អរិយក្សត្រ

អ្នកជំនាញ៖ ក្រុង/ស្រុក ដែលរាជរដ្ឋាភិបាលទើបបង្កើតថ្មីគឺជាកន្លែងដ៏ល្អសម្រាប់ការរីកចម្រើនផ្នែកអចលនទ្រព្យ

ឧកញ៉ាកោះក្របី — Tue, 31 Jan 2023 08:48:38 +0000

រដ្ឋាភិបាលកម្ពុជាក្នុងពេលតែមួយ កាលពីថ្ងៃទី២៣ ខែធ្នូ ឆ្នាំ២០២២ថ្មីៗនេះ បានចេញអនុក្រឹត្យជាបន្តបន្ទាប់សម្រេចបង្កើតក្រុងថ្មីចំនួនបីបន្ថែមទៀត និងពង្រីកស្រុកថ្មីពីរបន្ថែម គឺក្រុងក្រុងអរិយក្សត្រ និងសំពៅពូន ស្ថិតក្នុងខេត្តកណ្ដាល រីឯក្រុងឧដុង្គម៉ែជ័យស្ថិតក្នុងស្រុកឧដុង្គខេត្តកំពង់ស្ពឺ ខណៈស្រុកឧដុង្គក៏ត្រូវបានពង្រីកស្រុកមួយបន្ថែមទៀតដែរគឺស្រុកសាមគ្គីមុនីជ័យ។ ជាមួយគ្នានេះ ស្រុកថ្មីមួយទៀតក៏ត្រូវបានបង្កើតនៅខេត្តក្រចេះឈ្មោះថា ស្រុកអូរគ្រៀងសែនជ័យ ។

ជុំវិញការបង្កើតក្រុង/ស្រុកថ្មីចំនួន ៤នេះ អ្នកជំនាញក្នុងវិស័យអចលនទ្រព្យ ឧកញ៉ា សំ សុខនឿន ប្រធានសមាគមអចលនទ្រព្យសកល បានមើលឃើញថា ការបង្កើតក្រុងថ្មីជាសញ្ញាវិជ្ជមានដែលនឹងចូលរួមពង្រីកសក្តានុពលវិស័យអចលនទ្រព្យនៅតំបន់នោះឲ្យមានការរីកចម្រើនឡើងបន្ថែមទៀត។

ប្រសាសន៍ឧកញ៉ា សំ សុខនឿន៖

សូមជម្រាបជូនថា គិតត្រឹមឆ្នាំ២០២០ កម្ពុជាមានរាជធានី-ខេត្ត ចំនួន២៥, ក្រុងចំនួន២៧, ស្រុកចំនួន១៦២, ខណ្ឌចំនួន១៤, ឃុំចំនួន១,៤០៥, សង្កាត់ចំនួន២៤១ និងភូមិចំនួន១៤,៣៩៤។

ទន្ទឹងនឹងនេះដែរ អ្នកជំនាញអចលនទ្រព្យ ឧកញ៉ា សំ សុខនឿន បានបង្ហាញការយល់ឃើញថា នៅឆ្នាំ២០២៣ វិស័យអចលនទ្រព្យកម្ពុជានឹងជួបការលំបាកជាងឆ្នាំ ២០២២ បើទោះបីស្ថានភាពនៃការរីករាលដាលជំងឺកូវីដ១៩ និងវិបត្តិសង្គ្រាមនៅអ៊ុយក្រែន អាចនឹងមានភាពធូរស្រាលជាងឆ្នាំ ២០២២ ក៏ដោយ។ ទោះយ៉ាងណា លោកឧកញ៉ាគិតថា រដ្ឋាភិបាលកំពុងដាក់ចេញនូវយុទ្ធសាស្ត្រថ្មីៗជាច្រើនដើម្បីទាក់ទាញវិនិយោគិនបរទេស និងទេសចរឱ្យចូលមកបណ្តាក់ទុននៅកម្ពុជាកាន់តែច្រើន។ នៅពេលសេដ្ឋកិច្ចក្នុងប្រទេសមានដំណើរការល្អ វានឹងជួយឱ្យទីផ្សារអចលនទ្រព្យមានចលនាឡើងវិញទៅតាមនោះដែរ។

ឧកញ៉ា សំ សុខនឿន បានលើកឡើងគូសបញ្ជាក់ថា តាមពិតទៅវិស័យអចលនទ្រព្យកម្ពុជាបានទទួលរងផលប៉ះពាល់តាំងពីមុនវត្តមានរបស់ជំងឺកូវីដ ១៩ ទៅទៀត គឺនៅក្នុងឆ្នាំ ២០១៩ នៅពេលដែលរាជរដ្ឋាភិបាលសម្រេចលុបបំបាត់ Game Online ពីទឹកដីរបស់កម្ពុជា ដែលធ្វើឱ្យវិនិយោគិនបរទេសលើទីផ្សារល្បែងអនឡាញ ភាគច្រើនជាវិនិយោគិនចិន និងមានទីតាំងក្នុងខេត្តព្រះសីហនុ នាំគ្នាចាកចេញពីកម្ពុជា ដែលធ្វើឱ្យសកម្មភាពទិញ-លក់-ជួល និងគម្រោងសាងសង់ជាច្រើនត្រូវគាំងមកដល់ពេលនេះ។

បន្ថែមលើនេះវិបត្តិសេដ្ឋកិច្ចបណ្តាលមកពីការរីករាលដាលជំងឺកូវីដ ១៩ នាចុងឆ្នាំ ២០១៩ ក៏បានបន្ថែមទម្ងន់មួយកម្រិតទៅទៀតដល់ទីផ្សារអចលនទ្រព្យកម្ពុជា ក៏ដូចជាពិភពលោកទាំងមូល តាមរយៈការដាក់ចេញនូវវិធានការបិទខ្ទប់របស់រដ្ឋាភិបាលនៃប្រទេសនីមួយៗ និងការលុបចោលជើងហោះហើរ ដែលធ្វើឱ្យចរន្តធ្វើដំណើររបស់ភ្ញៀវ និងវិនិយោគិនអន្តរជាតិធ្លាក់ចុះដល់សូន្យ។

ក្នុងឆ្នាំ២០២៣ វិស័យសំណង់នឹងស្ទុះឡើងត្រឹមកម្រិតរង្វង់១,១ ខណៈវិស័យអចលនទ្រព្យនឹងកើនឡើងក្នុងរង្វង់១,២។ សន្ទុះនៃភាពយឺតយ៉ាវរបស់វិស័យទាំងពីរនេះដោយសារតែកម្សោយនៃលំហូរវិនិយោគទុនពីបរទេស។ នេះបើតាមលោក វង្សី វិស្សុត រដ្ឋលេខាធិការប្រចាំការនៃក្រសួងសេដ្ឋកិច្ចដែលដឹកនាំវេទិកាសាធារណៈនៅថ្ងៃទី២៥ ខែមករា ឆ្នាំ២០២៣។

សូមជម្រាបជូនផងដែរថា ក្នុងឆ្នាំ២០២៣រដ្ឋាភិបាលកម្ពុជាចំណាយថវិកាសរុបជិត១០ពាន់លានដុល្លារ។ក្នុងនោះ៧២០០លានដុល្លារជាចំណូលក្នុងស្រុក ៦០០លានដុល្លារជាប្រាក់សន្សំ និង១៨០០លានដុល្លារជាកម្ចីបរទេស៕

The post អ្នកជំនាញ៖ ក្រុង/ស្រុក ដែលរាជរដ្ឋាភិបាលទើបបង្កើតថ្មីគឺជាកន្លែងដ៏ល្អសម្រាប់ការរីកចម្រើនផ្នែកអចលនទ្រព្យ appeared first on .

ឧកញ៉ា២រូប លើកឡើងពីតម្លៃអចលនទ្រព្យ តំបន់អរិយក្សត្រ ក្រោយការបង្កើតក្រុងថ្មី

ឧកញ៉ាដែនដី — Tue, 27 Dec 2022 04:14:47 +0000

ឧកញ៉ា២រូបដែលសុទ្ធតែអ្នកជំនាញអចលនទ្រព្យ បានបង្ហាញទស្សនៈស្រដៀងគ្នាចំពោះតម្លៃអចលទ្រព្យ នៅតំបន់អរិយក្សត្រ ថានឹងបន្តស្ទុះឡើងខ្លាំងទៅមុខទៀត បន្ទាប់ពីរាជរដ្ឋាភិបាល សម្រេចបង្កើតក្រុងអរិយក្សត្រ នៃខេត្តកណ្តាល កាលពីចុងសប្តាហ៍កន្លងទៅ។

ឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ

ឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ មានប្រសាសន៍ថា៖ “ដីធ្លីនៅតំបន់អរិយក្សត្រ ជាពេលដែលត្រូវឡើងថ្លៃ ពីព្រោះតំបន់ដែលនៅជិតរាជធានីភ្នំពេញ មានតែតំបន់ហ្នឹងមួយទេ (អរិយក្សត្រ) មានតម្លៃសមរម្យ ដោយកន្លងមកជួបបញ្ហាការលំបាកធ្វើដំណើរ។ បើគ្មានស្ពានទេត្រូវការពេលវេលាយូរក្នុងការឆ្លងសាឡង”។

លោកឧកញ៉ា បានគូសបញ្ជាក់ថា នៅពេលមានស្ពានប្រជាជនមានភាពងាយស្រួលក្នុងការធ្វើដំណើរ អ្នកវិនិយោគទុនជាតិ អន្តរជាតិ ក៏អាចវិនិយោគអចលនទ្រព្យនៅតំបន់នោះ ព្រោះចរាចរនឹងកើនឡើងខ្ពស់ ហើយការអភិវឌ្ឍនឹងរីកចម្រើនលឿន ដោយសារមានស្ពានភ្ជាប់ជាមួយរាជធានី។

ចំណែកឯឧកញ៉ា សំ សុខនឿន ប្រធានសមាគមអចលនទ្រព្យសកល បានថ្លែងថា ការបង្កើតក្រុងថ្មីនេះ គឺជាសញ្ញាណមួយដ៏ល្អដែលបង្ហាញថា តំបន់នោះជាតំបន់មានសក្តានុពល មានអត្រាប្រជាជន និងសេដ្ឋកិច្ចកើនឡើង ព្រមទាំងបង្ហាញថា រាជរដ្ឋាភិបាលនៅតែបន្តអភិវឌ្ឍន៍ហេដ្ឋារចនាសម្ព័ន្ធ នៅតាមតំបន់នានាជាបន្តបន្ទាប់ឱ្យកាន់តែរីកចម្រើន។

ឯឧកញ៉ា សំ សុខនឿន ប្រធានសមាគមអចលនទ្រព្យសកល

លោកឧកញ៉ា បានបន្ថែមថា កត្តានេះ ជាសញ្ញាណល្អមួយ សម្រាប់តម្លៃអចលនទ្រព្យ ដែលនឹងធ្វើឱ្យតម្លៃដីនឹងកើនឡើង។ លោកបន្ថែមថា អរិយក្សត្រ កន្លងមកគឺតំបន់ពេជ្យមិនទាន់ច្នៃ បើទោះបីជាតំបន់នេះ ស្ថិតនៅក្បែររាជធានីភ្នំពេញក្តី ប៉ុន្តែក្រោយពេលរាជរដ្ឋាភិបាល ចេញអនុក្រឹត្យបង្កើតក្រុងជាផ្លូវការបែបនេះ មានន័យថា រាជរដ្ឋាភិបាល កំពុងតែត្រៀមខ្លួន ជំរុញឱ្យតំបន់អរិយក្សត្រ កាន់តែរីកចម្រើនថែមទៀត ទាំងហេដ្ឋារចនាសម្ព័ន្ធ និងកំណើនប្រជាជន។

គួរបញ្ជាក់ថា កាលពីថ្ងៃសុក្រ ទី២៣ ខែធ្នូ ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រឹត្យ បង្កើតក្រុងអរិយក្សត្រ នៃខេត្តកណ្តាល ដោយកាត់ឃុំចំនួន ០៦ ពីស្រុកខ្សាច់កណ្តាល គឺឃុំបាក់ដាវ ឃុំកោះឧកញ៉ាតី ឃុំព្រែកអំពិល ឃុំព្រែកលួង ឃុំព្រែកតាកូវ និងឃុំស្វាយជ្រុះ និងឃុំចំនួន ០៥ ពីស្រុកល្វាឯម គឺឃុំអរិយក្សត្រ ឃុំសារិកាកែវ ឃុំពាមឧកញ៉ាអុង ឃុំព្រែកក្មេង និងឃុំបារុង។ នេះមានន័យថា ក្រុងអរិយក្សត្រ មានសង្កាត់សរុបចំនួន ១១ ខណៈដែលទីតាំងរដ្ឋបាល ក្រុងអរិយក្សត្រ គឺស្ថិតនៅក្នុងសង្កាត់អរិយក្សត្រ៕

The post ឧកញ៉ា២រូប លើកឡើងពីតម្លៃអចលនទ្រព្យ តំបន់អរិយក្សត្រ ក្រោយការបង្កើតក្រុងថ្មី appeared first on .

ថ្ងៃស្អែកសម្តេចតេជោ អញ្ជើញចុះហត្ថលេខាទទួលប្រាក់កម្ចីពីកូរ៉េ គ្រោងសង់ស្ពានជ្រោយចង្វារ-អរិយក្សត្រ

ឧកញ៉ាដែនដី — Thu, 08 Dec 2022 05:16:05 +0000

នៅព្រឹកថ្ងៃសុក្រ ទី០៩ ខែធ្នូ ឆ្នាំ២០២២ស្អែកនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញជាអធិបតីក្នុងពិធីប្រគល់ និងទទួលប្រាក់កម្ចីសរុបជិត ២ពាន់លានដុល្លារអាមេរិក សម្រាប់គាំទ្រការអភិវឌ្ឍនៅកម្ពុជា និងគម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ, ជ្រោយចង្វារ-អរិយក្សត្រ)។

យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា ពិធីប្រគល់-ទទួលនៅវិមានសន្តិភាពនេះ នឹងចុះហត្ថលេខាលើឯកសារគោលសំខាន់ៗចំនួន២គឺ៖

ទី១. ការចុះហត្ថលេខាលើកិច្ចសម្របសម្រួលក្របខណ្ឌ ស្ដីពីការផ្ដល់ឥណទានសម្បទាន នៃមូលនិធិសហប្រតិបត្តិការអភិវឌ្ឍន៍សេដ្ឋកិច្ចសម្រាប់ឆ្នាំ២០២២-២០២៦ ដែលមានទំហំទឹកប្រាក់ចំនួន ១៥០០លានដុល្លារអាមេរិក។ ឯកសារនេះ ត្រូវចុះហត្ថលេខារវាងលោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និង លោក ប៉ាក ហឹងឃ្យង (PARK Heung-kyeong) ឯកអគ្គរដ្ឋទូតនៃសាធារណរដ្ឋកូរ៉េ ប្រចាំកម្ពុជា។

ទី២. ការចុះហត្ថលេខាលើគម្រោងពង្រឹងសមត្ថភាពប្រព័ន្ធបណ្ដាញបញ្ជូនអគ្គិសនីនៅខេត្តព្រះសីហនុ ដែលមានទឹកប្រាក់ចំនួន ៧០,០០០,០០០ដុល្លារអាមេរិក និង គម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ, ជ្រោយចង្វារ-អរិយក្សត្រ) ដែលមានទឹកប្រាក់ចំនួន ២៤៥,៩០៩,០០០ដុល្លារអាមេរិក។ ឯកសារនេះ ត្រូវចុះហត្ថលេខាដោយអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោកស្រី Minnie CHEY ប្រធានមូលនិធិសម្រាប់កិច្ចសហប្រតិបត្តិការអភិវឌ្ឍន៍សេដ្ឋកិច្ច នៃធនាគារនីហ័រណអាហ័រណកូរ៉េប្រចាំកម្ពុជា។

ឥណទានសម្បទានដែលផ្ដល់ដោយរដ្ឋាភិបាលនៃសាធារណរដ្ឋកូរ៉េនាពេលនេះ នឹងចូលរួមចំណែកដ៏សំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ពន្លឿនការអភិវឌ្ឍសេដ្ឋកិច្ច ព្រមទាំងពង្រឹងបន្ថែមទៀត នូវទំនាក់ទំនងល្អ ដែលមានស្រាប់រវាងប្រជាជាតិទាំងពីរ។

គួររំឮកថា ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ២១ ប្រវែង ៦៣,៦គីឡូម៉ែត្រ ចាប់ពីរង្វង់មូលតាខ្មៅ ដល់ជ្រៃធំ ក្រោមឥណទានសម្បទានពីរដ្ឋាភិបាល នៃសាធារណរដ្ឋកូរ៉េ កាលព្រឹកថ្ងៃទី២៣ ខែមីនា ឆ្នាំ២០២២ សម្តេចតេជោ ហ៊ុន សែន បានមានប្រសាសន៍ថា ប្រទេសកូរ៉េខាងត្បូង បានឯកភាពរួចរាល់ហើយនូវក្នុងការជួយកម្ពុជាសាងសង់ស្ពានមិត្តភាពកម្ពុជា-កូរ៉េ អរិយក្សត្រ ពិសេសជាងនេះទៅទៀត ជួយសាងសង់ស្ពានដល់ទៅ២ឯណោះ ដែលគល់ស្ពានមានទីតាំងគឺស្ថិតនៅត្រង់ចំណុចគល់ផ្សាររាត្រី ឆ្ពោះទៅកាន់តំបន់អរិយក្សត្រ។

សម្តេចតេជោ ហ៊ុន សែនបានបញ្ជាក់យ៉ាងច្បាស់ៗថា គម្រោងសាងសង់ស្ពានទៅតំបន់អរិយក្សត្រនេះ គឺយើងនឹងសាងសង់ស្ពានដល់ទៅ២ ដែលស្ពានទី១មានទីតាំងស្ថិតនៅត្រង់ចំណុចគល់ផ្សាររាត្រីទៅជ្រោយចង្វារ និងស្ពានមួយទៀតសាងសង់ពីតំបន់ជ្រោយចង្វារទៅអរិយក្សត្រ ពោលគឺស្ពានមួយឆ្លងកាត់ទន្លេសាប ស្ពានមួយឆ្លងកាត់ទន្លេមេគង្គ៕

The post ថ្ងៃស្អែកសម្តេចតេជោ អញ្ជើញចុះហត្ថលេខាទទួលប្រាក់កម្ចីពីកូរ៉េ គ្រោងសង់ស្ពានជ្រោយចង្វារ-អរិយក្សត្រ appeared first on .

តំបន់អរិយក្សត្រ ស្រុកល្វាឯម បោះពួយមួយជំហានទៀត ក្រោយគម្រោងទាំងនេះរួចរាល់

ឧកញ៉ាកោះក្របី — Sat, 22 Oct 2022 09:15:26 +0000

ប្រសិនបើគ្មានអ្វីប្រែប្រួលនោះទេ គម្រោងថ្មីមួយគ្រោងដុះឡើងនៅក្នុងទឹកដីអរិយក្សត្រ ស្រុកល្វាឯម ខេត្តកណ្ដាល។ គម្រោងនេះជាប់នឹងកំពង់ចម្លងអរិយក្សត្រអភិវឌ្ឍន៍ដោយក្រុមហ៊ុន ឃុន សៀ អាហរ័ណនីហរ័ណ គ្រប់គ្រងពីឧកញ៉ា ឃុន សៀ ដែលទទួលសិទ្ធិពីរាជរដ្ឋាភិបាលក្នុងការអនុបយោគលើផ្ទៃដីទំហំជាង ៧០ហិកតា។

បច្ចុប្បន្នគម្រោងនេះ កំពុងតែពន្លឿននៃការអភិវឌ្ឍ និងធ្វើច្រាំងទន្លេឱ្យដូចទីក្រុងកោះពេជ្រ និងកោះនរា។ លោក គង់ សោភ័ណ្ឌ អភិបាលខេត្តកណ្តាល ធ្លាប់បានបញ្ជាក់ថា ការចាក់ថ្មលុបទន្លេនេះ គឺជាការអភិវឌ្ឍន៍ស្រដៀងនិងតំបន់កោះពេជ្រ និងកោះនរា ហើយចំពោះការអភិវឌ្ឍទៀតសោត នឹងបង្កើតជាតំបន់ទេសចរណ៍ ឬអាគារពាណិជ្ជកម្មខ្ពស់ៗ។

ទន្ទឹមនឹងនេះ កម្ពុជាក៏បានឈានមួយជំហានធំជាមួយនឹងគម្រោងសាងសង់ស្ពាននៅតំបន់អរិយក្សត្រ ដែលត្រូវរដ្ឋាភិបាលកូរ៉េខាងត្បូងប្រកាសជួយកសាងទុកជាចំណងដៃមិត្តភាពកម្ពុជា-កូរ៉េ ខណៈបច្ចុប្បន្នក្រសួងសាធារណការ និងក្រុមហ៊ុនកំពុងសិក្សានឹងឈានទៅបើកការដ្ឋានសាងសង់ឆាប់ៗខាងមុខ។

ថ្លែងទៅកាន់អ្នកសារព័ត៌មាន ទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន បានឲ្យដឹងថាស្ពានមិត្តភាពកម្ពុជា-កូរ៉េខាងត្បូង គ្រោងនឹងចាប់ផ្តើមសាងសង់នៅឆ្នាំ២០២៣ ខាងមុខ ខណៈដែលការសិក្សាគម្រោងជិតចប់សព្វគ្រប់អស់ហើយ។

ជាមួយគ្នានេះ រាជរដ្ឋាភិបាល ក៏បានប្រកាសសិក្សាគម្រោងបង្កើតក្រុងថ្មីមួយបន្ថែម នៅក្នុងស្រុកល្វាឯម ដែលស្ថិតនៅខាងកើតទន្លេចតុមុខ។ ចំពោះសក្តានុពលនៃការអភិវឌ្ឍនៅតំបន់អរិយក្សត្រ ស្រុកល្វាឯម អ្នកជំនាញបានលើកឡើងថា នឹងធ្វើឲ្យអ្នកវិនិយោគជាតិ និងអន្តរជាតិ មានការចាប់អារម្មណ៍ ហើយធ្វើឲ្យតម្លៃអចលនទ្រព្យនៅតំបន់អរិយក្សត្រមានតម្លៃកាន់តែឡើងខ្ពស់ខ្លាំង។

ឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ ប្រាប់សារព័ត៌មានឧកញ៉ាញូស៍ថា៖ “ដីធ្លីនៅតំបន់អរិយក្សត្រវាជាពេលដែលត្រូវឡើងថ្លៃ ពីព្រោះតំបន់ដែលនៅជិតរាជធានីភ្នំពេញមានតែតំបន់ហ្នឹងមួយទេ (អរិយក្សត្រ) មានតម្លៃសមរម្យ ដោយកន្លងមកជួបបញ្ហាការលំបាកធ្វើដំណើរ។ បើគ្មានស្ពានទេត្រូវការពេលវេលាយូរក្នុងការឆ្លងសាឡង”។

លោកគូសបញ្ជាក់ថា នៅពេលមានស្ពានប្រជាជនមានភាពងាយស្រួលក្នុងការធ្វើដំណើរ អ្នកវិនិយោគទុនជាតិ អន្តរជាតិ ក៏អាចវិនិយោគអចលនទ្រព្យនៅតំបន់នោះ ព្រោះចរាចរនឹងកើនឡើងខ្ពស់ ហើយការអភិវឌ្ឍនឹងរីកចម្រើនលឿនដោយសារមានស្ពានភ្ជាប់ជាមួយរាជធានី។

ដំណឹងនៃការសាងសង់ស្ពានភ្ជាប់ទៅតំបន់អរិយក្សត្រ និងការបង្កើតក្រុងល្វាឯម បានធ្វើឲ្យហាងឆេងដីធ្លីនៅតំបន់នោះហើបឡើងយ៉ាងខ្លាំង។ បើតាមឈ្មួញរកស៊ីអចលទ្រព្យ បច្ចុប្បន្នដីនៅអរិយក្សត្រតំបន់ល្អជាប់មាត់ទន្លេ មានតម្លៃជាមធ្យមក្នុងរង្វង់ ១ ០០០ ដុល្លារក្នុង ១ ម៉ែត្រការ៉េ។ ចំណែកដីឡូត៍លំនៅឋានមានតម្លៃក្នុងរង្វង់ ១០០-៣០០ ដុល្លារ និងដីសម្រាប់អភិវឌ្ឍន៍ធំៗមានតម្លៃជាមធ្យមចន្លោះពី ១៨០-២៥០ ដុល្លារ៕

The post តំបន់អរិយក្សត្រ ស្រុកល្វាឯម បោះពួយមួយជំហានទៀត ក្រោយគម្រោងទាំងនេះរួចរាល់ appeared first on .

ច្បាស់ការ ស្ពានឆ្លងទន្លេទៅអរិយក្សត្រ សម្រេចយកទីតាំងសាងសង់ចេញពីម្តុំផ្សាររាត្រី

ឧកញ៉ាមហាសម្បត្តិ — Wed, 23 Mar 2022 02:55:36 +0000

ប្រមុខរដ្ឋាភិបាលបានថ្លែងក្នុងពិធីសម្ពោធផ្លូវជាតិលេខ ២១ នៅព្រឹកនេះ ដោយបង្ហើបពីគម្រោងសាងសង់ស្ពានឆ្លងទន្លេពីភ្នំពេញភ្ជាប់ទៅតំបន់អរិយក្សត្រដែលជាគម្រោងជំនួយរបស់រដ្ឋាភិបាលកូរ៉េ។

សម្តេចតេជោ ហ៊ុន សែន បានបញ្ជាក់យ៉ាងដូច្នេះថា ស្ពានតភ្ជាប់ពីភ្នំពេញទៅកាន់តំបន់អរិយក្សត្រ បានសម្រេចយកទីតាំងសាងសង់ចេញពីម្តុំផ្សាររាត្រីទៅកាន់ជ្រោយចង្វា និងចេញជ្រោយចង្វាទៅអរិយក្សត្រ។

សម្តេចតេជោ ហ៊ុន សែន បានថ្លែងថា រដ្ឋាភិបាលកូរ៉េខាងត្បូង បានសម្រេចផ្តល់ថវិកាសម្រាប់សាងសង់ស្ពានតភ្ជាប់ភ្នំពេញ ទៅអរិយក្សត្ររួចហើយ ដោយបានដាក់ជម្រើសទីតាំងជាច្រើនកន្លែង។ ក្រោយការសិក្សាគឺសម្រេចយកទីតាំងសាងសង់ចេញពីម្តុំផ្សាររាត្រី ទៅកាន់ជ្រោយចង្វា និងចេញជ្រោយចង្វាទៅអរិយក្សត្រ។

បើតាមប្រមុខរដ្ឋាភិបាល សមិទ្ធផលទាំងនេះ គឺកើតចេញពីទំនាក់ទំនង និងកិច្ចសហប្រតិបត្តិការរវាងកម្ពុជា និងកូរ៉េខាងត្បូង ដែលសម្តេចបានប្រឹងប្រែងពុះពារ ដើម្បីកសាងទំនាក់ទំនងឡើងកាលពីឆ្នាំ១៩៩៧។

គួរបញ្ជាក់ថា គម្រោងសាងសង់ស្ពានទៅតំបន់អរិយក្សត្រត្រូវបានគ្រោងជាច្រើនឆ្នាំមកហើយ។ កម្ពុជាបានស្នើសុំរដ្ឋាភិបាលកូរ៉េខាងត្បូងលើការសាងសង់ស្ពានឆ្លងកាត់ទន្លេទៅតំបន់អរិយក្សត្រ ខណៈកម្ពុជាមានស្ពានមិត្តភាពកម្ពុជា-ជប៉ុន ស្ពានមិត្តភាពកម្ពុជា-ចិន និងចង់បានស្ពានមិត្តភាពកម្ពុជា-កូរ៉េមួយទៀត។

ដំណឹងនៃការសាងសង់ស្ពានភ្ជាប់ទៅតំបន់អរិយក្សត្រ បានធ្វើឲ្យហាងឆេងដីធ្លីនៅតំបន់នោះហើបឡើងយ៉ាងខ្លាំង។ បើតាមឈ្មួញរកស៊ីអចលទ្រព្យ បច្ចុប្បន្នដីនៅអរិយក្សត្រតំបន់ល្អជាប់មាត់ទន្លេ មានតម្លៃជាមធ្យមក្នុងរង្វង់ ១ ០០០ ដុល្លារក្នុង ១ ម៉ែត្រការ៉េ។ ចំណែកដីឡូត៍លំនៅឋានមានតម្លៃក្នុងរង្វង់ ១០០-៣០០ ដុល្លារ និងដីសម្រាប់អភិវឌ្ឍន៍ធំៗមានតម្លៃជាមធ្យមចន្លោះពី ១៨០-២៥០ ដុល្លារ៕

The post ច្បាស់ការ ស្ពានឆ្លងទន្លេទៅអរិយក្សត្រ សម្រេចយកទីតាំងសាងសង់ចេញពីម្តុំផ្សាររាត្រី appeared first on .

សម្តេច ហ៊ុន សែន៖ធ្វើស្ពានរួចតំបន់អរិយក្សត្រ នឹងត្រូវកាត់ចូល រាជធានីភ្នំពេញ ហើយបង្កើតខណ្ឌថ្មី១ទៀត

កូនចៅឧកញ៉ា — Fri, 28 Feb 2020 02:32:35 +0000

សម្តេចនាយករដ្ឋមន្រ្តី ហ៊ុន សែន បានទម្លាយឱ្យដឹងថា តំបន់អរិយក្សត្រដែលស្ថិតក្នុងខេត្តកណ្តាល នឹងត្រូវកាត់ចូលក្នុងភូមិសាស្រ្តរាជធានីភ្នំពេញ ក្រោយសាងសង់ស្ពានរួច មិនត្រឹមតែប៉ុណ្ណោះ ទីតាំងនោះអាចនឹងបង្កើតខណ្ឌថ្មី១ទៀតថែមទៀតផង។ ការថ្លែងនេះ ធ្វើឡើងក្នុងពិធីស្រោចស្រពព្រះសុគន្ធវារីប្រគេនសម្តេចព្រះសង្ឃនាយករង នៃគណៈសង្ឃនាយក នៅវត្តចំពុះក្អែក នាព្រឹកថ្ងៃទី២៨ ខែកុម្ភៈ ឆ្នាំ២០២០។

សម្តេចបានលើកឡើងយ៉ាងដូច្នេះថា បើធ្វើស្ពានចម្លងរួចហើយ សម្ដេចគ្រោង កាត់តាំងពីអរិយក្សត្រ ល្វាឯម ដើម្បីយកបញ្ចូលមកភ្នំពេញថែមទៀត ហើយអាចទៅជាខណ្ឌមួយរបស់ភ្នំពេញ។ តាមផែនការរបស់សម្ដេច គ្រោងធ្វើចំនួន ២ថែមទៀត ដើម្បីឆ្លងកាត់ទៅតំបន់អរិយក្សត្រ ស្ពានមួយបានសុំកូរ៉េ ពីជ្រោយចង្វារ ទៅអរិយក្សត្រ ហើយមួយទៀតពីផ្លូវជាតិលេខ១ ឆ្លងកាត់ត្រឹមក្តីតាកុយ ទៅខាងល្វាឯម។ បន្ទាប់ពីមានការប្រកាសដោយសម្ដេចច្បាស់ៗបែបនេះ សម្ដេចថា ទីតាំងដីនៅទីនោះ គឺច្បាស់នឹងឡើងថ្លៃ ជាក់ជាមិនខាន។

សូមបញ្ជាក់ផងដែរថា តាមតាមប្រសាសន៍ កាលពីពេលកន្លងទៅ គំរោងស្ពាន ឆ្លងពី តំបន់ជ្រោយចង្វា ទៅ ស្វាយជ្រំ គ្រោងដែលជាជំនួញរបស់ប្រទេសកូរ៉េ អាចនឹងចាប់ផ្ដើម ក្នុងពេលឆាប់ៗនេះ ដោយស្ពាន១នេះ អាចគ្រោងចំណាយ ចន្លោះ ៤០ទៅ ៥០ លានដុល្លារ ។