នៅអាស៊ានមានតែប្រទេស ៨ អាចផលិតប្រេងបាន ហើយក៏មានកម្ពុជាមួយដែរ

ឧកញ៉ាសម្រែ — Sat, 20 Mar 2021 07:56:53 +0000

ក្រៅពីឡាវ និងសិង្ហបុរី ប្រទេស ៨ ទៀត នៅក្នុងតំបន់អាស៊ាន មានសមត្ថភាពអាចផលិតប្រេងបាន។

កម្ពុជាបានក្លាយជាប្រទេសផលិតប្រេងមួយនៅលើពិភពលោក និងជាប្រទេសទី ៨ ក្នុងតំបន់អាស៊ាន (លើកលែងប្រទេសឡាវ និងសិង្ហបុរី) បន្ទាប់ពីក្រុមហ៊ុនរុករកប្រេង និងឧស្ម័ន KrisEnergy Ltd របស់សិង្ហបុរីបានទាញយកតំណក់ប្រេងជាលើកដំបូងក្នុងប្លុក A ពីបាសាំងខ្មែរកាលពីថ្ងៃទី ២៨ ខែធ្នូ។

តំណក់ប្រេងលើកដំបូងរបស់ប្រទេសកម្ពុជា បានទាញចេញពីតំបន់សម្បទានប្លុក A ដែលបានចាប់ផ្ដើមផលិតកម្មកាលពីថ្ងៃទី ២៨ ធ្នូ ឆ្នាំ ២០២០។

សម្តេចតេជោ ហ៊ុន សែន នាយករដ្ឋមន្ដ្រីកាលពីថ្ងៃទី ២៩ ខែធ្នូ ២០២០ បានប្រកាសថា ការចាប់ផ្ដើមផលិតកម្មប្រេងដំបូងក្លាយជាសមិទ្ធផលថ្មីមួយទៀត និងជាពរជ័យសម្រាប់ការចូលរួមអភិវឌ្ឍសេដ្ឋកិច្ចកម្ពុជា។

ក្រុមហ៊ុន KrisEnergy របស់សិង្ហបុរី ដែលជាក្រុមហ៊ុនរុករកប្រេងនិងឧស្ម័នបានដំណើរការអណ្តូងបូមប្រេងឆៅចំនួន ៤ បន្ថែមទៀតកាលពីចុងខែកុម្ភៈ។

លោក ជៀប សួរ អគ្គនាយកនៃអគ្គនាយកដ្ឋានប្រេងកាតនៃក្រសួងរ៉ែ និង ថាមពល ប្រាប់កាសែតក្នុងស្រុកថា ក្រុមហ៊ុននេះបានដំណើរការអណ្តួងបូមប្រេងចំនួន ៤ បន្ថែមទៀតនៅតំបន់ប្រេងអប្សរាក្នុងប្លុក A នៃបាសាំងខ្មែរ បន្ទាប់ពីអណ្តូងទី១ បានដំណើរកាលពីថ្ងៃទី ២៨ ខែធ្នូ ឆ្នាំមុន។

ការដំណើរការអណ្តូងប្រេងទាំង ៥ នេះ កម្ពុជាអាចផលិតប្រេងបានចំនួន ៧ ៥០០ បារ៉ែល ក្នុង ១ថ្ងៃ។

បើតាមលោកជៀប សួរ ប្រសិនបើ អណ្តូងទាំង ៥ នេះ ដំណើរការល្អនឹងធ្វើការខួងអណ្តួងបន្ថែមជាបន្តបន្ទាប់ ទៅតាមផែនការ៕

The post នៅអាស៊ានមានតែប្រទេស ៨ អាចផលិតប្រេងបាន ហើយក៏មានកម្ពុជាមួយដែរ appeared first on .

អតីតអភិបាលក្រុងភ្នំពេញ ធ្វើដំណើរ ទៅមើលការខួងប្រេងនៅដែនសមុទ្រកម្ពុជា

ឧកញ៉ាសម្រែ — Sat, 27 Feb 2021 04:45:32 +0000

ថ្ងៃ១៥ ខែកុម្ភៈ ឆ្នាំ២០២១ ឯកឧត្តមកែប ជុតិមា ក្នុងនាមគណៈកម្មាការទី៩ នៃរដ្ឋសភា រួមជាមួយប្រតិភូ ក្រសួងថាមពល រ៉ែ ក្រសួងហិរញវត្ថុ បានទៅស្វែងយល់ពីសកម្មភាពបូមប្រេងដែនសមុទ្រប្រទេសកម្ពុជា។

ចេញដំណេីរនៅម៉ោង៦តាមកប៉ាល់របស់KrisEnergy លេីមហាសាគរនៃសមុទ្រកម្ពជា រយៈពេល ៥ម៉ោងទេីបដល់គោលដៅ។

អតិតអភិបាលក្រុងភ្នំពេញ បានឲ្យដឹងថា បំណងរបស់លោកបានសំរេចមែន គឺបានមកដល់ឃេីញកំណប់មហាសាល នៃកម្ពុជា ក្នុងសម័យតេជោសែន។

លោកបន្តថា បេសកកម្ម១២ម៉ោងលេីផ្ទៃមហាសាគរធំល្វឹងល្វេីយគ្មានកោះត្រេីយ មិនអាចកាត់ថ្លៃបាន ដែលបានឃើញជាក់ស្តែងពីដំណើរការនៃការផលិតកម្មប្រេង ជាមោទនភាពរបស់ជាតិខ្មែរ៕

The post អតីតអភិបាលក្រុងភ្នំពេញ ធ្វើដំណើរ ទៅមើលការខួងប្រេងនៅដែនសមុទ្រកម្ពុជា appeared first on .

អណ្តូងប្រេងខ្មែរ

នៅអាស៊ាន​មាន​តែ​ប្រទេស ៨ អាច​ផលិត​ប្រេង​បាន​ ហើយ​ក៏​មាន​កម្ពុជា​មួយ​ដែរ

អតីតអភិបាល​ក្រុង​ភ្នំពេញ ធ្វើ​ដំណើរ​​​ ទៅ​មើល​ការ​ខួង​ប្រេង​នៅ​ដែន​សមុទ្រ​កម្ពុជា

នៅអាស៊ានមានតែប្រទេស ៨ អាចផលិតប្រេងបាន ហើយក៏មានកម្ពុជាមួយដែរ

អតីតអភិបាលក្រុងភ្នំពេញ ធ្វើដំណើរ ទៅមើលការខួងប្រេងនៅដែនសមុទ្រកម្ពុជា