យោងតាមការចុះផ្សាយពីទីភ្នាក់ងារព័ត៌មានរដ្ឋចិន Xinhua បានរាយការណ៍ថា ជំនួបរវាង​មេដឹកនាំទាំង២ ធ្វើឡើងនៅទីក្រុងប៉េកាំង ខណៈលោក ស៊ី និងលោក Luis សុទ្ធតែប្រាថ្នា ចង់បានកិច្ចសហប្រតិបត្តិការដ៏រឹងមាំមួយ រវាងប្រទេសទាំង២នេះ។

“បច្ចុប្បន្ននេះ ការពង្រឹងទំនាក់ទំនងទ្វេភាគីឲ្យកាន់តែស៊ីជម្រៅ កំពុងក្លាយជាការឯកភាពគ្នាកាន់តែខ្លាំងឡើង នៅក្នុងប្រទេសរបស់យើងទាំងពីរ ហើយខ្ញុំពិតជា​មានក្ដីសោមនស្សរីករាយជាខ្លាំង ក្នុងការប្រកាសពីការបង្កើតកិច្ចសហប្រតិបត្តិការភាពជាដៃគូ ដ៏មានប្រសិទ្ធភាពមួយនេះ”។ នេះបើតាមសម្ដីរបស់មេដឹកនាំចិន បានប្រាប់ទៅកាន់លោក Luis នៅឯមហាវិមានប្រជាជន។

សូមជម្រាបដែរថា ប៉ុន្មានឆ្នាំចុងក្រោយនេះ ចិនបានបានព្យាយាមរឹតចំណងមិត្តភាព ជាមួយ​ប្រទេសកំពុងមានទីផ្សាររីកលូតលាស់ នៅប៉ែកអាមេរិកខាងត្បូង ដើម្បីធានាបាននូវការនាំចូលវត្ថុធាតុដើម រាប់បញ្ចូលទាំងគ្រាប់ធញ្ញជាតិ និងប្រេង សម្រាប់ផ្គត់ផ្គង់ដល់សេដ្ឋកិច្ចរបស់ខ្លួន៕

The post បុរសខ្លាំងរដ្ឋចិន ឯកភាពជាមួយប្រធានាធិបតីអ៊ុយរូហ្គាយ ពង្រឹងទំនាក់ទំនងប្រទេសទាំង២ appeared first on .

លោក Lacalle Pou បាននិយាយពីរដ្ឋធានី Montevideo ថា ក្រុមការងារមកពីប្រទេសទាំងពីរ នឹងជួបប្រជុំគ្នា នៅប៉ុន្មានថ្ងៃខាងមុខនេះ ដើម្បីចាប់ផ្តើមកិច្ចពិភាក្សា ដោយបន្ថែមពីលើគោលបំណង ក្នុងការលក់ និងជួញដូរទំនិញ វត្ថុធាតុដើម និងបច្ចេកវិទ្យា រវាងប្រទេសទាំង ២ ។

មិនតែប៉ុណ្ណោះ ប្រធានាធិបតីរូបនេះ មានបំណងជាយូរមកហើយ ក្នុងការជំរុញឱ្យមានកិច្ចព្រមព្រៀងជាមួយប្រទេសចិន ដើម្បីបង្កើនការនំាចេញផលិតផលសំខាន់ៗ ដូចជាសាច់គោជាដើម ។

ហើយយ៉ាងណា ប្រសិនបើកិច្ចព្រមព្រៀងមួយនេះ ត្រូវបានសម្រេចជាផ្លូវការជាមួយរដ្ឋាភិបាលទីក្រុងប៉េកាំងនោះ អ៊ុយរូហ្គាយ នឹងចូលរួមជាមួយប្រទេសជិតខាង ដូចជា ឈីលី និងប៉េរូ ក្នុងការចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគជាមួយប្រទេសចិន ។

គួរឱ្យដឹងថា ប្រទេសចិនគឺជាដៃគូពាណិជ្ជកម្មដ៏សំខាន់របស់អ៊ុយរូហ្គាយ ដោយពួកគេបានគ្រប់គ្រងលើភាគរយយ៉ាងច្រើនសន្ធឹកសន្ធាប់ នៃការនាំចេញ រួមទាំងសាច់គោ ដែលត្រូវបានចាត់ទុកថាជាផលិតផលនាំចេញដ៏ធំបំផុតរបស់ខ្លួន ទៅកាន់ប្រទេសនៅអាស៊ីមួយនេះ ៕

The post អ៊ុយរូហ្គាយ គ្រោងចុះកិច្ចព្រមព្រៀងពាណិជ្ជកម្មសេរី ជាមួយប្រទេសមហាអំណាចនៅអាស៊ី appeared first on .