កំពង់ផែទំនិញរាយ និងទេសចរណ៍ដងទង់ ខេត្តកោះកុងបានបើកការដ្ឋាននៅព្រឹកនេះហើយ

អ្នកឧកញ៉ាវត្តភ្នំ — Thu, 13 May 2021 04:24:21 +0000

នៅព្រឹកថ្ងៃទី១៣ ខែឧសភា ឆ្នាំ២០២១នេះ ក្រសួងសាធារណការ និងដឹកជញ្ជូន ជាមួយរដ្ឋបាលខេត្តកោះកុង បើកការដ្ឋានសាងសង់កំពង់ផែទំនិញរាយ និងទេសចរណ៍ដងទង់ នៅក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុងហើយ។

ការចុះត្រួតពិនិត្យនេះគឺគោលបំណង ដើម្បីពិភាក្សាសិក្សាស្វែងយល់បន្ថែម អំពីសក្តានុពលនៃទីតាំងសម្រាប់សាងសង់កំពង់ផែទេសចរណ៍ផង និងសម្រាប់ការដឹកជញ្ជូនទំនិញឆ្លងកាត់ផង។

តាមការវាយតម្លៃ ការអភិវឌ្ឍកំពង់ផែននេះនឹងផ្តល់ផលប្រយោជន៍ជម្រុញកំណើននៃវិស័យទេសចរណ៍ វិស័យសេដ្ឋកិច្ច និងការងារដឹកជញ្ជូនគ្រប់ប្រភេទរបស់ខេត្តអោយកាន់តែងាយស្រួល និងមានប្រសិទ្ធភាពខ្ពស់ ជាមួយបណ្តាខេត្តជាប់មាត់សមុទ្ររបស់កម្ពុជា និងប្រទេសជិតខាង។

គួរបញ្ជាក់ថា កាលពីអំឡុងខែមករា ឆ្នាំ ២០២១ ឯកឧត្ដម ឡេង ធនយុទ្ធា និង ឯកឧត្ដម អៀង វេងស៊ុន រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំគណៈប្រតិភូជាន់ខ្ពស់របស់ក្រសួង និងមន្ត្រីជំនាញ ចុះត្រួតពិនិត្យដល់ទីតាំងគម្រោងសាងសង់កំពង់ផែទេសចរណ៍ក្រុងខេមរៈភូមិន្ទ ខេត្តកោះកុង ដោយមានការសហការចូលរួមពីគ្រប់ភាគីពាក់ព័ន្ធ៕

The post កំពង់ផែទំនិញរាយ និងទេសចរណ៍ដងទង់ ខេត្តកោះកុងបានបើកការដ្ឋាននៅព្រឹកនេះហើយ appeared first on .

សម្ដេច ហ៊ុន សែន ៖ផ្លូវក្រោមទឹក និងស្ពានអាកាសចំនួន ៤ ទៀត នឹងមានវត្តមាននៅកម្ពុជា

កូនចៅឧកញ៉ា — Wed, 15 Jan 2020 02:42:28 +0000

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា បច្ចុប្បន្ន កម្ពុជា បាននឹងកំពុងយកចិត្ដទុកដាក់លើការអភិវឌ្ឍប្រព័ន្ធហេដ្ឋារចនាសម្ព័នជាច្រើនដូចជា ផ្លូវថ្នល់ ផ្លូវដែក ផ្លូវអាកាស ស្ពានឆ្លងទន្លេ ស្ពានអាកាស និងកំពង់ផែជាដើម ដើម្បីធ្វើយ៉ាងណាឲ្យការដឹកជញ្ជូន និងការធ្វើដំណើររបស់ប្រជាជន មានភាពងាយស្រួល។

ទន្ទឹមនឹងនេះ ប្រមុខរាជរដ្ឋាភិបាលកម្ពុជា សម្ដេច ហ៊ុន សែន បានថ្លែងថា នាពេលខាងមុខនេះកម្ពុជានឹងធ្វើស្ពានអាកាស ៤កន្លែងទៀត ដើម្បីបំពេញតម្រូវការពលរដ្ឋក្នុងការធ្វើដំណើរ ខណៈស្ពានអាកាស ៥កន្លែងកំពុងដាក់ឲ្យប្រើប្រាស់រួចហើយ។ ការលើកឡើងរបស់សម្ដេចធ្វើឡើងក្នុងឱកាសអញ្ជើញជាអធិបតីភាព ពិធីបើកការដ្ឋានសាងសង់ផ្លូវក្រវាត់ក្រុងទី៣ ប្រវែង ៥២,៩៨៣គីឡូម៉ែត្រឆ្លងកាត់រាជធានីភ្នំពេញ និងខេត្តកណ្ដាលកាលពីដើមខែមករា ឆ្នាំ២០១៩ កន្លងទៅ។

ចំពោះផ្លូវក្រោមទឹកវិញ សម្តេចបានបញ្ជាក់ដូច្នេះថា «តិចទៀតនឹងធ្វើផ្លូវក្រោមទឹក ដោយមិនបាច់ធ្វើស្ពានឆ្លងទន្លេទៀតទេ។ សូមជម្រាបថា ផ្លូវក្រោមទឹកនេះបច្ចុប្បន្នក៏មានក្រុមហ៊ុន OCIC កំពុងសិក្សាលទ្ឋភាពដើម្បីសាងសង់ ពីកោះពេជ្រទៅកាន់ទីក្រុងកោះនរាហ៍ផងដែរ»។

ដោយឡែក ស្ពានអាកាសវិញ នាពេលបច្ចុប្បន្ន កម្ពុជាមានចំនួន ៥ ហើយដែលកំពុងដាក់ឲ្យប្រើប្រាស់ ដោយក្នុងនោះរួមមាន ស្ពានអាកាសក្បាលថ្នល់, ស្ពានអាកាស៧មករា ឬហៅក្រៅថា ស្ពានអាកាសពេទ្យលោកសង្ឃ, ស្ពានអាកាសស្ទឹងមានជ័យ, ស្ពានអាកាសទិចណូ, ស្ពានអាកាសផ្សារដីហុយ។

ហើយនាពេលខាងមុខស្ពានអាកាសរង្វង់មូលចោមចៅ ដែលជាស្ពានអាកាសទី៦របស់កម្ពុជា ក៏នឹងត្រូវដាក់ឲ្យដំណើរការផងដែរ ខណៈបច្ចុប្បន្នការសាងសង់សម្រេចបានមួយភាគធំហើយ ក្នុងនោះក្រុមការងារសាងសង់ក៏កំពុងដុតដៃដុតជើងលើការសាងសង់យ៉ាងមមាញឹកផងដែរ ៕ អត្ថបទ៖ សិរិកា

The post សម្ដេច ហ៊ុន សែន ៖ផ្លូវក្រោមទឹក និងស្ពានអាកាសចំនួន ៤ ទៀត នឹងមានវត្តមាននៅកម្ពុជា appeared first on .

អភិវឌ្ឍន៍សង្គម

កំពង់ផែទំនិញរាយ និងទេសចរណ៍ដងទង់ ខេត្តកោះកុង​បាន​បើកការដ្ឋាន​នៅ​ព្រឹកនេះហើយ

សម្ដេច ហ៊ុន សែន ៖ផ្លូវ​ក្រោម​ទឹក និង​ស្ពាន​អាកាស​ចំនួន​ ៤ ទៀត នឹងមាន​វត្តមាន​នៅ​កម្ពុជា

កំពង់ផែទំនិញរាយ និងទេសចរណ៍ដងទង់ ខេត្តកោះកុងបានបើកការដ្ឋាននៅព្រឹកនេះហើយ

សម្ដេច ហ៊ុន សែន ៖ផ្លូវក្រោមទឹក និងស្ពានអាកាសចំនួន ៤ ទៀត នឹងមានវត្តមាននៅកម្ពុជា