អ្នកនាង ស៊ិន ឧត្តមផល្លា

មុនមរណភាព អ្នកនាង ស៊ិន ឧត្តមផល្លា លាតត្រដាងអំពីក្ដីរំពឹងទៅថ្ងៃអនាគតនៃមនុស្សជាទីស្រឡាញ់របស់ខ្លួន

ឧកញ៉ាកោះក្របី — Sat, 29 May 2021 03:01:10 +0000

មហាជន និងអ្នកសិល្បៈជាច្រើនមានការភ្ញាក់ផ្អើល នឹងសោកស្តាយ ចំពោះមរណភាពរបស់តារាចម្រៀងស្រី អ្នកនាង ស៊ិន ឧត្តមផល្លា បានទទួលមរណភាពនៅព្រឹកថ្ងៃទី២៨ ខែឧសភា នេះ ដោយសារជំងឺមហារីកកូនកណ្តុរ មិនអាចសង្គ្រោះព្យាបាល។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

កាលនៅមានជីវិត ហើយកំពុងរួមរឹតដោយដ៏ជំងឺកាចសាហាវមួយនេះ តារាសម្ដែង និងចម្រៀងស្រី មេម៉ាយកូន ៣ រូបនេះ បានលាតត្រដាងអំពីក្ដីរំពឹងទៅថ្ងៃអនាគតនៃមនុស្សជាទីស្រឡាញ់របស់ខ្លួនថា៖ «ក្នុងចិត្តខ្ញុំគ្រាន់តែចង់ឃើញកូនៗខ្ញុំមានប្ដីមានប្រពន្ធរួចហើយ ចាំយកខ្ញុំទៅពេលណាក៏បានដែរ»។

គួររម្លឹកជូនថា អ្នកនាង ស៊ិន ឧត្តមផល្លា ត្រូវបានមហាជនចាត់ថា ជាតារាចម្រៀងល្បីឈ្មោះមួយរូបកាលពីជំនាន់ទសវត្សរ៍ឆ្នាំ៩០ នឹងដើមឆ្នាំ២០០០។ ចំពោះស្នាដៃភាពយន្តដែលអ្នកនាង ស៊ិន ឧត្តមផល្លា បង្ហាញវត្តមានសម្តែងចុងក្រោយមុនពេលស្លាប់នោះគឺរឿង “រាជនីភូមិគ្រឹះ” របស់ស្ថានីយទូរទស្សន៍ហង្សមាស។ ចំណែកបទចម្រៀងដែលធ្វើឲ្យមហាជនចងចាំនោះគឺបទ បាត់ដំបងចាំស្នេហ៍ និងបទចម្រៀងជាច្រើនផ្សេងទៀត។

The post មុនមរណភាព អ្នកនាង ស៊ិន ឧត្តមផល្លា លាតត្រដាងអំពីក្ដីរំពឹងទៅថ្ងៃអនាគតនៃមនុស្សជាទីស្រឡាញ់របស់ខ្លួន appeared first on .

បង្ហាញប្រវត្តិត្រួសៗក្នុងវិថីសិល្បៈរបស់អ្នកនាង ស៊ិន ឧត្តមផល្លា ស្លាប់ពីរនាក់ប្តីប្រពន្ធបន្សល់កូន៣នាក់

ឧកញ៉ាកោះក្របី — Sat, 29 May 2021 01:40:37 +0000

ដំណឹងមរណភាពរបស់តារាចម្រៀងអ្នកនាង ស៊ិន ឧត្តមផល្លា កាលពីថ្ងៃទី២៨ ខែឧសភានេះ ដោយសារជំងឺមហារីកកូនកណ្តុរដែលមិនអាចព្យាបាលជួយសង្គ្រោះជីវិតបាន។ មហាជននិងអ្នកគាំទ្រជាច្រើនបានបង្ហាញអារម្មណ៍រន្ធត់ខ្លាំង។

ជាមួយនឹងមរណភាពតារាចម្រៀងស្រី ស៊ិន ឧត្តមផល្លា គេហទំព័រ Oknha.news សូមបង្ហាញប្រវត្តិត្រួសៗក្នុងវិថីសិល្បៈរបស់អ្នកនាង៖

តារាចម្រៀងនិងជាតារាសម្តែងអ្នកនាង ស៊ិន ឧត្តមផល្លា បានប្រឡូងក្នុងវិស័យសិល្បៈជាង២០ឆ្នាំមកហើយខណៈកេរ្តិ៍ឈ្មោះនិងប្រជាប្រិយភាព បានធ្វើឲ្យទស្សនិកជនស្គាល់ច្រើនតាមរយៈសមត្ថភាពសិល្បៈ។ អ្វីដែលមហាជនគាំទ្រនិងសរសើរនៅក្នុងជីវិតសិល្បៈរបស់នាង គឺបានជួយបើកកកាយផ្សព្វផ្សាយពីប្រវត្តិអ្នកសិល្បៈជំនាន់មុនៗនិងក៏ស្វែងរកជំនួយសប្បុរសធម៌នានា ដើម្បីជួយដល់សិល្បករជំនាន់មុន ដែលពួកគាត់គ្មានទីផ្សារឲ្យមានទីផ្សារនិងការងារជាដើម។

អ្នកនាង ស៊ិន ឧត្តមផល្លា ត្រូវបានគេមើលឃើញថា ក្រៅពីការងារដែលអ្នកនាងបានធ្វើ ឬជួបមនុស្សជុំវិញខ្លួន គឺអ្នកនាងតែងតែមានទំនាក់ទំនងល្អ និងមានភាពរួសរាយរាក់ទាក់ គោរពការងារ រួមផ្សំទាំងសមត្ថភាព រូបសម្រស់អំណោយផលផងនោះ។ អ្នកនាង ស៊ិន ឧត្តមផល្លា ត្រូវបានអ្នកសិល្បៈរួមអាជីព និងមិត្តក្នុងបណ្ដាញសង្គមគោរពកោតសរសើរគ្រប់គ្នាថា ជាតារាចម្រៀងល្បីមួយរូបកាលពីជំនាន់ទសវត្សរ៍ឆ្នាំ៩០ និងដើមឆ្នាំ២០០០។

ចំពោះស្នាដៃភាពយន្តដែលអ្នកនាង ស៊ិន ឧត្តមផល្លា បង្ហាញវត្តមានសម្តែងចុងក្រោយមុនពេលស្លាប់នោះគឺរឿង “រាជនីភូមិគ្រឹះ” របស់ស្ថានីយទូរទស្សន៍ហង្សមាស។ ចំណែកបទចម្រៀងដែលធ្វើឲ្យមហាជនចងចាំនោះគឺបទ បាត់ដំបងចាំស្នេហ៍ និងបទចម្រៀងជាច្រើនផ្សេងទៀត។

សូមជម្រាបដែលថាកន្លងទៅ អ្នកនាង ស៊ិន ឧត្តមផល្លា ក៏បានចំណាយពេលវេលាទៅបួសដើម្បីសងគុណម្តាយដោយក្នុងនោះក៏មានការសរសើរដល់អ្នកនាងដែលសុខចិត្តកោរសក់ដើម្បីបួសសងគុណម្ដាយ។ តារា ចម្រៀង ស្រី ដែលនិយមតែបង្ហើរសំនៀង បទចម្រៀងជាភាសាបរទេសនិង ទឹកដម សមសួន នឹងបទ ចម្រៀង ចិនច្រើនអ្នកនាង ស៊ិន ឧត្តមផល្លា ក៏មានបន្ទុកចិញ្ចឹមកូនបីនាក់ខណៈ ស្វាមី ក៏បាន ចែកឋាន ចោលអស់ពេលប្រមាណជាង៦ឆ្នាំមកហើយ ព្រោះតែជួបឧបទ្ទវហេតុគ្រោះថ្នាក់ចរាចរណ៍។

មុនពេលចែកឋានតារាចម្រៀង២ភាសាខ្មែរនិងចិនអ្នកនាង ស៊ិន ឧត្តមផល្លា ក្រៅពីអាជីពសិល្បៈច្រៀងនិង សម្តែងនាងមានអាជីពលក់គ្រឿងស្បង់ចីពរនិងសម្ភារបុណ្យផងដែរ។ ដោយឡែកអ្នកនាងក៏ផេកផ្ទាល់ខ្លួនដើម្បីចែករំព័ត៌មានសិល្បៈខ្មែរនិងបរទេសដែលមានឈ្មោះថា Movie Star Research ផងដែរ៕

The post បង្ហាញប្រវត្តិត្រួសៗក្នុងវិថីសិល្បៈរបស់អ្នកនាង ស៊ិន ឧត្តមផល្លា ស្លាប់ពីរនាក់ប្តីប្រពន្ធបន្សល់កូន៣នាក់ appeared first on .

ចួលរួមសោកស្តាយ! តារាចម្រៀងស្រីល្បីឈ្មោះ ស៊ិន ឧត្តមផល្លា បានទទួលមរណភាព

ឧកញ៉ាកោះក្របី — Fri, 28 May 2021 03:16:40 +0000

ជារឿងដែលភ្ញាក់ផ្អើល នឹងសោកស្តាយ តារាចម្រៀងស្រី ស៊ិន ឧត្តមផល្លា បានទទួលមរណភាពនៅព្រឹកថ្ងៃទី២៨ ខែឧសភា នេះ ដោយសារជំងឺមហារីកកូនកណ្តុរ។

ដំណឹងមរណទុក្ខដ៏ក្រៀមក្រំនិងសោកសៅនេះបានធ្វើឲ្យអ្នកសិល្ប:រួមអាជីពព្រមទាំងអ្នកគាំទ្រមួយចំនួនសម្តែងការចូលរួមសោកស្តាយយ៉ាងខ្លាំងជាមួយក្រុមគ្រួសារតារាស្រីរូបនេះ។

គួររម្លឹកជូនថា អ្នកនាង ស៊ិន ឧត្តមផល្លា ត្រូវបានមហាជនចាត់ថា ជាតារាចម្រៀងល្បីឈ្មោះមួយរូបកាលពីជំនាន់ទសវត្សរ៍ឆ្នាំ៩០ នឹងដើមឆ្នាំ២០០០៕

The post ចួលរួមសោកស្តាយ! តារាចម្រៀងស្រីល្បីឈ្មោះ ស៊ិន ឧត្តមផល្លា បានទទួលមរណភាព appeared first on .