ ឬព្រះរាជសង្ហារនៃព្រះរាជាណាចក្រកម្ពុជា ត្រូវបញ្ឈប់ជាបន្ទាន់ appeared first on .

វគ្គបណ្តុះបណ្តាលនេះ ធ្វើឡើងក្រោមអធិបតីភាព លោក ស៊ិន ស៊ីដេត អគ្គនាយករង នៃអគ្គនាយកដ្ឋាន ក.ប.ប. តំណាង លោក គឹម មាសសុខសីហា អគ្គនាយកនៃអគ្គនាយកដ្ឋាន ក.ប.ប. និង លោក Chris WILLIAMSON ប្រធានផ្នែកនយោបាយ សេដ្ឋកិច្ច សុខាភិបាល និងអភិវឌ្ឍន៍ ស្ថានទូតចក្រភពអង់គ្លេស ប្រចាំកម្ពុជា។ វគ្គបណ្ដុះបណ្ដាលនេះ ត្រូវបានប្រព្រឹត្តទៅរយៈពេល២ថ្ងៃ គឺចាប់ពីថ្ងៃទី១-២ ខែធ្នូ ឆ្នាំ២០២៥។

អគ្គនាយកដ្ឋាន ក.ប.ប. បានឱ្យដឹងថា វគ្គបណ្ដុះបណ្ដាលនេះត្រូវបានរៀបចំឡើងដោយមានការចូលរួមពីវាគ្មិនពីការិយាល័យសុវត្ថិភាព និងស្ដង់ដាផលិតផនៃចក្រភពអង់គ្លេស តំណាងស្ថានទូតចក្រភពអង់គ្លេសប្រចាំកម្ពុជា  និងមន្ត្រីជំនាញ ក.ប.ប. សរុបប្រមាណ ៨០រូប។

គោលបំណងនៃការរៀបចំវគ្គបណ្ដុះបណ្ដាលនេះឡើង គឺដើម្បីលើកកម្ពស់ការយល់ដឹង និងបំពាក់បំប៉ននូវចំណេះជំនាញពាក់ព័ន្ធនឹងការវាយតម្លៃហានិភ័យនៃផលិតផល និងវិធីសាស្ត្រគ្រប់គ្រងហានិភ័យដែលមានលើផលិតផល។ ចំណេះជំនាញដែលទទួលបាន នឹងជួយឱ្យកម្ពុជាអាចពង្រឹងសមត្ថភាពក្នុងការធានានូវផលិតផលដែលមានសុវត្ថិភាពចរាចរក្នុងទីផ្សារបានមួយកម្រិត និងការពារអ្នកប្រើប្រាស់ពីការទទួលរងគ្រោះថ្នាក់តាមរយៈការប្រើប្រាស់ផលិតផលផងដែរ។

សូមរំលឹកផងដែរថា អគ្គនាយកដ្ឋាន ក.ប.ប. នៃក្រសួងពាណិជ្ជកម្ម បានចុះនូវអនុស្សរណៈនៃការយោគយល់ជាមួយនឹងការិយាល័យសុវត្ថិភាព និងស្ដង់ដាផលិតផលនៃចក្រភពអង់គ្លេស ដែលឆ្លុះបញ្ចាំងពីកិច្ចសហប្រតិបត្តិការយ៉ាងជិតស្និត និងការផ្លាស់ប្ដូរចំណេះជំនាញ និងបទពិសោធន៍ពាក់ព័ន្ធនឹងសុវត្តិភាពផលិតផល៕

The post អគ្គនាយកដ្ឋាន ក.ប.ប. សហការជាមួយការិយាល័យសុវត្ថិភាព និងស្ដង់ដាផលិតផលចក្រភពអង់គ្លេស បណ្ដុះបណ្ដាលលើការវាយតម្លៃហានិភ័យលើសុវត្ថិភាពផលិតផល ដល់មន្ត្រី ក.ប.ប. appeared first on .