ថ្លែងក្នុងឱកាសអញ្ជើញជាអធិបតីភាពក្នុងពិធីប្រគល់សញ្ញាបត្រជូននិស្សិតជ័យលាភី នៃវិទ្យាស្ថានវ៉ាន់ដានាព្រឹកថ្ងៃទី ១១ ខែមីនា ឆ្នាំ២០២៥ សម្តេចធិបតី បានបញ្ចាក់ថា ការរៀបចំព្រឹត្តិការណ៍អង្គរសង្ក្រាន្ត គឺដើម្បីទាក់ទាញទេសចរ ជាពិសេសបងប្អូនប្រជាពលរដ្ឋនៅខេត្តសៀមរាបផ្ទាល់ ផ្ទុយពីការលើកឡើងពីការឆ្ងាយខុសការពិតថា ការរៀបចំព្រឹត្តិការណ៍នេះ ខាតលុយ និងបំរើផលប្រយោជន៍សម្រាប់គ្រួសារត្រកូលហ៊ុន “។

សម្ដេចធិបតី បានបន្តទៀតថា ការរៀបចំអង្គរសង្ក្រាន្តនៅសៀមរាប គឺដើម្បីទាក់ទាញទេសចរ ផ្ទុយពីការលើកឡើងរបស់វិទ្យុបរទេស ដែលតែងតែ​បំផុសបំផុល​ឱ្យពលរដ្ឋភាន់ច្រឡំ លើការរៀបចំព្រឹត្តិការណ៍នេះនាពេលកន្លងមក។

បន្ថែមពីនេះ សម្តេចធិបតីថា៖«ទៅសួរអ្នកអ្នកខេត្តសៀមរាបផ្ទាល់ទៅ ជាពិសេសពឹងផ្អែកលើវិស័យទេសចរណ៍ គឺគាំទ្រសម្រាប់ការរៀបចំព្រឹត្តិការណ៍អង្គរសង្រ្កាន្តនេះ។ សម្តេចធិបតី បានបញ្ជាក់ថា ឥឡូវលឺថា កន្លែងស្នាក់ សណ្ឋាគារ គឺមានភ្ញៀវកក់ពេញៗហើយ ដើម្បីត្រៀមចូលរួមព្រឹត្តិការណ៍នេះ»។

យ៉ាងណាមិញ តាមរយៈពិធីប្រគល់សញ្ញាបត្រជូនដល់និស្សិតវិទ្យាស្ថាន វ៉ាន់ដា នេះដែរ ប្រមុខរាជរដ្ឋាភិបាល ក៏បានអះអាងដែរថា កម្ពុជាកំពុងរៀបចំដាក់ព្រឹត្តិការណ៍ «អង្គរសង្ក្រាន្ត» ចូលក្នុងបញ្ជីសម្បត្តិបេតិកភណ្ឌរបស់អង្គការយូណេស្កូ ហើយការរៀបចំព្រឹត្តិការណ៍សង្ក្រាន្តឆ្នាំនេះ ក៏ជាផ្នែកមួយនៃការជំរុញលើកិច្ចការងារនេះដែរ៕ អត្ថបទ៖ ហ្សាលីន

The post សម្តេចធិបតី៖ ការរៀបចំ«អង្គរសង្ក្រាន្ត» គឺដើម្បីជំរុញជីវភាពពលរដ្ឋខេត្តសៀមរាប និងទាញកំណើនទេសចរ appeared first on .

ជាការកត់សម្គាល់ របស់ក្រសួងទេសចរណ៍ ថាចរន្តភ្ញៀវដ៏ច្រើនកុះករមិនធ្លាប់មានក្នុងឱកាសចូលឆ្នាំនេះ គឺបានមកពីការជឿជាក់លើភាពស៊ាំសហគមន៍ក្នុងការគ្រប់គ្រងជំងឺកូវីដ-១៩ ការរៀបចំព្រឹត្តិការណ៍កម្សាន្តដ៏សំបូរបែប ពិសេសព្រឹត្តិការណ៍អង្គរសង្រ្កាន្ត និងការធានាបាននូវសុខសន្តិភាពពេញលេញដែលអនុញ្ញាតឲ្យប្រជាពលរដ្ឋដើរកម្សាន្តបានទូទាំងប្រទេស។

ការកើនឡើងនៃចំនួនភ្ញៀវទេសចរនេះ លោកបណ្ឌិត គី សេរីវឌ្ឍន៍ ប្រធានមជ្ឈមណ្ឌលសិក្សាចិន និងជាអ្នកជំនាញសេដ្ឋកិច្ចនៃរាជបណ្ឌិតសភាកម្ពុជា មើលឃើញថា ដោយសាររដ្ឋាភិបាលបានបើកទូលាយដល់ប្រជាជនទូទាំងប្រទេសលេងសប្បាយដោយគ្មានក្ដីកង្វល់ អំពីជំងឺឆ្លងកូវីដ-១៩ទៀតនោះទេ។

លោកបន្តថា ការបើកឱ្យលេងកម្សាន្តសប្បាយ ដូចជា ប៉ាតម្សៅ បាញ់ទឹក ជះទឹក នេះជាកត្តាលីករដែលជម្រុញឱ្យមានការដើរកម្សាន្តរបស់បងប្អូនប្រជាពលរដ្ឋ ខណៈដែលឆ្នាំកន្លងទៅការលេងនេះត្រូវបានហាមឃាត់ ។

លោកថា ឆ្នាំកន្លងទៅ មូលហេតុហាមប្រាមមិនឱ្យលេងប៉ាតម្សៅនិងជះទឹកនេះ ព្រោះតែខ្លាចកើតទៅជាគ្រោះថ្នាក់ចរាចរណ៍។ ដោយឡែកឆ្នាំនេះ រដ្ឋាភិបាលបើកឱ្យមានការលេងកម្សាន្ត ហើយគេសង្កេតឃើញថា អត្រាគ្រោះថ្នាក់ចរាចរណ៍គឺមិនសូវកើតមានឡើងនោះទេ ពោលគឺកើតមានតិចតួចបំផុតបើប្រៀបធៀបនឹងឆ្នាំទៅ។

លោកបណ្ឌិត បានសង្កត់ធ្ងន់ថា កំណើននៃភ្ញៀវទេសចរជាង១៣លាននាក់នេះ គឺបានបង្ហាញយ៉ាងច្បាស់អំពីការរស់នៅក្នុងសម័យតេជោសន្តិភាព ដោយមិនខ្លាចអំពីបញ្ហាអសន្តិសុខនោះទេ។

គួរបញ្ជាក់ថា ក្នុងឆ្នាំថ្មីប្រពៃណីជាតិខ្មែរ ឆ្នាំថោះនេះ មានភ្ញៀវដើរកំសាន្តតាមបណ្ដារខេត្តក្រុងនានា មានចំនួនសរុប ១៣,១៨៧,៧៧១នាក់ ក្នុងនោះ ភ្ញៀវជាតិ ១៣.១៣២.០៨០ នាក់ និងភ្ញៀវអន្តរជាតិ ៥៥.៦៩១ នាក់៕

The post កំណើនភ្ញៀវទេសចរក្នុងថ្ងៃចូលឆ្នាំ បានមកពីការជឿជាក់​លើភាពស៊ាំសហគមន៍​ក្នុងការគ្រប់គ្រងជំងឺ​កូវីដ-១៩ appeared first on .