ឧកញ៉ា សំ សុខនឿន បង្ហើបថា៖ “ខ្ញុំបាទ ឈ្មោះ សំ សុខនឿន ត្រូវបានគេស្គាល់ថា Sam។ បងប្អូនតែងតែឃើញខ្ញុំស្លៀកពាក់ស្អាតបាតសមរម្យ តាមរយៈសារព័ត៌មាន និងប៉ុស្តិ៍ទូរទស្សន៍ តែបងប្អូនដឹងទេថា ខ្ញុំតែងតែដើរចុះទឹកស្រែ ដើរតាមផ្លូវបន្លារ ជិះម៉ូតូតាមផ្លូវដីហុយ ផ្លូវភ្លឺស្រែ ក្រោមភ្លៀង និងកំដៅថ្ងៃជាង ១០ឆ្នាំមកហើយ ពីមុនធ្វើបែបនេះស្ទើរតែរាល់ថ្ងៃ ដោយសារតួនាទីជាអ្នកវិនិយោគអចលនវត្ថុដោយខ្លួនឯង។”

តាមរយៈសំណេររៀបរាប់ពីដំណើរជីវិតតស៊ូ ចាប់ផ្ដើមពីជំហ៊ានដំបូង ទម្រាំជោគជ័យឈរជើងបានរឹងមាំក្នុងនាមជាអ្នកអភិវឌ្ឍន៍វិស័យអចលនទ្រព្យនៅកម្ពុជា ដូចនាពេលបច្ចុប្បន្ននេះ គេអាចវាយតម្លៃបានថា ឧកញ៉ា សំ សុខនឿន ជាមនុស្សម្នាក់ដែលមានការលះបង់ខ្ពស់ និងមានគោលដៅមុតស្រួច ក្នុងអាជីពមួយនេះ ត្បិតការប្រឡូកខ្លួន ឬបជ្រាបខ្លួនក្នុងវិស័យអចលនទ្រព្យ មិនមែនជាការងារងាយស្រួល ឬជាការងារដែលអង្គុយ ក្នុងម៉ាស៊ីនត្រជាក់ ពាក់ខោអាវស្អាតៗតែប៉ុនណេះទេ ។

បើងាកមកចាប់អារម្មណ៍ពីប្រវត្តិសិក្សារបស់ ប្រធានសមាគមអចលនទ្រព្យសកល ឧកញ៉ា សំ សុខនឿន វិញ ឃើញថា លោកមានប្រវត្តិជាកូនកសិករនៅស្រុកក្រូចឆ្មារ ខេត្តត្បូងឃ្មុំ (អតីតខេត្តកំពង់ចាម) ក៏ពិតមែន ប៉ុន្តែលោកបានបន្តការសិក្សា រហូតដល់បរទេសឯណោះ។

1. បឋមសិក្សា៖ នៅសាលាបឋមសិក្សាខ្សាច់ប្រឆេះកណ្តាល ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ (អតីតខេត្តកំពង់ចាម)។

2. អនុវិទ្យាល័យ៖ សិក្សានៅសាលាវិទ្យាល័យក្រូចឆ្មារ ក្នុងស្រុកក្រូចឆ្មារ ខេត្តត្បូងឃ្មុំ (អតីតខេត្តកំពង់ចាម)។

3. វិទ្យាល័យ៖ សិក្សានៅវិទ្យាល័យព្រះសីហនុ ទីរួមខេត្តកំពង់ចាម។

4. បរិញ្ញាបត្រ៖ សាកលវិទ្យាល័យ Norton ផ្នែកគ្រប់គ្រប់ពាណិជ្ជកម្ម ជំនាញគ្រប់គ្រប់។

5. អនុបណ្ឌិត៖ សាកលវិទ្យាល័យ NUS ផ្នែកគ្រប់គ្រងពាណិជ្ជកម្ម ជំនាញគ្រប់គ្រង។

6. បណ្ឌិត ៖ បេក្ខជនបណ្ឌិតនៅសាកលវិទ្យាល័យ University Of Salford ចក្រភពអង់គ្លេស។

សម្រាប់បទពិសោធន៍ការងារវិញ ឧកញ៉ា សំ សុខនឿន ធ្លាប់បានប្រឡូកច្រើនក្នុងវិស័យអប់រំ ក្នុងតួនាទីជាអ្នកប្រែផ្ទាល់មាត់ និងបកប្រែកឯកសារ មុនចាប់យកអាជីពជាភ្នាក់ងារផ្ដល់សេវាកម្មអចលនទ្រព្យ រហូតក្លាយជាអ្នកវិនិយោគក្នុងវិស័យនេះ។ លោកបានបញ្ជាក់ថា លោកធ្លាប់ធ្វើការងារដូចជា៖

1. ជាអ្នកបកប្រែផ្ទាល់មាត់ និងអ្នកបកប្រែឯកសារ

2. គ្រូបង្រៀនភាសារអង់គ្លេស

3. ជាភ្នាក់ងារលក់ខុនដូ

4. ប្រធានក្រុមភ្នាក់ងារលក់ខុនដូ

5. នាយកផ្នែកលក់ខុនដូ

6. ម្ចាស់អាជីវកម្មក្រុមហ៊ុនភ្នាក់ងារ Kw Sam Sn

7. អ្នកវិនិយោគអចលនទ្រព្យ

8. អ្នកវិនិយោគក្នងក្រុមហ៊ុនអភិវឌ្ឍន៍បុរិ

9. ប្រធានសមាគមGRA។

ឧកញ៉ា សំ សុខនឿន បច្ចុប្បន្ន លោកគឺជាអ្នកជំនាញផ្នែកអចលនវត្ថុនៅកម្ពុជា និងជាអគ្គនាយកក្រុមហ៊ុន Kw Sam Sn Realty Co., Ltd រួមទាំងជាប្រធានសមាគមអចលនទ្រព្យសកល។ បច្ចុប្បន្ន លោកកំពុងដឹកនាំ ក្រុមហ៊ុនជាបុត្រសម្ព័ន្ធ និងតំណាងក្រុមហ៊ុនរបស់លោកនៅតាមបណ្ដារាជធានី ខេត្ត-ក្រុង ប្រកបដោយវឌ្ឍនភាព លើការផ្ដល់គ្រប់សេវាកម្មអភិវឌ្ឍអចលនវត្ថុក្នុងទីផ្សារកម្ពុជា៕

The post ឃើញស្លៀកពាក់ស្អាតបាត ជិះឡានទំនើប តាមពិតឧកញ៉ា សំ សុខនឿន ចុះប្រឡូកការងារអចលនទ្រព្យដូចកសិករសឹងរាល់ថ្ងៃ appeared first on .

ជាក់ស្តែង ក្នុងទីក្រុងធំៗនៅតំបន់អាស៊ី-ប៉ាស៊ីហ្វិក ដូចជាសឹង្ហបុរី   ស៊ីដនី សេអ៊ូល និងតៃវ៉ាន់ ដែលតម្លៃអចលនទ្រព្យកំពុងតែមានការកើនឡើងខ្ពស់បំផុត រហូតតំបន់ខ្លះអាចកើនដល់ ៣៧% ភាគរយឯណោះ ។

យ៉ាងណា បើតាមសារព័ត៌មាន CNBC បានបង្ហាញបង្ហាញពីតម្លៃលក់អចលនទ្រព្យ ដោយប្រៀបធៀបទៅលើតម្លៃផ្ទះដែលមានបន្ទប់មួយ បន្ទប់ ២ បន្ទប់ ៣ និងបន្ទប់ ៤ នៅក្នុងចំណោមទីក្រុងធំៗ របស់អាស៊ី ប៉ាស៊ីហ្វិក ដែលមាន សឹង្ហបុរី   ស៊ីដនី សេអ៊ូល និងតៃវ៉ាន់ ដូចខាងក្រោម ៖

ទីក្រុងសិង្ហបុរី-ប្រទេសសិង្ហបុរី

សិង្ហបុរី ត្រូវបានគេចាត់ទុកថា ជាមជ្ឍមណ្ឌលហិរញ្ញវត្ថុអាស៊ី ដ៏ល្បីល្បាញបំផុតមួយ ដោយសារតែមានអគារខ្ពស់ៗកប់ពពកជាច្រើន ដូច្នេះហើយទើបទីនោះក្លាយជាកន្លែង ដែលមានអចលនទ្រព្យមានតម្លៃថ្លៃបំផុតផងដែរ។ យ៉ាងណានេះបើយោងតាមការស្រាវជ្រាវរបស់ CNBC ទៅលើទីក្រុងធំៗ ទាំង ៤ នៅក្នុងតំបន់អាស៊ី-ប៉ាស៊ីហ្វិក ។

សម្រាប់អចនលទ្រព្យ ដែលមានបន្ទប់គេងមួយ ទៅបន្ទប់គេង ២ នៅក្នុងសង្កាត់ កណ្តាលទីក្រុង ត្រូវគេប៉ាន់ប្រមាណថាមានតម្លៃប្រហែល ១.០៣ លានដុល្លារ។ នេះបើយោងតាមទិន្នន័យតម្លៃលក់ជាមធ្យម ដែលប្រមូលដោយគេហទំព័រអចលទ្រព្យ Property Guru ចាប់ពីខែមករា ដល់ខែកក្កការឆ្នាំ ២០២១ នេះ ។

ដោយឡែកសម្រាប់អចលនទ្រព្យ ដែលមានបន្ទប់គេងពី ៣ ទៅ ៤ អាចមានតម្លៃចូលជិត ២.៤ លានដុល្លារ សម្រាប់រយ:ពេលដូចគ្នានេះ ។

គួរបញ្ជាក់តម្លៃផ្ទះ ដែលមានបន្ទប់គេងមួយ និងបន្ទប់គេងពីរ នៅតែមានស្ថិរភាពក្នុងឆ្នាំនេះរហូតដល់ខែកក្កដា។ ប៉ុន្តែសម្រាប់ផ្ទះដែលមានបន្ទប់គេងបី និង ៤ មានការកើនឡើងគួរឱ្យកត់សម្គាល់ ជាមួយតម្លៃឡើងប្រមាណ ៥% ជារៀងរាល់ឆ្នាំ ជាពិសេសនៅក្នុងសង្កាត់ធំៗដូចជា Alexandra, Commonwealth, Chinatown និង Tanjong Pagar ជាដើម។

ទីក្រុងសេអ៊ូល-កូរ៉េខាងត្បូង

ទីក្រុងសេអ៊ូលជាទីប្រជុំជនដ៏ស៊ីវីល័យបំផុតមួយលើពិភពលោក ដែលមានទីតាំងនៅក្នុងប្រទេសកូរ៉េត្បូង ប៉ុន្តែយ៉ាងណាតម្លៃអចនលទ្រព្យនៅក្នុងទីក្រុងនេះ គឺស្ថិតនៅពីក្រោយប្រទេសសិង្ហបុរីប៉ុណ្ណោះ។

យ៉ាងណាចំពោះអចនលទ្រព្យ ដែលមានបន្ទប់គេង ១ ទៅ ២ ជាមួយទំហំ ៩៩ ម៉ែត្រការ៉េ នៅក្នុងសង្កាត់កាងណាំ ដែលជាតំបន់ប្រជុំជនសំខាន់ជាងគេក្នុងទីក្រុងសេអ៊ូលមានតម្លៃជាមធ្យម ៨៥៥,០០០ ដុល្លារគិតត្រឹមខែកក្កដាឆ្នាំ ២០២១។ នេះបើយោងតាមទិន្នន័យ ដែលប្រមូលបានដោយសកម្មវិធីអចលនទ្រព្យរបស់កូរ៉េខាងត្បូង Zigbang ។

ដោយឡែកចំពោះអចលនទ្រព្យ មានបន្ទប់គេង ៣ ទៅ ៤ ដែលមានទំហំពី ៩៩ នៅ ១៦៥ ម៉ែត្រការ៉េ មានតម្លៃប្រហែល ១,៨ លានដុល្លារ ។

ដូចសិង្ហបុរីដែរ កំណើនតម្លៃអចលនទ្រព្យ នៅក្នុងប្រទេសកូរ៉េខាងត្បូងមិនសូវមានអ្វីគួរឱ្យកត់សម្គាល់នោះទេ ចំពោះអចលនទ្រព្យខ្នាតតូច ។  ចាប់ពីខែមករា ដល់ខែមិថុនាឆ្នាំនេះ ផ្ទះដែលមានបន្ទប់គេងមួយ ជាមួយទំហំ ៦៦ ម៉ែត្រការ៉េ មានតម្លៃកើនឡើង ៥%។

ទីក្រុងស៊ីដនី -អូស្រ្តាលី

អចលនទ្រព្យនៅក្នុងទីក្រុងស៊ីដនី របស់អូស្រ្តាលីក៏ត្រូវបានគេចាត់ទុកថាមានតម្លៃថ្លៃបំផុតមួយផងដែរ បើទោះពីប្រទេសនេះស្ថិតនៅក្នុងតំបន់ដែលមានអាកាសធាតុក្តៅក៏ដោយ ។

យ៉ាងណាបើយោងទៅតាមទិន្នន័យពីគេហទំព័រអចលនទ្រព្យ Domain បានបង្ហាញថាផ្ទះដែលមានបន្ទប់គេង ១ ទៅ ២ នៅតំបន់ Greater Sydney មានតម្លៃជាមធ្យម ៥៧៤,២៤៦ ដុល្លារគិតត្រឹមខែមិថុនាឆ្នាំ ២០២១ ។

សម្រាប់ អចលនទ្រព្យដែលមានបន្ទប់គេងបី និងបន្ទប់គេង ៤ មានតម្លៃជាមធ្យម ៩១៤ ៩៦៩ ដុល្លារ។

តម្លៃអចលនទ្រព្យនៅក្នុងស៊ីដនី បានកើនឡើង ៣% សម្រាប់អាផាតមិន ដែលមានបន្ទប់គេង ១ និងបន្ទប់គេង ២ នៅឆមាសទីមួយនៃឆ្នាំ ២០២១ នេះ ខណ:តម្លៃសម្រាប់អាផាតមិន ដែលមានបន្ទប់គេង ៣ បានកើនឡើងប្រហែល ៨%។

ទីក្រុងតៃប៉ិ -កោះតៃវ៉ាន់

ទីក្រុងតៃប៉ិរបស់តៃវ៉ាន់  គឺត្រូវបានគេចាត់ទុកថាជាទីក្រុងដែលមានតំលៃអចលនទ្រព្យសមរម្យបំផុតមួយ ក្នុងចំណោមទីក្រុង នៅតំបន់អាស៊ី-ប៉ាស៊ីហ្វិក ដែលស្រាវជ្រាវដោយ CNBC ។

អចលនទ្រព្យដែលមានបន្ទប់គេងពីមួយ ទៅពីរ នៅក្នុងទីក្រុងនេះមានតម្លៃជាមធ្យម ៤៧៣.៥០០ ដុល្លារនេះ បើយោងតាមទិន្នន័យកាលពីខែមិថុនាឆ្នាំ ២០២១ ដែលចេញដោយភ្នាក់ងារអចលនទ្រព្យពិភពលោក Savills។ ចំណែកឯផ្ទះដែលមានបន្ទប់គេងបី និងបន្ទប់គេង ៤ វិញ មានតម្លៃជាមធ្យម ៩៧៧.០០០ ដុល្លារ។

សូមបញ្ជាក់ថា តម្លៃអចលនទ្រព្យនៅក្នុងទីក្រុងតៃប៉ិ បានកើនឡើងប្រហែល ៤.៥% ពីមួយឆ្នាំទៅមួយឆ្នាំ ។ តែយ៉ាងណាក៏ដោយ ចំពោះអចលនទ្រព្យថ្មីៗមានតម្រូវការខ្ពស់បំផុត មានតម្លៃកើនឡើងទ្វេដង ក្នុងអត្រាប្រមាណ ១០,៤% ឯណោះ ។

ដូច្នេះសរុបមកយើងឃើញថាអចលនទ្រព្យនៅក្នុងទីក្រុងសិង្ហបុរីគឺមានតម្លៃថ្លៃដាច់គេ បើប្រៀបធៀបជាមួយទីក្រុងធំៗផ្សេងទៀត នៅក្នុងតំបន់អាស៊ី-ប៉ាស៊ីហ្វិក ដូចជាសេអ៊ូល ស៊ីដនី និងតៃប៉ិ នោះ ៕

ប្រភព៖ CNBC

ប្រែសម្រួល៖ ឧកញ៉ាសាមញ្ញ

The post ទោះកូវីដវាយលុកខ្លាំង តែតម្លៃអចលនទ្រព្យទីក្រុងធំៗ នៅអាស៊ី-ប៉ាស៊ីហ្វិក ៤នេះ បន្តកើនឡើងឥតឈប់ឈរ appeared first on .