អាកាសធាតុ

កាតា សន្យាវិនិយោគទឹកប្រាក់ជាង ១ពាន់លានដុល្លារ លើបច្ចេកវិទ្យាអាកាសធាតុនៅអង់គ្លេស

ឧកញ៉ាសាមញ្ញ — Thu, 05 Dec 2024 09:50:00 +0000

រដ្ឋាភិបាលអង់គ្លេស បាននិយាយកាលពីថ្ងៃពុធ ទី៤ ខែធ្នូកន្លងទៅថា ប្រទេសកាតា នឹងវិនិយោគទឹកប្រាក់ចំនួន ១ពាន់លានផោន (១,៣ពាន់លានដុល្លារអាមេរិក) លើបច្ចេកវិទ្យាអាកាសធាតុ នៅក្នុងចក្រភពអង់គ្លេស តាមរយ:ការសហការគ្នាជាមួយក្រុមហ៊ុនវិស្វកម្ម Rolls-Royce។ នេះបើតាមការចុះផ្សាយពីសារព័ត៌មាន CNA។

ការប្រកាសនេះ ត្រូវបានធ្វើឡើងក្នុងអំឡុងដំណើរទស្សនកិច្ចផ្លូវរដ្ឋរយ:ពេលពីរថ្ងៃទៅកាន់ទឹកដីចក្រភពអង់គ្លេសរបស់ស្តេចនៃប្រទេសកាតា គឺព្រះចៅ Sheikh Tamim bin Hamad Al Thani ។

ទន្ទឹមនឹងនេះ អ្នកនាំពាក្យរដ្ឋាភិបាលរបស់ប្រទេសកាតាបាននិយាយថា ចក្រភពអង់គ្លេស កំពុងស្វែងរកទំនាក់ទំនងកាន់តែស៊ីជម្រៅបន្ថែមទៀតជាមួយរដ្ឋឈូងសមុទ្រ ស្របពេលនាយករដ្ឋមន្ត្រីអង់គ្លេស លោក Keir Starmer បានបង្ហាញក្តីសង្ឃឹមថា នឹងប្រើប្រាស់ដំណើរទស្សនកិច្ចនេះ ដើម្បីទទួលបានអត្ថប្រយោជន៍បន្ថែមសម្រាប់ប្រទេសរបស់ខ្លួន ទាំងលើផ្នែកសន្តិសុខ និងសេដ្ឋកិច្ច។

មិនតែប៉ុណ្ណោះ រដ្ឋាភិបាលអង់គ្លេសបានឲ្យដឹងទៀតថា ការវិនិយោគនេះ រំពឹងថានឹងបង្កើតការងាររាប់ពាន់កន្លែង និងបើកដំណើរការមជ្ឈមណ្ឌលបច្ចេកវិទ្យាអាកាសធាតុ នៅក្នុងប្រទេសទាំងពីរ ដើម្បីពន្លឿនការអភិវឌ្ឍន៍បច្ចេកវិទ្យាថ្មីៗដែលធន់នឹងការប្រែប្រួលនៃអាកាសធាតុ។

ជម្រាបជូនផងដែរថា កិច្ចព្រមព្រៀងដែលមានតម្លៃថ្លៃនេះ ក៏រួមបញ្ចូលទាំងការវិនិយោគនៅក្នុងកម្មវិធីបច្ចេកវិទ្យាដោយក្រុមហ៊ុន Rolls-Royce ផងដែរ ដើម្បីធ្វើឲ្យប្រសើរឡើងនូវប្រសិទ្ធភាពថាមពល ក៏ដូចជាគាំទ្រដល់ឥន្ធនៈនិរន្តរភាពថ្មី និងការបំភាយកាបូនកម្រិតទាប ជាមួយនឹងការងាកមកប្រើប្រាស់ថាមពលបៃតងជំនួសវិញ៕

The post កាតា សន្យាវិនិយោគទឹកប្រាក់ជាង ១ពាន់លានដុល្លារ លើបច្ចេកវិទ្យាអាកាសធាតុនៅអង់គ្លេស appeared first on .

អាមេរិក សន្យាផ្តល់មូលនិធិ ៣ពាន់លានដុល្លារ ជួយប្រទេសក្រីក្រប្តូរទៅរកថាមពលស្អាត

ឧកញ៉ាសាមញ្ញ — Tue, 05 Dec 2023 00:55:00 +0000

សហរដ្ឋអាមេរិក បានធ្វើការសន្យាថានឹងផ្តល់ជូនមូលនិធិចំនួន ៣ពាន់លានដុល្លារ ដើម្បីជួយដល់ប្រទេសក្រីក្រ ក្នុងការកាត់បន្ថយការបំភាយឧស្ម័នពុល និងការផ្លាស់ប្តូរទៅរកការប្រើប្រាស់ថាមពលស្អាត។ នេះបើតាមការចុះផ្សាយពីសារព័ត៌មាន Reuters។

ដំណឹងនេះត្រូវបានកើតឡើង នៅពេលដែលអនុប្រធានាធិបតីអាមេរិក លោកស្រី Kamala Harris បានធ្វើដំណើរទៅដល់ទីក្រុងឌុយបៃ ប្រទេសអារ៉ាប់រួម សម្រាប់កិច្ចប្រជុំកំពូលស្តីពីអាកាសធាតុ COP28 របស់អង្គការសហប្រជាជាតិកាលពីពេលថ្មីៗនេះកន្លងទៅ។

គួរឱ្យដឹងផងដែរថា ចំនួនទឹកប្រាក់ថ្មីនេះ នឹងត្រូវបន្ថែមពីលើមូលនិធិអាកាសធាតុបៃតង ដែលមានចំនួនទឹកប្រាក់សរុបប្រមាណ ២០ពាន់លានដុល្លារ ហើយជាមូលនិធិអន្តរជាតិដ៏ធំបំផុតមិនធ្លាប់មាន ដើម្បីផ្តល់ការគាំទ្រដលល់សកម្មភាពអាកាសធាតុ នៅក្នុងបណ្តាប្រទេសកំពុងអភិវឌ្ឍ។

មិនតែប៉ុណ្ណោះ ដោយបន្ថែមពីលើការគាំទ្រទៅនឹងការសម្របខ្លួនជាមួយបម្រែបម្រួលអាកាសធាតុ មូលនិធិនេះ ក៏ផ្តល់ជាហិរញ្ញប្បទានដល់គម្រោងដើម្បីជួយប្រទេសនានា ក្នុងការផ្លាស់ប្តូរទៅរកថាមពលស្អាតផងដែរ។

ជម្រាបជូនផងដែរថា លោកស្រី Harris បានតំណាងឱ្យសហរដ្ឋអាមេរិក នៅក្នុងកិច្ចប្រជុំកំពូល COP28 ជំនួសលោកប្រធានាធិបតី ចូ បៃឌិន រួមជាមួយគណៈប្រតិភូសហរដ្ឋអាមេរិកជាច្រើនរូបទៀត ដែលរួមមានបេសកជនអាកាសធាតុលោក John Kerry និងមន្ត្រីជាន់ខ្ពស់អាមេរិកផ្សេងទៀតផងដែរ៕

The post អាមេរិក សន្យាផ្តល់មូលនិធិ ៣ពាន់លានដុល្លារ ជួយប្រទេសក្រីក្រប្តូរទៅរកថាមពលស្អាត appeared first on .

លោក សាយ សំអាល់៖ កម្ពុជាបង្កើតកញ្ចប់ថវិកាប្រយុទ្ធប្រឆាំងនឹងបម្រែបម្រួលអាកាសច្រើនជាងមុនបីដង

ឧកញ៉ាកោះក្របី — Fri, 12 Nov 2021 03:38:39 +0000

ថ្លែងសុន្ទរកថាក្នុងសន្និសីទអង្គការសហប្រជាជាតិ ស្តីការប្រែប្រួលអាកាសធាតុលើកទី២៦ (COP26) នៅទីក្រុង Glasgow ប្រទេសស្កុតលែន កាលពីថ្ងៃពុធ លោក សាយ សំអាល់ រដ្ឋមន្ត្រីក្រសួងបរិស្ថាន បានលើកឡើងថា កម្ពុជាបង្កើតកញ្ចប់ថវិកាលើការប្រយុទ្ធប្រឆាំងនឹងបម្រែបម្រួលអាកាសច្រើនជាងមុនបីដងក្នុងរយៈពេល៥ឆ្នាំកន្លងមក ដោយសម្រេចបាន២%នៃផលិតផលក្នុងស្រុកសរុប។ លោកថា កម្ពុជាក៏បានដាក់ប្រតិបត្តិការគម្រោងផលិតអគ្គិសនីពីថាមពលព្រះអាទិត្យចំនួន៤០០មេហ្គាវ៉ាត់ផងដែរ ដែលអាចផ្គត់ផ្គង់១៥%នៃថាមពលប្រើប្រាស់ក្នុងស្រុក។

លោកបន្តថា៖ “យើងសូមអំពាវនាវដល់បណ្តាប្រទេសអភិវឌ្ឍន៍ឲ្យពង្រឹងការរួមចំណែកនៅក្នុងយន្តការហិរញ្ញវត្ថុ និងសម្រួលការទទួលបានហិរញប្បទានដោយផ្ទាល់បន្ថែម។ បើមិនដូច្នេះទេ ការលើកកម្ពស់ហេដ្ឋារចនាសម្ព័ន្ធ ដើម្បីទប់ទល់នឹងការប្រែប្រួលអាកាសធាតុប្រកបដោយចីរភាព សមត្ថភាពគ្រប់គ្រងគ្រោះមហន្តរាយ និងការអភិវឌ្ឍក្នុងកម្រិតបញ្ចេញកាបូនទាប នៅតាមបណ្តាប្រទេសអភិវឌ្ឍន៍ គឺគ្រាន់តែជាការនិយាយតែប៉ុណ្ណោះ”។

លោក សាយ សំអាល់ ថ្លែងក្នុងសម្តីដើមថា៖ “ការផ្តល់ហិរញ្ញប្បទានអន្តរជាតិលើការប្រែប្រួលអាកាសធាតុគឺ នៅឃ្លាតឆ្ងាយពីទំហំត្រូវការចាំបាច់ ជាពិសេសសម្រាប់ការសម្របខ្លួន និងមានការលំបាកក្នុងការទទួលបានសម្រាប់បណ្តាប្រទេសងាយរងគ្រោះ”។

ជាមួយគ្នានេះ លោកក៏បានស្នើសុំជំនួយហិរញ្ញប្បទានបន្ថែមពីបណ្តាប្រទេសអភិវឌ្ឍន៍ ដើម្បីដោះស្រាយវិបត្តិបម្រែបម្រួលអាកាសធាតុ ដែលកម្ពុជាជាប្រទេសងាយរងគ្រោះបំផុត។

ទន្ទឹមនឹងនោះ លោករដ្ឋមន្រ្តី ក៏បានលើកឡើងពីចំណាត់ការផ្សេងៗ ដែលកម្ពុជាបានធ្វើ ដើម្បីការពារបរិស្ថាន រួមមាន កម្ពុជាលែងបង្កើតរោងចក្រថ្មីក្នុងការផលិតអគ្គិសនីពីធ្យូងថ្ម និងការស្ថាបនាទំនប់វារីអគ្គិសនីលើដងទន្លេមេគង្គ ដែលជាផ្នែកមួយនៃកិច្ចប្រឹងប្រែងកាត់បន្ថយការបញ្ចេញឧស្ម័នផ្ទះកញ្ចក់។ ខណៈដែលកម្ពុជាកំពុងមានគម្រោងរោងចក្រធ្យូងថ្មចំនួន៣ ដែលកំពុងសាងសង់ និងអាចផ្គត់ផ្គង់អគ្គិសនីបានប្រមាណ១.៦០០មេហ្គាវ៉ាត់។

លោក សាយ សំអាល់ ឲ្យដឹងទៀតថា កម្ពុជាបានធ្វើបច្ចុប្បន្នភាពគោលដៅជាតិក្នុងការកាត់បន្ថយការបញ្ចេញឧស្ម័នផ្ទះកញ្ចក់ ដោយដាក់គោលដៅលើការកាត់បន្ថយការបញ្ចេញឧស្ម័នកាបូនឌីអុកស៊ីត៤២%នៅត្រឹមឆ្នាំ ២០៣០។ លោកបន្ថែមថា កម្ពុជាកំពុង«អភិវឌ្ឍយុទ្ធសាស្ត្រអព្យាក្រឹតភាពកាបូនរយៈពេលវែង» ដែលមានគោលដៅលើកកម្ពស់កម្រិតកាបូនទាប ការងើបឡើងវិញ និងកំណើនសេដ្ឋកិច្ចដែលមានលក្ខណៈរួមបញ្ចូលមួយ៕

The post លោក សាយ សំអាល់៖ កម្ពុជាបង្កើតកញ្ចប់ថវិកាប្រយុទ្ធប្រឆាំងនឹងបម្រែបម្រួលអាកាសច្រើនជាងមុនបីដង appeared first on .

ប្រយ័ត្នថ្ងៃទី៥ដល់១១សីហាខេត្តទាំងនេះនឹងបន្តមានភ្លៀងធ្លាក់ខ្លាំង

កូនចៅឧកញ៉ា — Tue, 04 Aug 2020 02:13:20 +0000

ក្រសួងធនធានទឹក និងឧតុនិយម បានជូនដំណឹងពីស្ថានភាពអាកាសធាតុនៅកម្ពុជា ចាប់ពីថ្ងៃទី ៥ ដល់ ១១ សីហា ២០២០ ថា តាមរយ:នៃការវិវត្តន៍ប្រែប្រួលជាបន្តបន្ទាប់នៃស្ថានភាពអាកាសធាតុ សង្កេតឃើញថា កម្ពុជាទទួលរងឥទ្ធិពលពីជ្រលងសម្ពាធទាប និងខ្យល់មូសុងនិរតីខ្យោយ។ ស្ថានភាពនេះ នឹងធ្វើឱ្យកម្ពុជា មានភ្លៀងធ្លាក់ ក្នុងនោះតំបន់មាត់សមុទ្រនឹងមានភ្លៀងធ្លាក់ខ្លាំង។សូមអានបន្ថែមខាងក្រោម៖

The post ប្រយ័ត្នថ្ងៃទី៥ដល់១១សីហាខេត្តទាំងនេះនឹងបន្តមានភ្លៀងធ្លាក់ខ្លាំង appeared first on .

អាកាសធាតុ

កាតា សន្យាវិនិយោគទឹកប្រាក់ជាង ១ពាន់លានដុល្លារ លើបច្ចេកវិទ្យាអាកាសធាតុនៅអង់គ្លេស

អាមេរិក សន្យាផ្តល់មូលនិធិ ៣ពាន់លានដុល្លារ ជួយប្រទេសក្រីក្រប្តូរទៅរកថាមពលស្អាត

ប្រយ័ត្ន​ថ្ងៃទី៥ដល់១១​សីហា​ខេត្ត​​ទាំង​​នេះ​​នឹង​បន្តមានភ្លៀងធ្លាក់ខ្លាំង

ប្រយ័ត្នថ្ងៃទី៥ដល់១១សីហាខេត្តទាំងនេះនឹងបន្តមានភ្លៀងធ្លាក់ខ្លាំង