នៅក្នុងជំនួបពិភាក្សាការងារខាងលើ គឺដើម្បីពិភាក្សាលើកិច្ចសហប្រតិបត្តិការរួមគ្នាកម្ពុជា-បារាំងក្នុងវិស័យថាមពល។

បន្ថែមពីនេះ អង្គប្រជុំក៏បានផ្លាស់ប្ដូរយោបល់លើកិច្ចសហប្រតិបត្តិការដែលកម្ពុជា និងបារាំងអាចរៀបចំឡើងក្នុងក្របខណ្ឌវិស័យថាមពល។

ឆ្លៀតក្នុងឱកាសនោះ អគ្គិសនីបារាំង ក៏បានលើកឡើងអំពីចំណាប់អារម្មណ៍របស់ខ្លួនលើវិស័យពាក់ព័ន្ធនឹងកាផ្គត់ផ្គង់ថាមពល និងថាមពលស្អាតនៅកម្ពុជា ខណៈខ្លួនក៏បានស្នើសុំឱ្យមានការណែនាំពីក្រុមប្រឹក្សាអភិវឌ្ឍន៍កម្ពុជាអំពីបច្ចុប្បន្នភាពបរិយាកាសលើវិស័យនេះផងដែរ។

គួរឱ្យដឹងថា រដ្ឋមន្រ្តីក្រសួងរ៉ែ និងថាមពល លោក កែវ រតនៈ ធ្លាប់បានលើកឡើងថា ​ក្នុង​រយៈ​ពេល ១៥ ឆ្នាំ​ចុង​ក្រោយ​នេះ រាជ​រដ្ឋាភិបាល​ក៏​​កំពុង​ខិតខំ​ក្នុង​ការ​ទាក់​ទាញ​អ្នក​វិនិយោគ​ឱ្យ​មក​បណ្តាក់​ទុន​លើ​វិស័យ​ថាម​ពល ដើម្បី​ធ្វើ​យ៉ាង​ណាឱ្យ​ប្រទេស​កម្ពុជាមាន​ថាម​ពល​ពី​ប្រភព​ស្អាត​កាន់​តែ​ច្រើន ក្នុង​ន័យធានាថា វិស័យ​ថាម​ពល​នៅ​កម្ពុជា គឺ ​មាន​ប្រភពផ្គត់​ផ្គង់​​គ្រប់​គ្រាន់, មាន​តម្លៃ​សមរម្យ, ថាម​ពល​មាន​ស្ថិរភាព, មានសមធម៌។

ជាមួយគ្នានេះ កម្ពុជាក៏មានច្បាប់វិនិយោគ ក្នុងការផ្ដល់ការអនុគ្រោះ និងលើក​ទឹក​ចិត្តដល់សកម្មភាពវិនិយោគក្នុងវិស័យនេះ ហើយសន្តិសុខថាមពលក៏ជាអាទិភាពមួយ ដែលជានិន្នាការ​របស់​ពិភពលោក ឆ្ពោះទៅកាន់អព្យាក្រឹត្យកាបូននៅថ្ងៃអនាគត៕

The post អគ្គិសនីបារាំង (EDF) ចាប់អារម្មណ៍លើវិស័យពាក់ព័ន្ធនឹងការផ្គត់ផ្គង់ថាមពល និងថាមពលស្អាតនៅកម្ពុជា appeared first on .