អ៊ុក សុវណ្ណារី

ក្តៅៗ ចេញមកលើកណាក៏ប្លែកភ្នែក Galaxy Navatra តារាវ័យក្មេងទាំង ៣ដួងក្នុងបទ RIP កក្រើកខែភ្លៀង

ឧកញ៉ាកោះក្របី — Tue, 14 Sep 2021 05:33:18 +0000

ប្លែកភ្នែកមែនទែនជាមួយវីដេអូចម្រៀងបទ” RIP” របស់តារាចម្រៀងស្រីប្រុស ៣ រូប បញ្ចូលគ្នាអង្រួនអារម្មណ៍ប្រិយមិត្តនារដូវធ្លាក់ភ្លៀង ដែលបង្ហាញឲ្យពីនិយមន័យស្នេហា កំពុងទទួលបានការចាប់អារម្មណ៍ខ្លាំង។

លើសពីនេះទៅទៀត អាចនិយាយបានថា បទដែលទើបចេញក្តៅៗនេះ គឺជាការផ្លាស់ប្តូរកាន់តែប្រសើរមួយកំរិតទៀតរបស់ផលិតកម្ម GALAXY NAVATRA ជាមួយនឹងបច្ចេកទេសថតរស់រវើកប្លែកទាន់សម័យ។

ជាក់ស្តែង បន្ទាប់ពីចេញមិនបានប៉ុន្មានម៉ោងផងនាព្រឹកមិញនេះ អ្នកគាំទ្រទាំងអស់បានឃើញថា ការបង្ហាញនូវ MV ថ្មីមួយគឺបទ “RIP” ដែលច្រៀងដោយប្អូនស្រី អ៊ុក សុវណ្ណារី រួមនឹងតារារ៉េប ២ ដួងទៀតគឺ Rawyer និង Snooga គឺខ្លឹមសារបង្ហាញពីការឈឺចាប់របស់នារីម្នាក់ហើយគួបផ្សំនឹងការថតបែបបច្ចេកទេសថ្មីដែលកាន់តែធ្វើឱ្យអ្នកគាំទ្រលាន់មាត់សសើរពីការផ្លាស់ប្តូរ និងការជឿនលឿនរបស់ផលិតកម្ម GALAXY NAVATRA ចំពោះគុណភាព MV ។

បើចង់ជ្រាបច្បាស់សូមទស្សនា MVនេះ៖

The post ក្តៅៗ ចេញមកលើកណាក៏ប្លែកភ្នែក Galaxy Navatra តារាវ័យក្មេងទាំង ៣ដួងក្នុងបទ RIP កក្រើកខែភ្លៀង appeared first on .

ចម្រៀងប៉ុន្មានបទនេះធ្វើឱ្យតារាចម្រៀងវ័យក្មេង អ៊ុក សុវណ្ណារី ឡើងកូដកាន់តែខ្លាំងក្រោមទ្រនំផលិតកម្ម Galaxy Navatra

អ្នកឧកញ៉ាវត្តភ្នំ — Mon, 15 Mar 2021 05:24:51 +0000

ក្នុងអាល់ប៊ុមឆ្នាំនេះ ខាងផលិតកម្ម Galaxy Navatra ហាក់បញ្ចេញបទឱ្យតារាចម្រៀងវ័យក្មេង អ៊ុក សុវណ្ណារីច្រើន គួរឲ្យកត់សំគាល់។ ការលេចមុខជាហូរហែរបស់ពន្លកសិល្បៈវ័យក្មេងជំនាន់ថ្មី របស់ផលិតកម្ម Galaxy Navatra បានបង្ហាញយ៉ាងច្បាស់ថា ខាងផលិតកម្មកំពុងលើកស្ទួយតារាចម្រៀងដ៏មានទេពកោសល្យរូបនេះ ឱ្យកាន់តែល្បីល្បាញ មានអ្នកគាំទ្របានស្គាល់កាន់តែច្រើនក្នុងទីផ្សារចម្រៀង និងសិល្បៈនៅកម្ពុជា។

ជាក់ស្ដែង តារាចម្រៀងវ័យក្មេង អ៊ុក សុវណ្ណារី ត្រូវបានផលិតកម្មយក្ស Galaxy Navatra សម្រុកផលិតបទចម្រៀងឱ្យនាងច្រៀងចេញមុខជាច្រើនបទរួចមកហើយ។ បទចម្រៀងរបស់តារាចម្រៀង អ៊ុក សុវណ្ណារីយ៉ាងតិច ជិត១០បទ មកហើយ ដែលត្រូវបាន ផលិតកម្មផលិតឱ្យច្រៀងក្នុងអាល់ប៊ុមយ៉ាងពិសេស។

បទចម្រៀងរបស់តារាចម្រៀងវ័យក្មេងរូបនេះទៀតសោត សុទ្ធតែទទួលបានការគាំទ្រពីអ្នកគាំទ្រជាខ្លាំង។ នេះក៏ដោយសារតែ បទចម្រៀងដែល អ៊ុក សុវណ្ណារី ច្រៀងនីមួយៗ សុទ្ធតែត្រូវបានសម្រិតសម្រាំង តាមលំនាំបែបប្រពៃណីយ៉ាងល្អ និងទាក់ទាញ គួបនឹងទឹកដមសំឡេងដ៏ស្រទន់ពីធម្មជាតិរបស់នាង កាន់តែធ្វើឱ្យប្រជាប្រិយភាពរបស់នាងទទួលបានការទ្រខ្លាំងឡើងៗពីសំណាក់អ្នកគាំត្រ។

ចង់ជ្រាបកាន់តែច្បាស់ សូមតាមដានស្តាប់បទចម្រៀង របស់តារាចម្រៀង អ៊ុក សុវណ្ណារី ដែលបានចេញនាពេលកន្លងមកទាំងអស់តាមរយៈ Link ខាងក្រោមនេះ៖

1/ ម្ហូបម៉ែនៅតែឆ្ងាញ់

2/ ខ្មាស់មិត្តរួមជំនាន់

3/ រាំវង់លង់ស្នេហ៍

4/ ទិញឡេអុជធូប

5/ មកទិញ ឬមកញ៉ែ?

6/ គោនរណាគេ?

7/ កំលោះភូមិខ្ញុំនាំគ្នាដកមេ

8/ ម្ហូបម៉ែនៅតែឆ្ងាញ់

The post ចម្រៀងប៉ុន្មានបទនេះធ្វើឱ្យតារាចម្រៀងវ័យក្មេង អ៊ុក សុវណ្ណារី ឡើងកូដកាន់តែខ្លាំងក្រោមទ្រនំផលិតកម្ម Galaxy Navatra appeared first on .

តារាចម្រៀង អ៊ុក សុវណ្ណារី ស្ម័គ្រចិត្ដធ្វើជាតារាឯកទី៥ ក្នុងសកម្មភាពជួយលើកកម្ពស់បន្លែធម្មជាតិ

កូនចៅឧកញ៉ា — Wed, 22 Apr 2020 01:44:57 +0000

ក្រៅពីតារាចម្រៀងខេមរៈ សិរីមន្ដ ខេម តន់ ច័ន្ទសីម៉ា ធឿន បុរី ឥឡូវនេះលេចមុខតារាចម្រៀងល្បីឈ្មោះវ័យក្មេងម្នាក់ទៀតហើយ គឺកញ្ញា អ៊ុក សុវណ្ណារី បានស្ម័គ្រចិត្តជួយផ្សព្វផ្សាយពីកសិផលនៅផ្សារកសិផលធម្មជាតិឡេង ណាវ៉ាត្រា។

គិតត្រឹមដើមសប្ដាហ៍ទី៤ នៃខែមេសា នេះ កញ្ញា អ៊ុក សុវណ្ណារី ម្ចាស់បទបទ”ខ្ញុំក្លាយជាអ្នកជំងឺស្នេហា” គឺជាតារាចម្រៀងទី៥ ដែលបានចូលរួមគាំទ្រកសិផលធម្មជាតិ និងលើកកម្ពស់ជីវភាពកសិករ តាមរយៈចុះទៅដល់មូលដ្ឋាន ឬកន្លែងដាំដុះផ្ទាល់របស់កសិករ ដើម្បីផ្សព្វផ្សាយពីសកម្មភាពទាំងនោះដល់អ្នកគាំទ្ររបស់ខ្លួន និងអ្នកនិយមទទួលកសិផលសរីរាង្គ។

ក្រៅពីជា តារាដែលជួយផ្សព្វផ្សាយលើកកម្ពស់បន្លែធម្មជាតិ កញ្ញា អ៊ុក សុវណ្ណារី ក៏នឹង មានផែនការចុះស្វែងយល់ក៏ដូចជា លើកទឹកចិត្ត តារាទីតាំង ចម្ការបន្លែ របស់កសិករតាមបណ្ដាខេត្តផងផងដែរ។

វត្តមានរបស់ កញ្ញា អ៊ុក សុវណ្ណារី ក៏ដូចជា តារារៀមច្បងផ្សេងទៀត ត្រូវបានអ្នកគ្រប់គ្រងផ្សារ បង្ហើបឲ្យដឹងថា ជាការស្ម័គ្រចិត្តចូលរួមផ្សព្វផ្សាយពីសកម្មភាពផ្សារមួយនេះដោយឥតគិតថ្លៃ ក្នុងន័យលើកកម្ពស់សុខុមាលភាព និងកសិផលធម្មជាតិ។

តាមប្រភពច្បាស់ការ ផ្សារកសិផលធម្មជាតិ ដែលលក់តែបន្លែងផ្លែឈើធម្មជាតិ របស់កសិករខ្មែរនេះ មិនមែន ខេមរៈ សិរីមន្ដ ខេម តន់ ច័ន្ទសីម៉ា ធឿន បុរី នឹង កញ្ញា អ៊ុក សុវណ្ណារី ប៉ុណ្ណោះទេ ដែលបានស្ម័គ្រចិត្តចូលរួមផ្សព្វផ្សាយពីសកម្មភាពផ្សារមួយនេះដោយឥតគិតថ្លៃ ឳក សុគន្ធ កញ្ញា ពេជ្រ សោភា លោក ព្រាវ សុវត្ថិ ក៏នឹង ស្ម័គ្រចិត្តចូលរួមផ្សព្វផ្សាយដោយឥតគិតថ្លៃដូចគ្នា ហើយពួកគេមួយចំនួន កន្លងមកគេឃើញមានការផុស លើFacebook របស់ខ្លួន បង្ហាញពីកាតគាំទ្រនេះដូចគ្នា ។

ហេតុដែលនាំឲ្យតារាល្បីៗទាំងនេះ ស្ម័គ្រចិត្តចូលរួមផ្សព្វផ្សាយដោយឥតគិតថ្លៃ ក៏ព្រោះតែពួកគេ មានទំនាក់ទំនងល្អជាមួយ លោក ឧកញ៉ា ឡេង ណាវ៉ាត្រា នឹងម្យ៉ាងទៀតពួកគេ គិតថា ផ្សារមួយនេះ នឹងជួយ ច្រើនដល់ កសិផលដែលដាំដោយ កសិករខ្មែរ កាន់តែមានទីផ្សារ ខណៈដែលបច្ចុប្បន្នក៏ដូចជា ពេលកន្លងទៅ ធ្លាប់តែឃើញកសិករខ្មែរ ត្អូញត្អែរ ពីផល កសិកម្មរបស់ពួកគាត់ មិនមានឈ្មួញមកជួយទិញ ហើយបើទិញវិញ តម្លៃក្រោមទីផ្សារ មិនរួចទាំងថ្លៃ ដើមផលិតផងនោះ៕

The post តារាចម្រៀង អ៊ុក សុវណ្ណារី ស្ម័គ្រចិត្ដធ្វើជាតារាឯកទី៥ ក្នុងសកម្មភាពជួយលើកកម្ពស់បន្លែធម្មជាតិ appeared first on .

យឹម តាស្រង់ បញ្ចេញស្នាដៃថ្មី ឲ្យតារាចម្រៀងវ័យក្មេង អ៊ុក សុវណ្ណារី នៅផលិតកម្ម Galaxy

កូនចៅឧកញ៉ា — Thu, 28 Nov 2019 09:01:38 +0000

ថ្មីៗនេះ អតីតបេក្ខភាព «The Voice Kids Cambodia» រដូវកាលទី១ អ៊ុក សុវណ្ណារី បានធ្វើឲ្យទស្សនិកជន មានការចាប់អារម្មណ៍យ៉ាងខ្លាំង ខណៈដែលស្ងាត់ៗ តារាចម្រៀងស្រីវ័យក្មេងរូបនេះ បានចេញនូវបទចម្រៀងជាលើកដំបូង ក្នុងផលិតកម្ម Galaxy ខណៈដែលបទថ្មីទីមួយរបស់នាង មានចំណងជើងថា «ខ្ញុំក្លាយជាអ្នកជំងឺស្នេហា»។ យ៉ាងណាមិញ បទនេះគឺជាការបញ្ចេញស្នាដៃនិពន្ធថ្មី របស់កវីនិពន្ធល្បីឈ្មោះ គឺលោក យឹម តាស្រង់ ដើម្បីឲ្យនាងមានឱកាស វាយលុកទីផ្សារចម្រៀង ដែលកំពុងតែពោរពេញ ដោយការប្រកួតប្រជែងនេះ។

តាមរយៈបទចម្រៀងមួយបទនេះ ត្រូវបានអ្នកនិពន្ធលោក យឹម តាស្រង់ លើកឡើងឲ្យដឹងថា ចាប់តាំងពីលោក មានវត្តមានចូលរួមផលិត ក៏ដូចជានិពន្ធ នូវបទចម្រៀងនៅក្នុងផលិតកម្ម Galaxy កវីរូបនេះ បានមានស្នាដៃនិពន្ធបទចម្រៀង ទើបតែបានប៉ុន្មានបទតែប៉ុណ្ណោះ។ ដោយឡែកស្នាដៃចម្រៀងថ្មី «ខ្ញុំក្លាយជាអ្នកជំងឺស្នេហា» គឺជាបទចម្រៀងមួយបទ ដែលពោរពេញទៅដោយអត្ថន័យ ឈឺចាប់ក្នុងរឿងស្នេហាជ្រាលជ្រៅ។ មួយវិញទៀតបទនេះ ជាបទថ្មីសម្រាប់យុវតី អ៊ុក សុវណ្ណារី ដែលលោកខិតខំសម្រិតសម្រាំងឡើង យ៉ាងពិសេសទាំងទំនុកច្រៀង និងអត្ថន័យ។

យ៉ាងណាមិញ បទ «ខ្ញុំក្លាយជាអ្នកជំងឺស្នេហា» ដែលជាចម្រៀងដំបូងរបស់ អ៊ុក សុវណ្ណារី រៀបរាប់ពីការបាត់បង់ និងឈឺចាប់ក្នុងរឿងស្នេហាមួយនេះ ត្រូវបានគេសង្កេតឃើញថា មានការគាំទ្រពីសំណាក់ទស្សនិកជន ពោលគឺមានអ្នកចូលទស្សនាច្រើនដង ពេលបង្ហោះបានប៉ុន្មានថ្ងៃប៉ុណ្ណោះ៕

The post យឹម តាស្រង់ បញ្ចេញស្នាដៃថ្មី ឲ្យតារាចម្រៀងវ័យក្មេង អ៊ុក សុវណ្ណារី នៅផលិតកម្ម Galaxy appeared first on .

អ៊ុក សុវណ្ណារី

ក្តៅៗ ចេញមកលើកណាក៏ប្លែកភ្នែក Galaxy Navatra តារាវ័យក្មេងទាំង ៣ដួងក្នុងបទ RIP កក្រើកខែភ្លៀង

ចម្រៀងប៉ុន្មានបទនេះធ្វើឱ្យតារាចម្រៀងវ័យក្មេង អ៊ុក សុវណ្ណារី ឡើងកូដកាន់តែខ្លាំងក្រោមទ្រនំផលិតកម្ម Galaxy Navatra

តារា​ចម្រៀង អ៊ុក សុវណ្ណារី ស្ម័គ្រចិត្ដធ្វើជាតារាឯកទី៥ ក្នុង​សកម្មភាពជួយ​លើក​កម្ពស់​បន្លែ​ធម្មជាតិ

យឹម តាស្រង់ បញ្ចេញ​ស្នាដៃ​ថ្មី ឲ្យ​តារា​ចម្រៀង​វ័យក្មេង អ៊ុក សុវណ្ណារី នៅ​ផលិតកម្ម Galaxy

តារាចម្រៀង អ៊ុក សុវណ្ណារី ស្ម័គ្រចិត្ដធ្វើជាតារាឯកទី៥ ក្នុងសកម្មភាពជួយលើកកម្ពស់បន្លែធម្មជាតិ

យឹម តាស្រង់ បញ្ចេញស្នាដៃថ្មី ឲ្យតារាចម្រៀងវ័យក្មេង អ៊ុក សុវណ្ណារី នៅផលិតកម្ម Galaxy