ក្នុងជំនួបនោះ លោកបានលើកឡើងបង្ហាញពីសក្តានុពល ក៏ដូចជាឱកាសវិនិយោគជាច្រើន ពិសេសលើវិស័យទេសចរណ៍ ដែលកំពុងត្រូវការការអភិវឌ្ឍបង្កើតផលិតផលទេសចរណ៍ថ្មី ដើម្បីរួមចំណែកក្នុងគោលនយោបាយទាក់ទាញភ្ញៀវទេសចរអន្តរជាតិបន្ថែម។

ក្នុងឱកាសនោះ លោករដ្ឋមន្រ្តីក៏ស្នើឱ្យលោក Thani bin Ahmed Al Zeyoudi រដ្ឋមន្ត្រីពាណិជ្ជកម្មអន្តរជាតិអេមីរ៉ាតអារ៉ាប់រួម ជួយជម្រុញឱ្យមានការហោះត្រង់របស់ក្រុមហ៊ុនអាកាសចរណ៍ Fly Emirates ពីឌូបៃមកកម្ពុជាឡើងវិញ ដើម្បីកំណើនទេសចរពីប្រទេសអេមីរ៉ាតអារ៉ាប់រួមមកកាន់កម្ពុជាបន្ថែមទៀត និងសហការជំរុញការចុះអនុស្សរណៈយោគយល់ស្ដីពីកិច្ចសហប្រត្តិការលើវិស័យទេសចរណ៍ឡើងវិញ ដែលធ្លាប់បានចុះហត្ថលេខាកាលពីឆ្នាំ២០១២ហើយ ដែលបច្ចប្បន្នបានអស់សុពលភាព។

ជាការឆ្លើយតប លោក ថានី ប៊ីន អាម៉េដ អាល់ ហ្សេយូឌី (Thani bin Ahmed Al Zeyoudi) បានបង្ហាញការអារម្មណ៍នៃការរីកចម្រើននៅប្រទេសកម្ពុជា ជាពិសេសចង់ស្វែងយល់ពីវិស័យទេសចរណ៍នៅកម្ពុជាផងដែរ។

គួរឱ្យដឹងផងដែរថា កន្លងមក កម្ពុជា-អេមីរ៉ាតអារ៉ាប់រួម មានការតភ្ជាប់ជើងហោះហើរឌូបៃ-យ៉ាងហ្គូន-ភ្នំពេញ ដែលជាមធ្យោបាយសម្រាប់ការធ្វើដំណើររបស់ទេសចរទៅមកប្រទេសទាំងពីរ និងទាក់ទាញលំហូរទេសចរប្រទេសទី៣ រួចមកហើយដែរ៕ អត្ថបទ៖ មុន្នី

The post រដ្ឋមន្ត្រីក្រសួងទេសចរណ៍ ស្នើឱ្យអេមីរ៉ាតអារ៉ាប់រួម បើកជើងហោះហើរត្រង់មកកម្ពុជាឡើងវិញ appeared first on .

នៅក្នុងដំណើអញ្ជើញចូលរួមកិច្ចប្រជុំប្រចាំឆ្នាំ២០២៣ របស់វេទិកាសេដ្ឋកិច្ចពិភពលោកថ្មីៗនេះលោក ប៉ាន សូរស័ក្ដិ រដ្ឋ​មន្ត្រីក្រសួងពាណិជ្ជកម្ម បានជួបប្រជុំទ្វេភាគីជាមួយភាគីអេមីរ៉ាតអារ៉ាប់រួម (UAE) ដើម្បីពិនិត្យលើវឌ្ឍនភាព នៃ​ការ​ចរ​​ចា​កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា-អេមីរ៉ាតអារ៉ាប់រួម និងជំរុញ កិច្ចការ ដែលនៅសេស​សល់​ផ្សេងទៀត។

នៅក្នុងជំនួបនោះលោករដ្ឋមន្ត្រីក្រសួងពាណិជ្ជកម្មបានលើកឡើងពីលទ្ធផលជាវិជ្ជមាននៃកិច្ចប្រជុំចរចាជុំទី១នៅ UAE ក្នុង​ខែ​​តុលា ឆ្នាំ២០២២ និងការវិវឌ្ឍទៅមុខនៃការចរចាបើកច្រកទីផ្សារទំនិញ និងសេវាកម្ម នៅជុំទី២ក្នុងខែធ្នូ ឆ្នាំ២០២២ នៅ​ប្រទេសកម្ពុជា។ភាគីទាំងពីរបានខិតខំបំពេញតាមសំណើសុំ និងការផ្តល់ឱ្យ រវាងគ្នាទៅវិញទៅមក ដើម្បី​បង្កើត​កិច្ច​​ព្រម​ព្រៀងពាណិជ្ជកម្មសេរីទ្វេភាគីដ៏ប្រសើរមួយ សម្រាប់សហគមន៍ធុរកិច្ច វិនិយោគិន ពាណិជ្ជករ និងសាធារណៈជន។

លោកប៉ាន សូរស័ក្តិ បញ្ជាក់ថា« ភាគីទាំងពីរបានព្រមព្រៀងជាគោលការណ៍បញ្ចប់ការចរចានៅជុំទី៣ក្នុងប្រទេសអារ៉ាប់​រួមនៅខែកុម្ភៈ ឆ្នាំ២០២៣ និងគម្រោងបញ្ចប់ជាផ្លូវការនៅខែមីនានៅភ្នំពេញ ដែលក្នុងពេលជាមួយគ្នានោះដែររដ្ឋមន្ត្រី​ពាណិជ្ជកម្ម​អន្តរជាតិនៃប្រទេសអេមីរ៉ាតអារ៉ាប់រួម នឹងមកបំពេញទស្សនកិច្ចនៅកម្ពុជា»។

លោករដ្ឋមន្ត្រីសង្កត់ធ្ងន់ថា ការចូលជាធរមាននៃកិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយរវាង​កម្ពុជា-អេមីរ៉ាត​អារ៉ាប់រួម(CAM-UAE CEPA) នឹងបង្កើនកំណើនសេដ្ឋកិច្ចតាមរយៈការធ្វើពិពិធកម្មទីផ្សារ ការបើកច្រក់ទីផ្សារកាន់​តែទូ​លាយ សម្រាប់ទំនិញ និងសេវាកម្ម ការបង្កើនលំហូរនៃការ វិនិយោគ ការបង្កើតការងារ និងការពង្រីកកិច្ច​សហ​ប្រតិ​បត្តិ​ការ​​កាន់​តែស៊ីជម្រៅលើវិស័យផ្សេងទៀត ព្រមទាំងផ្តល់ប្រយោជន៍ឱ្យគា្នទៅវិញទៅមកកាន់តែសម្បូរ»៕

អត្ថបទ៖ សារេត

The post កម្ពុជា-អេមីរ៉ាតអារ៉ាប់រួម ប្តេជ្ញាឈានទៅបញ្ចប់ការចរចា កិច្ចព្រមព្រៀងពាណិជ្ជកម្មសេរីទ្វេភាគី នៅខែមីនា​ខាងមុខ​នេះ appeared first on .