យោងតាមការចុះផ្សាយពីសារព័ត៌មាន CNA បានបង្ហាញថា បន្ទាប់ពីក្រុមឧទ្ទាម ISIS ចេញមុខទទួលខុសត្រូវលើការវាយប្រហារនេះ បច្ចុប្បន្នរដ្ឋាភិបាលរុស្ស៊ីកំពុងបើកការស៊ើបអង្កេត ឲ្យស៊ីជម្រៅលើបញ្ហាមួយនេះ ដើម្បីឲ្យដឹង​ឫសគល់​កាន់តែច្បាស់។

ជាមួយគ្នាអ្នកនាំពាក្យវិមានក្រឹមឡាំង លោក Dmitry Peskov ក៏បានប្រាប់បណ្ដាញសារព័ត៌មានថា៖ គ្មានទីក្រុង ឬប្រទេសណានៅលើលោកនេះ ដែលអាចរារាំងអំពើភេរវកម្មបានទាំងស្រុងឡើយ ហើយការប្រយុទ្ធប្រឆាំងជាមួយពួកគេ គឺទាមទារឲ្យមានកិច្ចសហការជាអន្តរជាតិ ទើបអាចសម្រេចបាន។

គួសរំលឹកបន្តិចថា កាលពីយប់ថ្ងៃសុក្រ ទី២២ ខែមីនា មានការផ្ទុះអំពើភេរវកម្មដ៏កក្រើកនៅ​ប្រទេសរុស្ស៊ី ដោយបានសម្លាប់មនុស្សយ៉ាងតិច ១៣៧នាក់ និងរងរបួស ១៨២នាក់ ខណៈបច្ចុប្បន្នមូលហេតុនៃការវាយប្រហារនេះ មិនទាន់ត្រូវបានទម្លាយជាសាធារណៈឡើយ គ្រាន់តែដឹងថា ក្រុម ISIS គឺជាអ្នកនៅពីក្រោយការវាយប្រហារមួយនេះប៉ុណ្ណោះ៕

The post វិមានក្រឹមឡាំង៖ គ្មានប្រទេសណាដែលអាចរារាំងអំពើភេរវកម្មទាំងស្រុងបានទេ appeared first on .

តាមរយ:សារដែលត្រូវបានបង្ហោះនៅលើបណ្តាញសង្គម X លោក Attal បានលើកឡើងថា ការសម្រេចចិត្តនេះ ត្រូវបានធ្វើឡើង បន្ទាប់ពីបានមើលឃើញថា ក្រុមរដ្ឋអ៊ីស្លាម បានចេញមុខទទួលខុសត្រូវចំពោះការវាយប្រហារនៅទីក្រុងម៉ូស្គូ ហើយវាហាក់ដូចជាបានផ្តល់ការគំរាមកំហែងមកលើប្រទេសយើង ជាពិសេសនៅពេលមុនពេលដែលទីក្រុងប៉ារីស នឹងត្រូវធ្វើជាម្ចាស់ផ្ទះនៃការប្រកួតកីឡាអូឡាំពិក នាពេលខាងមុខ។

គួរឲ្យដឹងផងដែរថា ប្រព័ន្ធប្រកាសអាសន្នចំពោះការវាយប្រហារភេរវកម្មរបស់ប្រទេសបារាំង គឺមានបីកម្រិត ហើយកម្រិតដែលខ្ពស់បំផុត ត្រូវបានដាក់ឲ្យមានសកម្មភាព នៅក្រោយមានការវាយប្រហារ នៅក្នុងប្រទេសបារាំង ឬនៅបរទេស ឬនៅពេលមានការ​គំរាម​កំហែងណាមួយត្រូវបានចាត់ទុកថាខិតជិតមកដល់។

ជម្រាបជូនទៀតថា ការប្រកាសនេះ នឹងអនុញ្ញាតឲ្យរដ្ឋាភិបាលបារាំង មានវិធានការសន្តិសុខពិសេស ដូចជាការល្បាតដោយកងកម្លាំងប្រដាប់អាវុធ នៅតាមទីសាធារណ: ដូចជានៅតាម​ស្ថានីយ​រថភ្លើង អាកាសយានដ្ឋាន និងកន្លែងសាសនា ជាដើម៕

The post រដ្ឋាភិបាលបារាំង បង្កើនការព្រមានអំពីការវាយប្រហារដោយអំពើភេរវកម្មដល់កម្រិតខ្ពស់បំផុត appeared first on .

យោងតាមការចុះផ្សាយពីទីភ្នាក់ងារសារព័ត៌មាន AP បានបង្ហាញថា ក្រោយហេតុការណ៍នេះ​កើតឡើងភ្លាមៗ អ្នកនយោបាយរុស្ស៊ីច្រើនរូប បានថ្កោលទោស និងចោទរដ្ឋាភិបាលអ៊ុយក្រែន ជាអ្នកនៅពីក្រោយអំពើឃោរឃៅទាំងនេះ ក៏ប៉ុន្តែអ៊ុយក្រែនចេញមុខច្រានចោល និងអះអាងថា មិនបានដឹងរឿងអ្វីឡើយ។

ក្រោយកើតហេតុមិនបានប៉ុន្មាន អាជ្ញាធររុស្ស៊ីបានធ្វើការចាប់ខ្លួនមនុស្ស ៤រូប ដោយអះអាងថា ជាខ្មាន់កាំភ្លើង ក្នុងចំណោមជនសង្ស័យសរុប ១១រូប ដែលបានប្រព្រឹត្តអំពើភេរវកម្ម ស្របពេលវិមានក្រឹមឡាំងសង្កត់ធ្ងន់ថា បុគ្គលទាំង ៤រូបនោះ ត្រូវបានចាប់ខ្លួន អំឡុងពេលរត់ភៀសខ្លួនចូលប្រទេសអ៊ុយក្រែន។

តែទោះជាយ៉ាងណា ពាក់ព័ន្ធនឹងករណីបំផ្ទុះភេរវកម្មដ៏ធំបំផុតនៅប្រទេសរុស្ស៊ី នាសម័យទំនើបនេះ គឺត្រូវបានក្រុមឧទ្ទាម ISIS ចេញមុខទទួលខុសត្រូវថា ជាអ្នកនៅពីក្រោយអំពើឃោរឃៅមួយនេះ។

គួររំលឹកដែរថា មន្ត្រីស៊ើបការអាមេរិកមួយរូបបានប្រាប់ទីភ្នាក់ងារសារព័ត៌មាន AP ថា ក្រុម ISIS គឺពិតជាអ្នកនៅពីក្រោយអំពើភេរវកម្មពិតមែន ហើយក្រុមមួយនេះក៏ធ្លាប់បានព្រមានទៅកាន់លោក ពូទីន ផងដែរថា ការវាយប្រហារនឹងកើត​មានឡើង ហើយវានឹងក្លាយជាសោកនាដកម្មដ៏ធំនឹកស្មានមិនដល់៕

The post មិនធ្លាប់មានពីមុន! ផ្ទុះករណីភេរវកម្មដ៏កក្រើកនៅប្រទេសរុស្ស៊ី appeared first on .