អភិជន

វៀតណាមនាំមុខសិង្ហបុរី ជាប្រទេសមានកំណើនអភិជនច្រើនជាងគេ នៅតំបន់អាស៊ីប៉ាស៊ីហ្វិក

ឧកញ៉ាសំពៅ — Fri, 15 Mar 2024 01:00:00 +0000

ប្រទេសវៀតណាម បានជាប់ចំណាត់ថ្នាក់ទី០៥ ជាប្រទេសដែលមានកំណើនអភិជនមានលុយច្រើនជាង ៣០លានដុល្លារ (UHNWI) ប្រចាំតំបន់អាស៊ីប៉ាស៊ីហ្វិក ខណៈប្រទេសសិង្ហបុរីជាប់នៅលេខរៀងទី ១០។ នេះបើតាមការចុះផ្សាយពីគេហទំព័រ VNA។

កំណើនអភិជននៅប្រទេសវៀតណាម មានការកើនឡើង ៣០% កើនពី ៧៥២នាក់កាលពីឆ្នាំមុន ដល់ ៩៧៨នាក់នៅក្នុងឆ្នាំនេះ ស្របពេលកំណើនអភិជននៅប្រទេសកូរ៉េខាងត្បូង កើន ២៩,៥% អូស្ត្រាលីកើន ២៧% ហុងកុងកើន ២២,៤% តៃវ៉ាន់ ២០% និងសិង្ហបុរីកើនត្រឹម ១៥,៧%។

ចំណែកឯប្រទេសដែលមានកំណើនអភិជនលឿនបំផុតនៅតំបន់អាស៊ីប៉ាស៊ីហ្វិកគឺ ប្រទេសឥណ្ឌាមាន ៥០% ចិនមាន ៤៧% ម៉ាឡេស៊ីមាន ៣៤,៦% និងឥណ្ឌូណេស៊ីមាន ៣៤,១%។

សូមជម្រាបបន្ថែមថា គេហទំព័រ Knight Frank បានបង្ហាញថា កាលពីឆ្នាំមុន កំណើនបុគ្គលដែលមានទ្រព្យសម្បត្តិលើសពី ៣០លានដុល្លារទូទាំងសកលលោក គឺមានរហូតដល់ ៤,២% ឬប្រហែល ៦២៦ ៦១៩នាក់ ឬជិត ៧០នាក់ ក្នុងមួយនាទី ដោយក្នុងនោះនៅតំបន់អាស៊ី មានកំណើនខ្ពស់បំផុតដាច់គេ៕

The post វៀតណាមនាំមុខសិង្ហបុរី ជាប្រទេសមានកំណើនអភិជនច្រើនជាងគេ នៅតំបន់អាស៊ីប៉ាស៊ីហ្វិក appeared first on .

តើមានទ្រព្យសម្បត្តិប៉ុន្មាន ទើបអាចរាប់ចូលលំដាប់អភិជន?

ឧកញ៉ាសំពៅ — Mon, 04 Jul 2022 09:08:19 +0000

សហរដ្ឋអាមេរិក ជាប់ឈ្មោះជាប្រទេសសំបូរមហាសេដ្ឋីរស់នៅច្រើនបំផុតលើលោក ជាមួយនឹងមហាសេដ្ឋីចំនួនប្រមាណជិត ១ ពាន់នាក់ ខណៈទ្រព្យសម្បត្តិសរុបរបស់ក្រុមមហាសេដ្ឋីទាំងនោះវិញក៏មានលើសលុបប្រហែល ៤,៥ ទ្រីលានដុល្លារផងដែរ។

ដោយសារ មានមហាសេដ្ឋីរស់នៅច្រើនពេក ដូច្នេះហើយការកំណត់ទំហំទ្រព្យសម្បត្តិនៃកម្រិតជីវភាពរបស់ប្រជាជននៅទីនោះ ក៏មានខុសប្លែកពីប្រទេសដ៏ទៃផងដែរ ហើយនៅអាមេរិកគេកំណត់យកកម្រិតជីវភាពលំដាប់អភិជនខុសៗគ្នា ដោយមានការបែងចែក ១២ តំបន់ឯណោះ។

យោងតាមការស្រាវជ្រាវពី Charles Schwab បានឲ្យដឹងថា ជាមធ្យមគ្រួសារដែលមានទ្រព្យសម្បត្តិ ២,២ លានដុល្លារ នឹងរាប់ចូលជាលំដាប់អភិជន ប៉ុន្តែបើសិនជានៅទីក្រុងធំៗដូចជា San Francisco ជាដើម ទ្រព្យសម្បត្តិជាង ៥ លានដុល្លារ ទើបអាចចូលចំណោមអភិជនបាន។

ខាងក្រោមនេះគឺជា បញ្ជីឈ្មោះទីក្រុង ១២ និងការកំណត់ទំហំទ្រព្យសម្បត្តិរបស់ក្រុមអភិជននៅសហរដ្ឋអាមេរិក៖

ទីក្រុង San Francisco ត្រូវមានប្រហែល ៥,១ លានដុល្លារ
ទីក្រុងនៅភាគខាងជើង California រាប់ទាំង Los Angeles និង San Diego ត្រូវមាន ៣,៩ លានដុល្លារ
ទីក្រុង New York ត្រូវមាន ៣,៤ លានដុល្លារ
ទីក្រុង Washington, D.C ត្រូវមាន ៣,៣ លានដុល្លារ
ទីក្រុង Seattle ត្រូវមាន ៣,២ លានដុល្លារ
ទីក្រុង Phoenix ត្រូវមាន ២,៧ លានដុល្លារ
ទីក្រុង Boston ត្រូវមាន ២,៧ លនដុល្លារ
ទីក្រុង Dallas ត្រូវមាន ២,៦ លានដុល្លារ
ទីក្រុង Houston ត្រូវមាន ២,៦ លានដុល្លារ
ទីក្រុង Atlanta ត្រូវមាន ២,៥ លានដុល្លារ
ទីក្រុង Chicago ត្រូវមាន ២,៥ លានដុល្លារ
ទីក្រុង Denver ត្រូវមាន ២,៣ លានដុល្លារ

សូមជម្រាបដែរថា ការធ្វើសម្រង់មតិខាងលើគឺបានធ្វើកាលពីដើមខែកុម្ភៈ ជាមួយនឹងប្រជាជនរស់នៅក្នុងតំបន់ខាងលើចន្លោះពី ៥០០ ទៅ ៧៥០ នាក់ ដែលមានចន្លោះអាយុពី ២១ ដល់ ៧៥ ឆ្នាំ។ នេះបើតាមការចុះផ្សាយពី CNBC៕

The post តើមានទ្រព្យសម្បត្តិប៉ុន្មាន ទើបអាចរាប់ចូលលំដាប់អភិជន? appeared first on .

អភិជនលំដាប់កំពូលៗជិះទៅណាមកណាបែប VIP ចូលចិត្តប្រើកំពូលរថយន្ត Lexus LX600 ប្រភេទនេះណាស់

អ្នកឧកញ៉ាវត្តភ្នំ — Fri, 03 Jun 2022 04:12:19 +0000

Lexus LX600 គ្រាន់តែចេញភ្លាម អន្ទងចិត្តអភិជនលំដាប់ៗជាច្រើននាក់ ដោយសារតែរូបរាងដ៏កាច ជាមួយនឹងប្រព័ន្ធគ្រប់គ្រងដ៏ទំនើប ស័ក្ដិសមឥតខ្ចោះជាមួយនឹងកិត្តិយសរបស់អភិជនតែម្ដង។

កាន់តែអស្ចារ្យជាងនេះទៀត Lexus បានបញ្ចេញនូវម៉ូដែល VIP មួយទៀតគឺ Lexus LX600 VIP Kuro 2022 ជាមួយនឹងបច្ចេកវិទ្យាដ៏ទំនើប និងរូបរាងទាំងក្រៅក្នុងប្រកបដោយប្រណីតភាព និងភាពស៊ីវិល័យជាងម៉ូដែលមុនៗ។ លក្ខណៈពិសេសដ៏លេចធ្លោ លើជំនាន់កំពូលរថយន្ត SUV ចេញថ្មី Lexus LX600 Kuro កៅអី៤ បែប VIP នេះ មានច្រើនសឹងរាប់មិនអស់ តែចំណុចដ៏ទាក់ទាញប្លែក ដែលត្រកូល Lexus សិស្សច្បងមិនមានដូចនោះ រួមមាន៖ កៅអីជួរទី2 ប្រភេទ VIP ចុចបញ្ជានៅលើ Screen កណ្ដាល (ទម្រត ទម្រជើង និងមានមុខងារម៉ាស្សា)
ពូករចនាមកពីស្បែកប្រណិត និងជាប្រភេទខ្យល់ត្រជាក់ទាំង 4កៅអី ជាពិសេសមានបំពាក់នូវមុខងារស្កែនក្រយ៉ៅដៃបញ្ជាបញ្ឆេះពីចម្ងាយបានថែមទៀតផង។

ម៉ូដែល Kuro សារនេះ ផលិតឡើងតម្រូវគ្រួសារអភិជនគ្នាតិច ពោលគឺមានតែ ៤ កៅអីប៉ុណ្ណោះ ប៉ុន្តែគ្រប់កៅអីសុទ្ធតែរចនាដោយស្បែក VIP សុទ្ធសាធ ស្របពេលរថយន្តមួយនេះបំពាក់ដោយម៉ាស៊ីន 3,5L V6 Twin-Turbo អាចផលិតកម្លាំងបានដល់ 409Hp ដំណើរការដោយប្រព័ន្ធបញ្ជាប្រអប់លេខអូតូ ១០ វគ្គ រីឯធុងផ្ទុកសាំងវិញគឺមានចំណុះដល់ ១១០ លីត្រឯណោះ ហើយរយៈចំងាយ ១០០ គីឡូម៉ែត្រ ស៊ីសាំងត្រឹមតែ ១០,៥ លីត្រប៉ុណ្ណោះ។

មុខងារដ៏ពិសេសៗជាច្រើនទៀតដែលបំពាក់មកជាមួយរថយន្តម៉ូដែល VIP Kuro មួយនេះមានដូចជា ប្រព័ន្ធគ្រប់គ្រងសុវត្ថិភាពពេលបើកបរលើផ្លូវរអិល កាមេរ៉ា ៣៦០ ដឺក្រេ មានពោងសុវត្ថិភាពទាំងមុខ និងក្រោយ ហើយកៅអីដែលបំពាក់លើរថយន្តទាំងអស់សុទ្ធតែមានមុខងារម៉ាស្សា មានមុខងារប្រាប់ឧបសគ្គនៅខាងមុខ មានសេនស័រផ្ដល់ដំណឹង ៨ គ្រាប់ទាំងមុខក្រោយ។

តម្លៃរបស់រថយន្ត Lexus LX600 VIP Kuro 2022 នៅលើទីផ្សារប្រទេសកម្ពុជានាពេលបច្ចុប្បន្ន អាចមានចន្លោះពីជាង ៤១ម៉ឺនដុល្លារ ឡើងទៅ អាស្រ័យលើលើពណ៌ និងការតុបតែងលំអផ្សេងៗបន្ថែមទៀត៕

ប្រភពរូបភាព៖ គឹមស្រ៊ុន ព្រីមៀមអូតូ

The post អភិជនលំដាប់កំពូលៗជិះទៅណាមកណាបែប VIP ចូលចិត្តប្រើកំពូលរថយន្ត Lexus LX600 ប្រភេទនេះណាស់ appeared first on .

អភិជន

វៀតណាមនាំមុខសិង្ហបុរី ជាប្រទេសមានកំណើនអភិជនច្រើនជាងគេ នៅតំបន់អាស៊ីប៉ាស៊ីហ្វិក

តើ​មាន​ទ្រព្យសម្បត្តិ​ប៉ុន្មាន​ ទើប​អាច​រាប់​ចូល​លំដាប់​អភិជន?

អភិជនលំដាប់កំពូលៗជិះទៅណាមកណាបែប VIP ចូលចិត្តប្រើកំពូលរថយន្ត Lexus LX600 ប្រភេទនេះណាស់

តើមានទ្រព្យសម្បត្តិប៉ុន្មាន ទើបអាចរាប់ចូលលំដាប់អភិជន?