អ្នកនិពន្ធជំនាន់ថ្មី

អ្នកគាំទ្រប្រលោមលោក រំភើបចិត្តចំពោះការសម្ពោធដាក់ឱ្យប្រើប្រាស់វេបសាយនៃអ្នកនិពន្ធផ្ទាល់

អ្នកឧកញ៉ាវត្តភ្នំ — Wed, 07 Apr 2021 13:56:21 +0000

កំណើនអ្នកអានសៀវភៅ បានធ្វើឲ្យវិស័យតែងនិពន្ធកាន់តែរីកដុះដាលពីមួយឆ្នាំទៅមួយឆ្នាំ។ ស្របពេលនេះដែរ អ្នកនិពន្ធ ម៉ីសន សុធារី បានដាក់សម្ពោធឲ្យប្រើប្រាស់វេបសាយបែបឌីជីថលរបស់អ្នកនិពន្ធផ្ទាល់តែម្ដង។

ការដាក់ឲ្យប្រើប្រាស់នៅវេបសាយបែបឌីជីថល ជាការជួយសម្រួលដល់មិត្តអ្នកអាន ក៏ដូចជាហ្វេនដែលកំពុងសម្រាកធ្វើការពីផ្ទះឬមិនអាចចេញទៅណាបានក្នុងអំឡុងពេលនេះ។

កញ្ញា នាង មុនីច័ន្ទ ជាសិស្សថ្នាក់ទី១២ និងជាសមាជិក MST ហ្វេនក្លឹប បានប្រាប់កម្ពុជាថ្មី ក្នុងបទសម្ភាសន៍ថា ប្អូនមានអារម្មណ៍សប្បាយចិត្ត ព្រោះថានៅក្នុងសម័យកូវីដនេះ នរណាក៏ខ្លាចរអាការឆ្លងជំងឺ ហើយនៅពេលដែលអ្នកនិពន្ធសម្ពោធវេបសាយផ្ទាល់ គឺពិតជាផ្ដល់ភាពងាយស្រួលដល់អ្នកអានក្នុងការចូលទៅអានរឿងថ្មីៗរបស់អ្នកនិពន្ធបានគ្រប់ពេលវេលានិងទីកន្លែង។

កញ្ញាក៏បានបន្ថែមជាការសំណូមពរទៅកាន់អ្នកនិពន្ធថា សូមឲ្យអ្នកនិពន្ធចេញរឿងស្នេហាបែបសិស្សវិទ្យាល័យម្ដង ព្រោះនាងចូលចិត្តអានរឿងប្រភេទនេះជាពិសេស។

កញ្ញា អ៊ិន បូបូ

ដោយឡែក កញ្ញា អ៊ិន បូបូ ជាជាសមាជិកទសប៉ាកកាមួយរូបក៏បានផ្ដល់ចំណាប់អារម្មណ៏រំភើបរីករាយដែរថា កញ្ញាមានអារម្មណ៍ថាថ្មី ប្លែក ហើយងាយស្រួលក្នុងការអាន គ្រប់ចំណងជើងរបស់អ្នកនិពន្ធមានបង្ហាញនៅលើវេបសាយទាំងអស់ ចឹងអ្នកអានអាចជ្រើសរើសចំណងជើងដែលចង់អានបានតាមចិត្ត និងកាត់បន្ថយចំណាយបានខ្លះ បើធៀបទៅនឹងការទិញសៀវភៅ។

កញ្ញាបានបន្ថែមទៀតថា អានលើឌីជីថលក៏មានផលរំខានតិចតួចដល់អ្នកដែលមិនទម្លាប់ បើអ្នកខ្លះគាត់ស្រឡាញ់ការអានលើសៀវភៅជាង។ តែយ៉ាងណាការបង្កើតវេបសាយអាន ជាការឈានមួយជំហានទៀត សមស្របនឹងកាលៈទេសៈបច្ចុប្បន្ន ជួយសម្រាលអារម្មណ៍ស្មុគស្មាញក្នុងរយៈពេលតឹងតែងនេះបាន។

សូមបញ្ជាក់ដែរថា អ្នកនិពន្ធ ម៉ីសន សុធារី ក៏បានបញ្ចេញនូវចំណងជើងរឿងប្រលោមទាំងស្នេហានិងអបិយជំនឿខ្លះៗនៅលើវេបសាយបែបឌីជីថលថ្មីដែលទើបតែសម្ពោធដូចជា ៖ បេះដូងមេគង្គ , ស្រលាញ់បងជ្រៅជាងសមុទ្រ , ថ្ងៃណាមួយ និង រូបខ្មៅស្រអាប់៕

The post អ្នកគាំទ្រប្រលោមលោក រំភើបចិត្តចំពោះការសម្ពោធដាក់ឱ្យប្រើប្រាស់វេបសាយនៃអ្នកនិពន្ធផ្ទាល់ appeared first on .

Galaxy Navatra ប្រកាស អ្នកនិពន្ធមានស្នាដៃម្នាក់ទៀតចូលផលិតកម្មរបស់ខ្លួន

កូនចៅឧកញ៉ា — Mon, 05 Oct 2020 03:32:39 +0000

ក្រោយពីអ្នកនិពន្ធបទភ្លេង Tho Meet បានចាកចេញទៅចូលរួមជាមួយផលិតកម្មផ្សេងទើបបានប៉ុន្មានថ្ងៃនេះមក នៅម្សិលមិញនេះ ផលិតកម្ម Galaxy Navatra បានសម្រេចនាំយកអ្នកនិពន្ធបទភ្លេងម្នាក់ទៀតមកចូលរួម។

លោក យឹម តាស្រង់ នាយកគ្រប់គ្រងផលិតកម្មខាងលើ បានបញ្ចេញពីរឿងនេះ នៅលើបណ្ដាញសង្គមរបស់នាថ្ងៃម្សិលមិញ ដោយទទួលបានសាទរជាច្រើនពីប្រិយមិត្តអ្នកគាំទ្ររបស់ផលិតកម្ម។ តាស្រង់ បញ្ជាក់ថា អ្វីដែលលោកបាន និងកំពុងធ្វើ គឺចង់លើកទឹកចិត្ត ក៏ដូចជាផ្ដល់ឱកាសដល់អ្នកនិពន្ធវ័យក្មេង និងមានស្នាដៃ ឲ្យមានឱកាសទទួលបានភាពរីកចម្រើនបន្ថែមទៀត ទាំងសមត្ថភាពផ្ទាល់ខ្លួន កេរ្តិ៍ឈ្មោះ និងឈានទៅធ្វើឲ្យរីកចម្រើនខាងផ្នែកជីវភាពផង។

“ចាប់ផ្តើមឲ្យឱកាសអ្នកភ្លេងថ្មីទៀតហើយ ខ្ញុំតែងតែឲ្យឱកាសអ្នកនិពន្ធបទភ្លេង និងរួមសហការក្នុងការធ្វើចម្រៀងរួមគ្នាជានិច្ចនាពេលកន្លងមក!”។ តាស្រង់ បញ្ជាក់ថា ទាំងលោក និងអ្នកនិពន្ធ សុទ្ធតែមានបទពិសោធន៍ដូចគ្នា ដូច្នេះហើយ ទាំងសង្ខាងអាចបំពេញឲ្យគ្នាទៅវិញទៅមក នូវចំណុចណាដែលទាំងសង្ខាងនៅខ្វះចន្លោះ។ លោក ថ្លែងដូច្នេះថា “ពួកគាត់ព្រមទាំងខ្ញុំក៏មានបទដែលទទួលជោគជ័យដោយការរួមគ្នាផងដែរ ពួកគាត់ខ្វះខ្ញុំជួយបន្ថែម ខ្ញុំខ្វះក៏បើកចិត្តឱ្យពួកគាត់ជួយបំពេញ នេះជាជីវិតការងារ!”។

អ្នកនិពន្ធចំណូលថ្មីរបស់ Galaxy រូបនេះ ត្រូវបានគេស្គាល់ឈ្មោះថា ឃ្លាំង កុម្ភៈ ដែលមានស្នាដៃជាច្រើននៅផលិតកម្មចាស់របស់ខ្លួន និងនៅខាងក្រៅផលិតកម្ម។ តាមលោក យឹម តាស្រង់ កុម្ភៈ គឺជាអតីតអ្នកនិពន្ធរបស់ផលិតកម្មសាន់ដេ ហើយចំពោះអ្វីដែលប្រិយមិត្តបានឃើញ បានដឹងលឺថា រូបគេបានមកចូលជាមួយ Galaxy នាពេលនេះ ក៏ព្រោះតែ អ្នកនិពន្ធបទភ្លេងរូបនេះ បានអនុវត្តចប់កិច្ចសន្យាការងារជាមួយផលិតកម្មចាស់ហើយ។

តាមការបង្ហើប ឃ្លាំង កុម្ភៈ បានចុះកិច្ចសន្យារយៈពេល ៥ឆ្នាំ ជាមួយផលិតកម្ម Galaxy Navatra រួចរាល់ហើយ។ យ៉ាងណា គេមិនទាន់ដឹងថា កុម្ភៈ នឹងបញ្ចេញស្នាដៃដំបូងរបស់គេនៅពេលណានៅឡើយ។ បកទៅស្នាដៃលេចធ្លោរបស់ កុម្ភៈមុនមកចូលរួមជាមួយផលិតកម្មរបស់ឧកញ៉ាវ័យក្មេង ឡេង ណាវ៉ាត្រា វិញ មានបទ “បេះដូងចេះស្រវឹង!” របស់ នាង គន្ធា “អ្នកខាងនេះ នឹកអ្នកខាងនោះ” និងបទ “មនុស្សដូចខ្ញុំ” របស់ តន់ ច័ន្ទសីម៉ា ជាដើម ដែលសុទ្ធបទផ្ទុះខ្លាំងនៅក្នុងចង្កោមយុវវ័យ៕
ប្រភព៖ Sabay

The post Galaxy Navatra ប្រកាស អ្នកនិពន្ធមានស្នាដៃម្នាក់ទៀតចូលផលិតកម្មរបស់ខ្លួន appeared first on .

អ្នកនិពន្ធជំនាន់ថ្មី

អ្នក​គាំទ្រ​ប្រលោមលោក រំភើប​ចិត្ត​ចំពោះ​ការ​សម្ពោធ​ដាក់​ឱ្យ​ប្រើប្រាស់​វេបសាយ​នៃ​អ្នក​និពន្ធ​ផ្ទាល់

Galaxy Navatra ប្រកាស​ ​អ្នក​និពន្ធ​មាន​ស្នាដៃ​ម្នាក់​ទៀត​ចូល​ផលិតកម្ម​របស់​ខ្លួន

អ្នកគាំទ្រប្រលោមលោក រំភើបចិត្តចំពោះការសម្ពោធដាក់ឱ្យប្រើប្រាស់វេបសាយនៃអ្នកនិពន្ធផ្ទាល់

Galaxy Navatra ប្រកាស អ្នកនិពន្ធមានស្នាដៃម្នាក់ទៀតចូលផលិតកម្មរបស់ខ្លួន