ការ​ស្រាវជ្រាវ​​លើ​វ៉ាក់សាំង និង​ការ​គាំពារ​ផ្សេងៗ​ គឺ​កំពុង​ធ្វើ​ឡើង​នៅ​តាម​មន្ទីរពេទ្យ និង​គ្លីនិក​ដែល​ជា​ការ​ស្នើសុំ​ដោយ WHO ទៅកាន់​នាយក​គ្រប់គ្រង​តំបន់​អាស៊ី​ខាងត្បូង និង​ខាងកើត​គឺ​អ្នកស្រី Poonam Khetrapal Singh។

សូម​ជម្រាប​ដែរ​ថា ករណី​ជំងឺ​អុតស្វា​បាន​រកឃើញ​ច្រើនជាង ១៦ ០០០ ករណី​នៅ​ប្រទេស ៧៥ ទូទាំង​ពិភពលោក ហើយ​​មាន ៤ ករណី​រកឃើញ​នៅ​ក្នុង​តំបន់​អាស៊ី​ខាងត្បូង និង​ខាងកើត​ដែល​គ្រប់គ្រង​ដោយ WHO ខណៈ ៣ នៅ​ឥណ្ឌា​ និង​ ១ នៅ​ថៃ។

ដោយឡែក នៅ​ប្រទេស​សិង្ហបុរី​ដែល​រក​ឃើញ​មាន​ ៨ ករណី​កាលពី​ខែមិថុនា គឺ​ត្រូវបាន​ចាត់​ទុក​ជា​ផ្នែក​មួយ​នៃ​តំបន់ Western Pacific ​គ្រប់គ្រង​ដោយ WHO។ នេះ​បើតាម​ការ​ចុះផ្សាយ​ពី CNA។

គួរ​រំលឹក​ដែរ​ថា ក្នុង​រយៈកាល​ប៉ុន្មាន​​ឆ្នាំ​ចុងក្រោយ​នេះ មាន​ជំងឺ​តែ ២ ប៉ុណ្ណោះ​ដែល​បាន​ចាត់ទុក​ជា​ការ​ប្រកាស​អាសន្ន​ជា​សកល​អំពី​ការ​រាតត្បាត​ដោយ WHO ខណៈ​ជំងឺ​ទាំង ២ នោះ​គឺ អ៊ីបូឡា និង​កូវីដ ១៩៕

The post អង្គការ​សុខភាព​ពិភពលោក​ ប្រកាស​អាសន្ន​ជា​សកល​អំពី​ការ​រាតត្បាត​ជំងឺ​អុតស្វា appeared first on .

ជាក់ស្តែង ការផ្ទុះឡើងនេះ បានធ្វើឱ្យក្រុមអ្នកវិទ្យាសាស្រ្តមានការភ្ញាក់ផ្អើលយ៉ាងខ្លាំង ប៉ុន្តែចំពោះហានិភ័យវិញ ត្រូវបានគេនិយាយថានៅមានកម្រិតទាប។ នេះបើយោងតាមសេវាសុខភាពជាតិរបស់ចក្រភពអង់គ្លេស ដែលបានឱ្យដឹងថា មនុស្សភាគច្រើន ដែលបានឆ្លងជំងឺនេះ អាចនឹងជាសះឡើយទៅវិញ នៅក្នុងរយ:ពេលពីរ ទៅបីសប្តាហ៍ ។

យ៉ាងណា បើតាមទិន្នន័យចុងក្រោយ ការផ្ទុះឡើងនៃជំងឺអុតស្វាថ្មីនេះ បានរាលដាលដល់ប្រទេសអូស្ត្រាលី អូទ្រីស បែលហ្ស៊ិក កាណាដា សារធារណរដ្ឋឆេក ដាណឺម៉ាក អង់គ្លេស ហ្វាំងឡង់ បារាំង អល្លឺម៉ង់ អ៊ីស្រាអែល អ៊ីតាលី ហូឡង់ ព័រទុយហ្គាល់ ស្កុតឡែន ស្លូវេនី អេស្ប៉ាញ ស៊ុតអែត ស្វីស អារ៉ាប់រួម និងសហរដ្ឋអាមេរិក បន្ទាប់ពីអង្គការសុខភាពពិភពលោក បង្ហាញថាជំងឺនេះ បានផ្ទុះឡើងដំបូង នៅប្រទេសអង់គ្លេស កាលពីថ្ងៃទី ៦ ឧសភា ឆ្នាំ ២០២២ ។

គួរឱ្យដឹងថាជំងឺអុតស្វា ឬ Monkeypox ត្រូវបានរកឃើញ មានប្រភពដំបូង នៅក្នុងប្រទេសចំនួន ១១ នៅទ្វីបអាហ្វ្រិក ក្នុងរយ:ពេលប៉ុន្មានឆ្នាំចុងក្រោយ ហើយភាគច្រើន វាត្រូវបានរីករាលដាលខ្លាំង នៅក្នុងសាធារណរដ្ឋប្រជាធិបតេយ្យកុងហ្គោ ។ ហើយការកើនឡើងនៃចំនួនករណីឆ្លងនេះ ត្រូវបានគេសន្មតថាជាការថយចុះនៃប្រព័ន្ធភាពស៊ាំ នៃប្រជាជនទៅនឹងជំងឺអុតស្វាយ ដោយភាគច្រើនកើតទៅលើកុមារ នៅក្នុងទ្វីបអាហ្វ្រិក ។

ការរីករាលដាលនៃមេរោគនេះ អាចកើតឡើងតាមរយ:ការប៉ះពាល់ផ្ទាល់ ដំណក់ទឹកចេញពីផ្លូវដង្ហើម ឬសម្ភារ:ដែលអ្នកជំងឺប្រើប្រាស់ ហើយរយ:ពេលនៃការចេញរោគសញ្ញាអាចនៅចន្លោះពី ៥-២១ ថ្ងៃ ។

យ៉ាងណាក៏ដោយ ប្រធានដែលកាន់នៅតំបន់អឺរ៉ុប របស់អង្គការសុខភាពពិភពលោក បាននិយាយថា លោកមានការព្រួយបារម្ភថា ការឆ្លងរីករាលដាល អាចកើនឡើងនៅក្នុងតំបន់ ដែលមានមនុស្សប្រមូលផ្តុំគ្នាសម្រាប់ពិធីជប់លៀង និងពិធីបុណ្យនានា នៅក្នុងរដូវក្តៅខាងមុខ ។

លើសពីនេះ អង្គការសុខភាពពិភពលោក បញ្ជាក់ទៀតថា មិនទាន់មានវ៉ាក់សាំងជាក់លាក់ណាមួយ សម្រាប់ប្រើប្រាស់ដើម្បីប្រឆាំងទៅនឹងជំងឺអុតស្វានេះទេ ប៉ុន្តែទិន្នន័យបានបង្ហាញថា នៅពេលវ៉ាក់សាំងត្រូវផលិតឡើង នោះវានឹងមានប្រសិទ្ធភាពរហូតដល់ទៅ ៨៥% ដើម្បីប្រឆាំងទៅនឹងជំងឺអុតស្វានេះ ៕

ប្រភព: News-medical

The post ប្រទេសចំនួន២១ហើយ ត្រូវបានរកឃើញឆ្លងជំងឺ “អុតស្វា” ខណ: WHO ព្រមានអំពីការរីករាលដាលខ្លាំងឡើង appeared first on .