អង្គការ Guinness World Records បានប្រកាសកំណត់ត្រាពិភពលោក «ការសម្តែងសៀកវែងបំផុត» ឱ្យក្រុមសៀកហ្វារពន្លឺសិល្បៈនេះ ក្នុងការផ្សាយផ្ទាល់ កាលថ្ងៃទី១៧ វិច្ឆិកា ឆ្នាំ២០២២ ។

ការសម្ដែងដែលមានរយៈពេលសរុប ២៤ម៉ោង ១០នាទី ៣០វិនាទី នោះ បានធ្វើឡើងតាំងពីថ្ងៃទី០៦-០៧ មីនា ឆ្នាំ២០២១ មកម្លេះ ប៉ុន្តែអង្គការ Guinness World Records ទើបនឹងប្រកាសនៅថ្ងៃព្រហស្បតិ៍ ទី១៧ ខែវិច្ឆិកានេះ។

បើតាមវីដេអូ ដែលអង្គការហ្វារពន្លឺសិល្បៈ បង្ហោះលើបណ្តាញសង្គមហ្វេសប៊ុក បានឱ្យដឹងថា ការសម្តែងសៀករបស់ខ្លួន បានធ្វើឡើងនៅក្រុងបាត់ដំបងដែលមានរយៈពេលសរុប ២៤ម៉ោង ១០នាទី ៣០វិនាទី គឺជាកិច្ចខិតខំប្រឹងប្រែងចុងក្រោយដើម្បីកៀរគរថវិកាដើម្បីរស់រានមានជីវិតពីជំងឺរាតត្បាត។

គួរបញ្ចាក់ថា អង្គការហ្វារពន្លឺសិល្បៈ គឺជាអង្គការមួយស្ថិតនៅខេត្តបាត់ដំបង ដែលបានដំណើរការ​កម្មវិធីបណ្តុះបណ្តាល សិល្បៈ​ដោយឥតគិតថ្លៃ ដល់ប្រជាជនកម្ពុជាក្រីក្រ តាំងពីឆ្នាំ១៩៩៤ ហើយក្នុងរយៈពេលប៉ុន្មានឆ្នាំចុងក្រោយនេះ សិល្បករសៀក ត្រូវបានអញ្ជើញឱ្យទៅសម្តែង​នៅបណ្ដាប្រទេសជាច្រើន​ជុំវិញពិភពលោក៕

The post អបអរសាទរ! ការសម្តែងសៀកវែងបំផុត របស់អង្គការហ្វារពន្លឺសិល្បៈកម្ពុជា ជាប់កំណត់ត្រាពិភពលោក appeared first on .