យោងតាមការសេចក្តីជូនដំណឹងរបស់ធនាគារជាតិនៃកម្ពុជា នៅថ្ងៃទី១៨ខែកញ្ញនេះ បានអះអាងថា« ក្រោយពីការដាក់ឱ្យដេញថ្លៃលក់ប្រាក់ដុល្លារអាមេរិក ចំនួន៤លើក ក្នុងរយៈពេល២សប្តាហ៍ចុងក្រោយនេះ អត្រាប្តូរប្រាក់រៀលធៀបនឹងដុល្លារអាមេរិក បានធ្លាក់មកដល់កម្រិតសមសម្របតាមស្ថានភាពទីផ្សារ»។

បើតាមសេចក្តីជូនដំណឹងដដែលបានបញ្ជាក់ថា«ដោយពិនិត្យឃើញពីការកែប្រែប្រួលតម្លៃប្រាក់ដុល្លារអាមេរិកនៅលើទីផ្សារអន្តរជាតិ និងការអភិវឌ្ឍនៃស្ថានភាពម៉ាក្រសេដ្ឋកិច្ចកម្ពុជា បច្ចុប្បន្ននិងពេលខាងមុខ ធនាគារជាតិនៃកម្ពុជានឹងបន្តគ្រប់គ្រងសម្ពាធលើអត្រាប្តូរប្រាក់បន្ថែមទៀត។ក្នុងគោលដៅនេះ ធនាគារជាតិនៃកម្ពុជា នឹងបន្តធ្វើអន្តរាគមន៍តាមការចាំបាច់ រហូតដល់អត្រាប្តូរប្រាក់ស្ថិតក្នុងកម្រិតមួយសមស្រប ដែលជួយពង្រឹងអំណាចទិញរបស់ប្រាក់រៀលនិងរួមចំណែកគំាំទ្រការបន្តងើបឡើងនៃសេដ្ឋកិច្ចកម្ពុជា ក្រោយវិបត្តិជំងឺកូវីដ១៩ »។
បើតាមធនាគារជាតិនៃកម្ពុជា ការធ្វើអន្តរាគមន៍គ្រោងនឹងធ្វើឡើងចំនួន២ដងក្នុងមួយសប្តាហ៍ «ថ្ងៃពុធ និងសុក្រ»សម្រាប់រយៈពេល៤សប្តាហ៍តទៅមុខទៀត។

យោងតាមការជូនដំណឹងរបស់ធនាគារជាតិនៃកម្ពុជាកាលថ្ងៃទី៤ខែកញ្ញា ឱ្យដឹងថា ធនាគារជាតិនៃកម្ពុជានឹងដាក់ឱ្យដេញថ្លៃប្រាក់ដុល្លារអាមេរិក៖នៅថ្ងៃពុធទី៦ខែកញ្ញា ឆ្នំា២០២៣ចំនួន១០លានដុល្លារអាមេរិក, ថ្ងៃសុក្រទី៨ខែកញ្ញាឆ្នំា២០២៣ចំនួន១៥លានដុល្លារអាមេរិក, ថ្ងៃពុធទី១៣ ខែកញ្ញាឆ្នំា២០២៣ចំនួន១០លានដុល្លារអាមេរិកនិងថ្ងៃសុក្រទី១៥ខែកញ្ញាឆ្នំា២០២៣ចំនួន១៥លានដុលា្លរអាមេរិក។

ទាក់ទងនិងការដាក់ឱ្យដេញថ្លៃប្រាក់ដុល្លារអាមេរិកខាងលើនេះ ប្រធានាយកដ្ឋានទំនាក់ទំនងនៃសមាគមមីក្រូហិរញ្ញវត្ថុកម្ពុជាយល់ឃើញថាបើតាមការយល់ឃើញថា នៅក្នុងរយៈប៉ុន្មានខែកន្លងមកនេះលុយដុល្លារអាមេរិកវាឡើងខ្លំាង បើប្រៀបធៀបទៅនិងលុយខ្មែរ ហើយវាអត់ចុះមកវិញទេ ស្ថិតក្នុងនៅក្នុងពេលនេះលុយដុល្លារអាមេរិកក្នុង១ដុល្លារឡើងដល់៤១៥០រៀលឬលើសពីនេះ។

លោក កំាង តុងងី មានប្រសាសន៍ថា« នេះជាយុទ្ធសាស្ត្រ ដើម្បីថែរក្សាស្ថិរភាពប្រាក់រៀលរបស់ខ្មែរគឺធនាគារកណ្តាល គាត់ត្រូវបញ្ចេញលុយដុល្លារអាមេរិកដើម្បីឱ្យប្រាក់រៀលយើងមានស្ថិរភាពឡើងវិញ»។

លោកលើកឡើងថា តាមការអង្កេតរបស់ខ្ញុំ បញ្ហាអតិផរណា លុយរបស់ប្រទេសនីមួយៗវាមិនមែនកើតឡើងតែនៅកម្ពុជានោះទេ សម្រាប់ប្រទេសនៅក្នុងតំបន់យើងក៏ជួបបញ្ហាដែរ ហើយមានបញ្ហាធ្ងន់ធ្ងរជាងកម្ពុជាឆ្ងាយណាស់ដោយ ប្រទេសខ្លះអតិផរណាលុយឡើងរហូតដល់១០០%, ប្រទេសខ្លះមានកម្រិត៧០% និងប្រទេសខ្លះទៀតមានកម្រិត៥០%។

លោកបន្តថា «ការពិតកម្ពុជាទៅវិញទៅដែលយើងមានស្ថិរភាពអត្រាប្តូរប្រាក់ល្អ ។ស្ថិរភាពអត្រាប្តូរប្រាក់ល្អនេះមួយផ្នែកអាចមកយើងចាយប្រាក់ដុល្លារអាមេរិកដែរ ប៉ុន្តែមួយផ្នែកទៀតដោយសារតែការគ្រប់គ្រងសេដ្ឋកិច្ចនិងគោលនយោបាយសាច់ប្រាក់របស់យើងមានភាពល្អប្រសើរតាមរយៈការដឹកនាំរបស់ធនាគារជាតិនៃកម្ពុជា»៕
អត្ថបទ៖សារេត

The post អត្រាប្តូរប្រាក់រៀលធៀបនឹងលុយដុល្លារអាមេរិកបានធ្លាក់មកដល់កម្រិតសមស្របតាមស្ថានភាពទីផ្សារវិញហើយ appeared first on .

បើតាមការជូនដំណឹងរបស់ធនាគារជាតិនៃកម្ពុជា ចំពោះកត្តារដូវកាលកំណើនតម្រូវការប្រាក់រៀលបានថយល្បឿននៅក្នុងដំណាក់កាលនៃការបង្កបង្កើនផលកសិកម្ម និងរដូវកាលដែលសកម្មភាពវិស័យទេសចរណ៍មិនមានភាពមមាញឹក។ ចំណែកប្រាក់ដុល្លារអាមេរិកជារួមបានបន្តឡើងថ្លៃធៀបនឹងរូបិយប័ណ្ណផ្សេងៗទៀតលើពិភពលោក ក្រោយពីធនាគារកណ្តាលអាមេរិកបន្តដំឡើងអត្រាការប្រាក់គោល ដែលទាក់ទាញមូលធនឱ្យហូរចូលទៅសហរដ្ឋអាមេរិកនិងបង្កើនតម្រូវការប្រាក់ដុល្លារអាមេរិកលើទីផ្សារអន្តរជាតិ។

ទាក់ទងនិងអត្រាប្តូរប្រាក់ជារៀលធៀបនឹងដុល្លារអាមេរិកបានកើនឡើងគួរឱ្យកត់សម្គាល់នេះ លោក ង៉ែត ជូ អ្នកជំនាញហិរញ្ញវត្ថុយល់ឃើញថា នៅក្នុងសេដ្ឋកិច្ច កំពុងកំពុងព្យាយាមជំរុញការប្រើប្រាស់ប្រាក់រៀលមានសិ្ថរភាពហើយប្រជាពលរដ្ឋមានទំនុកចិត្តក្នុងការប្រើប្រាស់ប្រាក់រៀល។តែប្រសិនបើអ្នកប្រើប្រាស់មិនមានទំនុកចិត្តលើប្រាក់រៀលវានិងធ្វើឱ្យការជំរុញការប្រើប្រាស់ប្រាក់រៀលមានយឺតយាវ។លើសពីនេះប្រជាពលរដ្ឋដែលមានចំណូលជាប្រាក់រៀលធ្លាក់ចុះនៅអំណាចទិញ នៅពេលប្រាក់រៀលធ្លាក់ថ្លៃ។តែទោះជាយ៉ាងនេះក្តី អ្នកជំនាញហិរញ្ញវត្ថុរូបនេះមានការជឿជាក់ទៅលើធនាគារជាតិនៃកម្ពុជាថានិងអាចគ្រប់គ្រងអត្រាប្តូរបា្រក់លើទីផ្សារបានប្រកបដោយប្រសិទ្ធភាព។

លោក ង៉ែត ជូ មានប្រសាសន៍ថា «កន្លងមកធនាគារជាតិនៃកម្ពុជាមានភាពបុរេសកម្មខ្លាំង មានការយកចិត្តទុកដាក់ទៅលើការគ្រប់គ្រងអត្រាប្តូរប្រាក់បានល្អ ហើយការត្រៀមចាត់វិធានការរបស់ធនាគារជាតិនៃកម្ពុជានៅពេលខាងមុខនេះខ្ញុំជឿជាក់ថានឹងបន្តមានប្រសិទ្ធិភាព ហើយធ្វើឱ្យស្ថិរភាពនៃអត្រាប្តូរប្រាក់នៅលើទីផ្សារមានភាពប្រសើរនិងអាចគ្រប់គ្រងបាន»។

យោងតាមការជូនដំណឹង ធនាគារជាតិនៃកម្ពុជា បន្តប្រកាន់យករបបអត្រាប្តូរប្រាក់អណ្តែតមានការគ្រប់គ្រង ដែលអនុញ្ញាតឱ្យអត្រាប្តូរប្រាក់រៀលប្រែប្រួលក្នុងកម្រិតសមស្រប។ ក្នុងទិសដៅនេះ ធនាគារជាតិនៃកម្ពុជាត្រៀមខ្លួនចាត់វិធានការចំាបាច់ ដែលរួមមានការធ្វើអន្តរាគមន៍លើទីផ្សារប្តូរប្រាក់និងការប្រើប្រាស់ឧបករណ៍នយោបាយរូបិយវត្ថុដទៃទៀត ដើម្បីរក្សាតម្លៃប្រាក់រៀល សំដៅរក្សាអំណាចទិញនៃចំណូលប្រជាជនកម្ពុជាឱ្យមានស្ថិរភាព។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាមានប្រសាសន៍ថា« បើសិនជាធនាគារជាតិនៃកម្ពុជាមានវិធានការសម្រាប់ដោះស្រាយមួយជំហានៗ ហើយអាចបញ្ចេញឬបង្វិលថវិកាមួយចំនួនទៀតដើម្បីទប់ដោយធ្វើការសហការជាមួយធនាគារនិងហិរញ្ញវត្ថុ ឬកន្លែងប្តូរប្រាក់មួយចំនួនដើម្បីទប់កុំឱ្យប្រាក់រៀលចុះថោក នេះគ្រាន់តែជាវិធានការដោះស្រាយមួយគ្រាៗចំពោះកិច្ចតែប៉ុណោះ ប៉ុន្តែបើសិនជាយុទ្ធសាស្ត្ររយៈពេលវែងវិញ លុះណាតែយើងខិតខំផលិត ហើយយើងធ្វើការនាំចេញ នាំចូលឱ្យមានតុល្យការមែនទែន ហើយយើងព្យាយាមបណ្តុះស្មារតីនាំចូលបរិទេសនិយមឱ្យបានច្រើន ដើម្បីជួយទប់សភាពការមានរយៈពេលវែង»៕

អត្ថបទ៖សារេត

The post ធនាគារជាតិត្រៀមចាត់វិធានការរក្សាស្ថិរភាពអត្រាប្តូរប្រាក់លើទីផ្សារខណៈប្រាក់រៀលធ្លាក់ថ្លៃធៀបនិងប្រាក់ដុល្លារអាមរិក appeared first on .

អត្រាប្តូរប្រាក់ផ្លូវការដែលអគ្គនាយកដ្ឋានពន្ធដារ ណែនាំនោះរួមមាន៖ អត្រាប្តូរប្រាក់ផ្លូវការប្រចាំថ្ងៃ អត្រាប្តូរប្រាក់ផ្លូវការ​សម្រាប់​​ពន្ធលើប្រាក់បៀវត្ស អត្រាប្តូរប្រាក់ផ្លូវការប្រចាំខែ និងអត្រាប្តូរប្រាក់ផ្លូវការប្រចាំឆ្នាំ។

ជាមួយគ្នានេះ អគ្គនាយកដ្ឋានពន្ធដារ ក៏បានកំណត់ថា នឹងចេញផ្សាយសេចក្តីជូនដំណឹងស្តីពីអត្រាប្តូរប្រាក់ផ្លូវការប្រចាំថ្ងៃ នៅលើ​គេហទំព័រ របស់​​អគ្គនាយ​កដ្ឋានពន្ធដារ https://www.tax.gov.kh ចាប់ពីខែមិថុនា ឆ្នាំ២០២២ តទៅ។ លិខិតបទ​ដ្ឋាន​ទាំង​ឡាយ​​ណា ដែល​​បានដាក់ឱ្យអនុវត្តទាក់ទិននឹងការប្រើប្រាស់អត្រាប្ដូរប្រាក់សម្រាប់អ្នកជាប់ពន្ធតាមរបបស្វ័យ​ប្រកាស ត្រូវចាត់ទុក ជានិ​រាករណ៍។

អគ្គនាយកដ្ឋានពន្ធដារ ក៏សង្ឃឹមថា គ្រប់សហគ្រាសជាអ្នកជាប់ពន្ធតាមរបបស្វ័យប្រកាសទាំងអស់ ដែលធ្វើសកម្មភាព​នៅក្នុងព្រះរាជាណាចក្រកម្ពុជា នឹងយកចិត្តទុកដាក់អនុវត្តតាមខ្លឹមសារនៃសេចក្ដីណែនាំនេះឱ្យមាន ប្រសិទ្ធភាពខ្ពស់ ៕

The post អគ្គនាយកដ្ឋានពន្ធដារ ណែនាំពីការប្រើប្រាស់អត្រាប្ដូរ​ប្រាក់​ផ្លូវការសម្រាប់អ្នកជាប់ពន្ធតាមរបបស្វ័យប្រកាស appeared first on .