សម្តេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតជ័យលាភីរបស់សាកលវិទ្យាល័យអាស៊ី-អឺរ៉ុប នៅព្រឹកថ្ងៃទី ២៣ សីហានេះ បានប្រាប់ទៅលោក ខៀវ កា ញា រី ទ្ធ ត្រូវចាត់វិធានការទៅអ្នកសារព័ត៌មានណា ដែលប្រើប្រាស់ភាសាជេរប្រមាថអ្នកដទៃ គឺត្រូវដកហូតអាជ្ញាបណ្ណតែម្ដង។

សម្ដេចតេជោ ហ៊ុន សែន គូសបញ្ជាក់ថា រាជរដ្ឋាភិបាល បានផ្ដល់សិទ្ធិដល់ប្រជាពលរដ្ឋក្នុងការនិយាយបញ្ចេញមតិ តែមិនបានផ្ដល់សិទ្ធិជេរប្រមាថអ្នកដទៃឡើយ។

ការព្រមានបែបនេះរបស់ប្រមុខរាជរដ្ឋាភិបាល ប្រហែលនារយៈពេលប៉ុន្មានឆ្នាំចុងក្រោយនេះ អ្នកសារព័ត៌មានមួយចំនួនបានប្រើប្រាស់សិទ្ធិសារព័ត៌មាន ធ្វើការអធិប្បាយបកស្រាយ ជេរប្រមាថគ្នាលើបណ្ដាញសង្គមហ្វេសប៊ុក។ ទន្ទឹមនឹងនោះ ក៏អ្នកសារព័ត៌មានមួយចំនួនទៀត ត្រូវបានប្រភពប្តឹងផ្តល់ដោយចោទពីការប្រហារកេរ្តិ៍ជាសាធារណៈជាដើម។

កន្លងមក ក្រសួងព័ត៌មាន ក៏បានសម្រេចដកហូត និងព្រមានចាត់វិធានការផ្លូវច្បាប់លើអ្នកសារព័ត៌មានមួយចំនួនរួចមកហើយដែរ៕

The post នាយករដ្ឋមន្ត្រី ប្រាប់រដ្ឋមន្រ្តីក្រសួងព័ត៌មាន ដកហូតអាជ្ញាប័ណ្ណអ្នកកាសែតជេរប្រមាថអ្នកដទៃ appeared first on .

ការលើកឡើងបែបនេះ ក្រោយពេល ឯកអគ្គរដ្ឋទូតបារាំងប្រចាំកម្ពុជា បានស្នើដល់ក្រសួងព័ត៌មាន ជួយនាំយកនូវសំណូមពរ ជូនដល់សាលាក្រុងភ្នំពេញ ដើម្បីពិនិត្យលទ្ធភាព ក្នុងការរកទីតាំងថ្មីសម្រាប់ដាក់ស្តូករលឹកវិញ្ណាណក្ខន្ធអ្នកសារព័ត៌មាន ខណៈទីតាំងចាស់មិនសូវមានលក្ខណៈទូលាយ និងមានការបាំងផ្លាកផ្សាយពាណិជ្ជកម្មច្រើន។

ថ្លែងក្នុងជំនួបសម្តែងការគួរសម និងពិភាក្សាការងាររវាងរដ្ឋមន្រ្តីក្រសួងព័ត៌មាន នៅពីថ្ងៃទី១៣ ខែឧសភា ឆ្នាំ២០២២ ឯកអគ្គរដ្ឋទូតសាធារណរដ្ឋបារាំងប្រចាំកម្ពុជា ឯកឧត្តម Jacques PELLET បានស្នើដល់ក្រសួងព័ត៌មាន ជួយនាំយកនូវសំណូមពរ ជូនដល់សាលាក្រុងភ្នំពេញ ដើម្បីពិនិត្យលទ្ធភាព ក្នុងការរកទីតាំងថ្មីសម្រាប់ដាក់ស្តូករលឹកវិញ្ណាណក្ខន្ធ អ្នកសារព័ត៌មាន ដែលទីតាំងចាស់ស្ថិតនៅសួនច្បារមុខស្ថានទូបារាំង តែបច្ចុប្បន្នស្តូកនេះ មានការបាំងផ្លាកផ្សាយពាណិជ្ជកម្ម ច្រើន ដូច្នេះស្នើអោយដាក់នៅទីតាំងថ្មី ស្រឡះមិន ប៉ះពាល់ និងទូលាយ។

ជាការឆ្លើយតបទាក់ទងបញ្ហានេះ ឯកឧត្តម រដ្ឋមន្រ្តី ខៀវ កាញារីទ្ធ រដ្ឋមន្រ្តីក្រសួងព័ត៌មាន បានសន្យាថា នឹងដាក់សំណើនេះទៅសាលារាជធានីភ្នំពេញ ដើម្បីពិនិត្យ សម្រាប់ទីតាំងដាក់ស្តូកគោរពវិញ្ញាណក្ខន្ធអ្នកកាសែត អោយបានទូលាយជាងនេះ។

ជាមួយគ្នានេះ ឯកឧត្តមរដ្ឋមន្រ្តី ក៏បានបញ្ជាក់ពីការបន្តធ្វើសហការល្អបន្ថែមទៀតជាមួយ ឯកអគ្គរដ្ឋទូតបារាំងប្រចាំកម្ពុជា លើកិច្ចការងារទាក់ទងវិស័យព័ត៌មាន និងផ្សពផ្សាយបន្ថែមទៀត។ មិនតែប៉ុណ្ណោះ ឯកឧត្តម ក៏បានជម្រាបជូនពីគម្រោងត្រៀមធ្វើការផ្លាស់ប្តូរប្រពន្ធ័ផ្សាយទូរទស្សន៍ និងវិទ្យុ ពីអានណាឡូក ទៅជាប្រពន្ធ័ ឌីជីថល នាឆ្នាំ២០២៥ ខាងមុខនេះផងដែរ។

គួរបញ្ជាក់ថា ឯកអគ្គរដ្ឋទូតសាធារណរដ្ឋបារាំងប្រចាំកម្ពុជា ក្រៅពីស្នើឲ្យបានស្នើដល់ក្រសួងព័ត៌មាន ជួយ រកទីតាំងថ្មីសម្រាប់ដាក់ស្តូករលឹកវិញ្ណាណក្ខន្ធអ្នកសារព័ត៌មានហើយនោះ លោកក៏បានលើកពីគោលបំណងចង់ជួបជាមួយអ្នកសារព័ត៌មាន មានវិជ្ជាជីវៈ ជាថ្នាក់ដឹកនាំអង្គភាពសារព័ត៌មាន នៅកម្ពុជា ដើម្បីពិភាក្សាផ្តាស់ប្តូរយោបល់បទពិសោធន៍គ្នាទៅវិញទៅមក ទាក់ទងកិច្ចការងារសារព័ត៌មានថែមទៀត៕

The post រដ្ឋមន្រ្តីព័ត៌មាន នឹងស្នើទៅរដ្ឋបាលភ្នំពេញឲ្យពិនិត្យទីតាំងថ្មី ដើម្បីដាក់ស្តូកគោរពវិញ្ញាណក្ខន្ធអ្នកកាសែត appeared first on .