យោងតាមការចុះផ្សាយពីសារព័ត៌មាន CNA បានបង្ហាញថា មេដឹកនាំកំពូលចិនបានលើកឡើងដូច្នេះ អំឡុងពេលលោកជួបជជែកជាមួយប្រធានាធិបតីអេហ្ស៊ីប លោក Abdel Fattah al-Sisi និងមេដឹកនាំអារ៉ាប់មួយចំនួនទៀត ក្នុងកិច្ចប្រជុំមួយធ្វើឡើងនៅទីក្រុងប៉េកាំង។

“តំបន់មជ្ឈិមបូព៌ា គឺជាទឹកដីដែលពោរពេញទៅដោយការអភិវឌ្ឍន៍ និងឱកាសជាច្រើន ក៏ប៉ុន្តែសង្គ្រាមគឺកំពុងតែផ្ទុះខ្លាំង។ សង្គ្រាមមិនគួរបន្តកើតមានបែបនេះរហូតឡើយ ហើយភាពយុត្តិធម៌ក៏មិនគួរបាត់សូន្យឈឹងបែបនេះដែរ”។ នេះបើតាមសម្ដីរបស់បុរសខ្លាំងរដ្ឋចិន បានលើកឡើង។

បន្ថែមពីនោះលោក ស៊ី ក៏បានអះអាងទៀតថា ប្រទេសចិន គាំទ្រដល់ការចូលជាសមាជិកពេញសិទ្ធរបស់ប៉ាឡេស្ទីន សម្រាប់អង្គការសហប្រជាជាតិ និងបានអំពាវនាវឲ្យអ៊ីស្រាអែល បើកចិត្តចូលតុមូលចរចាសន្តិភាពជាមួយប៉ាឡេស្ទីនផងដែរ៕

The post មេដឹកនាំកំពូលចិន អំពាវនាវឲ្យមានការចរចាសន្តិភាពចំពោះសង្គ្រាមនៅតំបន់មជ្ឈិមបូព៌ា appeared first on .

លោក Karim Khan បាននិយាយនៅក្នុងសេចក្តីថ្លែងការណ៍មួយថា ខ្លួនមានហេតុផលដ៏ត្រឹមត្រូវអាចបញ្ជាក់បានថា បុរសទាំងប្រាំនាក់នេះ ជាអ្នកទទួលខុសត្រូវបទព្រហ្មទណ្ឌ ចំពោះឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិដែលបានប្រព្រឹត្ត ក្នុងសង្គ្រាមដែលបានកើតឡើងជាងប្រាំពីរខែ លើទឹកដីហ្គហ្សា។

ព្រះរាជអាជ្ញារូបនេះបាននិយាយថា ខ្លួនបានដាក់ពាក្យសុំដីកាចាប់ខ្លួននាយករដ្ឋមន្ត្រីអ៊ីស្រាអែលលោក Netanyahu ព្រមទាំងរដ្ឋមន្ត្រីការពារជាតិលោក Yoav Sinwar ព្រោះតែអ្នកទាំងពីរជាអ្នកបញ្ជាលើប្រតិបត្តិការលុកលុយ ប្រឆាំងនឹងក្រុមហាម៉ាសឯតំបន់ហ្គាហ្សា។ លើសពីនោះ លោកក៏បានសុំដីកាចាប់ខ្លួនមេដឹកនាំក្រុមហាម៉ាសចំនួនបីរូបរួមមានលោក Yahya Sinwar, លោក Mohammed AL-Masri និងលោក Ismail Haniyeh ផងដែរ។

យ៉ាងណា មេដឹកនាំអ៊ីស្រាអែល និងប៉ាឡេស្ទីន បានច្រានចោលការចោទប្រកាន់ពួកគេទាំងស្រុងពីបទឧក្រិដ្ឋកម្មសង្គ្រាម ដោយតំណាងភាគីទាំងពីរបានរិះគន់ ចំពោះការសម្រេចចិត្តរបស់លោក Khan ថាជាការបំភ្លៃការពិតទាំងស្រុង។

គួរជម្រាបផងដែរថា សង្គ្រាមរវាងក្រុមហាម៉ាស និងអ៊ីស្រាអែល បានកើតឡើងបន្ទាប់ពីនាយករដ្ឋមន្ត្រី Netanyahu បញ្ជាទ័ពចូលប្រតិបត្តិការសងសឹកទៅនឹងការវាយឆ្មក់ដ៏សាហាវរបស់ពួកសកម្មប្រយុទ្ធប៉ាឡេស្ទីន មកលើអ៊ីស្រាអែលកាលពីថ្ងៃទី៧ ខែតុលា ឆ្នាំ២០២៣ ៕

The post ព្រះរាជអាជ្ញា ICC សុំដីកាចាប់ខ្លួននាយករដ្ឋមន្ត្រីអ៊ីស្រាអែល និងមេដឹកនាំក្រុមហាម៉ាស appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា ថ្លៃចំណាយលើការសាងសង់ហេដ្ឋារចនាសម្ព័ន្ធឡើងវិញ នៅតំបន់ហ្គាហ្សា គឺអាចមានរហូតដល់ទៅ ៤០ពាន់លានដុល្លារឯណោះ។

សង្គ្រាមនៅតំបន់ហ្គាហ្សា គឺបានបង្កការខូចខាតដល់ហេដ្ឋារចនាសម្ព័ន្ធក្នុងតំបន់ស្ទើរទាំងស្រុង និងបានសម្លាប់ជីវិតមនុស្សរាប់ម៉ឺននាក់ឯណោះ ខណៈបច្ចុប្បន្ននេះក៏នៅមានគ្រាប់បែកមិនទាន់ផ្ទុះ បង្កប់នៅក្រោមដីរាប់ពាន់គ្រាប់ថែមទៀត។

គួររំលឹកបន្តិចថា សង្គ្រាមរវាងអ៊ីស្រាអែល និងក្រុមឧទ្ទាមហាម៉ាសនៅតំបន់ហ្គាហ្សា បានផ្ទុះកាលពីថ្ងៃទី០៧ ខែតុលា ឆ្នាំ២០២៣ ហើយបច្ចុប្បន្ននេះភាគីទាំងសងខាង កំពុងស្ថិតក្នុងការចរចាបញ្ចប់សង្គ្រាមដោយសន្តិភាព៕

The post UN៖តំបន់ហ្គាហ្សាត្រូវការជំនួយក្រោយសង្គ្រាមធំបំផុត តាំងពីជំនាន់សង្គ្រាមលោកលើកទី២ appeared first on .

នៅថ្ងៃអង្គារ ខែកុម្ភៈនេះ សហរដ្ឋអាមេរិកបានវេតូចំពោះសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ (UNSC) ដោយធ្វើការរារាំងចំពោះការទាមទារឲ្យមានបទឈប់បាញ់មនុស្សធម៌ជាបន្ទាន់ ខណៈដែលខ្លួនបានរុញច្រានស្ថាប័នដែលមានសមាជិកចំនួន១៥ ឆ្ពោះទៅរកសេចក្តីព្រាងគូប្រជែងដែលអំពាវនាវឲ្យមានបទឈប់បាញ់បណ្តោះអាសន្ន ដែលទាក់ទងទៅនឹងការដោះលែងចំណាប់ខ្មាំងក្រោមការកាន់កាប់ពីសំណាក់ក្រុមហាម៉ាស។

លើសពីនេះទៅទៀត សហរដ្ឋអាមេរិកបាននិយាយទៀតថា សេចក្តីព្រាងដំណោះស្រាយដែលដាក់ចេញដោយអាល់ហ្សេរី អាចបង្កគ្រោះថ្នាក់ដល់ការចរចារដ៏រសើបវវាងសហរដ្ឋអាមេរិក អេហ្ស៊ីប អ៊ីស្រាអែល និងកាតា ក្នុងគោលបំណងបញ្ឈប់ការផ្អាកការប្រយុទ្ធ និងធានាការដោះលែងចំណាប់ខ្មាំង។

ជាមួយគ្នានោះ លោក Zhang តំណាងមកពីប្រទេសចិន ដែលជាសំឡេងមួយក្នុងចំណោមសំឡេងដ៏ទៃផ្សេងទៀតគាំទ្រ UNSC ជំរុញឲ្យមានបទឈប់បាញ់ បានហៅរឿងនេះថាជាកាតព្វកិច្ចសីលធម៌ដែលក្រុមប្រឹក្សាមិនអាចគេចវេសបាននោះទេ។ ប្រទេសចិនបង្ហាញពីការខកចិត្តយ៉ាងខ្លាំង និងមិនពេញចិត្តចំពោះទង្វើវេតូរបស់សហរដ្ឋអាមេរិកទាល់តែសោះ។

លោកបាននិយាយទៀតថា ទង្វើវេតូរបស់សហរដ្ឋអាមេរិកជារឿងខុស ដោយវាជំរុញឲ្យស្ថានការណ៍នៅហ្គាហ្សាកាន់តែក្លាយទៅជាតំបន់ដ៏គ្រោះថ្នាក់។ ការជំទាស់នឹងបទឈប់បាញ់នៅហ្គាហ្សា មិនខុសអ្វីពីការបើកភ្លើងខៀវឲ្យមានការសម្លាប់រង្គាលជាបន្តបន្ទាប់នោះទេ។ ការរីករាលដាលនៃជម្លោះកំពុងតែធ្វើឲ្យតំបន់មជ្ឈឹមបូព៌ាមានអស្ថិរភាព ហើយបង្កើនហានិភ័យនៃសង្គ្រាមកាន់តែទូលំទូលាយ។ លោកក៏បានសង្កត់ន័យទៀតថា គឺមានតែការពន្លត់ភ្លើងសង្គ្រាមនៅហ្គាហ្សាប៉ុណ្ណោះទេ ទើបធ្វើឲ្យពិភពលោកអាចការពារភ្លើងសង្គ្រាមនរកអវចីយ៍ មិនឆាបឆេះរាលដាលពេញតំបន់បាន។

គួរជម្រាបថា គិតមកទល់នឹងពេលនេះ ការប្រឈមមុខដាក់គ្នារវាងអ៊ីស្រាអែល និងក្រុមហាម៉ាសបានសម្លាប់មនុស្សយ៉ាងច្រើនសន្ធឹក ក្នុងនោះក្រសួងសុខាភិបាលប៉ាឡេស្ទីនបានបង្ហាញថា ចំននួនអ្នកស្លាប់នៅក្នុងតំបន់ហ្គាហ្សាបានកើនឡើងដល់ចំនួន ២៩ ០៩២នាក់ ចំណែកឯអ្នកដែលរងរបួសវិញមានជាង ៦៩ ០០០នាក់ឯណោះ៕

The post ចិនខកចិត្តជាមួយអាមេរិក ចំពោះទង្វើវេតូលើបទឈប់បាញ់បោះក្នុងសង្គ្រាមរវាងអ៊ីស្រាអែល និងក្រុមហាម៉ាស appeared first on .

សារព័ត៌មាន Reuters បានចុះផ្សាយថា នៅមុនពេលដែលប្រទេសអ៊ីស្រាអែល បានរងការវាយប្រហារពីសំណាក់ក្រុមហាម៉ាស កម្មករសញ្ជាតិប៉ាឡេស្ទីនប្រមាណ ៧២ ០០០នាក់ ត្រូវបានជួលឲ្យធ្វើការនៅការដ្ឋានសំណង់ក្នុងប្រទេសអ៊ីស្រាអែល ក៏ប៉ុន្តែក្រោយភ្លើងសង្គ្រាមបានឆាបឆេះឡើង ក្រុមកម្មករទាំងនោះត្រូវបានរដ្ឋាភិបាលអ៊ីស្រាអែលបញ្ឈប់ការងារ និងបញ្ចៀសសចេញពីប្រទេស ក្រោមហេតុផលសុវត្ថិភាព។

នាពេលបច្ចុបន្ននេះ អ៊ីស្រាអែលក៏នៅតែមានកម្មករបរទេសកំពុងធ្វើការក្នុងប្រទេសរបស់ខ្លួនសរុបប្រហែល ២០ ០០០នាក់ផងដែរ ក៏ប៉ុន្តែស្ទើរតែពាក់កណ្តាលនៃការដ្ឋានសំណង់គឺត្រូវបានផ្អាកការសាងសង់ ដោយសារតែកង្វះខាតកម្លាំងពលកម្ម។

ជាមួយគ្នា អ្នកនាំពាក្យក្រសួងលំនៅដ្ឋានបានលើកឡើងថា បណ្តាពលករបរទេសថ្មីៗទាំងនោះ ត្រូវបានគេរំពឹងថានឹងមកដល់ប្រទេសខ្លួននៅប៉ុន្មានសប្តាហ៍ខាងមុខ ខណៈពេលដែលរដ្ឋាភិបាលបាននិងកំពុងព្យាយាម បញ្ចៀសរាល់​ការកកស្ទះនៃការផ្គត់ផ្គង់ណា ដែលប្រថុយនឹងការឡើងថ្លៃអចលនទ្រព្យ នៅពេលដែលអត្រាការប្រាក់ចាប់ផ្តើមធ្លាក់ចុះ៕

The post កម្មករអាស៊ីចំនួនបីប្រទេស នឹងមកជំនួសការងារកម្មករប៉ាឡេស្ទីន នៅវិស័យសំណង់ប្រទេសអ៊ីស្រាអែល appeared first on .

ប្រមុខការទូតចិនបានលើកឡើងបែបនេះ អំឡុងពេលជួបពិភាក្សាការងារជាមួយ​រដ្ឋមន្ត្រីការ​បរទេស​អេហ្ស៊ីប លោក Sameh Shoukry នៅទីក្រុង Cairo ដោយបានសង្កត់ធ្ងន់ថា សង្គ្រាមនៅតំបន់ហ្កាហ្សា បានបង្កឲ្យមានមនុស្សបាត់បង់ជីវិតជាច្រើន ធ្វើឲ្យកើតមានវិបត្តិមនុស្សធម៌ និងជះឥទ្ធិពលអវិជ្ជមានទូទាំងពិភពលោក។

លោក Wang ថែមទាំងបានលើកឡើងទៀតថា សមាគមអន្តរជាតិគួរតែយកចិត្តទុកដាក់ ចំពោះបញ្ហាមួយនេះ ព្រោះវាបានធ្វើឲ្យប្រទេសនៅក្នុងតំបន់ជាច្រើនរងផលប៉ះពាល់ ហើយអនាគតតំបន់ហ្កាហ្សា គឺកំពុងធ្លាក់ចុះក្នុងរណ្ដៅយ៉ាងជ្រៅ ពិបាកក្នុងការស្រោចស្រង់ឡើងវិញណាស់។

សូមជម្រាបដែរថា គិតមកទល់ពេលនេះ សង្គ្រាមនៅតំបន់ហ្កាហ្សារវាងប្រទេសអ៊ីស្រាអែល និងក្រុមសកម្មប្រយុទ្ធហាម៉ាស របស់ប៉ាឡេស្ទីន បានអូសបន្លាយរយៈពេល ១០០ថ្ងៃ ហើយបានធ្វើឲ្យមនុស្សរាប់ពាន់នាក់បាត់បង់ជីវិត និងធ្វើឲ្យសេដ្ឋកិច្ចទូទាំងពិភពលោកខាតបង់រាប់រយលានដុល្លារផងដែរ ស្របពេលមហាអំណាចជាច្រើន កំពុងរិះរកវីធីសាស្ត្រដើម្បីដោះស្រាយបញ្ហាមួយនេះ៕

The post ប្រមុខការទូតចិនអំពាវនាវឲ្យមានកិច្ចប្រជុំសន្តិភាពទ្រង់ទ្រាយធំ ជុំវិញបញ្ហាសង្គ្រាមនៅតំបន់ហ្កាហ្សា appeared first on .

អនុប្រធានផ្នែកវិភាគការធ្វើដំណើរនៅ ForwardKeys លោក Olivier Ponti បាននិយាយនៅក្នុងសេចក្តីថ្លែងការណ៍មួយថា សង្រ្គាមនេះគឺជាមហន្តរាយ ទុក្ខព្រួយ និងជាសោកនាដកម្មដ៏ឈឺចាប់របស់មនុស្ស ដែលយើងរាល់គ្នាជុំវិញពិភពលោក កំពុងឃើញរៀងរាល់ថ្ងៃនៅលើអេក្រង់ទូរទស្សន៍។ កត្តានេះហើយជាហេតុ ដែលធ្វើអោយមនុស្សមួយចំនួន ឈប់ធ្វើដំណើរទៅកាន់តំបន់មជ្ឈឹមបូព៌ា ហើយក៏បានបណ្តាលឲ្យអ្នកដំណើរបាត់បង់ទំនុកចិត្ត ក្នុងការធ្វើដំណើរទៅកន្លែងផ្សេងៗទៀតផងដែរ។

បើយោងទៅតាមទិន្នន័យសំបុត្រហោះហើរពី ForwardKeys ដដែលបានឱ្យដឹងថា ក្នុងរយៈពេលបីសប្តាហ៍ បន្ទាប់ពីការវាយប្រហារកាលពីថ្ងៃទី៧ ខែតុលា ការកក់ជើងហោះហើរអន្តរជាតិ ពីទ្វីបអាមេរិកបានធ្លាក់ចុះចំនួន ១០% បើធៀបនឹងចំនួនសំបុត្រដែលបានលក់ចេញ រយៈពេលបីសប្តាហ៍មុនការវាយប្រហារ។

មិនត្រឹមតែប៉ុណ្ណោះ រយៈពេលបីសប្តាហ៍ដូចគ្នាបន្ទាប់ពីការវាយប្រហារ ប្រជាជននៅតំបន់មជ្ឈិមបូព៌ា បានធ្វើដំណើរតិចជាងមុន ដោយបានធ្លាក់ចុះ ៩% ចំណែកការកក់ជើងហោះហើរអន្តរជាតិ ដើម្បីធ្វើដំណើរទៅកាន់តំបន់មជ្ឈឹមបូព៌ាវិញ ក៏បានធ្លាក់ចុះ ២៦% ផងដែរ។

ជម្រាបផងដែរថា តម្រូវការធ្វើដំណើរជាសកល បានធ្លាក់ចុះចាប់តាំងពីក្រុមអ៊ីស្លាមប៉ាឡេស្ទីន Hamas បានសម្លាប់មនុស្សប្រហែល ១ ៤០០នាក់ នៅភាគខាងត្បូងនៃប្រទេសអ៊ីស្រាអែលកាលពីថ្ងៃទី៧ ខែតុលា ខណៈអ៊ីស្រាអែលបានឆ្លើយតបដោយការវាយប្រហារ លើតំបន់ហ្គាហ្សា ដោយបានសម្លាប់ប្រជាជនស្លូតត្រង់ រហូតដល់ទៅជាង ១០ ០០០នាក់ឯណោះ៕

The post តម្រូវការធ្វើដំណើរជុំវិញពិភពបានធ្លាក់ចុះ បន្ទាប់ពីជម្លោះរវាងអ៊ីស្រាអែល និងក្រុមហាម៉ាស បានឆេះឡើង appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា សេចក្ដីថ្លែងការណ៍រួមនោះ នឹងអំពាវនាវ ឲ្យផ្អាកការឈប់បាញ់បោះបណ្ដោះអាសន្ន ដើម្បីបញ្ជូនជំនួយមនុស្សធម៌ សម្រាប់ប្រជាជននៅតំបន់ Gaza។

គួររំលឹកបន្តិចថា នេះគឺជាសេចក្ដីថ្លែងការណ៍លើកទី២ ដែលចេញដោយក្រុម G7 ខណៈសេចក្ដីថ្លែងការណ៍ដំបូង ធ្វើឡើងក្រោយកិច្ចប្រជុំនៃរដ្ឋមន្ត្រីហិរញ្ញវត្ថុនៃក្រុម G7 កាលពីថ្ងៃទី១២ ខែតុលា។

ជម្រាបបន្ថែមថា ក្រុម G7 ហាក់កំពុងជួបការរាំងស្ទះ ជុំវិញការឯកភាពគ្នា លើការចេញលិខិតថ្កោលទោស និងផ្ដល់ជំនួយទៅកាន់ប្រទេសអ៊ីស្រាអែល ដែលធ្វើឲ្យកើតជា​ចំងល់ថា តើពួកគេពិតជាចង់ជួយដោះស្រាយបញ្ហា ដែលកំពុងកើតមាននេះដែរឬយ៉ាងណា៕

The post G7 ត្រៀមចេញសេចក្តីថ្លែងការណ៍រួម ជុំវិញបញ្ហាសង្គ្រាមអ៊ីស្រាអែល-ក្រុមហាម៉ាស appeared first on .

អ្នកនាំពាក្យនាយកដ្ឋានរដ្ឋ លោក Matthew Miller បាននិយាយថា៖ រដ្ឋមន្ត្រីការបរទេស Blinken នឹងធ្វើដំណើរទៅប្រទេសអ៊ីស្រាអែល នាថ្ងៃសុក្រ ដើម្បីត្រៀមចូលរួមប្រជុំជាមួយរដ្ឋាភិបាល​អ៊ីស្រាអែល។ នេះបើតាមការចុះផ្សាយពីសារព័ត៌មាន CNA។

គួររំលឹកបន្តិចថា នេះគឺជាដំណើរទស្សនកិច្ចទី៣ របស់ប្រមុខការទូតអាមេរិក ក្នុងការធ្វើដំណើរទៅកាន់ប្រទេសអ៊ីស្រាអែល តាំងពីផ្ទុះសង្គ្រាមជាមួយក្រុមហាម៉ាស ពោល​ប៉ុន្មានថ្ងៃក្រោយផ្ទុះសង្គ្រាម លោកបានទៅទីនោះម្ដង និងក្រោយមកបានអបដំណើរប្រធានាធិបតីអាមេរិក ទៅទីនោះម្ដងទៀត កាលពីថ្ងៃទី១៨ ខែតុលា។

ជម្រាបបន្ថែមថា ការវាយឆ្មក់របស់ក្រុមសកម្មប្រយុទ្ធហាម៉ាស របស់ប៉ាឡេស្ទីន ទៅលើប្រទេសអ៊ីស្រាអែល បានសម្លាប់ប្រជាជននៅទីនោះច្រើនជាង ១ ៤០០នាក់ ខណៈ​មានមនុស្សច្រើនជា ២៣០នាក់ ត្រូវបានចាប់ធ្វើជាចំណាប់ខ្មាំង ខណៈរបាយការណ៍ពី​ក្រសួងសុខាភិបាលនៅតំបន់ Gaza បង្ហាញថា ការវាយបករបស់អ៊ីស្រាអែល សម្លាប់ប្រជាជន​ច្រើនជាង ៨ ៥០០នាក់៕

The post ប្រមុខការទូតអាមេរិក គ្រោងបំពេញទស្សនកិច្ចទៅអ៊ីស្រាអែលក្នុងសប្ដាហ៍នេះ appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា មេដឹកនាំអ៊ីស្រាអែល ប្រដូចការទម្លាក់អាវុធចុះ ប្រៀបទៅនឹងការសុំចុះចាញ់សង្គ្រាម និងមិនបង្ហាញការគោរព​ជូនប្រជាជនរបស់ខ្លួន។

“ការអំពាវនាវឲ្យឈប់បាញ់បោះ គឺដូចជាទទូចឲ្យអ៊ីស្រាអែល សុំចុះចាញ់សង្គ្រាមជាមួយ​ក្រុមហាម៉ាស ហើយការសុំចុះចាញ់ជាមួយក្រុមភារវកម្ម គឺមិនអាចទៅរួចហើយ”។ នេះបើតាមសម្ដីរបស់លោក Netanyahu បានលើកឡើង។

សូមជម្រាបដែរថា សង្គ្រាមរវាងអ៊ីស្រាអែល និងក្រុមសកម្មប្រយុទ្ធហាម៉ាស របស់ប៉ាឡេស្ទីន បានផ្ទុះកាលពីថ្ងៃទី០៧ ខែតុលា ហើយមកទល់ពេលនេះ ​វាបានធ្វើឲ្យស្ថិតិនៃការស្លាប់​របស់ប្រជាជន​ទាំងសងខាង កើនឡើងដល់ជាង ៨ ៣០០នាក់ហើយ៕

The post នាយករដ្ឋមន្ត្រីអ៊ីស្រាអែល ប្រកាសគ្មានថ្ងៃទម្លាក់អាវុធចុះ សម្រាប់សង្គ្រាមជាមួយក្រុមហាម៉ាស appeared first on .