អង្គការសុខភាពពិភពលោក ប្រកាសអាសន្នជាសកលអំពីការរាតត្បាតជំងឺអុតស្វា

ឧកញ៉ាសំពៅ — Mon, 25 Jul 2022 08:16:58 +0000

កាលពីថ្មីៗនេះ អង្គការសុខភាពពិភពលោក ហៅកាត់ WHO បានប្រកាសអាសន្នជាសកលអំពីការរាតត្បាតជំងឺអុតស្វា (Monkeypox) ហើយបានប្រាប់ឲ្យការិយាល័យនៅអាស៊ីអាគ្នេយ៍ពង្រឹងសុវត្ថិភាពឲ្យមែនទែនលើបញ្ហាមួយនេះ។ នេះបើតាមការចុះផ្សាយពី CNA។

ការស្រាវជ្រាវលើវ៉ាក់សាំង និងការគាំពារផ្សេងៗ គឺកំពុងធ្វើឡើងនៅតាមមន្ទីរពេទ្យ និងគ្លីនិកដែលជាការស្នើសុំដោយ WHO ទៅកាន់នាយកគ្រប់គ្រងតំបន់អាស៊ីខាងត្បូង និងខាងកើតគឺអ្នកស្រី Poonam Khetrapal Singh។

សូមជម្រាបដែរថា ករណីជំងឺអុតស្វាបានរកឃើញច្រើនជាង ១៦ ០០០ ករណីនៅប្រទេស ៧៥ ទូទាំងពិភពលោក ហើយមាន ៤ ករណីរកឃើញនៅក្នុងតំបន់អាស៊ីខាងត្បូង និងខាងកើតដែលគ្រប់គ្រងដោយ WHO ខណៈ ៣ នៅឥណ្ឌា និង ១ នៅថៃ។

ដោយឡែក នៅប្រទេសសិង្ហបុរីដែលរកឃើញមាន ៨ ករណីកាលពីខែមិថុនា គឺត្រូវបានចាត់ទុកជាផ្នែកមួយនៃតំបន់ Western Pacific គ្រប់គ្រងដោយ WHO។ នេះបើតាមការចុះផ្សាយពី CNA។

គួររំលឹកដែរថា ក្នុងរយៈកាលប៉ុន្មានឆ្នាំចុងក្រោយនេះ មានជំងឺតែ ២ ប៉ុណ្ណោះដែលបានចាត់ទុកជាការប្រកាសអាសន្នជាសកលអំពីការរាតត្បាតដោយ WHO ខណៈជំងឺទាំង ២ នោះគឺ អ៊ីបូឡា និងកូវីដ ១៩៕

The post អង្គការសុខភាពពិភពលោក ប្រកាសអាសន្នជាសកលអំពីការរាតត្បាតជំងឺអុតស្វា appeared first on .

អាមេរិកជំទាស់មិនព្រមបើកដៃឲ្យ WHO មានឯករាជ្យភាពជាងបច្ចុប្បន្ន

ឧកញ៉ាសំពៅ — Mon, 24 Jan 2022 06:06:31 +0000

ក្នុងនាមជាម្ចាស់ជំនួយធំបំផុតរបស់អង្គការសុខភាពពិភពលោក World Health Organization ហៅកាត់ WHO សហរដ្ឋអាមេរិកបានប្រឆាំងមិនព្រមអនុញ្ញាតឲ្យ WHO ក្លាយជាអង្គការមានឯករាជភាពជាងបច្ចុប្បន្នឡើយ ដោយមានម្ចាស់ជំនួយ ៤ ផ្សេងទៀតគាំទ្រ។ នេះបើតាមការរាយការណ៍ពី APA។

ដោយឡែក សំណើដែលធ្វើឡើងដោយក្រុមការងាររបស់ WHO លើការផ្តល់ហិរញ្ញប្បទានប្រកបដោយនិរន្តរភាព នឹងបង្កើនការរួមចំណែកប្រចាំឆ្នាំរបស់រដ្ឋសមាជិកនីមួយៗ នេះបើយោងតាមឯកសាររបស់ WHO ដែលបានចេញផ្សាយតាមអ៊ីនធឺណិត និងចុះថ្ងៃទី ៤ ខែមករា។

តែផែនការមួយនេះត្រូវបានជំទាស់ដោយរដ្ឋាភិបាលអាមេរិក ដោយសារពួកគេយល់ឃើញថា WHO មិនមានលទ្ធភាពគ្រប់គ្រាន់ក្នុងការប្រឈមមុខជាមួយបញ្ហានាថ្ងៃអនាគត រាប់បញ្ចូលទាំងប្រទេសចិនផងដែរ។ នេះបើតាមអាជ្ញាធរអាមេរិកបានប្រាប់ទៅកាន់ Reuters។

ដោយឡែក សមាជិក ៤ ទៀតដែលជាសមាជិកនៅតំបន់អឺរ៉ុប បានបដិសេធមិនបញ្ចេញឈ្មោះ ព្រោះពួកគេមិនមានសិទ្ធក្នុងការនិយាយអ្វីទៅកាន់បណ្ដាញទំនាក់ទំនងណាឡើយ។

បញ្ជាក់ដែរថា សហរដ្ឋអាមេរិកគឺជាម្ចាស់ជំនួយធំបំផុតរបស់ WHO ពោលកាលពីឆ្នាំ ២០១៩ ប្រទេសមហាអំណាចមួយនេះបានឧបត្ថម្ភប្រាក់ដល់អង្គការខាងលើដល់ទៅ ៨៥៣ លានដុល្លារ ខណៈចក្រភពអង់គ្លេសដែលឈរនៅលេខ ២ បរិច្ចាគតិចជាងជិតពាក់កណ្ដាលពោល ៤៦៤ លានដុល្លារ៕

ប្រភព: APA

The post អាមេរិកជំទាស់មិនព្រមបើកដៃឲ្យ WHO មានឯករាជ្យភាពជាងបច្ចុប្បន្ន appeared first on .

អង្គការសុខភាពពិភពលោក

អង្គការ​សុខភាព​ពិភពលោក​ ប្រកាស​អាសន្ន​ជា​សកល​អំពី​ការ​រាតត្បាត​ជំងឺ​អុតស្វា

អាមេរិក​ជំទាស់​មិនព្រម​បើកដៃ​ឲ្យ WHO មាន​​ឯករាជ្យ​ភាព​ជាង​បច្ចុប្បន្ន​

អង្គការសុខភាពពិភពលោក ប្រកាសអាសន្នជាសកលអំពីការរាតត្បាតជំងឺអុតស្វា

អាមេរិកជំទាស់មិនព្រមបើកដៃឲ្យ WHO មានឯករាជ្យភាពជាងបច្ចុប្បន្ន