អាហារដ្ឋានមាតុភូមិ

មាន ៣ម៉ឺនដុល្លារ ចាប់ដៃជាមួយភោជនីយដ្ឋានមាតុភូមិ ដឹងតែចំណេញកប់ក្តោង

Kem sinath — Thu, 27 Oct 2022 10:10:19 +0000

“មាតុភូមិ” ដែលជាភោជនីយដ្ឋានល្បីខាងម្ភូបប្រពៃណីខ្មែរប្រកបទៅដោយអាហារសុខភាព បានប្រកាសស្វែងរកម្ចាស់ភោជនីយដ្ឋានប្រចាំសាខាទាំង ១០ទីតាំងបន្ថែមទៀត បន្ទាប់ពីភោជនីយដ្ឋាននេះពង្រីកខ្លួនបានជាង ៣០សាខាមកហើយ ។

អ្នកស្រី ម៉ូ លី ជាអ្នកសម្របសម្រួលផ្នែកទីផ្សារភោជនីយដ្ឋានមាតុភូមិ បានឲ្យឧកញ៉ាញូស៍ដឹងថា ចំពោះបងប្អូនដែលមានបំណងចង់ក្លាយជាម្ចាស់អាជីវកម្មម្ហូបខ្មែរ ប្រពៃណីជាតិ អាចមកចាប់អាជីវកម្មជាមួយមាតុភូមិបានដោយមានការជ្រើសរើសជាង ១០ ទីតាំងបន្ថែមទៀត រួមមាន ក្រុងបាត់ដំបង ខេត្តពោធិ៍សាត់ ក្រុងដូនកែវ ក្រុងបាវិត ក្រុងព្រៃវែង ក្រុងខេមរភូមិន្ទ ក្រុងកំពត ក្រុងកែប ក្រុងព្រះវិហារ ក្រុងបានលុង និងរាជធានីភ្នំពេញផងដែរ ។

អ្នកស្រីបន្តថា លក្ខខណ្ឌដើម្បីទទួលបាននូវសិទ្ធបើកអាជីវកម្មស្លាកយីហោ “មាតុភូមិ” នេះ តម្រូវឲ្យលក្ខខណ្ឌ ដូចជា ១. សម្រាប់អ្នកនៅភ្នំពេញ ចំណាយត្រឹមតែ ២៥០០០ ដុល្លារ និង តាមបណ្តាខេត្តចំណាយ ៣០០០០ ដុល្លារ ដោយលក្ខខណ្ឌទាំងពីរនេះ មានរយៈពេល ៥ ឆ្នាំ ចំណាយតែម្តង មិនមានការចំណាយប្រចាំខែបន្ថែមទៀតឡើយ ។ ចំណែកឯអត្ថប្រយោជន៍ដែលទទួលបានរួមមាន៖ ១. មានការរៀបចំរចនាសម្ព័ន្ធបុគ្គលិក។ ២. មានបង្រៀនធ្វើម្ហូប។ ៣. រៀបចំហាងប្រកបដោយរចនាខ្មែរ តុបតែង ដេគ័រហាង។ ៤. មានគ្រូបង្គោលសម្រាប់ហ្វឹកហាត់បុគ្គលិកដើម្បីបម្រើសេវាកម្មបានល្អ។ ៥. មានការចងក្រងរចនាសម្ព័ន្ធ ដើម្បីបើកអាជីវកម្មម្ហូបខ្មែរដែលមានស្តង់ដារដូចៗគ្នា។ល។

អ្នកស្រី ម៉ូ លី បានបន្ថែមទៀតថា នេះជាឱកាសគ្មានដែនកំណត់មួយសម្រាប់អ្នកដែលមានចំណាប់អារម្មណ៍ជាមួយនឹងអាជីវកម្មម្ហូបខ្មែរ។ ព្រោះ “មាតុភូមិ” មានលក្ខណៈពិសេសខ្លាំង ដែលជាភោជនីយដ្ឋានបម្រើជូននូវម្ហូបប្រពៃណី មានអត្តសញ្ញាណជាប្រពៃណីជាតិ បម្រើម្ហូបខ្មែរសុទ្ធសាធ មានដូចជា សម្ល គ្រឿងបុក គ្រឿងផ្អាប់ ជាដើម ដែលផ្សំជាមួយនឹងរចនាខ្មែរ អ្វីដែលពិសេសផ្តោតលើអតិថិជនក្នុងស្រុកជាច្រើន។

គួររំលឹកបន្ថែមថា ភោជនីយដ្ឋាន មាតុភូមិ បានលេចរូបរាងឡើងជាង ៦ ឆ្នាំមកហើយ ដោយបច្ចុប្បន្ន មាតុភូមិបានពង្រីកខ្លួនជាង ៣០ សាខាហើយ ដែលភាគច្រើនស្ថិតនៅរាជធានីភ្នំពេញ៕

The post មាន ៣ម៉ឺនដុល្លារ ចាប់ដៃជាមួយភោជនីយដ្ឋានមាតុភូមិ ដឹងតែចំណេញកប់ក្តោង appeared first on .

ហាងមាតុភូមិ បង្កើតឡើងជាង ៦ ឆ្នាំ ថែរក្សាមរតកម្ហូបខ្មែរជាង ២០០ មុខ

រ៉េត សុកធា — Mon, 01 Aug 2022 03:10:56 +0000

ហាងមាតុភូមិជាហាងម្ហូបខ្មែរមួយដែលផ្ដោតសំខាន់លើម្ហូបខ្មែរជាច្រើនមុខ ធានារសជាតិ គុណភាព មិនឱ្យភ្ញៀវខកបំណងឡើយ។ ហាងមាតុភូមិគឺជាហាងដែលបានថែរក្សា ប្រមូលផ្តុំម្ហូបប្រពៃណីជាតិ រួមទាំងលើកកម្ពស់សុខុមាលភាពសង្គម ដើម្បីថែរក្សា និងលើកស្ទួយម្ហូបដែលជាអត្តសញ្ញាណជាតិខ្មែរ។

ប្រវត្តិ និងស្ថាបនិកបង្កើតហាងមាតុភូមិ

ហាងមាតុភូមិបានលេចរូបរាងឡើងអំឡុងឆ្នាំ២០១៦ រហូតមកដល់ពេលនេះដំណើរការជាង ៦ ឆ្នាំហើយ។ អាហារដ្ឋាននេះចាប់ផ្ដើមដុះពន្លកក្រោមការពួតដៃគ្នាចូលទុនរកស៊ីរបស់បងប្អូនលោកស្រី មាស ផាន្នីដា ដោយចាយដើមទុនជិត ១ ម៉ឺនដុល្លារ។

ចក្ខុវិស័យហាងមាតុភូមិ

ស្ថាបនិកហាងមាតុភូមិបញ្ជាក់ថា ការបង្កើតអាហារដ្ឋាននេះ គឺចង់បម្រើជូននូវម្ហូបប្រពៃណីជាតិ អាហារបែបធម្មជាតិ ថ្មីស្រស់ និងជាប្រភេទអាហារដែលការពារដល់រាង្គកាយ។ បន្ថែមពីនេះគឺចង់ឱ្យអ្នកមានជីវភាពមធ្យមក៏អាចចូលហាងពិសារអាហារខ្មែរបាន ដោយមិនចាំបាច់តែហូបម្ហូបអាហារបរទេស ទើបអាចចូលក្នុងហាងបាននោះទេ។

ក្រៅពីប្រាក់ចំណេញ ហាងមាតុភូមិក៏មានគោលបំណង និងទិសដៅចូលរួមក្នុងសង្គមតាមរយៈការណែនាំប្រជាពលរដ្ឋឱ្យត្រឡប់មកទទួលទានអាហារការពាររាង្គកាយវិញផងដែរ។

សម្លកកូរត្នោត

មុខម្ហូប

អាហារដ្ឋានមាតុភូមិមានម្ហូបជាច្រើនមុខបែងចែកទៅតាមមុខងារដូចជា ម្ហូបមានគ្រឿងអន្លក់ គ្រឿងបុក ចៀន-អាំង សម្លខ្មែរគ្រប់មុខ ទឺកត្រី-ជ្រក់ បង្អែម ភេសជ្ជៈសរុបមានជាង ២០០ មុខ ដែលសុទ្ធសឹងតែជាអាហារប្រចាំប្រទេស ឬ អាហារប្រពៃណីក្នុងប្រទេសកម្ពុជា។

យុទ្ធសាស្រ្តទាក់ទាញអតិថិជន

ហាងមាតុភូមិបានប្រើយុទ្ធសាស្រ្តសាមញ្ញបំផុតគឺសេចក្តីស្មោះត្រង់ជាមួយ មហាជន/អតិថិជន លើការជ្រើសរើសសម្រាំង វត្ថុធាតុដើមបែបធម្មជាតិ និងថ្មីស្រស់។

ការពង្រីកសាខា

បច្ចុប្បន្ននេះ ហាងមាតុភូមិបានពង្រីកខ្លួនបានជាង ៣០ សាខាហើយ ដែលភាគច្រើននៅរាជធានីភ្នំពេញ។

បេសសកម្ម៖

-បម្រើមហាជនលើវិស័យអាហាដ្ឋាន ពិតប្រាកដច្បាស់លើម្ហូបប្រពៃណីជាតិ សម្រាប់អាហារថ្ងៃត្រង់ និង អាហារពេលល្ងាច
-បម្រើមហាជននូវអាហាររ៉ែខនិច បែបធម្មជាតិ ថ្មីស្រស់ ជាប្រភេទអាហារការពារដល់រាង្គកាយ
-ណែនាំមហាជនឱ្យងាកត្រឡប់មកបរិភោគនូវអាហារការពាររាង្គកាយ
-សុខុដុមរម្យនាអាហារ និងការបរិភោគឲ្យស្និតដូចអាហារក្នុងគ្រួសារ/ផ្ទះ
-ចូលរួមថែរក្សា លើកស្ទួយមុខម្ហូបប្រពៃណីជាតិ និងរក្សាការរចនាជាទម្រង់ប្រពៃណីជាតិ(ខ្មែរ)
-ក្រោកឈរប្រឈមប្រគួតប្រជែងជាមួយម្ហូបបរទេស និងអាហារប្រភេទស្ថាបនា នានាដែលកំពុងធ្វើឲ្យ ប៉ះពាល់ដល់សុខភាពមហាជន
-ជាទីប្រឹក្សាយោបល់ និងការចែករំលែកចំណេះដឹងស្តីពីការធ្វើម្ហូបប្រពៃណីខ្មែរគ្រប់ប្រភេទ
-លើកទឹកចិត្ត ជម្រុញ និងជួយក្នុងការប្រើប្រាស់វត្ថុធាតុដើមផលិត បែបថ្មីស្រស់ ធម្មជាតិ ក្នុងស្រុក ស្ទើរ១០០%
-ធ្វើវិមជ្ឃការអាហារដ្ឋានទៅកាន់ និងកៀកនឹងតម្រូវការមហាជន ទូលំទូលាយ និងគ្រប់ទីកន្លែង
-រុករក ស្រាវជ្រាវ ចងក្រង ពីមុខម្ហូប និងប្រភពវត្ថុធាតុដើមជា(ធាតុចូល) ពិសេសបន្លែកម្រខ្មែរនៅតាមបណ្តាខេត្តនានា តំបន់ភូមិសាស្រ្ត និងរដូវកាល
-ចូលរួម លើកតម្កើន បន្សីនិងជាប់ពាក់ព័ន្ធយ៉ាងជិតស្និតទៅនឹងកសិកម្ម-ចម្ការ និងពិធីបុណ្យវប្បធម៌ ប្រពៃណីជាតិគ្រប់សណ្ឋាន៕

កាពិផាវ

The post ហាងមាតុភូមិ បង្កើតឡើងជាង ៦ ឆ្នាំ ថែរក្សាមរតកម្ហូបខ្មែរជាង ២០០ មុខ appeared first on .

អាហារដ្ឋានមាតុភូមិ

មាន ៣ម៉ឺនដុល្លារ ចាប់ដៃជាមួយភោជនីយដ្ឋានមាតុភូមិ ដឹងតែចំណេញកប់ក្តោង

ហាងមាតុភូមិ បង្កើត​ឡើង​ជាង ៦ ឆ្នាំ ថែរក្សាមរតកម្ហូបខ្មែរជាង ២០០ មុខ

ហាងមាតុភូមិ បង្កើតឡើងជាង ៦ ឆ្នាំ ថែរក្សាមរតកម្ហូបខ្មែរជាង ២០០ មុខ